28-10-2001, 09:14 | #16 |
عضو شعبيات
|
هلا بك يالمبدع .. خذ راحتك مقيم وعلى ماء واستلم لاهنت ******************************** مبدع القاف ون كان ابك حيل وبطل ************************ ودنا ناخذ العالم .. بكرعانها المشاهد معك ياصاحبي قد .. حصل ************************ما يقودالسفينه غير .. ربانها |
29-10-2001, 05:32 | #17 |
موقوف
|
اخوي الغالي / طاوي الليل اعذرنا على التاخير واستلم لا هنت جاك ياطاوي اللي تطلبه بيحصل *************** خلنا نداهم الساحة وسكانها لين تصبح لك البيداء مقر ونزل *************** والسفينة تكون بحكم قبطانها |
29-10-2001, 05:52 | #18 |
عضو شعبيات
|
هلابك اخوي مبدع القاف مرحبا بك المهم جيت واستلم لاهنت ************ انت يامبدع القيفان تمشي مهل ******************** والحصن تطلب اللي شد لرسانها بنشدك مير خلك بـ الأفادة عجل ******************* ليه بعض العرب ماتبدي اشجانها |
29-10-2001, 07:09 | #19 |
موقوف
|
اخوي الغااااالي ان شاء الله اني ماطولت عليك 000 استلم لا هنت التمهل سلامة يالرفيق الجزل ************** والعرب بعضهم تاهوا بغدرانها اصبحوا ياعميل الخير والله شلل ************* وان تنحوا نحينا يم حقرانــها [ أكتوبر 28, 2001: تم تعديل الموضوع بواسطة : مبدع القاف ] |
29-10-2001, 07:23 | #20 |
عضو شعبيات
|
هلا بك // اخوي مبدع القاف استلم لاهنت ******************************************* التمهل لبعض الناس مثل القتل ******************* ليت بعض العرب تقفل لــ بيبانها احرق اللي عوج بالنار وبيعتدل ******************* ميسم النار بركيبه على اذانها |
29-10-2001, 08:34 | #21 |
سيـــف الســـيــف
|
اخوي طاوي الليل اخوي/ مبدع القاف الله لايحرمني منكم ياثنين 000 من غير قصور بالباقين وربي اتكم شعار وعلى معنى شعركم ولعبكم ولي الشرف والله بمعرفتكم يا طاوي الليل ويامبدع القاف لكم كل الود اخواني |
30-10-2001, 02:05 | #22 |
عضو شعبيات
|
هلا بك // اخوي عكاشه تعز من عزك والله لا يحرمنا وجودك .. وشهادتك يابوعبيد اتقلدها .. لك مني كل تقدير وأحترام اخوك // طـــ الليل ـــاوي |
30-10-2001, 04:55 | #23 |
موقوف
|
اخوي الغالي / عكاشه والله لا يحرمنا من تواجدك معنا بهالساحة وان شاء الله انا نكون عند حسن الظن 000 اخوي الغالي / طاوي الليل المعذرة عن التاخير والسموحة ولو عرفت عذري بتعذرني 0000 واستلم وانا اخوك 0000 الله انه علينا لا يجيب الزعل ************** ليت بعض العرب توفي لخلانها لين يصبح لنا المجلاس مثل العسل ************* وميسم النار طشه وسط نيرانها |
30-10-2001, 08:33 | #24 |
عضو شعبيات
|
هلا بك اخوي مبدع القاف .. واستلم لاهنت : هيه ياصاحبي وشوف قلبك رقل ******************* يوم شفت العرب تومي بحجانها الله اللي على خلقه يحكم الآجل ******************* والخلايق عساها تستر امتانها |
31-10-2001, 00:20 | #25 |
موقوف
|
اخوي الغالي / طاوي الليل استلم لا هنت 000 قلبي اللي تقوله والله انه صمل ************ ما يهاب العيون وصكة اجفانها جعل ما ياصلك رمحه وحد النصل *********** حيل لا تصبح لشلفــاي نيشانهـــا |
31-10-2001, 01:20 | #26 |
عضو شعبيات
|
هلا بك // مبدع القاف واستلم طال عمرك .. فـ الصحاري يبا يتعبك كثر الهمل *********************** ودنا بس نجمعها مع اقرانها ياعميلي خطأ شلفاك لي ..محتمل ********************** العرب ليش معنا تخلف اديانها |
31-10-2001, 23:11 | #27 |
موقوف
|
اخوي طاوي الليل 000 حيه وحي ما جاب واستلم طال عمرك 000 شفت ذيب الغداري مونس له علل *********** وان بغى له ضحية خاف رعيانها جافل (ن) من عيونه والله انه جفل ********** والضحايا اجنبية يعرف ارطانها |
01-11-2001, 08:45 | #28 |
عضو شعبيات
|
هلابك مبدع القاف .. وآسف على التأخير اخوي واستلم لاهنت .. **************************** انت ذيب وتعرف الذيب كيف يختل *********************** والذيابه تبا تشبع بـ نيبانها الخوي الخوي .. اللي يبا يعتزل ********************** روّعه حية(ن) تظهر له اللسانها |
02-11-2001, 01:29 | #29 |
موقوف
|
اخوي الغالي / طاوي الليل اعذرنا على التاخير واستلم طال عمرك ------------------ جاك وبل المعاني ذقت طعم الوبل ********* لين سالت لوبلي حيل صمانهــــــــا يا عميل الكرامة لا تجيب الهزل ******** حيتك سد اهلها برد شعبانهــــــــــا |
02-11-2001, 01:34 | #30 |
موقوف
|
اخوي الغالي / طاوي الليل لا عدمته اخوي بيض الله وجهك وصح لسانك مليوووون 000 وصدقني لك مستقبل باهر بهذا المجال 000 اخوي اعذرني على التاخير المتكررواسمح لي اني اكتفي بهذا القدر معك طال عمرك واعذرنا على القصور 000 ----------- وتقبل اعجابي وتحياتي واسلم لاخوك 00000 ولنا ان شاء الله لقاء قريب 0000 |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|