|
شاعر فحل >> محاوره
اخواني اعضاء ميدان المحاورات والمساجلات
السلام عليكم ورحمة الله وبركاته .. حضرت لهذا الميدان من اجل الفائده ..فانا هواي شعر المحاوره ( الرديه ) وأتمنى اجادته .. لذا اي من الشعار يعجبه .. الطرق يشرفني بالرد اخوكم // طـــ الليل ـــاوي ********************************************* ياسلامي سلام(ن) فيه طيب وعسل ************************* والمعاني معي واضبط لـ ميزانها كان فيها من الشعار شاعر فحل ************************* مرحبا بعد ما جينا بـ ميدانها [ أكتوبر 27, 2001: تم تعديل الموضوع بواسطة : طـــ الليل ـــاوي ] |
اخوي الغالي / طاوي الليل
ياهلا والله وغلا فيك 00000 واستلم وانا اخوك لاهنت 0000 ياعميلي هلا بك يوم قافك وصل ********* والمعاني معك جينا على شانها قم تهيا وانا اشهد جاك وقت العمل ********* جعل وقتك سعادة وسط مسكانها |
هلا بك مبدع القاف
يامرحبا مليون ولا يكفووووووووون واستلم طال عمرك *************************** مرحبا فيك شاعر عد حب الرمل ********************* مبدع القاف والقيفان بـ اللحانها سج رجلك عسى دربك يجي بـ السهل ********************* والسعادة بدالي منك عنوانها [ أكتوبر 27, 2001: تم تعديل الموضوع بواسطة : طـــ الليل ـــاوي ] |
اخوي / طاوي الليل
اخوي / مبدع القاف ياهلا والله بشعار شعبيات اللي ماقصروا تراني اول المتابعين واخر من يطلع من الصف 0 لكم تحياتي :) :) |
هلا بك اخوي عكاشه
شرفني حضورك .. فأنا لا استغني عن وجودك وتوجيهاتك واتمنى ان اكون عند حسن ظن الجميع أخوك / طــ الليل ـــاوي |
اخوي الغالي / طاوي الليل
استلم طال عمرك 0000 يا رفيقي هلا بك والقمر مكتمل ************ لك نسوق القوافي هي وديوانها طاع قافي بيدي مثل طوع الجمل *********** وانت يالطير الاشقر تعرف اوزانها |
اخوي الغالي / عكاشه
الله لا يحرمنا وانا اخوك من توجيهك واشرافك 00 ومتابعتك لنا وللصفحة من اسباب نجاحها بالمستقبل بمشيئة الله 0000000 |
أخوي طـــ الليل ـــاوي ومبدع القاف
واصلوا يامال الغنيمة والسلامة وأنا وأخوي عكاشة معكم على الخط هو قابض الصف الشمالي وأنا قابض الصف الجنوبي ولا هنتوا |
مرحبا
واستلم طال عمرك ****************************** سقتها ياعميل الخير سوق الهلل *********************** حجتك بالمعاني شفت برهانها نحفظ القدر من تقدير راع المحل *********************** عن سنا نارنا يبعدك دخانها |
اخوي العابر مرحبا بك
واذا انت وعكاشه اللي قاضبين الصفوف .. هذا شي يشرفنا .. وعز الله نبي نواصل انا و اخوي مبدع القاف .. بس علموه تراي توي تحت التدريب ليه يصمل ويضيعني .. ثم عاد من يفكني تكفون لاتخلوني .. اخوكم // طـــ الليل ـــاوي |
اخوي الغالي / العابر حياك الله وياهلا ومسهلا
ومتابعتك ووجودك بالصفوف شرف ودعم للمواصلة 00 خصوصا وان المحاورة مع شاعر كفو مثل طاوي الليل ولا نستغني وانا اخوك عن توجيهاتكم 000000 |
اخوي الغالي / طاوي الليل 000
استلم لاهنت وانا اخوك يارفيقي تراني ما نويت الزلل *************** وقدركم ما نسيته وانت سلطانها ونارك اللي ضوت في راس ذاك الجبل ************** احرقت بيرق العشاق ضيـــانها |
اخي المبدع / طاوي الليل
صدقني المحاورة مع شاعر مثلك لها نكهتها وفعلا محاورة شيقة مع شاعر متمكن مثلك 000 اما كلامك وانا اخوك فهذا يدل على تواضعك وصدقني انك مكسب لها لصفحة ولقراءها 00000 وان شاء الله اذا كانت هالمشاركة اول مشاركاتك بهالصفحة تكون بداية التواصل وبداية الخير 00 |
اخوي مبدع القاف
استلم لاهنت .. والله اني معك يـ ذيب ماشكي ملل *********************** واعرفك تجزي الأحسان بحسانها نارنا ياعميل الخير للي جهل *********************** يعطي الخير يأهل الخير رحمانها |
اخوي الغالي / طاوي الليل لاعدمته
اخوي اعذرني على التاخير واستلم لا هنت يا رفيق المعزة ما نبي لك بدل ********** والكرامة تصونك وانت من صانها يا عميل كريم ما برايه خلل ********** ليلة بالكرامة غاب شيطانهـــا |
| الوقت المعتمد في المنتدى بتوقيت جرينتش +4.
الوقت الان » 06:51. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع