[فيصل الخالد]

انا والله ما رحت ابها


ولو اني من مشجعي السياحه الداخليه ومن مشجعي نادي الاتفاق بالدرجه الاولى

ولذلك واذا سمح لي يزيد بما انه صاحب الموضوع ان انتهز هذه الفرصه المباركه

واقترح ان نجمع تبرعات من جميع اعضاء شعبيات ويدفع كل عضو
ريال واحد فقط لا غير مقابل كل مشاركه يشارك بها او رد يرد به ونجمع هذه التبرعات في صندوق يزيد الخيري وتودع في حساب فيصل الشري وتعطوني الفلوس اروح لندن اشوف لك كيف ابها من هناك واشوف السحاب ابو عج هذا

واحب اطمن جميع الاعضاء ان المتبقي من فلوس صندوق يزيد الخيري لدعم السياحه الداخليه باشتري لكم فيه هدايا واذا تبقى شي بنرجعه ونسوي فيه مشروع زاوج جماعي لصالح مرضى العزوبيه والاسهم

وش رايكم بالفكره ؟


يزيد رقم حسابي عند الادراه كان جزمتوا الله لا لاهينك ابدا في الموضوع

ملحوظه : الجميع لا بد ان يتبرع الا انا علي اعفاء جمركي

ويزيد لانه صاحب الموضوع

واي احد بيدعم الفكره ممكن نسوي له خصم ويتبرع بنص ريال بدال ريال


قولوا تم

[يزيد بن غشيّان]

الرسالة الأصلية كتبت بواسطة متعب الخامسي

هلا اخوي يزيد فرصه سعيدة ارد على موضوعك << واحد يسمع بفرصه سعيدة


بصراحه انا رحت ابها السنه اللي راحت لأول مرة وتغيرت نظرتي لها مدينة فوق الخيال وتشهد تطورملحوظ


كانت من أجمل السفريات اللي سافرتها في حياتي << كل سفرياته ثلاث وحدة منها للشرقيه


عندي صور من تلك الرحلة إن شاء الله اقدر اجيبها هنا

يالبى قلب ابها وجوها ولايهون راعي الموضوع

هلا اخوي متعب الخامسي , وشلونك اخوي

هي هذي نفس الصور اللي راكب تلفريك ولابس برمودا ؟ ترى اسمع بها وودي اشوفها

شكرا لمرورك اخوي

[يزيد بن غشيّان]

الرسالة الأصلية كتبت بواسطة فيصل الخالد

انا والله ما رحت ابها
وش رايكم بالفكره ؟

ملحوظه : الجميع لا بد ان يتبرع الا انا علي اعفاء جمركي

ويزيد لانه صاحب الموضوع

قولوا تم

حيا الله مشرفنا الحبيب , راعي السفرات

اهم شي انك اعفيتني وهذا الاهم لان الحين نهاية الربع الرابع وفيه تلقيط من تحت
يعني لو معي خمسه ريال ازيدها 7 ريال واشتري سهم مواشي :d <<< عزي لحالك والله

فيصل تم , ويالله انا جاهز خذ اول قطه من حسن المسفر ترى توه ماخذ خارج دوام مبلغ قوي :d

[احلى سوسو]

* قد شفت سحاب على شكل عج
* قد شفت سحاب يتجمع كنه موكب يمشي سوا ويديور سوا ويوقف سوا مافيه ولا سحابه لحالها
* قد شفت سحايب سراة ابها ؟

^
كل هذا في أبها ..معلوم سيدي ..بس أنت رحت بالسياره ولا بالطائره لان هناك فرق حنا رحنا العام بالسياره وطاحت قلوبنا من المنحدرات الصعبه والجبال الشاهقه والتضاريس الوعره أستغربنا أكثر شي انهم ماعندهم مكيفات قلنا مساكين ماعندهم مكيفات <<حنا المساكين جانا الربو والحساسيه من المكيفات ///

برايفت ابوي : ابي اعرس طال عمرك
برايفت امي : اذا اعرست باروح اعيش في ابها

^
الحين يوم شفت أبها صار ودك تعرس طيب وش الرابط !! ـ على مين تلعبها ,,

يزيد يازين الأعذار بس ..وعلى فكره ترى ابها حلوه وزينه وجوها رائع بس في المعيشه لأ لألأ أنصحك أعرس وأقعد في الرياض المعيشه في الرياض لا تقارن ..

برايفت خالد الفيصل : هنياااااااااااااااااااااااااالك يا شيخ موقع بيتك يقطع اوردة القلب تقطيع

^
^
أصلاً خالد الفيصل جزاه الله خير هو سبب كل التطور الي صاير في أبها ..حت أنه غير اسم القرعا للفرعاء ..

برايفت عاليه . بحمدون . برمانا . بكفيّـا : استريــــــــــحوا عندنا ابها

^
^
بالله هذولي بالتحديد لا تبرفت لهم عطهم اياها كاش << مقهوره من اللبنانيات خخخخخخ

برايفت حسن : بالله مابي مسمار يشوه اللوحه لاني تعبان عليها خلك مثبت الموضوع وانت واقف

^
هههههههههههههههههههههههههههه
يزيد بن غشيان ..يعقل يعقل بس يقولون السفر لسوريا مثلاً أرخص ..ونفس الطبيعه ..

الله يعطيك العافيه وثاني مره صور لنا أبها اذا جاتك رحلة عمل ثانيه ..

طيب << يامصلها ..

تحياتي لك أخ يزيد ..

[فوزي المطرفي]

الرسالة الأصلية كتبت بواسطة فوزي المطرفي

.

انتظرني.. عندي سولافه شي,

قسم بالله نسيت وش بسولف عنه, يالله حسن الختام

*
كلّ عامٍ وأنتم ذاكرتي.



.