28-11-2006, 13:53
|
#1 |
|
شـاعر
|
ابهـا. " وهل يعقل " ؟
 يا سحايب سراة ابها تعدّي شمال .. واستعيري دموعي سيّـلي كل وادي يا جماعه قبل كم يوم رحت في رحلة عمل ل " ابها " , وكانت اول مره اروح صراحه , وما اخفي اني كنت اذمها واقول بالله وش يوديني ابها  لو قال لي احد اعرفه انا رايح ابها اول شي باقوله : من جدك انت كنت اعرف انها مصيف وقلت يعني بتكون زي الطايف . شي عادي جدا يعني ! اخي المواطن والمقيم : * قد شفت سحاب على شكل عج * قد شفت سحاب يتجمع كنه موكب يمشي سوا ويديور سوا ويوقف سوا مافيه ولا سحابه لحالها * قد شفت سحايب سراة ابها ؟ رح لابها وبتدعيلي الحاصل اني شفت شي اوروبي ! والله بدون مبالغه ان السوده اوروبيه بحته لو بس يشيلون الصنادق الملونه حتى طريقها واسع ويشرح الصدر موب طريق الهدا اللي يجيب الغمه  كنك رايح مغصوب انتركونتنتال السوده شي ودك تاكله من زينه << اطلع برا والله فندق خرافي في موقع خرافي عندهم فلل رااااائعه ذكرتني بفلل درة العروس يوم دخلت لقيت شبابيكها كبار مره وشكلها كشف ! قلت للرجال ليه كذا ياخوي تبون الناس تكشف محارمنا  قال ياابني اصلا محدش بيشوفك ولا بتشوف حد من السحاب بص انتا اهو سامعني بس مش شايفني قلت ايه والله صح والله نحتاج بس شوية اهتمام ويصير عندنا مصيف سياحي من الطراز الاول ونشوف خواجات عندنا اي والله . وش حيث شرم الشيخ  برايفت ابوي : ابي اعرس طال عمرك برايفت امي : اذا اعرست باروح اعيش في ابها برايفت خالد الفيصل : هنياااااااااااااااااااااااااالك يا شيخ موقع بيتك يقطع اوردة القلب تقطيع  برايفت عاليه . بحمدون . برمانا . بكفيّـا : استريــــــــــحوا عندنا ابها برايفت حسن : بالله مابي مسمار يشوه اللوحه لاني تعبان عليها خلك مثبت الموضوع وانت واقف  نحتاج ابداء اراء . اللي قد راح يعلمنا وش رايه في كلامي ؟ واللي ما قد راح يحجز اول بعدين يكلمني وتراني كنت باصوّر بس يوم طلعت الكاميرا قالت وخر بس خلني اتفرج سلام عليكم . |
|
|
|
28-11-2006, 14:40
|
#2 |
|
الطــربة
|
ابهـا. " وهل يعقل " ؟
 أنا ماقد رحت لها .. وبحاكيك وانا منيب حاجزه لها كلامك بالمره حلو عنها [ حماس ] لكن بعيده ياشيخ .. |
|
|
|
|
28-11-2006, 14:41
|
#3 |
|
..
|
رد : ابهـا. " وهل يعقل " ؟
يزيد الغشيان قرب وانا اخوك ودي اشوف هو عليك حراره والا ويش مصيبك اجل ياللي مانيب قايله احد يروح ل ابها في الشتاء  يا ابو غشيان كلام لا يختلف عليه اثنين ولاكن في الصيف الاسعار نار ياحبيبي نار سلمت لنا وترجع بالسلامة |
|
|
|
|
28-11-2006, 17:43
|
#4 |
|
شـاعر
|
رد : ابهـا. " وهل يعقل " ؟
نجود هلا وسهلا بالطربه . خلاص بكيفك لا تحجزين انتي الخسرانه وما بعيد الا الشيطان تراها نفس بعد جده ساعه وعشر بالطياره ابو عليا هلا وغلا نورت الموضوع  وانت ياخي مستقعد لي كل ما شفتني قلت تعال اشوف كانك مصخن ؟ انا رايح في رحلة عمل يعني ما كنت مخيّــر ومشكلة الغلا بالفعل كلن يشتكي منها بس هي حقها ثلاثة ايام بالكثير . برايفت ثامر : انا داري انك شايف موضوعي وما تبي ترد مسوي راعي باريس وجنيف بس ما يخالف |
|
|
|
|
30-11-2006, 18:04
|
#5 | |||
|
مشرف
|
رد : ابهـا. " وهل يعقل " ؟
يزيد ياحبي لك اجل توك تشوف ابها يالشين هذا وانت سعودي يامال الصفاق شفت يايزيد اللي انت شايفه في ابها تراه قليل لانك ماطولت هناك ولا فيه اماكن توها بكر يعني ما مروها المصيفين واجد لو تشوفها يايزيد والله ان تغرز في ذاك وماعاد تجي وتلحق روحتك لدبي إقتباس:
قاعدن اتخيل شكلي وانا ماسك الموضوع ورافعه فوق كني اللي يجون بين الجولات في حلبات الملاكمه مثبت على ذمتي لانه موضوع يستاهل وياليت يكون الحوار فيه عن السياحه في المملكة بشكل عام إقتباس:
ابد يابعدي البيت بيتك في اي و قت تبيه وابي جيه مثل جيتك هاك الوقت بس يكون وقتك اطول ولك اللي تبيه وترا لكل قاعدة شواذ وموب كل مكان غالي إقتباس:
ليت عذرك غير هالعذر كان مشيناها لك تشاووووووووووو |
|||
|
|
|
|
30-11-2006, 23:28
|
#6 | |
|
الطــربة
|
رد : ابهـا. " وهل يعقل " ؟
إقتباس:
8 8 ههههههههههههههههههههه .. لاتمشيها ولاهوب عذر من اساس أصلا أغلب تعقيبي دعابه ليزيد بن غشيان |
|
|
|
|
|
01-12-2006, 00:09
|
#7 |
|
بقـايا حُلـم
|
رد : ابهـا. " وهل يعقل " ؟
التثبيت والواسطات اشتغلت ياحسن من قدك يايزيد  انا سمعت عن ابها بصراحه واكثر من هذا وان الفيصل مهتم فيها من فتره طويله حتى تكون مهيأه للسواح سمعت كثير عن حفلات فنيه وامسيات بالصيف حتى تشجع السياحة الداخليه قرايبي راحوا من قبل ومدحوا فيها باكثر من كذا سواء جو اوربي او الخضرة اتمنى ربي يكتب اني اشوفها صراحه تسلم على الموضوع يزيد وكثر من مواضيعك روعه مثل قصايدك  |
|
|
|
|
01-12-2006, 20:56
|
#8 |
|
شـــاعرة
|
رد : ابهـا. " وهل يعقل " ؟
تل فريك وقرود هذا اللي سمعناه عن ابها لا عن جد الجو يمدحونه صيفا شتاء ماشاء الله ليت شوي من هالجو عندنا بالرياض <- حاسدتهم شكرا يزيد على الموضوع الرايق |
|
|
|
|
01-12-2006, 21:24
|
#9 | |
|
..
|
رد : ابهـا. " وهل يعقل " ؟
إقتباس:
ان شاء الله اذا زرت ابها مرة ثانية يبيلك تقوم الصبح بدري مع طلعة الشمس  وتدور على اقرب عقبة وهو انت تصافح السحاب او تعانق السحاب او تسبح في السحاب او تركب السحاب شي يابو غشيان خيال وانكانك في الشتاء وحنوكك تراقل من البرد لا تنسى تهامه باااااااااااااااايااااااااات |
|
|
|
|
|
02-12-2006, 11:12
|
#10 | |
|
شـاعر
|
رد : ابهـا. " وهل يعقل " ؟
إقتباس:
هههههههههههههههههههههههه والله ان تنشق الحلبه اول ما ترقى عليها لا هنت يبو شهد ومشكور عنود بالفعل هي تستحق الزياره لو عشان خاطر حسن بس والله يكتب لك روحه قريبه لها كلك ذوق يا عنود وشكرا لمرورك . الروعه في تواجدك المستمر نوره العجمي بتشوفين شي غير اللي سمعتيه . التلفريك تراه موب شي كان صدمه ما يسوى تعبهم فيه . التلفريك في بيروت بس السحاب في ابها شكرا يا نوره ياهلابك ومرحبا نورتي الموضوع ابو عليا يا حبي لك يا عبدالرحمن بس الصيف منيب رايح بينشب لي حسن وانا منيب فاضي له <<< تهامه فيها مندي يتسبب في ادمان الرز المباشر عندهم مندي يقول للطايف ساترداي بس |
|
|
|
|
|
02-12-2006, 15:08
|
#11 |
|
شـــاعـر
|
رد : ابهـا. " وهل يعقل " ؟
هلا يزيد .. مبروك عليك أبها.. كذا مره سافرت أبها ولكن كان أكثر الأوقات في الصيف وبصراحه هي جميله كإسمها .. ولكن الأسعار في وقت الصيف حدث ولا حرج.. المشكله السياحه بصفه عامه في مملكتنا الحبيبه باهضة التكاليف مما يجبر البعض بحزم الأمتعه والحجز على أقرب رحله خارجيه.. وأتوقع هذا السبب الرئيسي .. وكل عام وأنت في أبهااا.. تحياتي |
|
|
|
|
04-12-2006, 15:23
|
#12 |
|
فـعـل مــاضي!
|
رد : ابهـا. " وهل يعقل " ؟
. بصراحة الأسلوب احترافيّ يايزيد, وش عاد لو رحت غانا الشرقية؟ >>> يسمع بالمصايف انتظرني.. عندي سولافه شي, أمممممممم ممكن تكون نص شي, أو ربع شي .. أو مافيها من الشي أحد المهم سولافه, ومو فواخرجي * تصبح على عجة غيم في الرياض |
|
|
|
|
05-12-2006, 14:49
|
#13 | |
|
الطــربة
|
رد : ابهـا. " وهل يعقل " ؟
إقتباس:
8 8 هههههههههههههههههههههههههههههه هههههههههههههههه عجبتني التسميه .. أما عجة غيم في الرياض .. بصراحه لازم يتبعون ذا الوصف بالاحوال الجويه [ أقرب وصف لجو الرياض ]فوزي .. الله يوسع صدرك |
|
|
|
|
|
06-12-2006, 13:25
|
#14 |
|
شـاعر
|
رد : ابهـا. " وهل يعقل " ؟
يا هلا يا هلا محمد بن حليلان انا اتفق معك في غلاء الاسعار وهذي والله مشكله . الانتر اللي ف السوده كلفة الليله فيه تفوق 1300 ريال للغرفه يعني كنك في فندق جميرا دبي !مافي مشكله خل يرفعون الاسعار لان المكان صراحه استثنائي , بس ارفعوا مستوى الخدمات يا هوه ! صعبه اول ما تطلع من فندق خمس نجوم تلقى في وجهك كشك هنود . شكرا يا محمد على مرورك ! فوزي ياخي انت عباره عن سراج " موب ابوه " يضيء متصفحات العالم انا في انتظارك ايها الفارس الاحمر نجود كل ابو دايم تحوسين مواضيعي وتقلبينها شتشته وسعة صدر عليك من الله ما تستحقين |
|
|
|
|
13-12-2006, 04:20
|
#15 |
|
شــاعــر
|
رد : ابهـا. " وهل يعقل " ؟
هلا اخوي يزيد فرصه سعيدة ارد على موضوعك << واحد يسمع بفرصه سعيدة بصراحه انا رحت ابها السنه اللي راحت لأول مرة وتغيرت نظرتي لها مدينة فوق الخيال وتشهد تطورملحوظ كانت من أجمل السفريات اللي سافرتها في حياتي << كل سفرياته ثلاث وحدة منها للشرقيه عندي صور من تلك الرحلة إن شاء الله اقدر اجيبها هنا يالبى قلب ابها وجوها ولايهون راعي الموضوع |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
