07-02-2002, 02:27 | #1 |
موقوف
|
التاجر اللي يبيع ويشتري بالخراج
التاجر اللي يبيع ويشتري بالخراج ** خير(ن) لة إمن الخسارة صح وألا خطا واللي يبا الربح وإهوة غار عين وحجاج ** ماهيب قصة شطارة صح وألا خطا |
07-02-2002, 06:43 | #2 |
عضو شعبيات
|
التاجر اللي يجي ماطب وسط الحــراج ** ماهوب راعي تجارة .. صح وإلا خطا البرد فيه المطر والقيظ فيه العجاج ** خلك بوسط العمارة ... صح وإلا خطا |
10-02-2002, 04:23 | #3 |
موقوف
|
إشرب من الكيف معنا لين يصفا المزاج ** تعرف جزيل العبارة صح والا خطا إليا عرفنا المرض نصرف علاة العلاج ** ما جت عليك الإشارة صح والا خطا |
10-02-2002, 08:17 | #4 |
عضو شعبيات
|
انا معك في دروبك مثل نور السراج ** لكن وجّه مسارة صح وإلا خطا إشعب حصانك ودوّر في وساع الفجـاج ** شرواك نعرف دياره صح وإلا خطا |
10-02-2002, 10:54 | #5 |
موقوف
|
يامرحبا ياهلا وإطرب وفل الحجاج ** عقب إستلمنا الخفارة صح وألا خطا كم كبد لا بد نحمسها على صلو صاج ** هدية للأمارة صخ وألا خطا |
12-02-2002, 10:58 | #6 |
عضو شعبيات
|
شتان بين الحرار وبين حمر الدجاج ** وانته تجيد الصقاره .. صح وإلا خطا يمكن ليا جيت تحمسها يصير إحتجاج ** قدام باب السفاره .. صح وإلا خطا |
20-02-2002, 23:47 | #7 |
موقوف
|
ما نسبح البحر كان البحر يارجل هاج** ونشب ضو المنارة صح والا خطا إما كسرنا العظم والا كسرنا الزجاج ** وانتة عليك الجبارة صح والا خطا |
02-03-2002, 20:46 | #8 |
موقوف
|
صح لسانك على هالبيوت ياخوي الوليدة وكل عام وانت بخير وصراحة استمتعنا باللعب معك واتمنى لو نجدد الطاروق بطاروق اخر . اخوك الطاغي |
03-03-2002, 11:09 | #9 |
عضو شعبيات
|
صح بدنك يالطاغي .. وما عليك زود طال عمرك .. وكل عام وانت بصحة وعافيه .. والحقيقة انا المستفيد من اللعب معك ، والطاورق الجاي من عندي إن شاء الله .. إلا إذا كان عندك شئ زاهب عطناه . |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|