التاجر اللي يبيع ويشتري بالخراج
 

التاجر اللي يبيع ويشتري بالخراج ** خير(ن) لة إمن الخسارة صح وألا خطا

واللي يبا الربح وإهوة غار عين وحجاج ** ماهيب قصة شطارة صح وألا خطا

التاجر اللي يجي ماطب وسط الحــراج ** ماهوب راعي تجارة .. صح وإلا خطا

البرد فيه المطر والقيظ فيه العجاج ** خلك بوسط العمارة ... صح وإلا خطا

إشرب من الكيف معنا لين يصفا المزاج ** تعرف جزيل العبارة صح والا خطا

إليا عرفنا المرض نصرف علاة العلاج ** ما جت عليك الإشارة صح والا خطا

انا معك في دروبك مثل نور السراج ** لكن وجّه مسارة صح وإلا خطا

إشعب حصانك ودوّر في وساع الفجـاج ** شرواك نعرف دياره صح وإلا خطا

يامرحبا ياهلا وإطرب وفل الحجاج ** عقب إستلمنا الخفارة صح وألا خطا

كم كبد لا بد نحمسها على صلو صاج ** هدية للأمارة صخ وألا خطا

شتان بين الحرار وبين حمر الدجاج ** وانته تجيد الصقاره .. صح وإلا خطا

يمكن ليا جيت تحمسها يصير إحتجاج ** قدام باب السفاره .. صح وإلا خطا

ما نسبح البحر كان البحر يارجل هاج** ونشب ضو المنارة صح والا خطا

إما كسرنا العظم والا كسرنا الزجاج ** وانتة عليك الجبارة صح والا خطا

صح لسانك على هالبيوت ياخوي الوليدة وكل عام وانت بخير وصراحة استمتعنا باللعب معك واتمنى لو نجدد الطاروق بطاروق
اخر .

اخوك الطاغي

صح بدنك يالطاغي .. وما عليك زود طال عمرك .. وكل عام وانت بصحة وعافيه ..

والحقيقة انا المستفيد من اللعب معك ، والطاورق الجاي من عندي إن شاء الله .. إلا إذا كان عندك شئ زاهب عطناه .