04-02-2002, 00:10 | #1 |
شاعر
|
نصيته لابس (ن) ثوب الولع متقلد (ن) عصاه
اخواني اتشرف بتسطير هذه المشاركه راجيا ان تلامس اسماعكم المرهفه متمنيا ان تعذروني على القصور المشاركه لعب فيها ال....... دور بارز \\ اتمنى ان يكون في بعض الابيات ادناه حديث موفق \\ يكون قريب للمتلقي مع المشاركه اللتي اتمنى ان تحوز على اعجابكم جميعا : تخطيت العرب يم الذي بادلني بهواه دعاني من غلاي ولابغا من غيري زيارة نصيته لابس (ن) ثوب الولع متقلد (ن) عصاه واعرف إني على درب الخطر وأسج معباره تمثنيت الخطر كله على شانه ومن غلاه وجزمت مصبر(ن) نفسي وخوفي ينتبه جاره بدالي مثل نور الشمس يضحك شاعق (ن) سناه وقمت أغط منور غرته ويشع بأنواره رفع للصوت بيهلي ورد لمبسمه يمناه وقامت تضحك عيونه وفيها خوف وإيثاره وأول ما نشد: وين الهدية ? جعلها تفداه هدية طيب له وأنا هدية مثلي أخباره جمعنا مجلس (ن) فاتت على الحساد لا تلقاه تفاصيل اللقا حفظتها من جملة أسراره على طهر وشرف والله ثم والله ثم والله أموت الموتة الكبرى ولا المس طارف إزاره يعاتبني على التأخير يا برد العتب برداه كأنه ما يعرف منين جيت وعالي أسواره معنيني ببعده عني وخوفي نهار ألقاه أخاف يشوفنا عذالنا ويصيح مزماره عليه أخاف من نفسي ومن نفسه ومن من جاه وعليه أخاف من زمة نهوده تقطع زراره واحبه حب كيف أوصفه وأبوي أنا وأبواه كما حب المناضل لا نفوه لتربة دياره محبة ضامر(ن) وده بشوفه وان سمع طرياه كما الوادي يرشه باذر الأمطار بأزهاره ولا غاب المطر عن وادي الولهان ما اسقاه ذبل منه الزهر وأقفر ثراه ودنت أحجاره حبيب (ن) حدني للبوح وحبه ما لحقت أقصاه من أحكام الغلا بيدي قيود وبيده اسواره ودمتم جميعا اخوكم داهم العصيمي [ فبراير 07, 2002: تم تعديل الموضوع بواسطة : داهم العصيمي ] |
04-02-2002, 00:59 | #2 |
موقوف
|
حبيب (ن) حدني للبوح وحبه ما لحقت أقصاه ............. من أحكام الغلا بيدي قيود وبيده اسواره داهم العصيمي .. أي جمال تنثره لنا في هذه الرائعه !! وأي ابداع ذاك الذي أتحفتنا به !! تسلم يمينك ياداهم أبيات رااااائعه وحضور أروع أرجووووك ... لاتحرمنا من ابداعاتك نود معانقة كل ماتخطه أناملك أيها المبدع صح لسانك ملايين ولاعدمناك لك أحلى الأمنيات عطر الخزامى |
04-02-2002, 02:46 | #3 |
شـــاعــر
|
يالله يا داهم كم أنت رائع في تصويرك وفي برائتك. فتحت الباب وأغلقته قبل أن يدخل احد منه. أسلوب رائع يا داهم . رفع للصوت بيهلي ورد لمبسمه يمناه وقامت تضحك عيونه وفيها خوف وإيثاره وأول ما نشد: وين الهدية ? جعلها تفداه ...........هدية طيب له وأنا هدية مثلي أخباره جمعنا مجلس (ن) فاتت على الحساد لا تلقاه ..........تفاصيل اللقا حفظتها من جملة أسراره على طهر وشرف والله ثم والله ثم والله .......أموت الموتة الكبرى ولا المس طارف إزاره عندما تكررت مفردة (والله) أثبت انك المبدع. وعندما قلت أموت الموته الكبرى ولا ألمس طارف زراره, أثبت يا داهم أنك النبل بذاته. تقبل ودي وتقديري لشخصك الكريم ولقصيدتك الرائعة,,,,,, أخوك / عبدالله مران (1)- http://www.eqla3.com/cgi-bin/sh3r/ul...c&f=5&t=000753 [ فبراير 04, 2002: تم تعديل الموضوع بواسطة : عبدالله مران ] |
04-02-2002, 21:25 | #4 |
عضو شعبيات
|
اخوي المبدع..داهم العصيمي.. والله مدري وش اقول..لكن اشهد شهادة حق اني ماشفت مثل نقاء هالقصيدة من زمان لكن يكفي ان تخطها انامل مبدع بحجم داهم العصيمي وريث الشجاعة والكرم والشعر والشرف ابا عن جد... الله قمة الروعة.......... وأول ما نشد: وين الهدية ? جعلها تفداه هدية طيب له وأنا هدية مثلي أخباره جمعنا مجلس (ن) فاتت على الحساد لا تلقاه تفاصيل اللقا حفظتها من جملة أسراره على طهر وشرف والله ثم والله ثم والله أموت الموتة الكبرى ولا المس طارف إزاره يعاتبني على التأخير يا برد العتب برداه كأنه ما يعرف منين جيت وعالي أسواره معنيني ببعده عني وخوفي نهار ألقاه أخاف يشوفنا عذالنا ويصيح مزماره اخوك معيض العتيبي |
04-02-2002, 21:53 | #5 |
عضو شعبيات
|
اخوي داهم ولا غاب المطر عن وادي الولهان ما اسقاه ذبل منه الزهر وأقفر ثراه ودنت أحجاره صح لسانك,,, ولا عدمنا ابداعك |
04-02-2002, 22:02 | #6 |
عضو شعبيات
|
أخــوي الغالــــــــي / داهـــــــم [size=6]نصيته لابس(ن) ثوب الولع متقلد(ن) عصاه *** وأعرف إني على درب الخطــر وأســـج معبـاره [size=6]كفــو والله فأنت من ربع مايهابون ويردون المــاء 0 رفع للصـوت بيهلي ورد لمبسـمه يمنــاه *** وقامت تضحـك عيونــه وفيها خـوف وإيثــاره قمة التصوير وذوق الوصــف ودليل الصراحــه على طهر وشرف والله ثم والله ثم والله *** أموت الموتة الكبرى ولاألمس طارف إزراره هـذا هو الحب الحقيقي وحشاك أخوي من الكذب فأنت كفو لهذه الأمور فأخلاقك عاليه وراسك مرفــوع ***عليه أخاف من نفسي ومن نفسه ومن من جاه وعليه أخاف من زمة نهوده تقطع زراره الله الله عليك ياداهم وش ذالغيــره عندك الله لايحرم حبيبك منك ولا يحرمك منه ولا يحرمنا من إبداعاتك دائما وتصورك الجميل تفضل بقبــول أطيب تحياتــي وصح لســاااانك مليووووووووووون 0 |
05-02-2002, 00:46 | #7 |
شـــاعــر / صــحفـي
|
محبة ضامر(ن) وده بشوفه وان سمع طرياه كما الوادي يرشه باذر الأمطار بأزهاره ولا غاب المطر عن وادي الولهان ما اسقاه ذبل منه الزهر وأقفر ثراه ودنت أحجاره حبيب (ن) حدني للبوح وحبه ما لحقت أقصاه من أحكام الغلا بيدي قيود وبيده اسواره حضور رائع يا داهم شرفني بردّك على ( مفاتيح الفصول ) |
05-02-2002, 02:27 | #8 |
عضو شعبيات
|
على طهر وشرف والله ثم والله ثم والله أموت الموتة الكبرى ولا المس طارف إزاره يعاتبني على التأخير يا برد العتب برداه كأنه ما يعرف منين جيت وعالي أسواره معنيني ببعده عني وخوفي نهار ألقاه أخاف يشوفنا عذالنا ويصيح مزماره عليه أخاف من نفسي ومن نفسه ومن من جاه وعليه أخاف من زمة نهوده تقطع زراره اخوي الشاعر الخطير / داهم العصيمي ... والله ثم والله ثم والله انك شاعر خطير جدا جدا جدا ... رديت علي في قصيدة حلم طفل ومدحتني وخليتني اصدق اني شاعر بس والله ثم والله اني بعد هالقصيده ماني بشاعر الا اذا كتبت في يوم من الايام قصيده مثل هالقصيده خل الزود مابه زود ... داهم صح لسانك ترليون مره .. يعاتبني على التأخير يابرد العتب برداه .. يابرود القيفان بعدك ياداهم . عليه اخاف من زمة نهوده تقطع زراره ... الله عليك ياداهم من وين اخذتنا والى وين وديتنا . داهم صح لسانك ترليونين مره . ملاحظة : من الواضح اخوي داهم ان القصيده كتبت بسيل من العواطف الهادره والتي لم تستطع انت ان تقف في وجهها وهذا طبيعي فكتابة الشعر لحظه مهمه وجامحة في نفس الوقت وقد لاحظت انك اقترفت خطأ عظيم ومتأكد انك لا تقصد ذلك وهو الخطأ الذي ورد في البيت الذي تقول فيه : (احبه حب الموحد خالقه ) وانت ياداهم موحد (( وجدانك هل التوحيد )) وانا والله ثم والله لم اقل هذا الكلام الا من محبه صادقه يشهد الله عليها فيالتيك يا اخ داهم تقوم بتعديل البيت وان تستغفر الله على هذه الزله التي من المؤكد انك لا تقصده . للمره الثانيه ( داهم والله من المحبه وليست لي اي نيه اخرى ) . وعلى الود نلتقي . |
05-02-2002, 03:28 | #9 |
عضو
|
على طهر وشرف والله ثم والله ثم والله أموت الموتة الكبرى ولا المس طارف إزاره على طهر وشرف والله ثم والله ثم والله أموت الموتة الكبرى ولا المس طارف إزاره على طهر وشرف والله ثم والله ثم والله أاموت المزته الكبرى ولا المس طارف إزراره أخوي داهم العصيمي ها ويش تبانا نقول أقول إختياري لهذا البيت لا يعني ان غيره يقل عنه قوة وابداع لاكن لان فيه ايمان ثلاث صادقه اقبل مني مثلها والله ثم والله ثم والله أنك شاعر حططوح قاف ومعنى ومبداء ورسام إبداعي فائق عسى السعد فالك وياموعد الأحباب يابا الحكايا تحياتي [ فبراير 12, 2002: تم تعديل الموضوع بواسطة : ابو مهنا ] |
06-02-2002, 02:54 | #10 |
شاعر
|
الاخت الغاليه عطر الخزامى : صح بدنك والله يبيض وجهك وجوهر الرد يكمن في من قالته لاهنتي وابياتي المتواضعه يشرفها قراءة امثالك اخوك داهم العصيمي [ فبراير 07, 2002: تم تعديل الموضوع بواسطة : داهم العصيمي ] |
06-02-2002, 05:19 | #11 |
عضو شعبيات
|
اخوي .. داهم صح لسااااانك مليون الف مره ولا هنت اشهد انك ابدعت وكتبت قصيده نادرة المستوى في الزمان بصراحه ماقدرت اختار شي من البيوت لان كلها ماعليها كلام .. كلها بنفس القوه والابداع والتميز .. صح لسانك مره ثانيه تقبل تحياتي .. maw3oood |
06-02-2002, 20:30 | #12 |
عضو شعبيات
|
الاخ الشاعر المبدع / داهم العصيمي يسعد مساك وصباحك 00 بكل خير ((واحبه حب كيف أوصفه وأبوي أنا وأبواه كما حب المناضل لا نفوه لتربة دياره )) ((ولا غاب المطر عن وادي الولهان ما اسقاه ذبل منه الزهر وأقفر ثراه ودنت أحجاره )) (((((حبيب (ن) حدني للبوح وحبه ما لحقت أقصاه من أحكام الغلا بيدي قيود وبيده اسواره ))))) - على ما قال الاخ / ذيب الغداري الله لايحرم حبيبك منك ولا يحرمك منه ولا يحرمنا من إبداعاتك لك من التحايا .. اعذبهن / شلفا |
08-02-2002, 05:16 | #13 |
شاعر
|
اخواني تشرفت بقراءة الرد على الابيات والذي كتبه الاخ محمد العمري (زوربا) والذي ابدى اعجابه بالقصيده ثم عقب بقوله ان لي بعض التحفظات هذا الكلام جعلني اعيد النظر في ابيات القصيده وقد قمت بحذف البيت: وكما حب الموحد خالقه والكافر الحياه وحب التاجر العقيم للانجاب واصراره لاني لاحظت ان فيه مغالاة في الحب كما قال محمد فوجه الشبه مختلف و جل من لايسهو ولايخطي واستغفر الله واستميح الاخوان العذر\\ المغالاة كانت في الشطر الاول وحذف الشطر الثاني تبعا للاول \\ اخواني لن ابرر هذا مالاحظته اما بالنسبه للاخوان فانني ادعوهم ان يوصلوا لي كا تحفظاتهم على ابيات القصيده وليثقوا باني لا امانع في حذف اي بيت يظهر فيه الزلل اخوكم داهم العصيمي |
08-02-2002, 05:29 | #14 |
عضو شعبيات
|
أخوي واستاذي / داهم العصيمي .. لم تترك للشيطان مدخلا الى نفسك فكنت الموحد ابن الموحدين .. شكرا لمشاعرك نحوي وثق ان الثقه متبادله .. لا ادري ماذا اقول ولكن انا والله اعتز بصداقة امثالك من الشعراء والرجال النادرين اللي صدورهم بحور وفيافي شاسعه . وعلى الود نلتقي . |
08-02-2002, 06:44 | #15 |
عضو شعبيات
|
انا هنااااااااااااااااا داهم العصيمي . . . صح لسانك ابدعت و تقبل اعجابي . . . و تقبلو تحيات.......... <<<<<< هالاطخم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|