21-12-2004, 17:16
|
#1 |
|
شـــاعــر
|
بوح القوافي ..
السلام عليكم ورحمة الله وبركاته .. أحبتي أعضاء وعضوات .. شعبيات الغالين .. كلما أحسست بالضيق دخلت هنا لكي أتنفس من أكسجين روائعكم .. أما اليوم فأحببت أن " أتنفّس " معكم / بكم / لكم .. ولأن " ضيقتي " اليوم ( غير ) لم أكتفِ بالتنفس الشعري فحسب ، بل إستعنت بالتنفس الفواتغرافي كذلك .. أتمنى أن تجدوا شيئاً مما يرضيكم في هذه الابيات المتواضعة وإن لم يكن ذلك فأتمنى أن تجدوا فالصور مايزيل عنكم ندم تصفّحكم لهذا المتصفّح ( يامصلي الا جيت أتفلسف )  ملا حظة : لاعلاقة للعنوان باسم المنتدى .. مجرّد تشابه أسماء ليس إلا  إهداء إلى .. عبدالله البكر  .. ولها  .. بكل مايحملانه من نقاء وصفاء .. حفظهما الله من كل سوء ..  مدخل : لا تسأليني ياغلاي لاتسأليني وش بلاي طبعي كذا الا استبدّت بي الجروح يمكن أموت من القهر لو ما أبوح ! 1 بوح القوافي مدري ورى بــــوح القوافي جفاني بحّت هجوسي من كثـــر ماتناديه ومنولّ ٍ لا اشــّـرت له بس .. جاني ويقول لي من قبل اناديـــه : لبّيه على كثــر ما اعطيــه ماقد عطاني الا / السهر / والهم / والياس/ والتيه الا كتبته .. انتشـــي به ثــواني وانـــا احترق لي ليلة ٍ في قوافيه احــرقت روحي في لهيب المعاني واحرقت قلبي في خيالات ماضيه واحرقت عمري فـ الوهم والاماني شوفي رماده .. ريح الايام تذريه زرعت حلمي في شواطيْ المحاني ولا حصدت.. الا الغبن والمشاريه البارحه .. جانيْ الهنا وْ مالقاني وجيته ابيه اليوم وعْجزت الاقيه مدري انا .. من جور وقتي اعاني و الا ان " قل الحظ " هذي مواريه دام الشعـــر لازاااااااد همي نساني الا نساني الهم .. وش حاجتي فيه ؟!! والا جفانـي الـبوح .. فالعمر فاني لابوه لابو .. من يجيـــه وْيناديه  2 شيء من الماسوشية الهبيني ياغلا بجمر العذاب واشعلي قلبي بنيران الجروح واحرقيني .. احرقيني ..بالغياب كان تبغين الشعر منّي يفوح عيّشيني في عوالم من ضباب توهّيني .. لين ينساني الوضوح واعديني .. بس موعد من سراب كل مالهث له واجي يمّه يروح ازرعي بيني وبينك الف باب كود تكسر مابقى بي من جموح عذبيني لين ينفيني الشباب أيّسيني لين يجفاني الطموح واحرقيني .. احرقيني ..بالغياب كان تبغين الشعر منّي يفوح الشعر ماهو حروف ٍ في كتاب الشعر مخلوق له قلب ٍ وروح ينولد يابنت من رحم العذاب ويتربّي وسط احضان الجروح !!  3 ماخسرتك !! ماخســـرتك ماخســـرت الا .. الــهـنا ماخســـرتك مــاخســــرت الا الـحـنـيــن ماخــسـرتـك مـاخســرت الا .. انـــا وعمري اللي ينـزف أشواق .. وسنين كـــــان بيـنـي وبيـن تحــقــيـق الـمُـــنى خَطـوتين ..وآآآآآآآآه يـاهـي خطوتين أصــعــب مــن الــمــوت قــدّام الضنــى وابــعــد مـن الـضحـــك لـشفـاه الحزين وأكــــــود مــن الجــوع لأولاد الــغِــنى وأطـــول من اللــيــل لأتعـــس عاشقـين الحـياة بــدون قــربــك لــي .. فـنـا والـفنـا .. في ضـمّـتـك عمـر ٍ ثميـن والالـــــم لـــه في نـظــر عيــنـي سـنـا والــوجــع لــه داخــل ضــلــوعي رنين والـنــدم فـي داخــل احســاســي بــنــى ياحـيـــاتي . . ألف بيت ٍ من أنيـن وش تبيـن بحرْق روحي يـ "العنا "؟! ما أطيق الصمت..قولي وش تبين ؟!!  4 روحي معه !! حبيبتي حبيبتي يكفي تراعي طيبتي روحي لمحبوبك وانا راضي بهمي والعنا .. دامه بيقدر يسعدك فانا سعيــــــــــــــــــــد حتى ولو همي يزيد انا سعيــــــــــــــــــــد دامه بيقدر يسعدك خل نفترق لو شفتي قلبي بيحترق خل نفترق حبيبتي روحي معه حتى ولو روحي معك ماودي والله أمنعك دامك تحبينه صحيح لو زدت انا ياس وتعب في ذمتيْ اني مستريح حبيبتي روحي معه حتى ولو عشت بشتات وصارت سنيني موجعة حبيبتي روحي معه حتى ولو عشت الحياة محروم ومهموم وشقي تكفي ّعليّ الذكريات حبيبتي .. لاتقلقي منيب انا اول من عجز مع من يحبه يلتقي  5 ويش أبي بالشعر !! ويش ابي بالشعر قولي ويش أبي به ؟ لا جلى هم ٍ .. ولا قرّب حبايب لا شفى جروح ٍ وسط جوفي عطيبه لا ولا اطفى من الهوى فيني لهايب كل بيت ٍ اكتبه فيك .. انكوي به لين قلبي من بيوته صار ذاااايب مص دمي .. مص روحي .. يالحبيبه من قصيدي ماجنيت الا العقايب أزرعه فال ٍ ولا احصد غير خيبه مايفيد الفال للي " خِلق " خايب أزرعه " حبّ ٍ وأحاسيس ٍ وطيبه وأحصده شك وغرابيل ومصايب !! الشعر كانه " لاحاسيسي " ضريبه لابو احساس ٍ ذبحني بالضرايب ويش ابي بالشعر قولي ويش أبي به ؟ دام " شعري " ماجمعني بالحبايب مخرج : لا تسأليني ياغلاي لا تسأليني وش بلاي جوّي كذا الا تلبّد بالأرق خذت القلم وامطرت باحساسي الورق ! |
|
|
|
21-12-2004, 19:33
|
#2 |
|
رد : بوح القوافي ..
حجز أول ولي عوده .. |
|
|
|
|
21-12-2004, 20:39
|
#3 |
|
النجدية
|
رد : بوح القوافي ..
الهبيني ياغلا بجمر العذاب واشعلي قلبي بنيران الجروح عيّشيني في عوالم من ضباب توهّيني .. لين ينساني الوضوح واعديني .. بس موعد من سراب كل مالهث له واجي يمّه يروح ازرعي بيني وبينك الف باب كود تكسر مابقى بي من جموح عذبيني لين ينفيني الشباب أيّسيني لين يجفاني الطموح واحرقيني .. احرقيني ..بالغياب كان تبغين الشعر منّي يفوح الشعر ماهو حروف ٍ في كتاب الشعر مخلوق له قلب ٍ وروح ينولد يابنت من رحم العذاب ويتربّي وسط احضان الجروح !! على الرغم من صعوبة تحديد وقت كتابة الشعر .. الاّ أن الشعر له صله وثيقة بالحزن .. أقرب منه إلى الفرح .. لكن الأغرب أن أبو طارق يطلبه طلباً مباشراً ليكون سبباً في الألهام .. !! وهذا مانستشفه من هذه الأبيات الرائعه .. يخيّل إلي أن في كل حرف روح .. !! . . . . كـــــان بيـنـي وبيـن تحــقــيـق الـمُـــنى خَطـوتين ..وآآآآآآآآه يـاهـي خطوتين أصــعــب مــن الــمــوت قــدّام الضنــى وابــعــد مـن الـضحـــك لـشفـاه الحزين الحـياة بــدون قــربــك لــي .. فـنـا والـفنـا .. في ضـمّـتـك عمـر ٍ ثميـن . . . كل بيت ٍ اكتبه فيك .. انكوي به لين قلبي من بيوته صار ذاااايب أزرعه فال ٍ ولا احصد غير خيبه مايفيد الفال للي " خِلق " خايب أزرعه " حبّ ٍ وأحاسيس ٍ وطيبه وأحصده شك وغرابيل ومصايب !! ويش ابي بالشعر قولي ويش أبي به ؟ دام " شعري " ماجمعني بالحبايب أبو طارق .. بعد غياب .. قصائد و كرم حد الأسراف .. للمكان / المتصفح سطوة لاتستطيع أن تفارقه .. !! ولأبو طارق حضور لايشبهه أحد .. زرعت الجمال .. وحصدت الأعجاب .. أبدعت وأمتعت .. كل الأعجاب .. اخر تعديل كان بواسطة » نوف الثنيان في يوم » 22-12-2004 عند الساعة » 05:15. |
|
|
|
|
21-12-2004, 20:56
|
#4 |
|
شـــاعــر
|
رد : بوح القوافي ..
.... 3 .... ابوطارق يا سيدي الكريم اسمح لي اقولك مجنون خمسة درر نثرتها في سماء شعبيات لا يضايها درر اعجبتني كثير وبالذات كلهم حبيبتي حبيبتي يكفي تراعي طيبتي روحي لمحبوبك وانا راضي بهمي والعنا .. دامه بيقدر يسعدك فانا سعيــــــــــــــــــــد حتى ولو همي يزيد انا سعيــــــــــــــــــــد دامه بيقدر يسعدك خل نفترق لو شفتي قلبي بيحترق خل نفترق حبيبتي روحي معه حتى ولو روحي معك ماودي والله أمنعك دامك تحبينه صحيح لو زدت انا ياس وتعب في ذمتيْ اني مستريح حبيبتي روحي معه حتى ولو عشت بشتات وصارت سنيني موجعة حبيبتي روحي معه حتى ولو عشت الحياة محروم ومهموم وشقي تكفي ّعليّ الذكريات حبيبتي .. لاتقلقي منيب انا اول من عجز مع من يحبه يلتقي مجرم يا ابوطارق تقبل تحياتي ومحبتي لك .... |
|
|
|
|
21-12-2004, 21:59
|
#5 |
|
شاعر
|
. بعيدا ً عن محبتي لك ! وبعيدا ً عن تشرفي بصداقتك وأخوتك يا عبدالله .. كل مابعد أعلاه إضرب به عرض الحائط .. فأنا لا أرى إلا شعرا ً الآن !! لا تسأليني ياغلاي لاتسأليني وش بلاي طبعي كذا الا استبدّت بي الجروح يمكن أموت من القهر لو ما أبوح ! طبعك كذا .. حتى أحاسيسك كذا .. كلّه سحر !! يمكن أموت من القهر .. لو ما أبوح ! والله يمكن نموت من القهر يا عبدالله .. والله يمكن نموت ! مدري انا .. من جور وقتي اعاني .................. و الا ان " قل الحظ " هذي مواريه يا رجل .. تساؤلك غير .. وإحساسك غير .. ازرعي بيني وبينك الف باب ................. كود تكسر مابقى بي من جموح عذبيني لين ينفيني الشباب .................أيّسيني لين يجفاني الطمــــوح لله ما أقسى العيش بهكذا حب ! كم أنت صبور يا عبدالله .. فأبياتك لا تعني أنك تحب هذه التصرفات .. وإنما هو الرضى بكل ماهو جميل وبشع ! وهنا إختلاف .. هنـــــا إئتلاف ! كاملة يا عبدالله وما الكامل الا وجهه سبحانه .. كاملة .. ماخســـرتك ماخســـرت الا .. الــهـنا ماخســـرتك مــاخســــرت الا الـحـنـيــن ماخــسـرتـك مـاخســرت الا .. انـــا وعمري اللي ينـزف أشواق .. وسنين كـــــان بيـنـي وبيـن تحــقــيـق الـمُـــنى خَطـوتين ..وآآآآآآآآه يـاهـي خطوتين أصــعــب مــن الــمــوت قــدّام الضنــى وابــعــد مـن الـضحـــك لـشفـاه الحزين وأكــــــود مــن الجــوع لأولاد الــغِــنى وأطـــول من اللــيــل لأتعـــس عاشقـين الحـياة بــدون قــربــك لــي .. فـنـا والـفنـا .. في ضـمّـتـك عمـر ٍ ثميـن والالـــــم لـــه في نـظــر عيــنـي سـنـا والــوجــع لــه داخــل ضــلــوعي رنين والـنــدم فـي داخــل احســاســي بــنــى ياحـيـــاتي . . ألف بيت ٍ من أنيـن وش تبيـن بحرْق روحي يـ "العنا "؟! ما أطيق الصمت..قولي وش تبين ؟!! ورب العزة .. إن عند من الشعر مايكفي مجلة المختلف ! شفت فيك حزن عمري ماحبيت أشوفه فيك يا عبدالله .. وشفت فيك شعر عمري ماشفت إحساسه عند أحد غيرك .. من ذيك الأبيات .. وأنا أنتظر على أحر من الجمر .. ! والله رزقني بك يا مهبول .. مفترق طرق : أصــعــب مــن الــمــوت قــدّام الضنــى ................... وابــعــد مـن الـضحـــك لـشفـاه الحزين يا حزنك يارجل !! إلى هنــــا .. إنتهى ردي الأول ! ولاني تارك هالصفحة أبد يا عبدالله .. لأني للحين منطرب ! . . اخر تعديل كان بواسطة » عبدالله البكر في يوم » 21-12-2004 عند الساعة » 22:28. |
|
|
|
|
21-12-2004, 23:17
|
#6 |
|
عضو شعبيات
|
رد : بوح القوافي ..
حبيبتي .. لاتقلقي منيب انا اول من عجز مع من يحبه يلتقي *** يا الله ياابو طارق هطلت امطار حزنك ويأسك على بحر بداخلي وماعدت ارى منه الا تلاطم امواج وعواصف تعجز الحروف عن الوصف وقد يكون الصمت كثيرا ابلغ من الكلام رغم الالم الوجع اللي تسبب فيه هذا المتصفح ابعد الله الحزن عنا وعنك وعن جميع من يقرأ هنا تحياتي بسمــه |
|
|
|
|
22-12-2004, 02:21
|
#7 |
|
شاعـر
|
رد : بوح القوافي ..
دام الشعـــر لازاااااااد همي نساني ................ الا نساني الهم .. وش حاجتي فيه ؟!! . . . لي عوده |
|
|
|
|
22-12-2004, 04:46
|
#8 |
|
شـــاعرة
|
رد : بوح القوافي ..
صباحك شعر أبو طارق للجمال والأبداع عوده بالتأكيد مدري انا .. من جور وقتي اعاني و الا ان " قل الحظ " هذي مواريه دام الشعـــر لازاااااااد همي نساني الا نساني الهم .. وش حاجتي فيه ؟!! والا جفانـي الـبوح .. فالعمر فاني لابوه لابو .. من يجيـــه وْيناديه الله عليك يابو طارق دام الشعـــر لازاااااااد همي نساني الا نساني الهم .. وش حاجتي فيه ؟!! قمة الشعر والأبداع في عز الهم واحرقيني .. احرقيني ..بالغياب كان تبغين الشعر منّي يفوح الشعر ماهو حروف ٍ في كتاب الشعر مخلوق له قلب ٍ وروح ينولد يابنت من رحم العذاب ويتربّي وسط احضان الجروح !! تكابر يابو طارق  تريد منها أن تكون أكثر قرباً منك باسلوبك الرائع المختلف حب عاصف !!!!!!!!!!!! ماخســـرتك ماخســـرت الا .. الــهـنا ماخســـرتك مــاخســــرت الا الـحـنـيــن ماخــسـرتـك مـاخســرت الا .. انـــا وعمري اللي ينـزف أشواق .. وسنين كـــــان بيـنـي وبيـن تحــقــيـق الـمُـــنى خَطـوتين ..وآآآآآآآآه يـاهـي خطوتين أصــعــب مــن الــمــوت قــدّام الضنــى وابــعــد مـن الـضحـــك لـشفـاه الحزين وأكــــــود مــن الجــوع لأولاد الــغِــنى وأطـــول من اللــيــل لأتعـــس عاشقـين الحـياة بــدون قــربــك لــي .. فـنـا والـفنـا .. في ضـمّـتـك عمـر ٍ ثميـن والالـــــم لـــه في نـظــر عيــنـي سـنـا والــوجــع لــه داخــل ضــلــوعي رنين والـنــدم فـي داخــل احســاســي بــنــى ياحـيـــاتي . . ألف بيت ٍ من أنيـن وش تبيـن بحرْق روحي يـ "العنا "؟! ما أطيق الصمت..قولي وش تبين ؟!! مشاعرك غادرت محيط ذاتك لتستقر فينا ويش ابي بالشعر قولي ويش أبي به ؟ لا جلى هم ٍ .. ولا قرّب حبايب لا شفى جروح ٍ وسط جوفي عطيبه لا ولا اطفى من الهوى فيني لهايب كل بيت ٍ اكتبه فيك .. انكوي به لين قلبي من بيوته صار ذاااايب أزرعه فال ٍ ولا احصد غير خيبه مايفيد الفال للي " خِلق " خايب أزرعه " حبّ ٍ وأحاسيس ٍ وطيبه وأحصده شك وغرابيل ومصايب !! الشعر كانه " لاحاسيسي " ضريبه لابو احساس ٍ ذبحني بالضرايب ويش ابي بالشعر قولي ويش أبي به ؟ دام " شعري " ماجمعني بالحبايب وابيات أكثر نزفاً صح قلبك يابو طارق سلم روحك وفكرك واناملك أبدعت كل الود والورد اخر تعديل كان بواسطة » نورة العجمي في يوم » 26-12-2004 عند الساعة » 13:16. |
|
|
|
|
25-12-2004, 22:32
|
#9 |
|
شـــاعــر
|
رد : بوح القوافي ..
الأخت الكريمة : الجازي .. إن عدتِ إزداد المتصفّح أريجا ً و إن لم يتسنَّ لك ِ ذلك ، فقد أكسبه اسمك من الأريج مايكفي .. شكراً لك ولحضورك .. |
|
|
|
|
26-12-2004, 01:56
|
#10 |
|
Guest
|
رد : بوح القوافي ..
الرائع ابو طارق ما اروع هذا البوح الجميل رائع رائع لله درك ولنا دررك كن بخير ...................... |
|
|
|
26-12-2004, 21:34
|
#11 |
|
شـــاعــر / باحــث
|
رد : بوح القوافي ..
كبير وربي كبير 0 0 امتعتنا كثيرا يالغالي |
|
|
|
|
27-12-2004, 02:40
|
#12 |
|
شــاعــرة
|
رد : بوح القوافي ..
البارحه .. جانيْ الهنا وْ مالقاني وجيته ابيه اليوم وعْجزت الاقيه مدري انا .. من جور وقتي اعاني و الا ان " قل الحظ " هذي مواريه دام الشعـــر لازاااااااد همي نساني الا نساني الهم .. وش حاجتي فيه ؟!! اسجّـل اعجابي المضـاعف بما دوّن اعـلاه الشعر ماهو حروف ٍ في كتاب الشعر مخلوق له قلب ٍ وروح ينولد يابنت من رحم العذاب ويتربّي وسط احضان الجروح !! تكتـب الواقـع .. بخيـال جميـل أزرعه فال ٍ ولا احصد غير خيبه مايفيد الفال للي " خِلق " خايب أزرعه " حبّ ٍ وأحاسيس ٍ وطيبه وأحصده شك وغرابيل ومصايب !! الشعر كانه " لاحاسيسي " ضريبه لابو احساس ٍ ذبحني بالضرايب مادمت تملك احسـاس بهذا الجمـال .. يجب عليك دفـع الضـرائب ابوطـارق سجّـل اعجابي بابداعـك دمــت بخير |
|
|
|
|
27-12-2004, 03:41
|
#13 |
|
شاعـر
|
رد : بوح القوافي ..
البارحه .. جانيْ الهنا وْ مالقاني .................. وجيته ابيه اليوم وعْجزت الاقيه مدري انا .. من جور وقتي اعاني .................. و الا ان " قل الحظ " هذي مواريه دام الشعـــر لازاااااااد همي نساني .................. الا نساني الهم .. وش حاجتي فيه ؟!! والا جفانـي الـبوح .. فالعمر فاني .................. لابوه لابو .. من يجيـــه وْيناديه . . . الشعر ماهو حروف ٍ في كتاب .................. الشعر مخلوق له قلب ٍ وروح ينولد يابنت من رحم العذاب .................. ويتربّي وسط احضان الجروح !! . . . . أصــعــب مــن الــمــوت قــدّام الضنــى .................. وابــعــد مـن الـضحـــك لـشفـاه الحزين وأكــــــود مــن الجــوع لأولاد الــغِــنى .................. وأطـــول من اللــيــل لأتعـــس عاشقـين الحـياة بــدون قــربــك لــي .. فـنـا .................. والـفنـا .. في ضـمّـتـك عمـر ٍ ثميـن . . . . . حبيبتي روحي معه حتى ولو عشت الحياة محروم ومهموم وشقي تكفي ّعليّ الذكريات حبيبتي .. لاتقلقي منيب انا اول من عجز مع من يحبه يلتقي . . . . أزرعه فال ٍ ولا احصد غير خيبه .................. مايفيد الفال للي " خِلق " خايب أزرعه " حبّ ٍ وأحاسيس ٍ وطيبه .................. وأحصده شك وغرابيل ومصايب !! الشعر كانه " لاحاسيسي " ضريبه .................. لابو احساس ٍ ذبحني بالضرايب ويش ابي بالشعر قولي ويش أبي به ؟ .................. دام " شعري " ماجمعني بالحبايب . . . كل الكلام يتبعثر أمام هذا الإغراااااق الشعر المتعمد مع سبق الاصرار والترصد . أنت مبدع مبدع مبدع يا عبدالله .. ماشاءالله عليك .. لا في كتاباتك المميزه بالاسره ولا بما تنثره من أشعار لكن السؤال هو .. انت الى متى بتصير علاقتك بشعبيات مثل علاقة طالب يعيش بالرياض ومنتسب بجامعة الملك عبدالعزيز بجده ؟! تغيب وتغيب همن تجي تحط اربع خمس قصايد .. يا عبدالله ترى تعبتني لاني سويت مجهود عشان اقرى كل قصيده هنا .. لان كل قصيده لها وقعها ولها روعتها وتحتاج الى الاستقلاليه . بصراحه انك ظالم نفسك جدا .. وظالمنا معك . الله يسامحك . وصح لسانك ملايين |
|
|
|
|
27-12-2004, 04:00
|
#14 |
|
شــاعــر
|
رد : بوح القوافي ..
الغالي أبو طارق عبارات الإطراء والثناء لاتعبر عن مدى اعجابي بما كتبت سلمت يمينك على هذا الابداع صح لسانك بقدر إعجابي بما كتبت تقديري واحترامي |
|
|
|
|
27-12-2004, 13:42
|
#15 |
|
شـــاعــر
|
رد : بوح القوافي ..
الأخت العزيزة .. والشاعرة القديرة .. والمراقبة المتميّزة .. نجدية .. لو لم تضعي سوى نقطة في ردك لكفتني شرفاً .. فماذا عساي أن أقول بعد أن أغرقتيني بهذا الوابل من الاطراء الذي لا أستحقه ولكنه من ذوقك ولطفك .. شكراً لك على كل هذا العبير الذي عطّرتِ به المتصفح .. والله يحفظك ويسلمك .. |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
