[عادل كزمان]

بين صرخات الطبول وبين تلويـح السيـوف= بان وجـه(ن) مايشابـه غيـر هالبـدر المنيـر
لاح وجه ابن الفهد/عز الفهد/ضيم الصدوف=الشبل عبدالعزيز اللي علـى العليـا يسيـر
واستهاض القاف واعلنها كـذا دق ودفـوف =قم تولّم لاعدمتـك يالشعـر هـات الغزيـر
شاعر(ن) من دار حكّام العرب فكـره يطـوف=من ورى فكره وفكره ساقهـا لـك يالكبيـر
يابعـد كـل القصايد/يابعـد كـل الحـروف=يابعـد كـل العمايـم والجماجـم يالشطيـر
القصايد فى جنابـك لعتـزت قلنـا وقـوف=كيف ماياقف قصيدى فى سمـوّك يالاميـر؟
انت ديمه تنبت اليشموم بقلـوب الضعـوف= وانت بيرق مايطولـه لاطويـل ولاقصيـر
ماحلفت الابراسك يـوم حدّتنـى الحلـوف=يوم لك بالقلب شهقه وبالمحاني لـك زفيـر
للبشر يمنـى ويسـرى لاتقـول ولاتشـوف=وانت ياللي كلها يمنـى واصابعهـا حريـر
مجلسك حنّا هله وحنّا معازيـب الضيـوف=وكم غشيم(ن) ماعرف فرق الحرير امن الحصير
مانشوف الاشماغ هناك وعقـال امحـذوف=وكن حاتم بيـن كفينـك يجيـر المستجيـر
ياعصـاة الشيخ/يامركاه/ياستـر الهـنـوف=ياوليـد الام/ياكـف(ن) مسـح دمـع الغـريـر
العذر منتب شبل /مولود مابيـن الصفـوف=يالاسد يابن الاسد يابن الاسد يابـن البصيـر
ياولد من صام فى دسمان وافطر فالهفـوف=قادها لين ارتوى الضميان من جـم الغديـر
راسك اللـى ماتشيلـه لاجبـال ولاكتـوف=اشهد انه ما يشيلـه يالسبـع غيـر الجديـر
حاتمـي(ن) وايلـي(ن) شيـخ قـرم(ن) وامـعـروف=وعادة اللي منزله بسهيل مايرضى الخشيـر
قلتها والسيف يفرق عن بعض روس السيوف=وانت ماخذ من سميّك راس(ن) وكـف وجفيـر

[الغريبه شوق]

عادل كزمان


صح قلبك

روعه وجزاله

ويستاهل عبد العزيز بن فهد المدح


تحياتي

[ميلاف]

الشاعر الرائع



عادل كزمان



كتبت عن شخص يستحق الكثير والكثير


قصيدة لايكتبها الى المبدعون أمثالك يالغالي


صح لسانك



الف الف الف شكر لك ياعادل



تقبل تحياتي


أخوك

[سالم بن جلعان]

هلا وغلا يا عادل


بيض الله وجهك على القصيده الجزله


وعلى التميز في اختيار الجزل


الامير عبدالعزيز يستاهل كل الحب والتقدير والمدح


وانت تفعل الطيب ومن هله


تحياتي وتقديري


اخيك


سالم بن جلعان

[ناصر آل مداوي]

عادل كزمان

الله الله

صح لساااانك ملايين يالغالي

والممدوح يستاهل وزود

والمادح كفو لها

تقديري لك

اخك

[نمرالعتيبي]

الرايع عادل كزمان صباح الورود

هلا والله وغلا والله كفو يا عادل ويستاهل والله الامير عبدالعزيز بن فهد
لله درك على هالجزاله والله يجعلك على القوه


تحياتي
لك اخوك نمر العتيبي

[نورة العجمي]

راسـك اللـى ماتشيلـه لاجبـال ولاكـتـوف
اشهد انه مـا يشيلـه يالسبـع غيـر الجديـر

حاتمي(ن) وايلي(ن) شيخ قرم(ن) وامعـروف
وعادة اللي منزله بسهيل مايرضـى الخشيـر

قلتها والسيف يفرق عن بعض روس السيـوف
وانت ماخذ من سميّك راس(ن) وكـف وجفيـر


مساء الشعر


صح قلبك ولسانك لاهنت

قصيده جزله ليست غريبه على شاعر جزل ورائع مثل عادل كزمان


قصيده روعه والأمير يستاهل


تقبل اعجابي

لك كل الود والورد