10-04-2002, 08:31
|
#1 |
|
عضو شعبيات
|
الي ميزان القصيد مع التحيه ( المزهريه)
الى كل القائمين على ميزان القصيد بعد السلام والتحيه اود ان انشر عندكم كم بيت وياليت تنبهوني اي كل خلل فيها او كسر او حتى تعثر او لخبطه في المعنى ابي تقولون لي كل شئ وانا بكون شاكر لكم فاانتم بكذا تساعدوني على صقل موهبتي هذا انكان عندي موهبه ولسالفه كلها اني اطرب للقصيد واحب اكتبه ولكن مشكلتي اني في بيئه مافيها شعراء  ولا عندي من يوجهني ولا من يساعدني في وزن القصيدة والتوجيه السليم في الكتابه وانا اعتمد على نفسي مع اني معلوماتي ضعيفه وبسيطه في الشعر والحين تقبلو مني هذاالنص والله لايهينكم لاتخلون فيه صغيره ولا كبيره ماتقولونها وتوجهوني والله يعطيكم الصحه والعافيه ياالمـ.... كســـرتي المـزهريه ,, وماتت أغلـى ورودها وسط الأيادي مـاتـت الـورده وهي توها طريـه ,, وأعلنت مـن عقب مولدها الحدادي كل مـاهب الـهـواء وقـت أظهريه ,, جابلي من عــطرها عـنـبر وكادي وكـل مـاجب الهواء صوت أقمريـه ,, أذكـر المجـمول في دياراً بعادي ياعــذابي مـنك يـاشبه اعفـريه ,, ياحـسـين الدل ياظـبي الحـمادي والله ان لك وسط قلبي مـقـدريه ,, لـو تـسـيل سال مـنهـا كل وادي والمـحبه لك يالـيلي العـامريه ,, مااشتبك فيها الهنوف ولاالهنادي ولو تحــطم عـرش دولـه تـدمريه ,, باقين لك في الحشاء مركز ونادي باقيـن جـرحك عـلى قـلبي ماريه ,, جرحت الـطير المدرب في الثنادي والله اني مـاهـقيت انـك جـريه ,, تودعـين الجرح في سـاحة فـؤادي وتــولعيني بالـوعـود الغشمريه ,, لين شبت في الحشاء نارأبن هادي وتلحـقيني بالـخطاء عقب الزريه ,, لين ودعتـي بـهـا حـالي رمـادي وفوق هــذا تحســبين انك بريـه ,, تـجـرحـين الـقلب وتقولين عادي وفاتـنـتني بالـعـيون الساحريه ,, في هـواها لـين حـرمـت الرقادي وجــابرتني في هواها الجابـريه ,, لين سـيطر حـبها بـقلبـي وسادي وهــاجرتـني في هـواها مهجريـه ,, وصـلها عـندي ولايـوم الـعـيادي أحـسب الأيـام في البعدأهـجـريه ,, واحـسـب الايام فـي وصله ميـلادي انكان به قـيصر فـهـاذي قيصريه ,, حاكمه في حكـمها جـور وتـمـادي من محـبـتها بـرا حـالي بــريه ,, مثـل سـاريـتن بها رايـة بـلادي ارفعـوهـا قـدم صـف الـعـسكريه ,, قـدم أسـود عـن مواطـنها تفادي ضـاربن قلبي في هواها المخطريه ,, كـم ركض خـلف المـ.... جــوادي الـهـنـوف الي تـنوف مـكابريـه ,, بـيدتني في الهواء والصبر بادي وهــي حشاء لله لامـاهـيب رديـه ,, لـو نـخـيت بـجدها جتني تنادي بنت منهـو يهـتدي قـدم السريه ,, يـودع الطعنات فـي نحور الأعادي كـم عــقـيد فـي زمان العنصريه ,, راح اسـير فـي مـرابطهم يقادي وفـخر ابـوها بالفعول الفاخريه ,, في الكرم والجود ماهوب اقتصادي شاريـن حب البدور أغــلي شـريه ,, ولو تزودون الثمن نـشري وكـادي في هواها كـم بـدعت الـسامـريه ,, وقـمت اغني للهواء والجـو هادي القـصـايـد في عيـونك جـوهـريه ,, أقـبلـي وامـشى على هونك تهادي تنـتشي فـيك الهـجوس الـشاعريه ,, والقـصايـد فـي وصـايفكم جدادي وأقــبلي مـني قـصيدي مــعذريه ,, وان تركـتيـني تـركـتك ياودادي مــارضــى بـذل لـي رب الـبريه ,, كـيف ترضا بـه علي غـاية مرادي ماجـبرتك جـبــر ياكـبرالزريـه ,, والثقه مـن بيـننا شـئ اعتيادي ماشـربنا من عـدود الـغيـر ريه ,, لو نـموت من الضما بين البوادي والـهـواجـر مـاترد الـهـاجريه ,, مايردون العطاء طـيور الـهدادي ولـو نعالجها الجـروح الضاهريه ,, وش يـعالجـها جـروح في فــؤادي ولو عـن الـبدور تـغني بــدريه ,, كـان مـاطول مـع الدنـيا عنادي ناخـبـتـها فـي خفوقـي الأكثريه ,, هـايم فـي حبــها ضـايع وغـادي ليـتـها في تـميـر ولا في تمريه ,, تـسمع الملحون يوم ادعي وانادي وأن تـعـدت لـيتها في الناصريه ,, كـان مارد الـجمـل حـد القيادي الـبلاء ان من دونـها سباع ضريه ,, السـبـاع الـي مـخالبها حـدادي صــابـراً بين الرضـا والمجبريه ,, ومـنزلٍ عـن بـكرة الدنيا شدادي ياذنوب الـقـلب مـامـن مـغفريه ,, كـود يجمعـني بـها رب الـعبادي سـجلوها في ســجل الـ جـنادريه ,, وأعـلنوها في الجرايد والروادي قصـتي فـي الـحـب قـصه عـابريه ,, عـبرتـن لناس والـدنـيا طـرادي ************************************************** ************* انتظر ردكم في اقرب فرصه وشكرا |
|
|
|
10-04-2002, 19:46
|
#2 |
|
رحمة الله عليه
|
الاخ الشاعر / ابن سيف صح والله لسانك وتسلم يمينك القصيدة هذي طال عمرك مكانها مجلس الشعر في اول القصيد النادر - وقضية الوزن خلها مؤجله لوقت ثاني واذا صدق ظني اني عرفتك زين وانت شاعر كبير ومايبي لها كلام 00000 لكن الغريب واللي مافهمته لكن اوعدك اني بافهمه زين وهو لية تجيب قصيدتك للميزان بالذات وانت متاكد بان قصيدتك مافيها شي 00000000ان غدا لناظره قريب على العموم هلابك واهم شي اننا كسبنا شاعر كبير هنا -اخوك / عبدالهادي |
|
|
|
|
10-04-2002, 20:21
|
#3 |
|
شــاعر
|
صح لسانك مليون اخوي ابن سيف قصيدة قويه بمعنى الكلمه تحمل فخر وغزل وكرم و عزة في ان واحد ماشاء الله وحطها بالميزان بصراحه انت ظالم هالرائعه اللي مكانه ماهوب مجلس الشعر وبس الا مكانه المميز من الشعر لله درك الله يعطيك الف عافيه |
|
|
|
|
15-04-2002, 01:22
|
#4 |
|
عضو شعبيات
|
اشكر اخوي عبد الهادي الخليوي على تعليقه الي رفع معنوياتي ولكن ضيق صدري قوله وش قصدي عشان نزلت القصيدة بميزان القصيد السبب ذكرته في مقدمه طويله قبل مااكتب الابيات وكان قصدي النقد من جميع الجهات مو من الوزن وبس انت على قولك ياعزيزي القصيدة موزونه ولا فيها مشكله طيب لي الحين يمكن اربع ايام وماحد علق عليها الا انت واحد من الزملاء اذن في القصيدة شئ حال دون وصولها او مرورها في ذاكرة الاعضاء فلم يوقعو عليها بستثناء شخصين وهذا هو الي خلاني انزل القصيدة في ميزان القصيد؟؟ اشكرك مره اخرى على سرعة تجاوبك معي وتوجيهاتك ياالغالي ولاعدمناك |
|
|
|
|
15-04-2002, 01:25
|
#5 |
|
عضو شعبيات
|
الأخ برق مساك الله بلخير والنور والسرور وصح ابدنك مليار ياالغالي صراحه انت ورائيك على راسي وشكرا على تعليقك الي رفع معنوياتي ولاعدمت الاجواد شرواك والله يعطيك الف صحه وعافيه |
|
|
|
|
15-04-2002, 01:37
|
#6 |
|
عضو شعبيات
|
صح لسانك ياابن سيف وبيض الله وجهك جزله بمعنى الكلمه تحمل معاني رائعه بداخلها تغري القارئ |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
