09-12-2003, 17:49
|
#1 |
|
شــــاعـــر
|
للحــــريم ..فقط..!
يقولون انهم لاسمح الله يبون يخلون الحريم يسوقن .. . . الله لايبلانا بس ... والله ياحنا بنبتلش بهالغشم ... تدرون عاد كله كوم ووقفات الاشاره كوم ... يعني لاتستغرب وانت واقف عند الاشاره وعلى يمينك ام خويلد على الفورد تصيح ياحححول متخانقه مع زوجه على الصبح  طيب تخانقي معه .. بس فيه أوادم عندهم دوام عطلتيهم ..وخري << خش جو مع الوضع من الحين انا اذكر قبل كم شهر .. وهالسالفه صدقيه .. وانا بحدا الدول الخليجيه ماني قايل وشي  .. كان على يميني بالاشاره ماكسيما .. والسواقه منقبه بزعمها خليجيه ..لو مافضحها زوجها المتسعود هو وشماغه العقل مقاس 20 كنه من الزلمات اللي بالدعايات مع عبدالمجيد بس بجد ... المنظر يضحك .. تركت العالم وقمت اراعيلهم ..ياحليله ..حرمته تسوق لا والافدغ قاعد يبحبش بالمسجل يبي يقهرن << وانت وش حارق رزك؟:": . الشي الزين بسواقتهن اننا نفتك من مصروف البنزين <<< اكبر همه ونفتك بعد من غثا ودن لفلانه وجيبن من فلانه بس وربي ان ساقن ان تغدي الرياض زيطه الواحد يالله يوصل لمشواره الا نفسه منقطع وهي على هالحاله وشلون الى ساقن؟ والله ان تغدي الشوراع زيطه وزمبليطه بعد عاد بالرياض ( القيادة فن واخلاق ) ان ساقن تصير ( فن بس ) الثانيه تروح .. وتلقى الشباب يدورون الواسطات عشان يتوظفون بالمرور.. بس انا ماعندي اي مشكله من هالناحيه.. عندي خطه ماتخرش الميه.. الحين اجل ماهو التأمين الزامي ؟؟؟؟ درعم لك باقرب حرمه والرزاق ولي خلونا نحلل ها360 ريال اللي ندفعهن عاد .. عاد ابختصر هالموضوع واحط لكم بعض سلبيات سواقة الحريم \ راح تكثر الحوادث راح تزيد الزحمه خصوصا عند الاشاره .. يرتفع سعر البنزين اسعار السيارات ترتفع ريحة الشوارع راح تكون مقرفه ...تخيلوا ( هنود + حريم + عسكر + عرابجه ) وكلهم يسوقون وفاتحين الدرايش؟؟؟ راح يتنازل الشاب السعودي عن كرامته ويقبل انه يصير عامل بنشر ولا سمكري لامنك صدمتك مره .. من جدك العسكري بيخلي الخطا عليها ؟؟؟ لامن تصادمن حرمتين ... تخيلوا الموقف بينكم وبين انفسكم عاد.. انا ان شفت مثل هالموقف قدامي ..بافرش لي زوليه بالشارع واشتري فصفص وواعبي الدله شاهي ..واقعد اتفرج.. وناسه حريم يتهاوشن . اللي عنده سلبيات بعد ..يعطينا لي عوده |
|
|
|
09-12-2003, 18:17
|
#2 |
|
الـحـــرّاب
|
و الله يا ابو حمووووود انا مستعجل الحين بس خطرت في بالي ايجابيه لسواقة الحريم الا و هي بيصيرون الشباب ما يزملون من المشاوير يعني بس تدللوا وين تبون نوديكم و اهم شي تكون اماكن بها زحمه عشان يزين التميلح المهم في الموضوع ان الشباب بيصيرون يقدرون الدوران بالشوارع و شي ثاني بعد تذكرته الحين الشباب بيطلع فيهم الخير اذا شافوا موتر متعطل بيوقفون و يساعدون ان كانها بنت و اتفل في وجهي ان وقفوا ان كانه ولد و لي رجعه باكر انا.. |
|
|
|
|
09-12-2003, 18:46
|
#3 |
|
Guest
|
نواف يعني ماعاد فيه ليموزين خلاص  اجل شارع التخصصي بيصير مزحوم مره يا نواف مالنا امل فيه:": انا ضد الفكره يا نواف ذي تدري ليش ؟؟ ما عندي استعداد اكفل بعض الناس  اضف الى ذالك الدبابات والسياكل 26 بتدهر يا نواف كني اشوف محمد الحراب مشخص على الجلاس مردوف:white: ولا الاطخم خالد الذيابي يا كثر اللي بيردفونه كثراه  خالد تراني على الدرب اردفوني يا هووووووووووووه معكم :": ادري يا نواف انك مقهور مني بس شغلك عندي يا نوافوووووووووه بذررررررررررررررررررررررمه :": |
|
|
|
09-12-2003, 19:46
|
#4 |
|
عــضـو فـعّـال
|
0 |
|
|
|
|
09-12-2003, 20:27
|
#5 | |
|
شــاعـر
|
إقتباس:
:": يامسلم أنت وش تبى بخالد فارقنى مع السعهخخخخخخخخخخخخخ أبك الواحد يمشى فى حاله وما يلد غير البشر ممتحنته  هديان تشر وألا ما تشر مأحد بشايلك يالاجودىهههههههههههههههههههه يشيلك ثم يبلش فيك ألا حالتك العصبيه اللوجستيه عادها تجيك فديتك  تخبر لما قتلت طائر الوقواق>>>>>>>>>> سمعه من فيروز يالبا كبدها يوم كانت تغنى بإذاعه مت كارلو قرنش  نوافالربايع يسوقن >>>>>>>>> الله لايقوله ياشيخ هالحين كل مكان نجيه يقولون عوائل فكنا ياشيخ هههههههههههههههههههه هههههههههههههه وبعدين تبى اهل التكاسى  أمثال هديان يدعون عليكأنت قاسى لانك تقطع عيشهموقطع الاعناق ولا قطع الاشارات :white: أسلموا وسلموا |
|
|
|
|
|
09-12-2003, 21:13
|
#6 |
|
الدانه بنت عبدالله
|
. نواااااااااااااااااااف وحــــــــــــش راااااااااااااااااااااااااااااااااجعه |
|
|
|
|
09-12-2003, 23:10
|
#7 |
|
هلا نواف .. انا رأيي في الموضوع الموضوع الآن بين شد وجذب .. وبين معارض وموافق ولكن انا اشوفها فتح باب للمشاكل .. وحنّا في مجتمع مغلق .. ماهو معقوله فجأه نفتح باب الأحتكاك والأختلاط بشكل مباشر أو غير مباشر بين النساء والرجال يعني على قولة اخوي الحراب .. اتخيل لو انا اسوق وتعطلت سيارتي بسبب كفر تعطل فجأه انا باصلح كفر مثلاً !! ؟  غير كذا احنا مع عبايات وغطاء احياناً تحصل مضايقات في مكان تجمعات تجاريه, كيف لو كانت وحده ولحالها تسوق سياره , انواااااااااااع المضايقات والفرصه ممكن تكون اكبر لمضايقات اكثر ضرر , مافيها سيطره على الوضع مثل ماتكون داخل مجمع تجاري .. يعني احس بيكون فيه نوع من الفوضى .. لأنك لايمكن تخمّن عقليات كل البنات كيف يفكرون ! غير كذا مستحيل الأهالي يسمحون بمثل هالحريه ولو كان فيها ترتيب .. انا شخصياً لايمكن اتخيل نفسي اسوق نهائياً طالما ان فيه حل غيره .. بوجود سائق يلبي طلباتنا للضروره تحياتي لك يانواف |
|
|
|
|
10-12-2003, 05:42
|
#8 |
|
Banned
|
لي نكسه |
|
|
|
|
10-12-2003, 06:25
|
#9 |
|
Guest
|
هلابك .. يا نواف ومواضيعك المميزه صراحه .. انا استسيغ ان الحرمه تسوق .. وارفض بشده . . تصور يا نواف سياره فيها حرمه .. وعليها نقاب مع اني متعود وقد شفت الاشكال ذي .. عندنا يسوقون بس في العاصمه .. ما رايح ..تشوف شي تحمد عقباه .. ابداَ ((البنشر )) طيب اذا بنشرت مثل ما قالو اللي .. قبلي البنشر .. على الحرمه صعب صدقني .. وخصوص اذا كانت تقود سيارة كبيره .. صالون مثلاً.. او حتى كورلا .. ما تقدر تصلحها مع ان سواقة الحرمه .. اعتبرها اخاف بكثير .. مع انها تركب مع سواق وحدها .. والدين الحنيف . منع الشي ذا .. الا بوجود محرم الف شكلر لك يابو حمود |
|
|
|
10-12-2003, 07:18
|
#10 |
|
قلــم فعّــال
|
:white: نواف منتب صاحي موضوع ولا احلى بس بصراحه عنوانه يوحش ههههههههههه كنت مسوي فيها ما راح ادخل لانه يخص الحريم بس دامه طلع كذا اجل ابشركم تراى هالقرار قريب والله يعين صح انه قرار جرىء وبقووووووه وله انعكاسات ما يعلم فيها الا ربك بس وش نسوي ........................... من الحين بنتعلم شلون نغير الزيت ونشوف المساعدات والهوبات لانه متوقع كل السيارات اللي بيسوقهن حريم بتكون دفع امامي الا كان فيه عربجيه بتشتري شــاص هههههههههه ياربي يانواف موضوعك يرحلنا لجو الخيال يعطيك العافيه وصدقوني لا مفر من هالقرار |
|
|
|
|
10-12-2003, 08:57
|
#11 |
|
الـحـــرّاب
|
عاد تبون الحق السواقه تراها فينا فينا يعني المتوقع ان الحريم بيسمح لهم بالسواقه قريب و السبب: ان فيه فئات من المجتمع بدون تحديد عشان مايصير فيها حزازيات يطالبون بالشي ذا و الصراحه خلهم على راحتهم يعني الدعوى موب غصب اللي يبي يسوق بناته يسوقهم ذنبه على جنبه بس ودي اتخيل البنت لو شطفها واحد طاير و الا حدها على تريله؟؟ وش بتسوي؟؟ و الا تعال جنبها و علق البوري ( الهرن ) ... انواع الوناسه :white: :white: :white: تلقاها بتطلع على الخط الثاني من الروعه.... :white: :": هالحين اذا صار حادث او تعطلت سيارة سواق معه حريم تطلع النخوه في الشباب و المشكله كلهم من جنبها ما يعرفون يغيرون البنشر و لا يعرفون يشبكون الاشتراك.. بالعربي خكاريه  و مع كذا تطلع الفزعه طبعا موب لله عشان البنيات هذا و معهم سواق.. باكر اذا ساقن لحالهن وش بيصير؟؟ بس للمعلوميه فيه بنات يسوقن واجد يعني في اماكن مغلقه ما ودي اذكرها الحريم يسوقن و في اماكن مفتوحه تلقى البدويه معها الشاص و الا دتسن خطوط كفر خط بوري طط تمشي في هالبر و ابن ابوك اقرب منها عينك ما تشوف الا ابو عكفه ( رشاش الكلاش) يويق ( يطل ) مع الدريشه و بعد بعض المرات في التخصصي و التحليه و العليا في الرياض و يقولون في جده يجيك موتر مضلل و اذا فتح الدريشه الى اللي يسوق بنيه تطرح الطير من السماء يعني الشي موجود بس بصفه غير رسميه عالعموم انا وش دخلنا اللي يبي بناته يسوقن ذنبه على جنبه و باكر اذا صار شي لا يلوم الا نفسه بس وحش تقول انها راجعه و نجلا بتنكس الله يعينك يا نواف زعلت البنات العدد الجاي انت اللي بيشهر بك هههههههه :white: :": |
|
|
|
|
10-12-2003, 11:17
|
#12 |
|
شاعر
|
. اللــــــه وناسة ..تخيلوا بس .. أبيكم تخيلون .. !! تمسك البنية طريق خريص .. ومار تسوي فيها طاره وتدعس .. شوي الا جرس الـ 120 ضارب إلا تلقون المره مغطيه عويناته تقل بيوم عيد الأضحى وكاسر خاطرها الخروف ..زين .. ومتعلقه بالسيت .. وتقول : يويييييلي ويلي يويييييييه ويلي ويلي وتلقون الرجل فوق الطبلون يقالك بتصد الهجمة يعني ..ومن يروح الصوت ..!! قالت : هوووووو ياحافظ .. شكله المشكلة في المسجل ؟ .. ياعمي طيييييييييييييييير .. صادق حربرب يوم قال فيه بنات يسوقن .!! وهذه شوف عويناتي الله يحفظهن .. بالرياض ..يادافع البلا والله .. الله لا يردينا الا هالحالة يارب .. يويييييييييييييييلي لحقووووووووووني يامامااااااااااااااااااامي .. آآآآآآآآآآآآآآآآآآآآآآآآآآآآآآآآآي << هذا لا طقت بريك جامد << جالس يتخيلهن |
|
|
|
|
10-12-2003, 18:34
|
#13 |
|
عضو شعبيات
|
لا تزعل ياهديان انا الي بمرك على سياتي البورش واوريك فيهم ما يبون يردفونك اصبر علي شوي بس تقول حوادث بتسببها للبنيات يالحراب والله انتم انواع الحوادث الحين البنت مع سواق وفسيارتها وفي امان الله تلقاك تمشي 100 وراها ورقبتك بتنمصع تطالع وش شكلها بس وهي ما ساقت الحين لولا ستر الله كان شمعت بالي قدامك عساكم سالمين حنا لو نسلم منكم سقنا وعين الله علينا ما علينا خلاف بس فكونا منكم واذا على روحتنا وجيتنا سواقتنا ايجابياتها اكثر من سلبياتها.... وبالنسبه للبنشر ياخالد من قالك البنت ما تقدر تفك وتركب كفر بلاك ما دريت وانا في اعتقادي ان سمحت السواقه حتكون بشروط وبيصير عسكرنا حريم ودورياتنا حريم اكشخ وبنشرنا وورشنا حريم ومعارضنا حريم ...........لاتفكرون بتحتكون فينا بيصير لنا خطوط لحال ولكم خطوط لحال تمشون عليها وبيصير سياراتنا تطير وسياراتكم تمشي بالارض ولك واحد مسار حتا ما نتصادم والاشارات باليزر والي يقطعها تفجر سيارته والمخالفات ترسل لك على البنك وتنخصم من حسابك تلقائي وياويلك لا تولت حسابك حرمه عزالله ما صفالك شيء شكلي مصختها وشطحت واجد تنبيه: شكرا يانواف على الموضوع الحلو مره الي خيالها واسع وعايشه في واقع غير الواقع رهوفي |
|
|
|
|
10-12-2003, 21:29
|
#14 |
|
Banned
|
هلا نوافوه .. ماتلاحظ انك حاط دوبك دوبنا :": اصلا مايحصلك تشوف بنات مع سواق وتقول لا .. وش عاد لو يسوقن هن .. بذمتي انك ماراح تمر بيتكم الاكل ست شهور مره وبعدين تعال اصلا ياملحي وانا رايحه للبنشر اغير زيت ولا اعاير الهوا وااااااااااااااااااااااااااااااااااااااااو مااتخيل واروح الاعب النفود حالي حالكم ولا اذا صرنا رايحين شله للبر انا وصديقاتي نقنص ههههههههههههههههههااااااااااااااااااي بس تدري وش احسن شي بالسواقه اني اذا تهاوشت مع اهلي طلعت وخليت لهم البيت <====== ياكثر ماتحلم هالبنت اقول نواف تبي الصدق الحمد لله على نعمة الاسلام اللي رفعنا عن هالمهازل تحياتي نجوله |
|
|
|
|
11-12-2003, 08:56
|
#15 | ||
|
الـحـــرّاب
|
إقتباس:
وش دراها ذي؟؟ حسبي الله عليك يا عبيص يوم اقولك ما له داعي الصوره تقول الا احسن هذانا انفضحنا على خشوووووووم ( كلٍ يغني على ليلاه) على خشوووم الملأ إقتباس:
يا شييييييييييييخ على ذا الحاله كل يوم ابنسم كفراتي و اروح للبنشره ( مؤنث بنشر) و كل اسبوعين سياره جديده و اذا طفرت ابصير اتمشى في المعارض دايم لا و اذا شفت حولي دوريه فيها حرمه ابقّطع الاشارات و اذا و قفتني ابقول: شوفي انا غلطت و استحق التوقيف دقيقه اسفط السياره و اركب معك الله وناسه:white: راكب مع دوريه فيها حرمه و انواع التميلح بس قهر في الدوريات ما تركب الا ورى.. وبتلقون الشباب يطلعون عشان يقطعون الاشارات.. و هم في قمه الكشخه و التميلح و المصيبه لى صارت الشرطيه شييييييييييييييييييينه بس ما ننسى ان الموضوع في الديوانيه يعني لا احد ياخذ كلامنا جد <<<<<<< خاف عقب ذيك السالفه :white: :": |
||
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
