04-04-2002, 00:29 | #1 |
عضو شعبيات
|
ياسلام الله سلام به الدنيا تضيق لو يوزع كل مخلوق قسمه يقنعه
الاخوه في منتدى شعبيات اليكم هذه القصيده التي وجهت الي من شاعر وزميل واخو وهو الشاعر ابو ياسر وفي النهايه الرد ولو انه ماوفى بالمطلوب ولكن يعذرنا ابو ياسر امل ان تحوز على رضاكم ياسلام الله سلام(ن) به الدنيا تضيق ................ لو يوزع كل مخلوق قسمه يقنعه لو يمر اللي به الموت سكرات يفيق ............ لو يمر اسماع الأصقه رجع له مسمعه ياسلام الله على اللي على الشده رفيق ............... واصل حبل الرفاقه وغيره يقطعه ابو بندر يشهد الله ماغيره صديق .............. مابنى ساس الصداقه وقصده مطمعه اشهد ان الشعر في غيرك انته مايليق .............. القوافي سمعت اسمة وجتني مسرعه وجازلي بدع القوافي وانا شاعر دقيق ............. باختياري للقوافي إلى جيت ابدعه والهموم بداخل الصدر زفرات وشهيق ............ لو ينوش الثوب حدب الحنايا يجزعه لين صار الصدر للهم معبار وطريق ............... والهموم القشر لاجات جت متجمعه سبت اللي لاذكرته غديت ام الغريق .............. من تخيل موقف الأم بارض المقطعه عيبها نحيلت الخصر والقد الرشيق ................. وعذابي لارمى شيلتة مع برقعه خضعت راسي وهو شامخ حليا طويق ........... وصرت انا رهن الإشارة لعينه واصبعه وملكتني في هواها وخلتني رقيق ...00....... باعتن والا شرتني معه يعني معه!!! والله اني ماعرفت الكدر والضيق ضيق ................. داله واول همومي نهار اودعه عقبها خلتلي الهم والجرح العميق ............. وسهر عينن بعد فرقاه يذرف مدمعه كني المسجون تابيد ظلمن مستعيق ........... كني اللي حاشه الليل بارض المسبعه من يروف بحالتي من على حالي شفيق ............ كان طال افراقها العمر لاقى مصرعه يابو بندر ياولد من يردون الوسيق ......... ساعد اللي صاح باسمك من ارض المجمعه ولايطيب الجرح ياكود رشفه من رحيق ............ من ( ......) زاهي القد زينه دلعه 0 0 0 0 وهذا ردي على ابو ياسر ولو انه يستاهل اكثر من الي قلت 0 0 مرحبا ترحبيت(ن)ترفع الجندي فريـــق ............. لو تمر بدربها الجدي غيّـر موقعه لو جبل طارق نطقها وسمّعها المضيــق ............ من غلاها قالوا ان المحيطات اربعه مرحبا واجمل تراحيب معناهاطليــــــق ............... تعجر الاشعار عن وصفها لا تسنعه في بيوت(ن) قلتها وانت للجزله عشـيق ............... انت جهزت القصيده ومعها مدرعه ياخوي(ن) كل لحظه وقلبي له يشيــــق 0.......... ما تغيره الليالي ولا احد(ن) زعزعه ابو ياسر معدنه من ذهب واصله عريق ............. فيه تلقى الطيب والمرجله متنوعه يشتكي بحر الهوى والهى بحره عميــق ............ مالها احكام وقوانين تقدر تمنعه انصحك تقنع برزقك وحق(ن)لك حقيق ........... دام جاك الي تمنى هوا النفس اردعه العذارى يا ســعد حبــــــهم حظ ووفيق .. ......... ولا يتهنى من هوى البيض قلبه ولعه خص من بخدودها يا سعد لمع وبريــق ............. ظامر السرجوف والثوب صدره يرفعه والشفايف توت والشعر لردوفه فليــــق ........... وان هرج هرجة مثل الذهب من منبعه اشهد اني ما الحقك لوم لو يمه تويــــق ............ صوبها واليا مشت يابو ياسر تتبعه ابشر بعزك ولا شي من دونه يعيــــــق ............ يا هلا بالضيق لأجلك بلاش من السعه والله اني معك ثابت مدام ان بي رميـق .......... ... يلعن الي ما فزع يوم مثلك فزعه قلتها وانا ببحر الهوى دلوي عليـــــــق ............. . لي سجلات(ن) ببحر الغرام موقعه الحلو به مر والبرد يشعل بك حريـــــق ........... . الشجاع يشوم والي ذليل(ن) يدنعه فيه كذب وصدق وعلوم تتلفق لفيـــــق ......... ... لذته مع نكبته ثلج جمر(ن) تبلعه والختام القافيه قمت الحقها لحيـــــــــق ...... .... .. وانت سامح والخطا لا لقيته رقعه بس تأكد يابوياسر ترا المصدر وثيـــق ،،،،، .... ... ثابت(ن) مصدار قولي وثابت مرجعه [ أبريل 03, 2002: تم تعديل الموضوع بواسطة : السلنتحي باشا ] |
04-04-2002, 01:55 | #2 |
عضو شعبيات
|
السلنتحي باشا قصيدة ابو ياسر رائعه وقصيدتك اروع صحت السنكم لكم الود واعطر التحايا |
04-04-2002, 05:28 | #3 |
عضو شعبيات
|
مرحبا ترحبيت(ن)ترفع الجندي فريـــق ............. لو تمر بدربها الجدي غيّـر موقعه الله واكبر يالسلنتحي مبدع ورائع والله اني معك ثابت مدام ان بي رميـق .......... ... يلعن الي ما فزع يوم مثلك فزعه كفووووووووو يا كحيلان باشا وصح الله لسان ابوياسر وصح الله لساااانك قصائد رائعة وخالدة لاهنتم اخوك طلال |
06-04-2002, 14:40 | #4 |
عضو شعبيات
|
الاخت غاده الله يعطيك الف عافيه على هالرد الحلو ومرورك ترك بصمه لي وانت اروع ولكي كل تقدير الاخ طلال الشمري والله انك احرجتني بطيبك وكلامك الحلو وانت تستاهل كل خير ولك كل حبي وتقديري والله لا يهينك وتسلم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|