[العابر]

صراحه حبيت اهدي لكم هذي القصيده جايبها لكم من ساحة الاقلاع للشاعر المعنى .. وهي بجد سبق شعري اهداء لساحة الاقلاع من الشاعر المعنى .. وانا بدوري انقلها لكم .. مع التحيه للشاعر والعذر منه على النقل .. وهي عباره عن قصيده تتكون من مطلع اغاني فنان العرب ابو نوره .. ولأن فكرتها مجنونه حبيت انقلها لكم

تحياتي لكم

ومع القصيده




[poet font="Simplified Arabic,4,white,normal,normal" bkcolor="skyblue" bkimage="" border="groove,4,black" type=0 line=200% align=center use=ex length=0 char="" num="0,black" filter=" glow(color=black,strength=5)"]

(كريم يابارق) سحابه ردايف = (في الجو غيم) وبه (سنا الفضة) افوات
(معك التحية) من ضلوعٍ نحايف = لـ(عيد الفرح) (غالي) غلاه البدايات
(سلّم عليه) وقول يكفي عزايف = (اوحشتنا ياحبيّب) ولك علامات
(قال المعنّى) من جروحٍ نزايف = (حبيبتي ردّي سلامي) تحيات
(يامدوّر الهيّن) بـ(صمت الشفايف) = قوم (ارفع ستار الخجل) والتفاهات
(كلفتني مشوار) حبك كلايف = (باح العزا) واليوم تاتي بشرهات
يا (أيها الشاكي) لك القول كايف = (ولعتني) (يامورد الخد) بسكات
(تنشد عن الحال) وتزيده (حسايف) = (ذكرتني) (ذكرى) (خطأ) منك بالذات
(ياصاح) (لاتحاول) بكشف الصحايف = (قلبي دليلي) لو (يغالطني) اوقات
اذكّرك (ياصاحبي) قول زايف = قولك (عهود الحب) مضمون كلمات
(الله عطا لك) يا (وهم) عمر طايف = (أغنم زمانك) و(المقدّر) لنا آت
(خوّاف) قلبك وانت بالحيل خايف = (لاباس يالمحبوب) والعمر ميلات
(لاتنزعج) (دستور) حب وولايف = (كلك نظر) ، (جرح المودة) (معاناة)
(ياقدرة الله) (لو وفيت) الوصايف = ماكان (ياخلي) (سرى الليل) هيهات
(أيوه) (أنادي ياهلي) والطوايف = (البعد طال) و(شفت خلي) معه فات
(مجموعة انسان) وحياتي كسايف = (غرتني الايام) بـ(ابعاد) وامقات
(كالحلم جئتي) في حياتي رهايف = (انت الهوى) وانت (النصيب) الذي لات
(ليتك معي ساهر) بروس النوايف = حتى (اعترفلك) بـ(العنا) والمتاهات
(ياضايق الصدر) العواذل حلايف = (جيتك حبيبي) (شاغلٍ بالي) اصوات
(صوتك يناديني) (سرى الليل) حايف = (طال السهر) (طال السفر) والمسافات
(الله على ماصار) (ياشوق) شايف = (يامن يراعيني) و(انا وانتي) اشتات
(قضيت عمري) (بالمحبة) مسايف = (جمرة غضى) (من بادي الوقت) واهات
(لاتحسبني دالهٍ عنك) عايف = (لا والذي سوّاك) ماهيب شكات
(مالي غنى عنك) وهذي حلايف = (قلبٍ تلوعه) (كل مااقفيت) مامات
مير (اسمحي لي يالغرام) النظايف = (ابعتذر) و(انت الهوى) والنهايات
(اسابق الساعة) خطايه خفايف = (مااكذب عليك) ان قلت (احبك) بهمسات
(الله يرد اخطاك) صوبي نكايف = (اشتقت لك حيل) وغدى قلبي افتات


وسلامتكم
[/poet]

[عبدالله البكر]

.





الله الله الله ..
قصيدة طــــــــرب ..

وأسلوب محبوك معنى وبناء ..


كــــان بودي ان تكون بأسم شاعرها لكي أتركها بالبوح ..!!

وهي دعــــوة له من خلال شعبيات وبمساعدة الصديق والأخ العــــابر بالتواجد هنا ..



شكرا ً لك العــــابر ..
على هذا النقل الجميل !!

وصح لســــــان شاعرها مليون ..


دمتم بخير ..

أخوك :
.. عبدالله ..

[فيصل الخالد]

صح لسانه

وتسلم يمنيك


وياليت باسمنا جمعين تقدم له دعوه يشرفنا بشعبيات


تحياتي

اخوك

فيصل

[محمد العريني]

الله الله الله الله

وش ذا الابداع


ما شاءالله تبارك الله


(يامدوّر الهيّن) ب(صمـت الشفايـف) قوم (ارفع ستـار الخجـل) والتفاهـات
(كلفتنـي مشـوار) حـبـك كـلايـف (باح العـزا) واليـوم تاتـي بشرهـات
يا (أيها الشاكـي) لـك القـول كايـف (ولعتنـي) (يامـورد الخـد) بسكـات



و ايضا....



(كالحلم جئتـي) فـي حياتـي رهايـف (انت الهوى) وانت (النصيب) الذي لات(بس ملاحظه الكلمه هاذي الظاهر آت و موب لات)
(ليتك معي ساهـر) بـروس النوايـف حتى (اعترفلك) ب(العنـا) والمتاهـات



و ايضا..........


(صوتك يناديني) (سرى الليـل) حايـف (طال السهر) (طال السفر) والمسافـات
(الله على ماصـار) (ياشـوق) شايـف (يامن يراعيني) و(انا وانتـي) اشتـات
(قضيت عمـري) (بالمحبـة) مسايـف (جمرة غضى) (من بادي الوقت) واهات
(لاتحسبنـي دالـهٍ عـنـك) عـايـف (لا والـذي سـوّاك) ماهيـب شكـات
(مالي غنـى عنـك) وهـذي حلايـف (قلبٍ تلوعه) (كـل مااقفيـت) مامـات
مير (اسمحي لـي يالغـرام) النظايـف (ابعتذر) و(انـت الهـوى) والنهايـات
(اسابـق الساعـة) خطايـه خفـايـف (مااكذب عليك) ان قلت (احبك) بهمسات
(الله يـرد اخطـاك) صوبـي نكايـف (اشتقت لك حيل) وغدى قلبـي افتـات



الصراحه ابداع منقطع النظير


و ذكرتنا بشعبيات ابو نوره اللي بغينا ننساها


و انا مع اخوي عبدالله في الزغبه بانضمام امثال هالشاعر الفذ لشعبيات


و صح لسانك يا العابر و لسان المعنى


و لكم تحياتي



محمد الحراب

[عبدالرحمن الربيّع]

العابر

الله الله الله ..

رائعة من جد ..

هلابك والف شكر على هالنقل الرائع وصح لسان شاعرها وتسلم يديك على النقل ..

اضم صوتي لصوت الاخوان واقدم الدعوة للشاعر للأنظمام ونحن نتشرف بذلك ولك كل التقدير ...

تحياتي .

[أحمد الديهان]

الأخ العزيز / العابر



الله يعطيك العافيه على نقل هذهِ القصيده الجميله

تسلم يمينك وصح الله لسان شاعرها

وانا اضم صوتي لصوت الأخوان بتقديم دعوه لشاعرها

للأنضمام لأسرة شعبيات ....



تقبل تحياتي وتقديري لشخصك الكريم ..... !


اخوك احمد بن ديهان .