16-06-2003, 18:27
|
#1 |
|
عضو شعبيات
|
اهداء للكل هذه المعلقه
اخواني اليكم هذه القصيده كاهداء مني لكم والقصيده كاتبها خالي الله يطول بعمره ولكنه مايعرف النت وسوالفه وبالنيابه عنه اليكم القصيده واتمنى ان تنال على اعجابكم[ [poet font="Simplified Arabic,4,orange,bold,normal" bkcolor="black" bkimage="backgrounds/23.gif" border="ridge,4,burlywood" type=0 line=200% align=center use=ex length=0 char="" num="0,black" filter=""] سرى بليل وبـرق وأنغـام ونجـوم = وزرى على اللي مهتني في منامـه جاء حافل غربه مـن المـزن مـردوم =وشرقه جـزر مـزن تبـدد ركامـه ساعـه بفخـت وساعـه اخرى بعلجـوم =يقمـر ويـدرج عجيـب نظـامـه بأرضا غطوش سملق مابها حـزوم =جيبـوب سبروتـن منيعن ثمامـه فـاهـم ومتـفـاهـم ويفهم ومـفـهـوم =وأن كنت منهم فأنت عنـدك فهامـه راودني الأحساس بسلـوب مظلـوم =توسلتنـي عاطـفـه بأنسجـامـه قامن يحدّنـي علـى سـر مكتـوم = أبطى وصار يفوح عقـب أنكتامـه ولي الفخر فيهـن ولانـي بموهـوم = ركبن ركوب عقـال فـوق العمامـه سبحان رب العرش حاكـم ومحكـوم = اللي نهـاره يسلخـه مـن ظلامـه ربا عليه الـرزق للصقـر والبـوم = ماراح رزق غـراب يـم الحمامـه ياشاتم إشتم مادرى عنـك مشتـوم = مايجنـي الشتـام غيـر النـدامـه ماجاك يشكيلك من الظيـم مضيـوم = ولو جاك يمكـن ماتحقـق مرامـه بعض الكلام اللـي تحليـه مسمـوم =ودايم يغسل المـخ سحـر النمامـه وكلش يروح وينسى بعد كـم يـوم = وكلش يسامح غير مـس الكرامـه واللي جرى شيء مقـدر ومقسـوم = وعلـى المقـدر ماتفيـد المـلامـه ولاقـول لا ظالـم ولانـي بمظلـوم = وكلا يبي الله يسألـه عـن كلامـه ويحاسـبـه ربً قــوي وقـيـوم = وتوخذ منه حسنـات يـوم القيامـه ومثلي معه لأمثالـه أقفـاي وقـدوم =وبعض السوالف ماتثيـر اهتمامـه ابن الردي لو قال مايصيـر زيـزوم =ومافيه أمل يمكـن تطيـر النعامـه مالك سوى تنسـاه وتبعـد الحـوم =والمحترم حـق!! عليـك احترامـه ان انتصر منصور وان هزم مهزوم = لازم تقـول النـاس هـذا علامـه ماخلو اللـي بالخـلا نايمـن نـوم = من نومه أقعـد خيـر وألا ملامـه ولاني بمـدح وذم النـاس ملـزوم= أبغى السلامه كان حصلـت سلامـه وأن صرت لا عاقل ولا مخرم خشوم = شخصيتك يصيـر فيهـا انفصامـه ولو قلت هذا الشرق لإنسان منجـوم =يصير عنده غـرب وقـت أنجامـه ولا صار حقك عند غالي ومهظـوم =عليـك تصعـب فكـرة الأنتقـامـه وطير الحباري يزعجه نوب جرثـوم =يصير فـي نفسـه يـدور ألتهامـه دنيا تناقض تمـزج أفـراح بهمـوم =يومـاً تعجعجبـه ويـوم غمـامـه هذا من النعمـه تقـل صايبـه زوم =وهـذاك مسكينـاً يقـم القمـامـه ومتحير بأمره وواضح ومحتـوم =تحيـر بأمـراً منفـلـت به ازمـامـه وبالنـاس متعلـم ومحتـاج تعلـوم =وبالناس جاهل ينمرض من طعامـه ومهما وصلت بحال في حال محكـوم = لو أنت في دنيـاك راعـي فخامـه وجنـاح لبعوظـه وللفيـل خرطـوم = وش فايدتك بعرف زرقـاء اليمامـه حاول تصير بساعة العسـر زيـزوم = وليا حزمـة الشـي جـود حزامـه وحذرك وصبرك لازمه دايـم الـدوم =تسلـم مـن التسليـم والاستلامـه ولا تصير لا امكابر ولا تصير حيحوم = في رغبتـك بالشـيء وألا ألتزامـه وش جاب ريح المسك ياناس للثـوم =والمعرفـه وش جابهـا للغشـامـه والعمر لـو طالـت لياليـه ميـدوم =لابـد مايفنـى وتفـنـى عظـامـه وماتبقي الدنيا على الأرض علقـوم =وبالشيء يبدى الشيء ساعة تمامـه ماخلدت كسرى ولا قيصـر الـروم =وملوك عاشوهـا بوقـت الزعامـه عاشوا حقيقه وأنتهت كنهـا حلـوم = وأفنـت بعدهـم ناطحيـن الجهامـه والله يبـدل عـج الأيـام بغـيـوم = تمطر عقب ماهي عجـاج وعسامـه وجذبني الأبداع مصحـوب بهمـوم = وجاني عـزاء الأبـداع بالأنهزامـه ضمير غايب عنـده أخبـار وعلـوم = ومن التجارب صار عنـده ألمامـه ماهمه الحرمان لو عـاش محـروم = ألا ليـا ناظـر رشيـق القـوامـه أبو عيونن سود والخصـر مهظـوم = حلو تحت خده مـن يسـار شامـه هـواه مشقينـي وملحقنـي اللـوم=ولازال قلبـي عهـدة بأستـلامـه عليه أهوجس تالـي الليـل وأهـوم =افراقـه أثـر فـي والقلـب ظامـه مثل الرضيع اللي من الصغر مفطوم =فطـم وهـو حولي وماتـم عامـه حبه شغفني شغف جـارح لعيسـوم = ساوى الدروب العـوج بالأستقامـه من نظرته تاقف بي الأرض وتحـوم = من جرف تفكيـري يـروح لعدامـه غضاً عن الهفوات مكرم ومحشـوم = يمشي وهو واثق ومرفـوع هامـه لاتقعـد النمـات عنـده ولا تقـوم = عن قيل والا قـال صـك اللجامـه قليل شكله وأغلـب الظـن معـدوم = ومن الحياء يطلع ويرجـع شمامـه هـادي طبـع مافيـه خفـه ولازوم = فـي كلمتـه وبنظرتـه وابتسامـه عني بعيد وفيه ما أشـري ولاسـوم = أبعد من سكاكا عن اقصـى تهامـه والنفـس تحكمهـا تقاليـد وسلـوم =عبقـا ولبقـا خندريسـا غـرامـه وبالشده الأصحاب تعرف من القـوم =وكلا بوقت الضيـق يعـرف حزامـه ومقطع موسيقي باغنيه لام كلثوم = يسوى رديا يبلشك في خصامه [/poet] |
|
|
|
16-06-2003, 18:36
|
#2 |
|
شـــاعرة
|
مساءكم شعر ونور ياشاتم إشتم مادرى عنـك iiمشتـوم مايجنـي الشتـام غيـر iiالنـدامـه ماجاك يشكيلك من الظيـم iiمضيـوم ولو جاك يمكـن ماتحقـق iiمرامـه بعض الكلام اللـي تحليـه iiمسمـوم ودايم يغسل المـخ سحـر iiالنمامـه وكلش يروح وينسى بعد كـم iiيـوم وكلش يسامح غير مـس iiالكرامـه واللي جرى شيء مقـدر iiومقسـوم وعلـى المقـدر ماتفيـد iiالمـلامـه تسلم يد ناقلها وصح لسان قايلها قصيده روعه , ولا نكتفي بواحده بل نطلب المزيد من النقل الغير عادي لنفس الشاعر وبعد أذنك وأذنه باستعير بعض ابياته في توقيعي مع الشكر نوره |
|
|
|
|
16-06-2003, 18:44
|
#3 |
|
شـــاعــر
|
الأخ العزيز / نايف عالي ... تسلم على هالنقل ويسلم خالك .... ! صح لسانه وصحّت يمينك اللي خطتها .... ! قصيده معبره وفيها من الحكم ..... ! بلغه سلامي وحبة خشم ...... ! الله يعطيك العافيه ولا يهينك يا بو عالي..... ! تحياتي وتقديري لشخصك الكريم.... ! اخوك احمد بن ديهان . |
|
|
|
|
17-06-2003, 00:05
|
#4 |
|
النجدية
|
سبحان رب العرش حاكم iiومحكـوم اللي نهـاره يسلخـه مـن iiظلامـه ربً عليه الـرزق للصقـر iiوالبـوم مـاراح رزق غـراب يـم الحمامـه ياشاتم إشتم مادرى عنـك iiمشتـوم مايجنـي الشتـام غيـر iiالنـدامـه ماجاك يشكيلك من الظيـم iiمضيـوم ولو جاك يمكـن ماتحقـق iiمرامـه بعض الكلام اللـي تحليـه iiمسمـوم ودايم يغسل المـخ سحـر iiالنمامـه وكلش يروح وينسى بعد كـم iiيـوم وكلش يسامح غير مـس iiالكرامـه واللي جرى شيء مقـدر iiومقسـوم وعلـى المقـدر ماتفيـد iiالمـلامـه ماخلدت كسـرى ولا قيصـر الـروم وملوك عاشوهـا بوقـت iiالزعامـه عاشوا حقيقه وأنتهت كنهـا iiحلـوم وأفنت بعدهـم ناطحيـن iiالجهامـه والله يبـدل عـج الأيـام iiبغـيـوم تمطر عقب ماهي عجـاج iiوعسامـه هـواه مشقينـي وملحقنـي iiاللـوم ولازال قلبـي عـهـدة iiبأستـلامـه عليه أهوجس تالـي الليـل iiوأهـوم افراقـه أثـر فـي والقلـب iiظامـه مثل الرضيع اللي من الصغر iiمفطوم فطم وهـو حولـي وماتـم iiعامـه وبالشده الأصحاب تعرف من iiالقـوم وكلا بوقت الضيق يعـرف iiحزامـه نايف عالي ... قصيده فيها من الحكم الكثير ....! صح لسان الشاعر ... وشكراً للأهداء .. هديه قيّمه تستحق التقدير .. |
|
|
|
|
17-06-2003, 01:49
|
#5 |
|
عضو
|
نايف عالي هلا وغلا فيك وفي مشاركتك صح لسان خالك على هذه الابيات ولنا الشرف ان نعانق هذه الابيات الشكر موصول لك على هذه القصيدة التي نقلتها لنا تحياااااااااااااااتي لك |
|
|
|
|
17-06-2003, 04:11
|
#6 |
|
شــاعر
|
صح لسانه وتسلم يمين من نقلها تسجيل اعجاب فقط والا القصيده فوق اي تعليق لاهنت اخوك فيصل |
|
|
|
|
17-06-2003, 05:25
|
#7 |
|
شــاعر
|
اخي العزيز نايف بن عالي تسلم يمينك وصح لسان خالك قصيده عصماء وجزله بكل المعاني كبيره من راس قرم كبير تسلم اخوي ولك تحياتي اخيك سالم بن جلعان |
|
|
|
|
17-06-2003, 21:37
|
#8 |
|
شــاعـر
|
اخوي نايف عالي هلا والله ومراااااااااااااااااااااااااااحب بأبداع خالك الشعري الرايع والله يسلم قلبه وقلبك جميله هالشامخه الرايعه لك وله اعذب وارق تحيه اخوك نمر العتيبي |
|
|
|
|
19-06-2003, 03:34
|
#9 |
|
شـــاعــر
|
أخوي نايف بن عالي القصيدة منقوله عن خالك .... وسياسة المنتدى لا تقبل الا قصيدة العضو نفسه ومثل هالقصائد مكنها الديوانية . ولكن هالقصيدة فوق السياسة يا نايف ... امانه معك يا نايف تحب لي خالك على خشمه وتقول عبدالله مران يقول لك صح لسانك ... تحياتي واعجابي يا نايف ,,,, |
|
|
|
|
19-06-2003, 12:40
|
#10 |
|
عضو شعبيات
|
اخوي نايف
رائـــــــعه 00 صح لسان خالك وسلم لنا عليه كثير السلام 000 وتسلم والف شكر على النقل والذوق الرفيع 00 دمت ودام خالك بعز 0000 تحياتىىىى |
|
|
|
|
21-06-2003, 14:33
|
#11 |
|
عضو شعبيات
|
الاخت نوره مرورك اسعدني وتواجدك سرني لاهنتي وخالي يسلم عليك ويقول خذي القصيده كلها توقيع علشان اسمك نوره ذكرتيه بشريكة عمره الي ماتت من زمان تحياتي |
|
|
|
|
21-06-2003, 19:38
|
#12 |
|
شـــــاعــــــر
|
نايف القصيده مشدّها غمق يعني ماكل من قراها فهم كل الكلمات فيها ،، رائعه من رائع وقصيدة شاعر يجيد تسطير المشاعر حضرت للقراءة تحياتي لك ولخالك ومادام ابو مران يقول فوق سياسة المنتدى ما نقدر نقول شيء اخوك ابونوت |
|
|
|
|
23-06-2003, 06:49
|
#13 |
|
عضو شعبيات
|
بسم الله الرحمن الرحيم
الاخ نايف عالي/ رائع بعدد كلمات هذه القصيده لله درك يابطل صح لسانك وسلم بنانك حضرت لأستمتع واتعلم من امثالك يا أستاذ الله يعطيك الف عافيه ولا يهونون الاخوان في المنتدى |
|
|
|
|
27-06-2003, 11:41
|
#14 |
|
عضو شعبيات
|
احمد الديهان مرورك اسعدني ولاهنت على كلامك الطيب تقبل تحياتي |
|
|
|
|
27-06-2003, 15:04
|
#15 |
|
شــاعر
|
تسلم يمينك على هالقصيده اللي نقلتها لنا وصح لسان عمك قصيده جزله جزله جزله وفيها من الحكم الشي الكثير وش جاب ريح المسك ياناس للثـوم والمعرفـه وش جابهـا للغشـامـه صح لسانك ولسان عمك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
