12-04-2003, 23:10
|
#1 |
|
شــــاعـــر
|
داري اني اخربط بس عاد من حر مابي
يالربع والله مدري وش علمي هالليومين ما ادري انا متضايق او متوازي الوكاد اني طفشااااااااااان مررررررره ودي اروح لمريكا واتوطا ببطن بوش اغدي هالطنيه تروح  مار المسيكين وش ذنبه كل طقة ٍ برويسه :face: بعض الاحيان اذا قعدت من النوم احس اني ما شبعت نوم وانكس انام <<< الله من البساقه :ton: هيه يالدنيا والله ما تسوى شين ابد اللي القذافي ريّس دوله وابو خنافر امين عام الامم المتحده  داري اني اخربط بس عاد من حر مابي والله طفشان هييييييييه الله لا يعيد هذيتس الايام الا بالخير لا نومي نوم العالم ولا حياتي مع الناس لا شبات ولا مفاطيح ولا قيلااااات . ما يمدي الواحد يحط راسه يبي يرتاح من رحله الا هم طاقين علي الباب , يالله عندنا رحله مستعجله بسررررررعه بدل وتعال . لكن ما بعد التعب الا الراحه . <<< اخلص علينا وش تبي تقول انت ووجهك يوم كنت رايد فضا هاك الحين ( الله لا يعيده ) تقل ما بوه رايد فضا غيري , كل ساعه ياهم متصلين علي وللا مرسلين لي ( اما مرسلين لك قويه ليه عزيمه هي !!!!) تعال يا نواف نبي نروح للمريخ ولا لزحل وللا لمجرة جادة الشعير . عاد انا قبل كنت خبل ( ما يبيله حتسي ) ومخلص مرررره وعلى طول افزع والبس ملابس الفضا واقمر معهم . ليا ما وصلت بهم المواصيل انهم يلطعوني بالزهره عشر ايام بلا ماء ولا هذي ولا هذيتس قال ايش قال دبر روحك !! افرض ياخي ان المكوك ( حق المكينه ) تعطل بك لازم تكون جاهز لمثل هالامور وتعرف تصرّف قلت لهم عاد ما لقيتوا الا الزهره تجدعونن به ؟؟؟؟ لعنبوا بليسكم والله لو انا نحله ما بالزهره دزليلة الوالي الا الرحيق على الاقل لو انتم مخلينن بالمشتري ما عندي مشكله اغديني افرق السومه ويبيع او لو انتم قالعيني لدرب التبانه ( يسمع به ) تسان اصرّف عمري واكل من التبانه ( ياهي شئ خص اذا هو تيس اووووووو اتسموه على عدوك ) المراد اني توهقت بهاك الروحه ورجعت مغير ادووووج وافتر من حديقه لحديقه . وشهرين عقبه وانا ضرب بالمفاطيح لياما تشاويت ورجعت مثل اول . بغيت اقلب نحله الله يجيركم عاد عقب هالحركه البايخه حلفت اني ما اقعد بهالوظيفه لو اسبوع . ياشيخ والله لو اتوظف طيار ولا هالشغلة القرف هذي .  اييييييه قعدت ادور الوظايف من مكتب لمكتب ومن ولايه لولايه ومن ديره لديره مغير انا وملفي العلاقي الاخضر بس مااااش ما حصلت وظيفه <<< عساه طلع وجه حزين قلت لنفسي ياهيه انتي !!! قالت لي نعم وش تبي ؟؟؟؟ قلت وش هقوتس وش السواة ؟؟؟؟ قالت لي والله ما ادري ... ايه ايه انت كلمت ابو يسري!!! ( هذا واحد من خوياي يشتغل فراش بمكتب العمل ) يامار تقل مقعدتن من النوم الا تقل صافقتن بدلة قهوه مغ غاربي وانا اروح لوه وما قصّر الرجال الله يجزاه بالخير دبّر لي وظيفة على بند الاجور ( الله من واحدن ما حصلت لوه ) وانا اداوم بمركز ابحاث وتطوير الغابات بالعبيله ( عقب ما تخانقت هي وشواله << كانت خويته بالنشره الجويه بس الظاهر صابتهن عين ) وانا اشتغل بهالمركز خمس سنين ... بس مرن تسنهن يوم . ايه هذي الحياه مهي كل يوم بلك كوكب او نجم ( نجم يالظالم!!!! ) المراد تطيرون وللا توقعون الملف العلاقي الاخضر والواسطه مالكم عنهن مجناااااااااااااااب وقولوا ما قاله نواف معاني الكلمات : التبانه : اللحم المشوي بالتبن الله يعزكم . الزهره : نجمة الصبح رايد فضا : يعني رايد فضاء <<< بالله !!!! العبيله : بيره وسفن اب ولبن وعصير وكان حصل معه مرق اف ياسلام شواله : مؤنث شوال وهو خيشة وش كبره الملف العلاقي الاخضر : حلولاة لو انا وكيله بس الواسطه : مؤنث واسط وهو العمود الوسطي ببيت الشعر ومستحيل يقوم البيت الا به الشبه والقيله والمفاطيح : مثلكم ما يعلم بهن ( انتم ابخص هههههه ملاحظه : صاحب الرد رقم خمسميه سوف يحصل على جائزه  |
|
|
|
13-04-2003, 06:01
|
#2 |
|
شــاعر
|
يا نواف الله يهديك لو باقرا موضوعك ذا قضى اليوم ولا مداني ارد وش رايك اخذ الجايزه من غير ما اقرا ؟ علمني كان فزت وانا ارسل لك عنواني |
|
|
|
|
13-04-2003, 09:31
|
#3 |
|
عضو شعبيات
|
أخوي نواف ياكثررررر قرقرتك
<<< قرقاره مثلك . على فكرة بو مناخر يسلم عليك ويقولك هات قدورنا اللي ارسلنا لكم فيها طعمه يوم كنا صغار . عبيله هههههههههههههههههه. مفاطيح وعرفناها بس شبة وقيله ماحصل لناش الشرف . المهم انا الرد خمسمية بس ناقص 448 واحد بس يعني هات الجايزة أنا أولى من طيطل . الا شكلك مرابط خلاص خلصت الحرب ابشرك . |
|
|
|
|
13-04-2003, 12:28
|
#4 |
|
نواف  تكفى كل ماضاق صدرك تعال فضفض هنا  حج وقضيان حاجه وسّعت صدورنا الله يوسع صدرك |
|
|
|
|
13-04-2003, 19:41
|
#5 |
|
شــــاعـــر
|
فيصل بن خالد عطني عنوانك تستاهل |
|
|
|
|
13-04-2003, 21:09
|
#6 |
|
عضو شعبيات
|
نواف ؟؟؟؟؟؟؟؟؟؟
يعني أنا القط ؟؟؟؟؟ اوكي هارد لك لي |
|
|
|
|
14-04-2003, 06:58
|
#7 |
|
شـاعـر
|
نواف ... موضع رايق ... تسجيل حضور ....... وراجع انشالله ابي احمى مكاني بس ... لان ابو نوت يمشي ويحط من هالطواقي والجرايد .. ولايبي احد يجلس ... تحياتي |
|
|
|
|
14-04-2003, 12:22
|
#8 |
|
عــضـو فـعّـال
|
نواف فضفض وانا وخيتك ماحولك الا اهلك وتسانك تبي تفضفض بالبوح هذي انا اعطيك الاذن اهم شي لاتكتم بنفسك ثمن يجيك مرض نفسي الله لايقوله اخذراحتك :ha: :corn: :face: |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
