10-04-2003, 10:19 | #1 |
شــاعــر
|
ساعدوا اخوكم عبدالله التميمي
[c]السلام عليكم ورحمه الله جميعا صراحه يا اخوان مادري وش لوون ابدأ مادري وش اقول الموضوع محرج شوي وحساس ويقول المثل الكلمه اللي تستحي منها بدّها ولما اعرفه عن عيال وبنات الديوانيه من الفزعه ابشرح لكم المشكله المشكله يا اخوان في اخونا عبدالله التميمي شفاه الله وعافاه ورفع عنه مُبتلاه لا اعلم متى ظهرت بوادر هذه المشكله ولكن يقال ان خالد التميمي (اكرر يقاال) اكتشف هذه المشكله عام 1405 وقد حاول الاخ اخفائها طول تلك المده ولكن الشق اكبر من الرقعه وش ترقّع ووش تخلي المهم وبعد مرور سنتين على هذا الاكتشاف علم فيصل بن خالد وعن طريق الصدفه بما يعانيه الاخ عبدالله ولم يكن فيصل بأكثر شجاعه من خالد فقرر هو الاخر اخفاء مايعانيه عبدالله ومرت الايام والسنين وهذه المشكله تكبر يوما بعد يوم في هذا المسكين حتى صخرني الله له بعد هذه المعاناه علمت انا بالامر قبل سبع سنوات وطول تلك السنين وانا احاول ان استجمع قواي واشحذ هممي ولكن جميع محاولاتي كانت تبوء بالفشل الذريع فما كان بالامكان اكثر من اللي كان ياعبدالله العين بصيره واليد قصيره اخواني الاعزاء ادري ان عبدالله غالي وهو قبل مايكون عضو معنا فهو قبل كل شيء انسان طبعا راح يتسائل الاخوه ليش بهالوقت بالذات تطرح مشكلته ووينك طول كل هالسنين لا اخفي عليكم ان فيه سبب قوي يدفعني اني اقول لكم ولولا هذا السبب لابقيت الامر سر ولكن كما تعلمون عبدالله التميمي اصبح مشرف لبوح القوافي وبما ان مشكلته قد تعرض المنتدى للانهيار وتمس الشارع الانترنتي كان لزاما علي ان ابحث عن حل لهذه المعضله ولن استطيع مالم اجد التعاون منكم ايها الكرام مشكله عبدالله يا اخوان سامحني ياعبدالله وربي ياعبدالله ماعلمتهم الا لمصلحتك اولا واخيرا المشكله أ أ أ احد معه منديل ماني قادر اكمل كمل عني ياخالد التميمي والا انت يافيصل المشكله عبدالله يعاني من خلل بالتركيبه الجينيه لأصابعه بين () مايعرف يكتب بدون اخطاء وصراحه سافرت انا واياه لاكثر من دوله وفحصه اكثر من طبيب وقالوا لازم احد يتبرع له باصابع تفداك ايديني ياعبدالله انا عن نفسي عملت الفحوصات اللازمه ولكن طلعت فصيله دمي مختلفه اريد حلاً وخاصه من الاداره لان الرجال الحين مشرف وقد ينقلب الترحيب شتم بسبب خطأ وينهار مابناه الاخوان في غمضه عين سامحني ياعبدالله اللهم لا اسألك رد القضاء ولكن اسألك اللطف فيه ساعدونا ولو بالدعاء[/c] اخر تعديل كان بواسطة » خالد الشايع في يوم » 11-04-2003 عند الساعة » 10:02. |
10-04-2003, 12:00 | #2 |
عضو شعبيات
|
اللهم حوالينا ولا عليناااا يالطيف الطف يارب الله يشفيه ويعافيه مما ابتلاه منه : D ويعين الأمه الشعريه والفنيه والاسلاميه والعربيه والعالميه والتوجيهيه والديمقراطيه وكل شي طيب كان سترت عليه الله يستر على المسلمين يا اخي :ton: بالتوفيق |
10-04-2003, 12:07 | #3 |
موقوف
|
لا حول ولاقوة الا بالله :'( :'( مسكين ياعبدالله :'( لكن بسيطه ياخالد انا عندي اصابع لكن اخاف ماتركب تراها اصابع دناميت انا مستعد ادور له اصابع طيب ما يمشي اصبع البلجيك اقول ترى شي اهون من شي حمدلله انها بالاصابع انا كم مره قلت له ياعبدالله لاتجي حول الفرامه لكنه مايسمع الكلام على فكره فيه متبرع سوداني يبي يتبرع له بثلاثة اصابع بس لازم يراعي فارق التوقيت تحياتي للجميع خربوش |
10-04-2003, 12:30 | #4 |
|
خالد الشايع اللحين تبارك له في موضوع وتفضحه في موضوع :what: :face: :ha: يالله الخيره <<< بتشب الشر بينهم :face: بسيطه هذي حلها يجيب له برنامج يصحح الأخطاء الأملائيه قبل كل رد :face: :ha: اللحين صار مشرف والعين عليه :face: :ha: والعنوان والله يشد ياخوي خالد احسبها طراره ولاّ مستحق ولاّ دين عليه عبدالله :face: شوف انا الوحيده اللي بصفك :face: الله الله بتثبيت قصايدي :face: <<< مصلحجيه :face: الله يبارك بالأشراف اللي جاب لنا خالد الشايع يكتب لنا موضوع بالديوانيه :ha: :face: ياليتها تصير عاده : اخر تعديل كان بواسطة » الجازي في يوم » 10-04-2003 عند الساعة » 12:35. |
10-04-2003, 23:51 | #5 |
عضو شعبيات
|
تفداك ايديني ياعبدالله انا عن نفسي عملت الفحوصات اللازمه ولكن ((تطلعت)) فصيله دمي مختلفه وين تطلعت فيه بس اللهم لا شماته ابو خلود اللي بيته من قزاز لايرجم بيوت الناس وعاش المشرف الجديد اللي اصابعه يبيله برد |
11-04-2003, 07:13 | #6 |
رفيــق الحــزن
|
خالد الشايع اذا ما يعرف يكتب خلووووه يبصم ههههههههههههه وبيني وبينك تراه متا يعرف يمدح وتبد تضرب الفيوزات عنده لا سمع قصيده والا شي زين ... عبدالله بندرسك من جديد يالله ردد معي : ق رأ قرأ - ك ت ب كتب - ز ر ع زرع .... يالله الحين طلع كراسة الرسم وارسم تفاحة برتقاليه .. وش فيك تضحك ما احب الاصفر والاحمر هههههههه والله الخوفه انه يتهور ياخالد ويمحطنا بباند المشرف الجديد ههههههه يالله مع السلامه لين القى لي واسطه . |
11-04-2003, 07:25 | #7 |
|
عبدالرحمن الربيع أنواع التحطيم حسبي الله على عدوانك والله اني ربي بيرفعه عليكم من هالتحطيم |
11-04-2003, 10:06 | #8 |
شــاعــر
|
الاخت نجد.. اشكر لك مشاعرك الطيبه تجاه المذكور وهو ان دل على شيء دل على نبلك وطيب اخلاقك وكان عندكم سواق يبي يتبرع ترانا نستقبل |
11-04-2003, 10:11 | #9 |
شــاعــر
|
خربوش ابو خطمه احب ان أؤكد لك وللجميع اننا نستقبل جميع الاصابع المتاحه حتى لو هي اصابع الملكه <<<-والله ان تبطي ياعبييص ومن ناحيه هالزول نحب اننا نشكره مشاعره بس قله يسوي لاصابعه صنفره قبل مايرسلها عشان على طول ندخلها الفرن |
11-04-2003, 10:15 | #10 |
شــاعــر
|
الجازي... متابعتك هذي تخضع لاحد امرين يا اما انك فاضيه وماعندك شي وكل موضوع تدخلينه وتشوفين كل الردود وهذا اشك في صحته الشيء الثاني واللي اكاد اجزم عليه اني محبوب (وجه مستحي) وكل رد لي يعتبر موضوع عشان كذا ردودي ماده دسمه <<---يامغرور حتى ان ابو نوت قال لي ذات يوم بما نصّه(اعلم بارك الله فيك لو ان الردود تثبت لكانت ردودك مثبته تحت جميع المواضيع التي رديت عليها) بارك الله فيك يا ابا نوت داري ان ردودي قويه بس مافيه تقدير اما الموضوع الاخر وهو الديوانيه اسمحي لي وش لون ادخل الديوانيه وفيصل بن خالد واقف على الباب بس اليوم استغليت فتره غيابه عن المنتدى وسرقت هالموضوع سرقه ) الجازي برايفت جاوبي على طول كم ايقونه استخدمتي ..؟؟؟ اخر تعديل كان بواسطة » خالد الشايع في يوم » 11-04-2003 عند الساعة » 10:29. |
11-04-2003, 10:34 | #11 |
شــاعــر
|
قزعه طويل تتبلاني انت؟؟ كخخخخخخخخخخخخخخخخخخخخخخخخخخخخخخخخخخخخخخخ <<<<----جحيد اسمح لي يابو طويل ماعندي نفس شجاعه عبدالله التميمي |
11-04-2003, 11:48 | #12 |
|
خالد الشايع بالنسبه للمتابعه فانا مدمنة شعبيات والأقلاع اي والله عضو مرح وانا خذيت عنك هالفكره بردودك على موضوع الدكتور عبدالله التميمي وردودك على موضوعي , استغربت ان هالأسلوب المقلع مايكتب دايم في الديوانيه ! والله صدق ماأمزح :face: وسؤال الأيقونات الظاهر حول الأربعين أو أكثر :ha: :bozo: ذكرّتني بوحده قريبه لي ماهيب كبيره حيل سألتها وش برجك قالت ( حول الأسد ) يعني شلون حول والحبر على شعبيات انتم وش عليكم صدق كل مافضيت تعال اكتب في الديوانيه موضوع تصدق اليحي وفيصل مايلحقون جزاي قاعده اعزم الأعضاء عندهم في الديوانيه :face: وانت تستاهل الله يسلمك اخر تعديل كان بواسطة » الجازي في يوم » 11-04-2003 عند الساعة » 11:53. |
12-04-2003, 07:06 | #13 |
شــاعر
|
والله يا ابو شايع من وجهة نظري ان مشاكل عبيص اكبر من كذا بكثير الرجال كله عاهات هههههههههههههههههههههههههههههههههه وتثبيت لعيونك يا ابو شايع خل الكل يشوف فضايح مشرفنا الغالي / الطويل التميمي او في مقولة اخرى عبيص التميمي بعد اذنك يا ابو علياء |
12-04-2003, 11:21 | #14 |
شـاعـر
|
ياويلكم من الله ... << يتشمـّـــت خالد الشايع .. شكراً ..!! |
12-04-2003, 12:49 | #15 |
شاعر
|
سلام عليكم .. احد شاف نظارة طايحة يالربع ..!!؟ <== مسوي يموه . اوكي شباب أجل بروح أدور انا وبعيدن برجعلكم .. اللي يلقاها يسلمها محمد العمري لأني سارقها منه .. <== بقلبه : حسبي الله ونعم الوكيل فيكم .. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|