23-02-2002, 04:39 | #1 |
عضو شعبيات
|
وسم جرحك باقي مهما حييت == باكر وبعده وعام بعد عام
مشاركه ثالثه من السعد عساها تسعدكم : مانويت الهجر انت اللي نويت نفترق ويروح كل في سلام دام ذا ودك وقررت وبغيت ابتعدنا عنك حشمه واحترام ابتعدت ولكن اني ما هقيت رجعتك وانتي سبب كل الخصام ماتفيدك آسف وقولة ياليت واتصالك ما يفيدك والكلام كنت وافي لك ولكن ما وفيت والوفاء شيمة رفيعين المقام مالقيت الا العنا ومنك اكتويت تسهر عيوني وخلق الله تنام من زرع يحصد وتدري وش جنيت ؟ المحبه قصرها اصبح هدام دامني اقفيت قلي ليش جيت ما اظن باقي اثر بين الركام ورغم ذا كله وربي ما نسيت كيف ابنسى من وسم قلبي بوسام ماعشق قلبي وبعدك ماهويت بعدكم قلبي عن الخفرات صام كم نويت انسى ولكن ماقويت وما قوى القلب المشقى بالغرام وسم جرحك باقي(ن) مهما حييت باكر وبعده وعام بعد عام ===== وسلامتكم ====== |
23-02-2002, 12:56 | #2 |
شــاعر
|
اخوي السعد: الله يسعد اوقاتك...وكل عام وانت بخير..وعساكم من عواده. صح لسانك على القصيده الجميله...التي يتشرف هذا المنتدى ان يظمها مع نوادره التي سطرت بيدين اعضاءه الاعزاء. تقبل تحيات اخوك البدوي |
23-02-2002, 17:36 | #3 |
عضو شعبيات
|
اخي المشرف بدوي في امريكا أسعد الله أوقاتك والجميع ، وعساكم من عواده عزيزي المشرف ... ان تعبيري يعجز عن شكرك على اهتمامك ومتابعتك الدائمه التي تحفزني وغيري على بذل المزيد وتزيد من مسئوليتنا تجاه تقديم الافضل . وعساك دايم سالم . تحياتي وتقديري . اخوك السعد |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|