13-02-2003, 22:23
|
#1 |
|
عضو
|
تعال يا حبيب ألبي ابونوت
تراي مستاذن منه تعال يامستكه تعال يا حماده تعال يا سلملم تعال ياهديان تعال يابوكوع تعال ياولد الهاص تعال يا طيطل دبان على قولتهم تعال يا عبييييص تعال يا هاجرهم تعال يالربيع تعال يالمشرف وتعالن يا بنات كل ابوكن ترانا نوينا نشرشح الشايب ابونوت تعالو يالباقين الدعوى وما فيها قصيدة وكاتبها مداعبه للشايب ورسلت له على الخاص وكنه ما عنده مانع واتم يالمشرفين لا تجونها ان كانها ما جازت له يشيلها هو وهذي من عوايده طولنا عليكم ؟ داري ودي اتميلح مثل المستكه قاعد يتميصل ويحسبها تميلح هذي القصيدة [poet font="Simplified Arabic,4,black,normal,normal" bkcolor="transparent" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""] لقيت لى شايب يحب البناتي = لا شاف له مزيونتن جر له صوووووت يقول ياروحي وزبدة حياتي = اروووووح لا شفتك على طول بسكووووووت انا اشهد ان شوفة ...... حياتي = تسدني عن جملة الشرب والقووووت ذكرني الاقشر عديم الصفاتي = الشايب اللي تزهمونه فبونووووت اللي علينا فالرقااابه يهاتي = فالبندق اللي كنها عووود نبوووت اليا ادددهر موضوع دلاّ يحااااتي = ينزل عليناكن فوقه برشووووت يقفل الموضوع بالمبهماتي = ان كان مارده على الحذف والشووووووت يالله تخارجنا منه لا تخلوني زورووووني بسجن شعبيااات شكلي جبت جريه وانا مادريت مع السلامه ياطيطل مع السلامه ياهديان توسط لي يابوعليا [/poet] |
|
|
|
13-02-2003, 22:32
|
#2 |
|
Guest
|
[c] طميران وش تبي انت وخشتك من زينك تهجم على الشايب وتقول تعالو هاه جينا وش عندك تبي العلم تراك رحت فيها ياطميران افندي من يفكك من يدين الشرس ابو نوت بس دامك مرسل له على الخاص ما عليك خوف الله يعيتك على ردددددددده تراه ما يرحم اعرفه خبز يدي الشااااايب طميران الوعد في سجن الحايرنشوفك[/c] |
|
|
|
13-02-2003, 23:00
|
#3 |
|
شـــــاعــــــر
|
[c] حسبي الله على ابليسك احسبك مخنبق قومني التلفون الحق نازلٍ فيك قصيدة من طميران مغير هذي ؟ اشوى الوعد بكره ان شاء الله تعميم لجميع المشرفين والمراقبين والمشرف العام ((خلو طميران يطامر على كيفه لين اضبط له ذا القيد اللي على كيف كيفي ثم احذفه هو ومشاركته عند اياس تولاه حصه وتطلاه بس ابا اروح ارقد والصبح ربح )) تحياتي لك ياطميران والى الجيش الذي حشدته فوق ترى نصهم والا اغلبهم بيجي بصفي :fire: مع السلامه :'( |
|
|
|
|
14-02-2003, 03:03
|
#4 |
|
العضوية البرونزية للموقع
|
بسم الله عليك الرحمن الرحيم ،،، طميران ... طميران ... طميران ............... ( رد علي ) ... طميران الولد راح فيها قبل لا يرد عليه ( أبو نوت ) ************************************ الصـــــراحة ******************************************** . أنشهد أن ( هديان ) صادق: ألحين منادينا أنت وخشتك علشان هالقصيدة اللي تتطاول فيها على ( أبو نوت ) ... ولا لعبوا عليك وقالوا لك ( تبي تشتهر ... حارش أبو نوت ) . يا أخي حارشني أنا ... حارش هديان ... حارش علوك مستكة ... حارش أي واحد .... لكن ( أبو نوت ) ،،، لا حول ولا قوة إلا بالله ... ما أنت بلاقي إلا ردٍ عليك يعفط وجهك وسجن ( أنا حارس الديوانية ) وطرد. . ************************************* الله يهديك بس ***************************************** . اليوم يومك يا أبو نوت ... لا زم تكون لك حزب لحالك ... علشان تعرف الناس على حقيقتها .... حـــــــــــــــــارس الديـــــــــوانية: حمــــادة الحــــلو |
|
|
|
|
14-02-2003, 09:07
|
#5 |
|
عضو
|
هديان حمادة الحلو طبشورة ابو نوت تعتقد يا هديان رحت انا فيها لاتخاف على والله لكسر مجاديف العود وانت ياحمادة منغر في ابونوت مثل ما قلت اختنا طبشورة الجولة الثانية للعود وحصه معي يا عود النسورماهيب معك واللى حالبةٍ امه على خشمه يجي الضحية الاولى ابونوت والضحية الثانية بعد ايام ان الله يسر الامرولا وقفو يوزري ترقبو الضحية الثانية عن قريب قديكون احد الاسماء المذكرة في بداية القصيدة الشاعرالكبيرصاحب القلب الذهبي طميران |
|
|
|
|
14-02-2003, 10:51
|
#6 |
|
من كبار شخصيات الإستراحة
|
[c]  طميران أنا أشهد أنك بايعها ومن زمان وأنا أدوّر اللي يشجعني على الأنقالب المدروس لدي سابقاً :bozo: :bozo: :bozo: وبيني وبينك انا من رايي نعطي هالقصيده الفنان حكيم يغنيها احس انها راكبه عليه بقوه بس ياخوفي يسوي بها فيديو كليب على غرار أس أس السلام عليكم <<= مصاله على غير سنع :ha: :ha: :ha: تحياتي وأشواقي لك وتراني ما أعرفك ومتبري منك <<= ماعنده وقت :? :? :? مستكه :bozo: :bozo: :bozo: [/c] |
|
|
|
|
14-02-2003, 11:17
|
#7 |
|
العضوية البرونزية للموقع
|
[c] . . . طميران التعبان . . أنا الله يهدك ما وقفت مع (أبونوت) إلا وأنا عرفٍ اللي عنده . . ومهما صار اللي عندك أنت وحصيصة ... ما أنتب جايين بجمبه . . وأصبر ... تصبر ... لين يجيك اللي يدكك حـــــــارس الديــــــوانية حمــادة الحــلو [/c] |
|
|
|
|
14-02-2003, 11:35
|
#8 |
|
شـــــاعــــــر
|
[c] هديان شكرا لدعمك المعنوي الرائع ولوانك صحيتني تالي الليل حمادة الحلو مشكور والله يخليك لي ياولد عمي وابشر بسعدك طبشوره خوذي الجوله الثانيه وابعدي لا يطشش عليك دم طميران الى ضحيت فيه مستكه انت معي والا علي ؟ الظاهر في خاطرك شي قله لا تستحي طميران والمعني بالقصيدة اولا الظاهر انك تعرفني تمام المعرفه وان كنت اللي في بالي سلم على اهل الشرقيّة وانت سالفتك سالفه واستلم [/c] [poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] دام الدعيّة ماعليها ثباتي = تراي للكذاب علّة وساحوت عقب القصايد حلف انك تّاتي = والقيد في رجلك يجي خمسة ابتوت اشغلني طميران لو في صلاتي = يبي كروت وعندنا ماله كروت ومادام غطيت القلم في دواتي = الله يعينك جاك ابونوت بالموت تبي تصير بمنتدانا شماتي = تموت وانت بغيض الاحزان مكبوت ان تبت فات وكل ما فات ماتي = وان عدت عندي للمجانين ريموت وسلامتكم اخوكم ابونوت [/poet] |
|
|
|
|
14-02-2003, 11:36
|
#9 |
|
شــاعر
|
طميران صح لسانك يا بعدي هههههههههههههههههههههههههههههههههههههههههههههههههه ههههههههههههههههههههههههههه واخيرا انكشفت نواياك وفضايحك يا ابو نوت هين هين نسخه الى الموقر قائد القوات العليا ولد الهاص نسخه الى النائب العام ابو علياء نسخه الى سباك الجيش ابو كوع نسخه الى جريديه الرياضي " مساكين يدورن مواضيع " اقول يالشايب لا تقرب طميران فاهم والله ثم والله ول تقربه لا يجيك شي ما جاك في المجاكيك المجكيه جاكك والا لا " يعني فاهم والا لا" طميران سير ونحن من ورائك ولا يهمونك هديان خلك محضر خير او محضر شرطه ههههههههههههههههههههههه |
|
|
|
|
14-02-2003, 11:58
|
#10 |
|
العضوية البرونزية للموقع
|
[c] ***************************** شرح قصيدة أبو نوت على طميران ******************************** أولاً: (دام الدعيّة ماعليها ثباتي = تراي للكذاب علّة وساحوت) يعبّر الشاعر وبكل روعة لقافة (طميران) يوم أنه قام يتجنى على شاعرنا. وينبهه بقوله (الكذب موزين يا بابا). ............................ ثانياً: (عقب القصايد حلف انك تّاتي = والقيد في رجلك يجي خمسة ابتوت) يقسم الشاعر في هذا البيت بأسلوب جميل يتمثل بثقته في نفسه أن (طميران) لم يحسب حسابه عندما سبه لذا يبي يجي (طميران) مجاوب على خشته وهو مربط زين. ............................ ثالثاً: (اشغلني طميران لو في صلاتي = يبي كروت وعندنا ماله كروت) بأسلوب فكاهي جميل يصور الشاعر المتألق (أبونوت) مدى تلزق (طميران) فيه ويخبره أيضاً بأسلوب فكاهي بقوله: أنقلع ما أبيك من زينك. ............................ رابعاً: (ومادام غطيت القلم في دواتي = الله يعينك جاك ابونوت بالموت) يفجّر الشاعر في هذا البيت فن التشبيه وذلك بالشطر الأول ويقصد فيه ( ياطميران يا ملقوف أنت اللي جايني) ومن ثم يخبره بأنه سيجد في هذه القصيدة والقصائد التي تليها الموت له، يعني (ما أنتب قادرٍ عليّ يالزلابه). ............................ خمساً: (تبي تصير بمنتدانا شماتي = تموت وانت بغيض الاحزان مكبوت) في هذا البيت جسّد الشاعر حقيقة ستحصل ... بل حصلت الآن لـِ (طميران) وهي الشماته وكونه (مسخرة) في شعبيات. ويتابع في الشطر الثاني مسلسل الأحداث بأن (طميران) سوف ينقهر وينطوي بسبب ما سيحصل له. ............................ سادساً: (ان تبت فات وكل ما فات ماتي = وان عدت عندي للمجانين ريموت) يحذر شاعرنا (أبونوت) >>> (طميران) من أن له فرصة في أن يحفظ ماء وجهه ويسكت علشان يرحمه الشاعر من القصيدة التالية، ويوضح له بأنه لم يترك ما نهج في البداية فسيصبح وحسب تعبير الشاعر (مجنوناً) وسيكون علاج المجانين لدى شاعرنا. ********************************* إنتهى الشرح ******************************************* نقاط مهمة لعامّة المخمّة: - لقد وقفت في صف (أبو نوت) ... وأتضح أن من وقف في صف أبو نوت كسبان. - تعتبر هذه بداية من قبل الشاعر (أبو نوت) ويا ويلك من الجاي يا (طميران). - لقد حذرتك ... وكررت تحذيري من اللعب مع الكبار ... لكن ...؟؟؟ - معليش تعيش وترد عليه وتاكل غيرها وأتسود منها. تحياتي،،، حـــــارس الديــــــوانية حمـــادة الحــــلو [/c] |
|
|
|
|
14-02-2003, 12:13
|
#11 |
|
Guest
|
كلتها مفلفله يا طميران
[c] ابو طمره يعني طميران:bozo: انا ما قلت لك تراه شرس وبغيض تراه راد عليك وهو كذا الله يعينك اذا صاركذا:fire: تبي العلم انت رحت فيها ولا سمى عليك احد لايغرك فيصل بن خالد تراه نصاب وجبان حمادة اركد شوي لا تكثر على الرجال هديان الاطخم[/c] |
|
|
|
14-02-2003, 13:04
|
#12 |
|
عضو
|
العود وصل مرحبا يا عود السكن هلا يابو نوت غريبة مثبت الموضوع ما هيب عادتك التثبيت اثرك تحب الشر والقشر هين يا عود شغلك عندي تبي الصراحة والله انك اشرقتني يا عود لكن فرصة نجاريك ونمزح معك.. فيصل بن خالد صح بدنك ولازم الكل يعرف حقيقت الشايب اللى منغرين فيه الناس يحسبونه عاقل وهو من جنبها وقلبه خضر حمادة الحلو تعال ابيك يا ولد عم الشايب المراهق ^ ^ ^ يعني (ما أنتب قادرٍ عليّ يالزلابه========> انت قد الكلمه ذي ياحلو؟؟ على الملازيم ان تبطي وهي بين اضلوعك يا حلو وانا طميران لكن اصبر على انا مسافروراجع بعد يوم ولا يومين واعلمك الشغل يا حلووالله والله والله ثم والله ما يفكك من يدي احد والوعد قد1111111111 م لكن عسى عضامك تشيلك يامعثور صاحب القلب الذهبي طميران |
|
|
|
|
14-02-2003, 14:49
|
#13 |
|
العضوية البرونزية للموقع
|
شوي ... شوي هد أعصابك ...
[c] . هاااااه يا طميراااان وش فيك يوم جاك العلم قمت تخور وتسافر كثير، على العموم خلنا بالتعليق على كلامك أعلاه : ........................... أولاً: (هلا يابو نوت غريبة مثبت الموضوع ما هيب عادتك التثبيت أثرك تحب الشر والقشر) عندما يقوم أحد بتثبيت موضوع ما فإن الهدف منه هو لفت نظر جميع الأعضاء إليها وهنا (أبو نوت) أرادك أن تكون فرجة لمن غيرك ولتكون عضة وعبرة لمن تسول له نفسه للقيام بمثل عملك. ........................... ثانياً: (هين يا عود شغلك عندي تبي الصراحة والله أنك أشرقتني يا عود لك فرصة نجاريك ونمزح معك..) في كلامك أعلاه تضاد يا أخي ... فأنت تتوعد بقولك (هين يا عود شغلك عندي) وتعترف بخوف وذلك بقولك (والله أنك أشرقتني يا عود) كما أنك مهدت لفشلك المستقبلي المتوقع بقولك (فرصة نجاريك ونمزح معك) وذلك لتبرير الفشل المتوقع بعذر المزاح والمجاراة. ........................... ثالثاً: (حمادة الحلو تعال أبيك يا ولد عم الشايب المراهق) إذا كان الشايب وعلى قولتك (شرقك) وش عاد المراهق .... لكن ما أقول إلا الحمد لله والشكر وارضى بالمقسوم من العود أشرف لك شوي مير. ........................... رابعاً: (ما أنتب قادرٍ علىّ يالزلابة=====> أنت قد الكلمه ذي ياحلو؟؟ هذا يا (طميران) معنى كلام أبو نوت .... لكن أن كان أنك عجزت عنه وتبيني فأنا لها وأنا ولد (الحلو). مع أني ما أقول الشعر بس أني تجريت عليك يومٍ شفت (تشريقك) من أبو نوت ... يا حليلك حليلاه. .......................... خامساً: (علي الملازيم أن تبطي وهي بين اضلوعك ياحلو وأنا طميران) هأووووووووو ..... هأووووووو .... هأأأأأأأوووووووو ..... يا حليلك وأنت مغلوب وزعلان. ........................ سادساً: (لكن أصبر علي أنا مسافر وراجع بعد يوم ولا يومين وأعلمك الشغل يا حلوو) يا واد ما جاك السفر إلا الحين ... وشوله تجاري الرجال وأنت ما عندك وقت ... على العموم رح وجمّع وأطلب عانيات منا ومنا ... والله يحيك أنت واللي تبي تجيب معك ... أنا لها... ........................... سابعاً: (الله والله والله ثم والله ما يفكك من يدي أحد والوعد قدام لكن عسى عضامك تشيلك يا معثور) أحلى يا قوي ياللي يتوعد ويبي يسافر له يومين ... لكن أبشرك عضامي تبي تشيلني وأنا قدها أن عجز أبو نوت عنها. بااااااااااااااااااي يا صاحب القلب الذهبي .. هاهاهاه حـــــارس الديــــــوانية حمـــادة الحــــلو [/c] |
|
|
|
|
14-02-2003, 15:11
|
#14 |
|
شــاعر
|
هديان جبان مين يا ابو جبان خلني ساكت بس الجبان الي ....................... مر علينا بكره حماده ياخي ترى ماهوب لازم تفزع له خله يواجه مصايبه بنفسه ههههههههههههههههههههههههههههههههه خليك حلو يا حارسنا ولا تدافع عن العود ابو نوت اشغلني طميران لو فـي iiصلاتـي يبي كروت وعندنا مالـه iiكـروت الا بالله له كروت من يوم ما هاجمك وكروته واسهمه ارتفعت يارجال انقلع بس يالشايب انت الي طاح كرتك وانفضحت ههههههههههههههههههههههههههههههههههههههههه ابو نوت ما قلت لك لا تقرب طميران ؟ لا تخليني افتري فيك قدام الاعضاء خلوه ياخذ راحته جعله يدخل السوبر حقهم ويفحط بالديوانيه خلوه ههههههههههههههههه |
|
|
|
|
15-02-2003, 07:49
|
#15 |
|
Guest
|
[c] اقول يا دبان خيرانشالله اشوفك قمت تمون على بزياده\\\هديان جبان مين يا ابو جبان خلني ساكت بس الجبان الي ....................... وش معنى العباره ذي يا دب كن ودك تهددني في بطنك شي قله اعترف اقولك ولا مهستك في ميدان المحاوره لين تعرف حركاتك يادباااااااااان [/c] |
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
