13-09-2001, 21:43
|
#1 |
|
متنبي الشعر الشعبي
|
جسور الجفا
للترف خيـــل ٍ غدا مركــاضها صدري ........... وطيــــور شــوقي غدا مقيالها .. عيونه لبا جفونـه ولبا .. طبعــها الخـدري ........... ولبا ســــوادٍ رقد في خدري جفونه اثره بضحكة سنونـــه حافر ٍ قبري ........... ولا كنت اظني بامــوت بضحكة سنونه شرهة متونه على شــلالها الخمـــري ........... وان نثـــرته الهبـــوب .. مردّه متونه جيت اجبر الكسر لكنــه .. كسر جبري ........... مجنـــون والحـظ ساقــه يم مجنــونه يتفنن بلوعتــي .. واتفنن بصبري ........... حتى غــدت لوعتــي من اجمل فنونه لا رحم ابوالحظ ساق الهجر من بدري ........... وشيّد جســـور الجفا من دونـي ودونـه واقفيت لاني ضرير .. ولاني ببصري ........... اليا منعني الحيا ... ساقتـــني المــــونه وجهمت اسوق الخطا في الدرب واهذري ...........( تكفـــون ياللي خـذوا خلّي تــــردونه ) ابطى .. وخلّى سؤال ٍ يلهث بفكري ........... مادري يصون الغلا ؟ .. مادري هو يخونه؟ ويوم اني اسجّ بين ادري .. وما ادري ........... عقب البطا .. جاء يقول : الدار وشلـونه قلت انت : دارك هنا.. واْشِر على صدري ........... قال انت : دارك هنا .. واَشّر على عيونه |
|
|
|
26-10-2001, 13:57
|
#2 |
|
موقوف
|
عندما يكون هناك ترف بالمفرده يكون هناك محمد الدحيمي عندما يكون الابداع يكون هناك هامه كبيره خلفه صغيره بالسن نعم ولكن ليست صغيره بالشعر الشاعر الكبير محمد الدحيمي اسمح لي ان اتشرف بان اكون اول مخاطب لك بمنتدى شعبيات اعجاب قديم بقصائدك حانت الفرصه لاقوله لك مباشره اما هذه القصيده فهي دخلت ضمن سلسلة التميز والابداع تقبل تحياتي |
|
|
|
|
26-10-2001, 16:54
|
#3 |
|
عضو شعبيات
|
اثره بضحكة سنونـــه حافر ٍ قبري ........... ولا كنت اظني بامــوت بضحكة سنونه شرهة متونه على شــلالها الخمـــري ........... وان نثـــرته الهبـــوب .. مردّه متونه ياسلااام .. اخوي محمد .. قصيده سحريه .. تشد القارئ الين تجيب اقصاه ..  تميز .. ونكهه خاصه .. ماشاءالله عليك .. صح لسانك .. وتقبل تحياتي .. |
|
|
|
|
27-10-2001, 00:26
|
#4 |
|
عضو شعبيات
|
صح لسانك يامراقبنا |
|
|
|
|
27-10-2001, 03:03
|
#5 |
|
موقوف
|
قلت انت : دارك هنا.. واْشِر على صدري ............... قال انت : دارك هنا .. واَشّر على عيونه الله عليك .. ياشاعرنا دائما عندما نبحث عن الابداع .. نجد محمد الدحيمي .. وعندما نبحث عن محمد الدحيمي نجد التألق والابداع اللامحدود اخوي .. شهادتي فيك مجروحه .. لكن كمتذوقه للشعر اجد كل الروعه في قصائدك .. ويشرفني أن تسجلني في قائمة معجبيك يعطيك ألف عافيه .. ولك تحياتي أختك .. عطر الخزامى  |
|
|
|
|
27-10-2001, 16:02
|
#6 |
|
شــاعر
|
اخي محمد الدحيمي: اهلا بك في شعبيات اخي وزميلي وشكرا لك على تشريفنا بروائعك الشعريه..واشرافك الرائع الذي شرفتنا به رغم كل مشاغلك. وصح لسانك على الرائعه التي خذت من العذوبه تركيبها ومن السحر مفرداتها ومن الجمال ابياتها. تقبل تحيات اخوك البدوي [ أكتوبر 29, 2001: تم تعديل الموضوع بواسطة : بدوي في امريكا ] |
|
|
|
|
27-10-2001, 16:52
|
#7 |
|
عضو شعبيات
|
....قلت انت : دارك هنا.. واْشِر على صدري ...... قال انت : دارك هنا .. واَشّر على عيونه الله الله أقسم بالله انك رائع واثبت انك شاعر احساس بهذه القصيده الرائعه.. شكراً لحضورك البهي وشكراً لشعبيات التي جمعتنا بكم..... |
|
|
|
|
27-10-2001, 21:31
|
#8 |
|
رحمة الله عليه
|
اثره بضحكة سنونـــه حافر ٍ قبري ........... ولا كنت اظني بامــوت بضحكة سنونه صح لسانك يامحمد الدحيمي قصيدة رائعة وقوية من شاعر متمكن ******** ارسلت لك ساله على صندوقك يامحمد مدري وصلت ارجوا انك تطلع عليها وترد لي جواب ولك شكري وتقديري اخوك / عبدالهادي الخليوي (ناوي) |
|
|
|
|
27-10-2001, 21:56
|
#9 |
|
شـــاعــر
|
اخي محمد الدحيمي السلام عليك اولا / قصيدتك لايمكن ان اوفيها حـقها ولن اقول اكثر من صــــــــــــــح لـسـانك...... ثانيا/ شكرا علي تسجيلكم لي في هذا المنتدي الرائع بكل اعضاءه ولكن لااعرف الطريقه التي استطيع اضافة موضوع جديد فارجوا ارسال الخطوات المتبعه في المنتدي وكلي شكر وثناء لك علي البريد الأكتروني المدون بالاسفل ...... ================= almohajer_b@hotmail.com |
|
|
|
|
27-10-2001, 22:04
|
#10 |
|
الشاعر حمد بن فطيس المري
|
أخوي والشاعر وزميلي في الاشراف محمد الدحيمي بغيت أختار بيت علشان أعجبه وأضعه في ردي ولكن مالقيت بيت فيه أعجاب لأن وببساطة القصيدة رائعه وكل بيت فيها أروع من الثاني أخي محمد صح الله السانك أخوي بندر الحجي هذا المنتدى فقط تستطيع أن تضف رد لأن المواضيع الجديدة مايضعها إلا الشعراء المعروفين بأسمائهم الحقيقية .... وإذا عند نقد فهناك منتدى وجة نظر نقدية وإذا عندك قصيدة هنا منتدى مجلس الشعر النبطي.... ويامرحبابك في شعبيات وتقبلوا تحياتي العابر [ أكتوبر 29, 2001: تم تعديل الموضوع بواسطة : العابر ] |
|
|
|
|
28-10-2001, 01:09
|
#11 |
|
سيـــف الســـيــف
|
الاخ/ الشاعر: محمد الدحيمي 0000 تحيه طيبه ماشالله عليك على هالابداع اللي تطرز فيه كل قصيده نقراها لك القصيده كلها على بعض قرص من الشهد لايختلف طعم اوله عن اخره اللي اقوله صح لسانك وعسى يد سجلتها ماتنشل وخاطر غنابها مايضيق لك تحياتي |
|
|
|
|
29-10-2001, 17:01
|
#12 |
|
عضو شعبيات
|
اخوي محمد الدحيمي/ صح لسانك.. يعطيك العافيه على هذا الابداع.. عساك على القوه.. تقبل تحياتي اخوك المملوح,,  |
|
|
|
|
29-10-2001, 23:58
|
#13 |
|
العضوية الماسية للموقع
|
محمد .. اذا كان هناك من شكر للشعر ، فهو اكيد انه راح يكون فرحتنا فيك .. يا محمد .. مشكلة قصائدك انها " لا فكاك منها ولا شبه " .. نقراها مرات كثيرة ، وكل مرة نكتشف فيها شغلات كثيرة ..يا محمد .. شكراً لشعرك |
|
|
|
|
30-10-2001, 00:00
|
#14 |
|
العضوية الماسية للموقع
|
قصدي لا فكاك منها ولا شبع  تقرا شبه وتطيّر قصايدي عاد .. مشرف ماحد راح يسألك ليه |
|
|
|
|
30-10-2001, 02:28
|
#15 |
|
المشرف العام على شعبيات
|
هلا ومرحبا يابو بدر هلا بالمشرف صح لسانك والله يحييني عندك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
