08-10-2002, 20:27 | #1 |
..
|
الطااااااااااســــه العجيبه
[c]بسم الله الرحمن الرحيم[/c] اخواني و اخواتي الله يصبحكم بالخير هاذي قصيده قالها صديق عندما كنا في المقناص وكثر السؤال عن الطاسه او الغضاره من كثر مانستعملها في هذه الر حله وفي مره من المرات نسيناها في مكان المضحى ومع وقت الغداء اكتشفنا انا نسينها وتهيض وكتب هالقصيد انشاء الله انها تعجبكم [poet font="Simplified Arabic,5,black,normal,normal" bkcolor="transparent" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""] ياطاستي مافيه شئٍ يحاليك=بين الستينلس ستيل و المعدنيه من بد مااملك صرت ياطاسه اغليك=حتى غلاك اصبح فريضه عليه الا فقدتك قمت اصوت و اناديك=و الى لقيتك عودت سامريه يوم المرق والصيد دايم حراويك=كنك خويٍِ مايبور بخويه حلو الوصايف كلها تجتمع فيك=زندِبياله مدخنه زمزميه والى لزمنا امرنا على النار نشويك=للطبخ قدر و للعمس شاذليه ومخدتٍ للنوم لاصرت كافيك=وللراس ضل ان صارت الشمس حيه واحيان ارزك للبواريد ورميك=شـارة وزن لاهست البندقيه وان قامت الارنب اهدك والاحيك=ويصير لك في الريع روحه و جيه نوبٍ تقبل بك ونوبٍ تقفيك=عجك يقوم وعديتك دائريه وان طحت في جول الحباري ماوصيك=صرتي عليهن علتٍ صيرميه وياطاستي ياجعل من لامنيفيك=تجري عليه من اليالي بليه و سلامتكم [/poet] |
08-10-2002, 21:02 | #2 |
عاشقة شعبيات
|
..... .......... هبيبين ... .. ياملحك ياشيخ .. .... صح لسان صديقك ... ... وسلمت اصابيعك اللي كتبتها .. بس رهيييييييييييييييبه هالطاسه .. ... تدري جتني الصيحه والله يوم قلتوا فقدناها .. ... يالله .. بس روووووووعه .. ياهبيبين .. تهبل .. ... تحياتي يالسنافي ... ... أختك ... .... سرووووووبه عبد الرحمن البطي ... |
09-10-2002, 18:05 | #3 |
من كبار شخصيات الديوانية
|
هبيبين الغالي لايضيق صدر خويك تراه يامر على طيس البرمان اللي على موتري وصراحه انا كنت مركبها على السوبر ناوي أمر الاطخم فيصلوه أكشخبه بس مهيب مشكله أمره بالشفر توني معلق السرى طوقه على الكبوت<<<<<<<< سطريني يالعبده كان فهمتي وتقبل تحياتي.. وكيل طيس برمان دحيم المنتهي |
09-10-2002, 18:28 | #4 |
من كبار شخصيات الإستراحة
|
عاش مروس والحاضرين ترى بدال الغضاره غضاره << مايدري وش السالفه اخوي هبيبين شكلك تقرمض الشعر يسلموووووووووووو وفي انتظار المزيد من الزحف تحياتي ::::: علوك مستكه |
10-10-2002, 13:19 | #5 |
..
|
السررررررووووووووبه الحبوووووووبه بعض ماعندك صح بدنك بالنيابه عن صديقي السروبه نحمد اللي صبرنا على فراقها يومين والواحد الى تذكر يضيق صدره تسلمين يابنت خالي راعي العنود |
10-10-2002, 16:49 | #6 |
عضو شعبيات
|
صح لسان الطاسة الي هيضة خويك
اخوي هبيبين الله يمسيك بالخير تسلم والله على طرح هالقصيده الجميله والي وصفت فرقا الطاسه الله يعقلها عليكم ولولا ضياعها ما قرينا هالابيات تسلم اخوي ما قصرت أختك رهف |
11-10-2002, 04:49 | #7 |
شـــاعــر
|
هبيبين ... ياخي شكلك زعلان مني ... يابو داحم الطاسه العجيبه ما ضاعت ... ابدا خويك الشاعر شكل راسه كبير ( مع احترامي لك ولصديقك ) ... بس من جد شكله تكى عليها ورقد ودفنها وهو ما يدري تحياتي يالزعلاااااااااااااااان وابشر بالرضا ... |
11-10-2002, 09:33 | #8 |
رفيــق الحــزن
|
هبييييييييييييييين لا حول ولا قوة الا بالله ... هون عليك هذي الدنيا لقاء وفراق الله يخلف عليك ... والمثل يقول انا اخوي (( تضيع الطيس بمالا تشتهي المواعينوا )) والله حالة تونها ما خلصنا من فراق فيصل بن خالد ونجي هالحين على الطاسه .. الا عندك صورة لها على شان نسوي اعلان بالجريدة بس ياخوفتي لا يكون جت بقطع الشارع ما التفتت ووطاها واحد من ذالمهبل شييك على المستشفيات انا قلبي موجعني وحاس انها في خطر الله يستر الله يستر .. قلبي معك يا مشغل البال ملتاع ====== ياللي تدور طاستك من ضياعي قلوبنا معك ياهبييييين وعلمنا اذا جد جديد .. |
12-10-2002, 10:16 | #9 |
..
|
دحيم ابو كوع
الحبيب الدحوووومي طيس البرمان ما تصلح يا ابو كوع اذا عندك طاسه ددسن تسعه و سبعين اللي كنها تبسي ش شكرآ لمرورك المميز |
12-10-2002, 10:43 | #10 |
..
|
علوك مستكه
علوك مستكه ماكل طاسه تعوض بطاسه و لا كل الطياس مملوحه ياخوي الشعر هو اللي يقرمضني اخوي علوك قبل يومين و صلني قصيده مجاراة لهذه القصيده من احد الاصدقاء وهو يذكر بعض من محسنها وفي القريب انشاء الله تقونها تسلم لا هنت |
12-10-2002, 15:44 | #11 |
..
|
اختي العزيزة رهف تسلمين وماتفقدين غالي انشاءالله ابرك السعات اللي خلتك تمرين على الديوانيه انتظري المزيد عن الطاسه تحياتي لك |
12-10-2002, 16:09 | #12 |
..
|
محمد علي لعمري اخوي محمداذا انت تزعل من نفسك او من شخصك ف انا زعلان منك لاتكون انت الزعلان مني ترا اخوك بعض المرات يجيبها شاميات عميات؟؟ تسلم يا ابوعلي جعلك ذخر لمن تحب حكمة الرد: لالالا للزعل من ابو كشمات مشرف الديوانيه |
12-10-2002, 16:33 | #13 |
..
|
عبد الرحمن الربيع ابو عيون تسلم الله لا يوريك مكروه يهذي اللسان بما يحب القلب ترقب الجديدفي القريب العاجل في برنامج هرج الهماسه في اخبار الطاااااسه من اخراج المبدع ولد الهاص وتقديم فاتنة الشاشه بنت الشريا السروبه تحياتي لك ولك من يسئل عن الطااااسه |
12-10-2002, 16:39 | #14 |
رحمة الله عليه
|
وياطاستـي ياجعـل مـن iiلامنيفيـك تجـري عليـه مـن اليالـي iiبلـيـه كخخخخخخخخخخخخخخخخخخخخخخخخخخخخخخخخخخخخخ ووووووووااااااااك يابطنيييييي الله يرجك ياخال وش هالتنسيم <==== ضاق صدره وده يخاويكم للبر ياحبي لك ياخال وصح لسان الشاعر وتسلم يمناك الي ماتبخل علينا ودق علي ضرورييييييييي تكفااااااا<====== بدى بالطراره |
12-10-2002, 23:30 | #15 |
عضو شعبيات
|
صح لسان كاتبها وناقلها ...... هبيبين .... تدري هاللحظه وش تمنيت تمنيت أكون طاسه غدي ينكتب عني ولو بيتين شعر |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|