27-11-2001, 04:56 | #1 |
عضو شعبيات
|
يا زيف والله ماشرهنا على الزيف =+++=
الاخوة المشرفين والاعضاء السلام عليكم ورحمة الله وبركاته من صميم فؤادي ارغب المشاركة في منتداكم العامر بكم وهذا اول الغيث ××××××××××× ياهية ياللي غايب الذهن غايب ***** لعبتك لعبة الصغار الملاقيف ياناس هذا الوقت فية العجايب ******* يازيف والله ماشرهنا على الزيف عشرين اسم وكلبوهم زلايب ******** شفناه كانه يحسب ان مابعد شيف المشكلة مكشوف راعي الذوايب***** سيفة خشب ويسله ويحسبه سيف لا ياالمريض المرتهج للنشايب ****** لك بيت في الطايف يضم المكاتيف انا اشهد انك تشرب المر ذايب ****** ومن ذاق مر الوقت صابه تخاريف ضاري على طعن المقفين عايب ****** مالك خوي الا الغدر و(0000000) ppppppppppppppppppppppppppp ppppppppppppppp دقم (القادم) |
27-11-2001, 06:01 | #2 |
موقوف
|
دقم .. ياهلا فيك والله وبكل مشاركاتك صح لساااانك على هالقصيده يعطيك الف عافيه .. وتسلم يمناك ونحن نتلهف لجميع مشاركاتك تقبل تحياتي أختك .. عطر الخزامى |
27-11-2001, 12:06 | #3 |
رحمة الله عليه
|
صــــــــــح والله لسانك يادقم واشهد انك شاعر وارحبك بين اخوانك ولاتحرمنا من هذي القصايد المتميزة تقبل اعجابي اخوك / عبدالهادي الخليوي |
27-11-2001, 12:20 | #4 |
سيـــف الســـيــف
|
الاخ/ دقـــــــــــــــــــــم ياهلا فيك وياهلا بهالقصيد اللي وراه من العلوم الشي الكثير ههههههههه انت كافش لك واحد بس من هو الله اعلم؟؟؟ ولو اني ما اؤيد هالنوع من القصايد لاني احس انه دائما راعيها يا يكون مش متأكد والا خايف والثانيه انشالله بعيده عنك 00 اقول يمكن الاوله اقرب واذا انت متاكد لو انا مكانك سدحت اسمه هنــــا قدام الجميع 00 مع ان الاغلبيه في البدايه دخلو باسمين الاسم الحقيقي والاسم اللي المستعار اللي انعرفوا فيه وهذا ما فيه شي 0 على العموم صح لسانك وتسلم يدينك على هالقصيده اللي تدل ان وراها شاعر ماهوب بسيط وهذا اذا انت مانت متخفي باسم ثاني ههههههه اخوي يعطيك العافيه وحنا بانتظار الجديد او اسم المقصود بالقصيده <<=== يحب القشر ماعليكم زود ======>>> لك تحياتي |
28-11-2001, 01:11 | #5 |
عضو شعبيات
|
الاخت الكريمة - عطر الخزامى صح بدنك وشاكر ومقدر استقبالك وترحيبك وهذا لاشك من طيب اصلك وشكرا |
28-11-2001, 01:14 | #6 |
عضو شعبيات
|
الاخ الكريم - عبدالهادي الخليوي صح بدنك واقول ماعليك زود يالاجودي وتشجيعكم اكبر دافع لمثلي من المبتدئين وشكرا |
28-11-2001, 01:20 | #7 |
عضو شعبيات
|
الاخ الكريم- عكاشة والمهلي واشوف انك خاش عرض عسى ماشر وش العلوم وهالكلام اظن والله اعلم انك مسلم على غير الضيف انت مسوي شي وجايني مطفي الانوار انتبة والضحك عند اللي ماتعرفة ماله مكان واذا انت تحب القشر ياخوك شف لك واحد غيري وقاشره اللهم اني صايم وشكرا |
28-11-2001, 01:31 | #8 |
سيـــف الســـيــف
|
تطيب انشالله صوموا تصحوا [ نوفمبر 27, 2001: تم تعديل الموضوع بواسطة : عكاشه ] |
28-11-2001, 02:28 | #9 |
ينتظر التفعيل
|
انا اشهد انك تشرب المر ذايب ..........ومن ذاق مر الوقت صابه تخاريف اخوي الغالي دقم .. قصيدة رائعة وبداية مميزه لشاعر عذب .. ومصافحة جميلة تبرهن حضور شاعر مميز صح لسانك وبيض الله وجهك وواصل ابداعاتك حنا بانتظار قصائدك وهلابك يالغالي |
28-11-2001, 04:50 | #10 |
رحمة الله عليه
|
اخوي : دقم ........صح لسانك وبيض الله وجهك ويشرفنا تواجدك بيننا يالغالي والله يبارك باول الغيث فهو الخير والبركه خاصه بهالوسم.... المشكلة مكشوف راعي الذوايب***** سيفة خشب ويسله ويحسبه سيف لا ياالمريض المرتهج للنشايب ****** لك بيت في الطايف يضم المكاتيف انا اشهد انك تشرب المر ذايب ****** ومن ذاق مر الوقت صابه تخاريف انشهد يابعدي تسلم والله يالحبيب ..... |
01-12-2001, 22:35 | #11 |
عضو شعبيات
|
الاخ / ولهان_1 صح بدنك وهذا من ذوقك طال عمرك وانت وجهك ابيض ولاهنت وان قاله الله تشوف المشاركات اللي تعجبك واسف على التاخير في الرد لظروف العمل خارج منطقة حايل 200كيلو وابعد شوي ************** ***************** *************************************** دقم |
02-12-2001, 05:55 | #12 |
عضو شعبيات
|
اخوي دقم صح الله لسانك قصيده جزله وبيض الله وجهك تسلم يمينك والله لايهينك تقبل تحياتي أخوك : أحمـــــــد مســــــــــفر آل حــــــــــــــــارث ((المدار )) |
02-12-2001, 11:48 | #13 |
شـــــاعــــــر
|
الأخ دقم السلام عليكم صح لسانك واول الغيث سيلا من الشعر فاح له ثرى الأرض وانبت جميل الأبيات انا اشهد انك تشرب المر ذايب ****** ومن ذاق مر الوقت صابه تخاريف ونحن نذوق من دقم اعذب الشعر وننتظر المزيد تحياتي واعجابي اخي دقم من اخيك ابو نوت |
02-12-2001, 12:02 | #14 |
عضو شعبيات
|
اخوي دقم الله يحيك وهلابك وصح لسانك وبهالمنتدى انشاء الله تلقى الشي الكثير اللي ماتلقاه بالمنتديات الثانيه بسبب وجود شموعه اقصد اعضائه |
09-12-2001, 04:42 | #15 |
عضو شعبيات
|
الاخ /راعي العنود صح بدنك وشاكر لك تشريفك والتعليق المشجع وتقبل ووووووافر الشكر اخوك/دقم [ ديسمبر 08, 2001: تم تعديل الموضوع بواسطة : دقم ] [ ديسمبر 08, 2001: تم تعديل الموضوع بواسطة : دقم ] |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|