15-08-2002, 23:15
|
#1 |
|
المشرف العام على شعبيات
|
تميز واضح للديوانية العامة بجهودكم جميعا وجهود المشرفين
بعد مارجعت من سفرتي الاخيرة ودخلت الديوانية العامة تغيرت علي كثير صارت الديوانية تجمع رائع ويفتح النفس كل مادخلته تذكرت استراحة كنت متقاط فيها انا وثمانية عيال كلهم على الدين قبل خمس سنين  بس ماش طفرنا ولا قدرنا نجدد الايجار  لا خلوا نحكي بجد عاد بودي باسم ادارة الموقع اشكر جميع الاعضاء على تفاعلهم الرائع في المنتدى عموما وفي الديوانية العامة خصوصا ولا ودي أخص أحد بالاسم علشان لا انسى احد ولكن والله كلكم مميزين وبكم يرتقي المنتدى فواصلوا ابداعكم بارك الله فيكم ولا يفوتني ان اتقدم بجزيل الشكر لمشرفين المنتدى على جهدهم الواضح في المنتدى والذي لولاهم لما وصل لهذه المكانة الرائعة في سماء المنتديات العربية ( وش رايكم فيني اعرف احكي )وبودي اوجه رسالة خاصة لاختي العزيزة سراب الليل الي طال علينا غيابها واقولها شكرا على كل جهودك المميزة ياشمعة المنتدى وبانتظار عودتك على أحر من الجمر ولا هنتي يالغالية |
|
|
|
16-08-2002, 00:06
|
#2 |
|
رفيــق الحــزن
|
اخوي ابو عبدالله صبح الله بالنور يالغالي .. والله اللي يستاهل الشكر بصراحة انت ياضاري بالعطا والمسؤولين عن هذا المنتدى الرائع اللي وفروا لنا كل سبل الراحة واحدث التقنيات والامكانات اللي جعلت شعبيات ترتقي لاعلى المراتب الله يعطيكم العافيه .. اقول يابو عبدالله وش رايك تقط معنا في استراحتنا ترى عندنا استراحة على كيفك وترانا طال عمرك ما نخالف على اللي يتاخر بالقطة والله ان هالمنتدي احسن من الاستراحات اللي كلها تكبيب بيلات شاهي وطقاق على البلوت ومزاعق في هالليول وحط ذالقناة وانا ابي هالقناة وذا قط وذا ماقط وذي بحق وذي مهيب بحق ومزاعل وما غير نداريهم مدارى الله يكفينا وياكم الشر وهذا حال الاستراحات كلها واللي ما يدري يدري . شكلي طولتها وهي عريضة تحياتي لك يابو عبدالله والف شكر على اهتمامك ومتابعتك الدائمه وجهودك الواضحة كالشمس في وضح النهار وتصبح على خير . اضم صوتي لصوتك وادعوا الاخت سررروبه الغاليه العودة سريعا واقول لها :- والهجر يومين ثلاث ايام اما ثمان ياتعب حالي . اخر تعديل كان بواسطة » عبدالرحمن الربيّع في يوم » 16-08-2002 عند الساعة » 00:13. |
|
|
|
|
16-08-2002, 01:24
|
#3 |
|
شـــــاعــــــر
|
خلاص نحبك لا تقعد ترزز وتقضي على شخصيات المراقبين العامييييين
هلا اخوي الغالي ضاري بالعطا والحمد لله على السلامه ووين الهدايا حاط لي شريط يمرر المواضيع هذا هديه ؟ نبي هدايا خاصه للمراقبين والمشرفين والاعضاء المميزين بس  المهم يقول ضاري بعد مارجعت من سفرتي الاخيرة ودخلت الديوانية العامة تغيرت علي كثير شكرا ونتمنى ان تكون للأفضل 000 000000000000 صارت الديوانية تجمع رائع ويفتح النفس كل مادخلته تذكرت استراحة كنت متقاط فيها انا وثمانية عيال كلهم على الدين قبل خمس سنين بس ماش طفرنا ولا قدرنا نجدد الايجار000 هنا بدينا نخور وش استراحه ؟ بس والله انك صادق  وش تشبه اجل ؟ صدقت يابوعبد الله000000000000 لا خلوا نحكي بجد عاد 00000000 احلا ياجد 000 من جد انت جد فعلا جدي ضاري بالعطا 000000000000 بودي باسم ادارة الموقع اشكر جميع الاعضاء على تفاعلهم الرائع في المنتدى عموما وفي الديوانية العامة خصوصا ولا ودي أخص أحد بالاسم علشان لا انسى احد ولكن والله كلكم مميزين وبكم يرتقي المنتدى فواصلوا ابداعكم بارك الله فيكم 00 000000 شكرا جزيلا يابو عبد الله وكفو وتمون وانت كبيرنا الله يسلم عمرك 000000000000000000 ولا يفوتني ان اتقدم بجزيل الشكر لمشرفين المنتدى على جهدهم الواضح في المنتدى والذي لولاهم لما وصل لهذه المكانة الرائعة في سماء المنتديات العربية ( وش رايكم فيني اعرف احكي ) 0000 00000 بهذي معك حق  ما لعب فيني وخلاني اهمل قصايدي والردود عليها واقعد ادور على اركان شعبيات الا لسانك الذرب اللي يلف بالحرير ووالله انك تملك الانسان اللي تكلمه من زين كلامك وسعة صدرك ووالله اني احبك يالماخوذ والا كان مع اول ازمه في شعبيات كان هاج ومخليها 0000  تراي امزح >>>>> ما ينقال عليه باكر يحذفني واهون ما هنا الشطب وترى ابي اقولكم سر ترى اكره ماعليه شطب العضو بس يسويها عادي معاندي وهو معاندي والا وش رايك يا عكاشه ؟ 000000000000 وبودي اوجه رسالة خاصة لاختي العزيزة سراب الليل الي طال علينا غيابها واقولها شكرا على كل جهودك المميزة ياشمعة المنتدى وبانتظار عودتك على أحر من الجمر ولا هنتي يالغالية امّا هنا انكشف مدى حرصه على الاعضاء والمشرفين والله مشكور واضم صوتي لصوتك يابو عبد الله وانادي سراب واتمنى ان تكون معنا هنا 0000 الكلام لي الآن 0000 ماهي الا قراءة تحليليه لكلمة المشرف العام ضاري بالعطا اطال الله بقائه واجمل الله محيّاه فقد كان هو من اسس وتعب وطور وتحمل عناءً كثيرا في سبيل الوصول الى هذا المستوى 0 فجئنم ايه الاعضاء وعملتم على نشر سمعة هذا الموقع بروحكم العاليه ومشاركاتكم الرائعه فشكرا يا اخي العزيز ضاري وشكرا لجميع مشرفي الموقع المتواجدين والمفقودين وشكرا لكم يا اعضاء شعبيات الرائعين 0 تحياتي وتقديري من القلب للجميع اخوكم ابونوت |
|
|
|
|
16-08-2002, 04:32
|
#4 |
|
سيـــف الســـيــف
|
[c]اررررررحب ياااضاااري والحمدلله على السلاامه يالذيب عودا حميدا 00 وانشالله كانت اجازه سعيده 00 بس الله يهديك احد يروح لليمن؟؟ ويض الله وجهك على الكلمات التشجيعيه للاخوان ولنا كلنا 00 وشهادة حق 00 عزالله ان الانسان بيتعاامل معك غلطاان خخخخخ قصدي ماهووب تعباان وعزالله بيلقى التجاووب السريع 00 ماشالله عليك وبيلقى الصلاحيه كامله00 وليت جنسك واجد 00 ابو عبدالله عن اذنك احب هالاثنين والثلوث قصدي احب الاثنين هاللي ردوا عليك وودي ادبل تسبودهم شوي ابو ربيع كيفك يا بعدي 00 تصدق يوم قريت هالجمله بكلامك بغيت انقز وفي يدي قطتي لمدة سته شهور والجمله اللي اقصدها هذي >>>>>>>>>>>>وحط ذالقناة وانا ابي هالقناة 00 الله يلعن ابليس رااح تفكيري بعيد خالي ابوو نوووت انت تقوول ((الا لسانك الذرب اللي يلف بالحرير ووالله انك تملك الانسان اللي تكلمه من زين كلامك وسعة صدرك ووالله اني احبك يالماخوذ والا كان مع اول ازمه في شعبيات كان هاج ومخليها 0000 تراي امزح >>>>> ما ينقال عليه باكر يحذفني واهون ما هنا الشطب وترى ابي اقولكم سر ترى اكره ماعليه شطب العضو بس يسويها عادي معاندي وهو معاندي والا وش رايك يا عكاشه ؟ )) عزالله انك صاااااادق والله قوول وفعل ابو عبدالله على رغم ماجاء بيني انا وياه او بالاصح على كثر ما ازعجته 00 الا اني مابعد تهاوشت معه عجزت وانا اجي بعض الايام اقوول ابا اخربها ابا رجه 00 لكن اذا جيته مقفله معي قام يسولف وقال اتركك من سوالف المنتدى الا انت وش علومك 00 خربط كل خطتي بالهوشه 00 ورحت ماتهاووشت وبالنسبه للشطب 00 يالييييييييييييل لايمكن انسى قرار شطب لعضو اسالني انا اللي واقف على قرار الشطب بنفسي 00 يقوول بربس وشطبته 00 وترى البربسه عند ضاري اذا قالها 00 يعني ان العضوو جايب العيد بس علشان مايقوول سوى كذا وكذا 00 يقوول بربس وخلاص وزاله يقوول ياحبي لك 00 ماعليك سوو اللي تبي 00 واذا قال تراك بديت تحووم تسبدي 00 اعقل وخلك رجال واقضب ارضك لين تسترجع كلمة ياحبي لك تبي الصدق ياصبرره علي اول ماجيت الاقلاع 000 ياولد مدري وش مشرف من مراقب عام من عضو ما انتبهت للاسماء هذي 000 بس اني جيت والاسم بعد اقشر عكاشه وصاحبه بعض المشاكل البسيطه 00 والله وكيلك انا ما اعرف الاعضاء واجد ولاعاد ادري من الصديق او الخصم 00 اثنين كنت ادري انهم اصحاب اللع يذكرهم بالخير سهيل اللي سجلني بالاقلاع 00 ومنطقي جدا عسى ايامه اطوال على العز والنوماس 00 والباقين من مر من عندي تكارشت معه00 مافيه الا محاروات ومحط مواضيع 00 واثره ينقل للماصله وانا مادريت 00 ولا انسى تعليقه على موضوع لي انا ومنطقي 00 تونا بادين محاوره 00 واعتقد كانوا يفكرون ان منطقي هو نفسه عكاشه 00 وانا بعد بالمحاوره يمكن اني ناوي ازلق مقص على احد قال ضاري منطقي جدا وعكاشه 00 يحضرون سوى ويزعلون سوى والى الماصله سوى ههههههه <== غث ابو عبدالله بهالسالفه <=== ما تسنه مسك خط؟؟ اقووول مشكوورين على كل ما تبذلونه من ضااري بالعطاء قائد شعبيات الاول الى اخر عضو للجميع كل الود [/c] |
|
|
|
|
16-08-2002, 05:04
|
#5 |
|
..
|
صباحك خير ايها الخير
الاخ العزيز ضاري بالعطا تحيه تقدير واجلال مع هذا الصباح لشخصكم الكريم والكريم هو الله سبحانه من على العرش استوى و امر بالتقوي و عالم السر والنجوى شديد القوى سبحانك ربي. ابو عبد الله الشكر لله ثم لكم جميعا انتم البدايه و انتم النهايه بعد عمر طويل. ضاري بالعطا اخوي من متصفحكم ندعو الأخت العزيزة على قلوب الجميع سراب اليل للعودة. تحياتي للجميع اخوك عبد الرحمن اليحيى |
|
|
|
|
16-08-2002, 13:34
|
#6 |
|
شـــاعــر
|
ضاري بالعطا لا هنت ياكبير وشكرا لأشادتك ولولا الله ثم ثقتك وثقة ابو نوت وتفاعل المشرفين والأعضاء لما وصلنا الى ما وصلنا اليه بالنسبه للقطه في اقتراح في ادراج ابو نوت ودي انك تطلعه من جيبه تراني كل ماعطيته اقتراح وزاه كم شهر ثم طلع الاقتراح وقال انا راعيه انشده عن القطه وانت تعرف الاقتراح |
|
|
|
|
16-08-2002, 15:08
|
#7 |
|
شـــــاعــــــر
|
شوفو العمري يوم استغنى وش سوى
يا جماعه ترى العمري اشترى جهاز جديد ومنول انا اعطيه الكروت اشريها من المقاهي واعطيه ايه ابتزاز يقول انا ادخل على حسابكم <<<<<< يا مفتري خاف الله ما اطول عليكم اجل قطه الحمد الله انك ما قد كلمتني عن شي اسمه امسيه مشتركه وقطه واستراجه واجتماع عام لشعبيات وهذي اصلا فكرتي قبل يخترعون النت كله  بس ما عليه تبيها تستاهلها  شكرا لكم |
|
|
|
|
16-08-2002, 17:17
|
#8 |
|
شـــاعــر
|
أخواني شكراً للجميع ... على ما ابدوه هنا من مشاعر .... وشكراً لك يا ضاري على ما بذلته من جهد ... العمري مبروووووووووووووووووووووووووووووووووووووك الجهاز سمعت انك تسلفت فلوسه من ابو نوت أبو نوت شكراً لجهودك المالية ... عاد نبي نشوف فكرة تجمع شعبيات في مكان مااااااااااااااااااا دمتم |
|
|
|
|
16-08-2002, 22:36
|
#9 |
|
العضوية الماسية للموقع
|
عوداً حميداً
مرحباً بك يا ضاري و الحمدلله على سلامتك ... شكراً للديوانية و جميع من ساهم في إظهارها بهذه الصورة الرائعة من الإخوان والأخوات الرائعين بذاتهم ... أتمنى ألا تطول غيبة أختي سراب الليل فالشيريا بدونها ليس له لون ولا طعم تحياتي للجميع و على رأسهم كلكم ... ــــ.. . |
|
|
|
|
17-08-2002, 13:28
|
#10 |
|
شـــاعــر
|
ابو نوت تشتري لي كروت ؟؟؟؟؟؟؟ اصلا انا من سنتين ( عمري في شعبيات ) وانا ادخل من المقاهي !!!!! والحين قاعد اراسلكم من مقهى الفرسان في خنشليله ولا شريت جهاز ولا راح اشتري !!! افهموها  <<<<<<<<<< ابوك يالشحاذه الاقتراحات كانت زماااااااااااااااااااان يوم انت مشرف متسلط وانا عضو ( ضعيّف ) <<<<<< ابوك يالضعافه ( تذكرها ) الحين الاقتراحات من راسي لراس ضاري الله يطول عمره <<<<<< ابوك يالنفاق الاجتماع ان شاء في استراحة ( هاي كلاس ) ( وينك يابو صالح ) تشاااااااااااااو |
|
|
|
|
19-08-2002, 08:32
|
#11 |
|
شــاعر
|
هلالالالالالالالالالالالالالالالالالالالا وغلالالالالالالالالالالالالالالالالالالا نور المنتدى والحمد لله على السلامه وش جبت لي هديه ؟؟؟؟؟؟ ====== اوه هذا ما ينفع معه الاسلوب ذا - ما راح يفكرني المراقب العام اممممممممممممم طيب تغير الخطه 4-4-2 اخوي ضاري ادري والله يا اخوي يا ضاري انك تخصني بهالشكر بس خفت من عكاشه وابوكوع مكسور ينطون بحلقك ويقولون لك يعني احنا ما تعبنا ليه ما شكرتنا ويتركون لك المنتدى واطلع انا مضروب made in china وتبلش بي عادي ارسل لي رساله خاصه وقل لي كل الي بخاطرك والله انكم شله ميه ميه بس هو ابو كوع ذا الي ماهو هاضمني مع اني عجزت وانا اقوله اشرب وراي سفن اب ولا فيه فايده عموما عفوا يا سيدي ولا يهمك حاظرين لامثالك من الطيبين ======= وش يبي ذا ويا عبدالله مران اصبر لا توقف عضويتي الحين عطني كمن يوم اراجع نفسي واعرف اني تمليحت مع المراقب العام وبعدها اعتذر واركد واصير رزين وبعدين توقف عضويتي وعناد في عكاشه ماني حاط Ctrl + Delet الي يقول انها تطلع السهم هذه لاني عجزت اسويها وما يصير الا شاشه زرقاء بجهازي ويطلع لي مسج يقول لعب عليك عكاشه يالمخفه وتحياتي اخوكم فيصل بن خالد |
|
|
|
|
20-08-2002, 23:54
|
#12 |
|
عاشقة شعبيات
|
..... ......... الغالي العالي .... ............ كبيرنا وتاج المنتدى .... .......... تزدحم الكلمات في صدري ... ...... فيضيق بها الأفق الواسع .... ....... ولكن ... .............. أستطعت ان ابقي على كلمه واحد قد تفي بالغرض وقد تكون مقصره ... ........ ضاري بالعطا .... أسم على مسمى ... ..... يسعدني ويشرفني ياسيدي ... أنك تعرفني وهذا هو المهم .. ..... بحق يكفيني ذكر لأسمي أيها البدر المنير ... ......... كلمتي التي أستطعت الأبقاء عليها في خضم ذلك الموج الهادر من العبارت .... ....... هي ..... ..شكراً ضاري بالعطا ........ تقبل تحياتي ... .......... وأعذرني لتأخري الشديد ....  ..... فائق أحترامي وتقديري أقدمهما لك ... ....... أختك .... سرووووووبه .. |
|
|
|
|
23-08-2002, 01:44
|
#13 |
|
عضو شعبيات
|
 مرحبااااااااااا تسجيل حضور متاخر معليش اختكم سودانيه عجازه وإلا من زمااااااان ناويه أرد شكر خاص للرائع ضاري بالعطا وألف حمد لله على سلامتك ولا أنسى أشكر الجميع من مشرفين واعضاء صراحه الديوانيه سعت صدر يعطيكم ألف عافيه عاد ياضاري اقولك لاتشكرني ادري اني شايله الديوانيه على راسي <<< من التسذب بس ولووووووووووو انا كريمه وانتم تستاهلون تحياتي للجميع والله يبارك بهالجمعه ياااااااارب اختكم / الريـــــــــــــــم اخر تعديل كان بواسطة » الرّيـــــم في يوم » 23-08-2002 عند الساعة » 01:49. |
|
|
|
|
23-08-2002, 05:26
|
#14 |
|
العضوية الماسية للموقع
|
شكرا يابو عبد الله والحمدلله على السلامه انا مع ابو نوت / وين الهدايا ؟ نبي الهديه قصيده تكون جديده 0 |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
