10-08-2002, 16:02 | #1 |
العضوية الماسية للموقع
|
ملف / الشاعره / قهر يزيد
[c] ( 1 ) الموقف الطاغي في الوداع الموقف الطاغي حزين والشلل يشــــنق خطانا بالقهر وفي حطام الذات والحب الدفين تنتكس رايات حلم المنكســــر والشـــتات يمزّق أوراق الحنين وطفل ذكـــرى مع تناتيف الصور والكـلام الذاهل الباكــي أنين والمعـانـي خانـها حـرف الغدر ياجنون النبض ياالدمع السـخين ياعيون الليل ماباقي ســـــهر ياضياع الروح فِ الدرب السـجين يامهاد الشوك ، وش فود الحذر ؟ تغرق الأحلام في نزف الســــنين وترحل الأيام عن شـــــط العمر ياسؤالٍ ضيّع الفكـــــر الرصين والجواب مشوّه بوشم الســـــفر الشاعره / قهر يزيد ------------------- - - ( 2 ) أختصرها لك أحبك واختصرها لك بأنك هاجسي والبوح وإنك مالك فكـــري وغاية غاية أحلامي وإنك نزف أشعاري وسر أسراري المفضوح وإنك حفلة أوراقـي وخيـالاتي وأقلامـي وإنك موطن احروفي تسافر لك تجي واتروح مشــاويرٍ أعذّبها على متن المدى الظامي وإنك قبلة اشرودي وحيرة خاطري المذبوح ومهد أشواقي الغضة ، ذهولٍ يسكن اهيامي وإنك نبض احساسي وباعث في فناي الروح وإنك من تملكــــني هواك أغليت أيامي معاني مااقدر أحكيها واترجمها بكل وضوح فراشـــــاتٍ ألونها وأنا أتخيلك قدامي أحبك واختصرها لك أبلسم وقتي المجروح لعلك يوم تتذكــر وتلحق باقي احطامي الشاعره / قهر يزيد ------------------- - - ( 3 ) خطوة عبث على صفحة من خجل كتبت هذه القصيدة لأخي العزيز جدا صالح السحيمي ( أبوهشام ) : عهدي أنا بالحرف عبدي ومأمور ينصاع لامري ويترسّــــــم خُطايا ويحس فيني ويسمع القول والشور ولامن تركتـه حـنّ يجــري ورايـــا ويومٍ عرفتك صار في حرفي اقصور مامن مطر ، والغيم يخفي ســــــمايا لامن ندهته يكســــــــر القاف مقهور كيف أحبس بفنجان بحر السجايا ؟! خاطِره من كثر المشــاوير مكســــور مدري شلل ، ولاّ ملل ، وش بلايا ؟! خطوة عبث والدرب بعنادها يدور تنعي بدايتها شـــــــــــتات النهايا ياابوهشام الحرف معذور معذور طرد السراب اجنون ماهو بغايا ! الشمع وسط الشمس لاشك مصهور ونوره مع الإشـــــراق صفر المزايا ياسادس اخواني على الناس دستور تبدي بياض الوجه ســـــــود المرايا يوم شهدت جند الشـــــياطين بالزور وضيّع سـفين الحق ظلم الوشــــــايا كنـت الفنـار اللي على غرتـــه نـــور يرســم ســـناه بمســـك ختم الحكايا وكنت الوطن في غربة الياس والجور من دون كـــل الخلق - صالح كفايـــا الشاعره / قهر يزيد ------------------- - - ( 4 ) تمسي على زلزال .. تصبح على بركان ! في قلبي المكســـــور باقي صور واطيوف أقفاص حزن وريش طاير بلا جنحــــــــان ورمال من ذكـــــرى طفلٍ بكـــــى مخطوف وأوراق وســــــط الريح تبحث عن العنوان وأزهار عمرٍ راح تشكـــــي ظما الملهوف تروي العطش نيران في لافح الحرمان ورعــد الألـــــم رجّاف يعصر غيوم الخوف تنزف ذهول وضيم وتبكـــــي مطر و أحزان صحرا ضياع وشمس يغرس وهجْها اسيوف بأعماق حلــــم الليل واشروقه الحيران عزّ الســــفر وخطاي موطن شلل واكســوف تمســــي على زلزال .. تصبح على بركــــان في قلبي المكســــــــور حبر وورق واحروف ترســــــم طفل مولود في لفة الأكـــــفان الشاعره / قهر يزيد ------------------- - - ( 5 ) تفاصيـــ الحلم ــــــل ! هذه القصيدة من الجزء الشعري من ( فلق محار ) ولها معزة خاصة ،، ولهذا هي بين يديكم الآن ، تكفون بشويش عليها أرجو أن تعجبكم كإعجابها بكم ------------------- تواجهنا مشـــى عجلٍ وأنا وقفت أنادي له ذهولي شل خطواتي ولا وضّح لي أسبابه أبشــكي له من أشـــواقي ومعها قلة الحيلة وأبوصف له عذاباتي وأفاديها برضا أهدابه أبي يوقف يجـاوب نزفي الحـاير وياوي له تكاثر فيني اللحظة وأنا عمري يتســـلّى به أشــوفه أبعد من الحلم وأقرب من تفاصيله وأشـــوفه حاضرٍ يملك عليّ الكــون بغيابه مراســــيلي بكل الصد تصدمها مراســــيله تطيربشـــــــوقها والحب ويقفل دونها بابه أنا وردي وهوى نبضي عذابـــه في محاصيله جنى من صادق الإحساس صنوف أوهام كذابة أنــا اللي أكــتم الآهـات في لاهي مـواويلـه وأنا اللي أعلن الإفلاس أنا ماني من أحبابه أنـــا زود الثواني المهدرة في يومـه وليله عطش بأنهاري العذبة وأنا يرويني اسرابه أنا اللي باذلٍ روحي وضاعت في مجاهيله أدوّرها بشغاف القلب ويبعدها عن اعتابه أنا اللي شاغلٍ نفسي شاقدّم له وش أعطي له وأنـا اللي لي تواجهنـا يحيّرني وش أبدا به الشاعره / قهر يزيد ------------------- - - ( 6 ) وأحبك ملحمة لفظٍ ومعنى ! أدوّر في بحـــــــور الشـــــــعر مغنى ابوصف صورتك باحلى الأغانـــــــي وأدوّج في فيافـي الروح تفنــــــى إلى شــافت غريق الحب فانـــــــــي واسارق شـــوفتك لهف ومضنـــــــــى أدوّر في كــيانك عن مكــانــــــــي واحبك ملحمة لفظ ومعنــــــــــى يذوب الحرف فيها والمعانـــــــــي الشاعره / قهر يزيد ------------------- - - - مع تحياتي اختي الفاضله الله يوفقك نادره [/c] |
10-08-2002, 16:37 | #2 |
شــاعـر
|
الاخت : نادره أولا : ألف عافيه لك والله لايهينك على جهودك ثانيا : صح لسان قهر يزيد تحياتى للكل |
10-08-2002, 17:11 | #3 |
شــاعرة
|
النادره نادره تسلم ايدك ويعطيك الف عافيه وصح قلب شاعرتنا الرائعه قهر يزيد وتحياتي للجميع |
10-08-2002, 17:59 | #4 |
شــاعر
|
رائع اسلوبك يا اخت نادره في جمع درر وجواهر شعريه في موضوع واحد وخصوصا للاعضاء الجدد امثالي فعلا مجهود جبار لا هنتي يا اختي وصح لسان الشاعره تحياتي لكي ولها اخوكم فيصل بن خالد |
10-08-2002, 19:05 | #5 |
العضوية الماسية للموقع
|
لشعبيات أن تفتخر بالرائعتين قهر يزيد و نادره
"معاني مااقدر أحكيها واترجمها بكل وضوح فراشـــــاتٍ ألونها وأنا أتخيلك قدامي" . . . صح لسان شاعرتنا قهر يزيد ... و صح قلبك يا نادره شعبيات ... سلمتِ و مجهوداتك الرائعة عزيزتي ... لكما كل الود ... ــــ.. . |
10-08-2002, 19:53 | #6 |
شاعـر
|
درر من الشعر صح لسان شاعرتنا قهر يزيد والله يعطيك العافيه اختي نادره..مجهوداتك جميله جدا |
10-08-2002, 20:34 | #7 |
عضو شعبيات
|
الأخت / نادره الله يعافيك على ماتبذلين من جهد لنقل هذه المشاعر الجميلة الينا في منتدى شعبيات وصح لسان الشاعرة / قهر يزيد اخوكم / هبوب الشمال |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|