31-07-2002, 12:03 | #1 |
حــبّــا ً
|
قدامها جزلات شعري هلاهـيل !
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""] لا تحسبيني أحسب إنك نسيتي = حب ٍ حيا ثم مات في ظلمة الليل وإنك على وصل المحبه نويتي = لا والله إلا غرّروا بك هل القيل طالت يديك الشمس يومك بغيتي = إلين عاف الليل وجه .. التعاليل خذيت ربع الي عطيت ، وخذيتي = ماضي حياتي ، والليال المقابيل مير إن عطاك الله عمر وحييتي = حطي على قبري من الورد إكليل قصة غرامك هدّمت سبك بيتي = قدامها جزلات شعري .. هلاهيل ! [/poet] |
31-07-2002, 17:22 | #2 |
شـــاعـر / عـاشــق سهر
|
تأبط صح لسانك ملايين كلام جميل جدااا ولكن عندي ملاحظة ارجو قبولها بصدر رحب اخوي ماتلاحظ ان البيت الاول في ثقل بالنطق ياغالي عالعموم قصيده جميله من شاعر جميل مع انه كان قاسي معاااي تقبل تحياتي مرزوق البديري |
01-08-2002, 12:42 | #3 |
حــبّــا ً
|
هلا عاشق سهر أعجبتني ملاحظتك لكن أنا بوضح لك طال عمرك مطلع البيت ( لاتحسبيني ) إذا شددت على حرف النون يصير النطق صعب صدقت ، لكن النون هنا ماعليها شده يعني لو نطقتها بدون شده يصير النطق سهل وسلس والنقد وأنا خوك مافيه قساوه بالعكس أنا أحترم وأفضّل من ينتقدني ويوجهني على من يكتفي بصح لسانك بملايين المرات صح بدنك |
03-08-2002, 02:48 | #4 |
عضو شعبيات
|
تأبط شعراً صح لسانك واستمعت بهذه القصيده الفاتنه تحياتي. |
03-08-2002, 04:18 | #5 |
شــاعرة
|
تأبط شعرا قصيده رائعه سلسه صادقه صح قلبك تحياتي |
03-08-2002, 08:45 | #6 |
العضوية الماسية للموقع
|
تأبط شعرا قصيدة اكثر من رائعة صح لسانك وسلمت يداك 0 |
03-08-2002, 13:50 | #7 |
شـــاعــر
|
تأبط شعرا .... تحياتي لك اعجبني جدا هذا البيت فاختصيت به طالت يديك الشمس يومك iiبغيتـي إلين عاف الليل وجه .. iiالتعاليـل يومك بغيتي !!! القصيده رائعه وسلسه وانت مبدع بوس لي عينين موهبتك يا تأبط شعرا |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|