[محمد الفارس]

أسعد الله أوقاتكم بكل خير
متواضعتي الأولى ..
...

بسم الله الوالي عليه التساهيل= ضَمّد نزيف الحرف من قبل يغتال
لاتتركه بين الوجع والغرابيل= عزيز قومٍ ذل ما اعتاد الاذلال
ربّت على كتفه وجر المواويل= خلّه يحس انه للابداع مازال
ياما سهر مع غربته بـ اول الليل= وان جا يبا يغفى بتاليه ما احتال!
أول سبايب صدمته كذبة ابريل= من مدّعين شْعار تحرير الاغلال
إنصافهم للحرف كذبه وتضليل= يبقى لحرف "الواو" كلمه ومدهال
حتى ماصرت اصدّق ان المقابيل= تحمل بجيّتها تباشير الآمال
ومع ذلك اشعل كل ليله قناديل= واهدي بنات افكاري الحور سلسال
ياكثر ماتوّجتهن بالأكاليل= على منصّة دفتري حب واجلال
اليا امتزجنا نشبه البن والهيل= واليا احتفينا نحتفي مثل الاطفال
ننسج فِكِر ماهمّنا القال والقيل= ولا همّنا تبجيل عبّاد الاموال
ونشره على الفكره ليا جا بها ميل= ونثني على اللي كنّها الغيث همّال
ونبكي أبا الطيّب عقب صحوة الجيل= صحوة مصالح تجمع اجنيه واريال
اللي منيّل ساحة الفكر تنييل= دامه كريم!!.. يصير نبراس الاجيال
واللي بسيط يقال ما يخدم ابخيل= ارجع ودوّر لك مع الخلق مدخال
والخاتمه.. ماعاد يغريني سْهيل= مادام حلّوا فيه مليون دجّال !!!

[محمد الدحيمي]

ابداااااااع وربك يامحمد
عناق ولا اجمل
اشبعتني شعراً وربك

[محسن سبعان]

أرحب يا محمـّد ، وحيّاك الله ..
صح الله لسـانك ، ومزيدا من التحليق إن شاء الله .

[محمد الفارس]

محمد الدحيمي
اعتز بشهادة كبير مثلك وربي
لك الود والورد ياسمي

[محمد الفارس]

البقا يامحسن ولاهنت
وصحيت كلك يابعدي
شرفتني بحضورك الجميل