[محمد الدحيمي]

ممنوووووع الدخول لأصحاب القلوب الضعيفه والمريضه


..



والعون وماجورين








ياصاحبي .. يـ اللي شرى له عماره
ماغير ديكورٍ .. بدون اي تسبيك!



مايبتلش راعي العقار .. بعقاره
يبرم عقوده مع / هذولا / وذوليك!!



يبخص بتمليكه .. ويبخص بأجاره
ولا يخلط اجاره / مع كل تمليك!



يالأجودي كلن يوفيه .. داره
لكن .. تبغى شوري الله يخليك



حد الوزير/ مصيّفٍ في دياره
رح لا وكيله .. جمّل الله مساعيك!!



وان جيت .. / الى مكتب وكيل الوزاره
سلّم عليه / وقول :- .. انا جيت ابا اقريك!



سلاااااام ..
وافي / من الدحيمي / وقاره
ومن بعدها جينا / بننشد معاليك ..!!



هو سد مآرب / هدّته صدق فاره؟؟
والاّ سياسات / وتحرّي / وتشييك؟؟!!



شبيت في راس الطويل .. السقاره
ياسيدي .. / يهديني الله ويهديك !!



ماهي مزاجية .. ولاهي نعاره
لكن عجزنا فييييك / وشلوووون نرضيك ؟!!




ماهو بنقص ٍ في العقول .. وثواره!
لكنك اللي .. شبّنا في مطافيك!!



من عين ساره / لين عين ام ساره
تكبّنا في النار .. وتحطّ رجليك!!



تقول :- منهاج الوزير وشعاره :
( ممنوع من الشكوى وفزعة بناخيك ) !!



وناس ٍ .. تشوف النور / نور المناره!
وناس ٍ .. تشوف اقصى الضياء / فتلة اتريك !!



ياسيدي ..
والعلم فيه استشاره !
طعنا .. عسى ربي يثيبك ويجزيك !!



ياخي ..
ياخي ..
لو انها بالصلف والنعاره
ماكان نتحرّا / توقع لنا الشيك !!



يمّا انك اللي / ضمنا في قراره
ويسدّ فينا ..
يا..
توّخر ونكفيك!!!




طلااااااااق ..
مانصدر / بربح .. الخساره
مادام فينا كلّ غمر ٍ .. ببلجيك !!



ماحدن يحذّي / مع فرسنا .. حماره
السود فاله / لاورد للمهاليك!!




يشهد لنا التاريخ / في كل غاره
انا سهام الموت / في نحر .. شانيك !




لكن تغافلنا بغدر .. وشطاره ؟؟؟؟!!!
ياسيدي ..
هذي مثل / بيضة الديك





شفنا..
ماغير نبوج / في كل حاره
تقول حن طلاّب / هجّه وتفريك!




لو كان نبصر / ماركبنا الزباره!!
عمياااااان ..!!
جعل الله يصيبك ويعميك!!




العمي فينا / والبصارى طفاره!
والله من البصري / الى عمي .. يكفيك!




يا.. قطّبك / حمــر النفود بخفاره!
يمّا ترى ..
ماهي بعيده يخليك .. -




- تغبش / مغااابيش الأسد .. والنماره
وتجهم / وهي متنفخااااات علابيك!
..




وانا ..
شفت انا ..!!!
مع حضرة معاليك تاره
وتاره / ..
علي النذر لا ارمي ولا اخطيك !!




والى طلعت الرجم .. شب السقاره
وازهم .. وجاوبني / اذا جيت اناديك!!




وان اذن المأذن / براس المناره
صلي معي يهديني الله ويهديك





المقر بمافيه :
العبد الفقير لله المواطن الله يجزاه خير :
انا ..
واستغفر الله قلت انا ..
محمد بن رافع بن عبدالله الدحيمي

[محمد جفال]

قصيدة لا يكتبها الا أساتذة ومعاني لايطرقها
الا أصحاب خبرة , أنا سعيد بأن اكون اول
من صافح هذه الباذخة الشامخ بشموخ
شاعرها العلم / محمد الدحيمي

صح لسانك ملاااااااااايين يا شاعرنا

[أحمدعلي الويمني]

أنا والله قايلها مايبطي السيل الاكبره . محمد بن رافع الدحيمي قناص ممتليء الحزام يحمل قنديلاً ينير به طريق أصحاب البصائر فما البصر إلا من الكماليات ويقطف ياسمين من حيث أنتهى شعراء الرومانسية ليبدأ بتوزيع الهدايا عندما يكون المتواجدون مرهفي الإحساس .
لكن له تعامل آخر مع أمثال المدعو/ أعلاه . صبي بني شهر شاعر يحمل بلجيك لايخطي الهدف ولايكتفي بالإصابات البسيطة على قول راع المثل( إذا كويت فاكو الراس وإذا رميت فارمي بين العيون) كذا والا بلاش من المجاند ..
إستدعاء مقدم من المواطن البسيط والشاعر الثائر ..
كلنا الدحيمي
كدنا أن نفقد الصدق مع الشعر في ذواتنا لولا مايقدمه العمالقة ومعتلو القمم .والذين تشرفت بمعرفة نموذجهم الأفخم والأزخم (محمد الدحيمي)
ناشط حقوقي وطلب مجتمعي بصوت سيسمعه الجميع
نفدا راسسك يبو بدر ..

[ظافر الأمير]

الله الله يابا بدر الله يصح لسانك رقي و جزاله و تميّز وابداع غير مستغرب من متنبي الشعر الشعبي
تقبل مروري وتقديري

[جلنار]

شاعرنا الرائع { محمد بن رافع بن عبدالله الدحيمي } رغم التحذير التالي من قبلكم :
ممنوووووع الدخول لأصحاب القلوب الضعيفه والمريضه !

إلا أن جلنار وبقلب قووووووي قرأت واستمتعت
بجمال الآبيات وجرأتها وروعتها .... صح لسانك وعلا شانك

[نوبربلم]

السلام عليكم
الشاعر محمد الدحيمي ..
الله يعطيك العافيه .. قصيده ممتعه الا اني اشوف الموضوع في اولها
غير اخرها ..
تقبل مروري

[عبدالرحمن الهلالي]

مساء الشعر يابو خالد
تتجاوز سقف الشعر فلم نعد نراك والحمد لله اننا نسمعك
غزارة الشعر والاسترسال بواقيعية وتلقائية مع ترابط الفكره والادهاش هي مناهج مدرسة الدحيمي
استمر ونحن نتتلمذ

[علي الأسمري]

صح الله لسانك
كعادتك ياابوبدر

تقبل الله منا ومنكم الصيام والقيام
وكل عام وانت بخير

[محمد بن دوحان]

نص هادف.. وشاعر صاحب هم ورئيه بعيدة المدى .. بواردي لا يخطء هدفه

أبو بدر


وأنا أحد جمهورك المتعصب لحرفك الراقي . لا أملك سوى أن أرفع قبعت الإعجاب لهذه الدره ولشخصك الكريم

صح لسانك إلين ترضى ورحم الله شيبانك

تقبل مروري المتواضع .. ودمت بخير على طاعة الله أيها المتنبي

[نورة العجمي]

صح لسانك ياشاعرنا
كبير وتظل كبير
قامه شعرية نفتخر بها
بس ودي اعرف وش السالفه ؟ < ملقوفه

[محمد مدران اليامى]

محمد الدحيمي ..الرائع دوما بشاعريته..

صح لسانك ..شاعر ممتع يابو حميد..

لله درك ..تحيتى ومن العايدين مقدماً

[شيخه المرضي]

أشادو ... وأجادو // فأبدعو الرد ...{ لن أكتب أجمل مما كتبو ..
لكن

.............{ افحمت الشِعر ..// ولا خاب لك مسعى//

[سالم بن جلعان]

حضور اول ...
وتحية تليق بهذا الهرم الشعري الكبير
واعجاب يليق بهكذا حضور وهكذا
تواجد يثري الساحه ويروي العطش
للشعر المتفرد والحضور المختلف ...

شهادتي مجروحه يا بو بدر ولكنك تكتب
بمداد من ابداع وبفيض رقراق لا ينسكب
الا من جداول ابداعك

سأمر هنا كثيراً
تحياتي

اخيك/محبك

سالم

[ماجد بن شايخ]

صح لسانك يا خال ..
حرف الدحيمي غير عن كل الحروف ولأنك غير قصيدك غير ..
وقصيدة مثل هاذي مفروض تعلق عند بوابة كل وزارة للذكرى ..

لاعدمناك ..

اخوك / ابنك : ماجد بن شايخ

[الجازي]

صح لسانك ياشاعرنا ..
شعر كما تعودنا فيه من قوة الجزالة مايدهش
من الألتفاتات المطلوبة العدل النزاهة
قال تعالى : ( ألا تطغوا في الميزان وأقيموا الوزن بالقسط) بمعنى العدل وهو إعطاء كل مستحق حقه
وهذا حق مشروع لكل مواطن
هوّنها تهون ياشاعر
لكل ظالم نهاية ..