[سعيد بن مقبل الأكلبي]

قبل الفطور الدين يملا القنوات=وبعد الفطور تروح دنيا بلا دين
ياناس خافوا ربكم فالسموات=الارض زدْتوها على طينها طين
الصايم يحاول بشتى الوسيلات=مايجْرح صيامه بشوف المصابين
وانتوا تحشْدون الجيوش المعبْاة=اللي تهاجم مع اذان المواذين
مسلسلاتٍ هابطه واستماتات=في غرْبلة لحظة فطور المساكين
مهازلٍ تبْنى على ضحْك ونْكات=وممثلينٍ مثل طقم المواعين
مايضهرون الا شهور العبادات=وباقي السنين تْقول ماهمب حيين
متولجين اهل اللحى والصلوات=واهل اللحى من مهْزلتهم بريين
نشوفهم في مجتمعنا قداوات=ويشوفهم راع المسلسل غبيين
وممثلاتٍ مايلاتٍ مميلات=يالله دخيلك مالبنات المولّين
باعت مذاهبها ببعض الريالات=او يمكن انباعت ببعض الملايين
حتى ايش لو ركْبت علاخر موديلات=من يوم ملّت من ركوب البعارين
رزق الشريطيّه على فُطْحة الشاة=والشاة تاليها على حد سكْين
مثل السْلَق على ضهور الونيتات=يوم الحباري ورّكت للشياهين
خلّوا عوايدنا عوايد خواجات=والغوا تقاليد العرب والمْسلْمين
باسبابهم مابين حاقد وشمّات=صرنا حديث الناس بين الدواويين
لابارك الله في عبيد الملذْات=اللي تولّتْهم عبيد الشياطين

[الجازي]

صح لسانك ..
قصيدة في وقتها .. ونقد في مكانه ..
حفظك الله
وكل عام وانت بالف خير ..

[محمود ال مخلص]

صح الساااانك وتسلم ولاهنت
قصيده تحااكي الوااقع اللي نعيشه ايااام رمضاان في كل سنه
وتعالجه باسلوب مميز وفيه بعض الأسقاطاات اللي اعجبتني
الى اقصى حد
الشعر رساله وهناا رساله واضحه لمن يحب الأستفااده منهاا
تقبل مروري البسيط
دمت برضى الرحمن

[علي التركي]

رزق الشريطيّه على فُطْحـة الشـاة

والشاة تاليهـا علـى حـد سكْيـن

يا سلاااااام يا ابو مقبل

حضور كـ العادة في الحدث

وصدقت هم كما قلت / مثل طقم المواعين !

سلم فكرك النقي

[عبدالرحمن الهلالي]

والله صدقت يابو مقبل
قصيدة معبرة ولا غرابه ان ينطق بها دكتور الشعر ابو مقبل
كل ابيات القصيده رائعة وتحاكي الواقع
وهذا البيت يوزن بالذهب
لابـــــــــــارك الله فـــــــــــي عـــبــــيــــد الــــمــــلــــذْات
ــــــــــــــــــــــــــــــــــــــــــــــــــ الــــــلـــــــي تـــولّـــتْـــهــــم عــــبــــيـــــد الــشــيـــاطـــيـــن

تحية لك ولنبضك

[نجلاء الشريف]

نص يُحاكي واقع يتكرر كل عام .. في شهر الرحمة والغفران ..!
بــ اسلوب ساخــــر لا يتقنه الاَ أنت أخي سعيد
صح نبضك وشكراً كما ينبغّي

[محمد بن منصور]

واقه مؤلم ياجزل
لانملك معه الا
لاحول ولا قوة الا بالله

[عبدالرحمن أبن عويض]

رزق الشريطيّه على فُطْحـة الشـاة والشاة تاليهـا علـى حـد سكْيـن
مثل السْلَق على ضهـور الونيتـات يوم الحبـاري ورّكـت للشياهيـن
خلّـوا عوايدنـا عوايـد خواجـات والغوا تقاليـد العـرب والمْسلْميـن
باسبابهـم مابيـن حاقـد وشمّـات صرنا حديث الناس بين الدواوييـن
لابـارك الله فـي عبيـد الملـذْات اللـي تولّتْهـم عبيـد الشياطـيـن


ياسلام عليك ياسـعيد ’’ قـصايدك مواكبه لما يجري من حولنا

وانت من خير من يـواكبها بنصوصك المفعمه بالمعاني

صح لسانك ,, وصح فكرك

[عبدالعزيز الشهري]

نص يحاكي واقع صح لسانك

احترامي

[سالم بن جلعان]

هلا وغلا يا سعيد
وصح لسانك وبيض الله وجهك
لا تاتي الا متفردا في فكرك وشعرك
سرني مروري
اخيك

سالم

[سعيد بن مقبل الأكلبي]

إقتباس »

الرسالة الأصلية كتبت بواسطة الجازي

صح لسانك ..

قصيدة في وقتها .. ونقد في مكانه ..
حفظك الله
وكل عام وانت بالف خير ..

صح بدنك يالجازي
وكل عام وانتي بالف خير
وسلمتي على طيب مرورك

[نورة العجمي]

صح قلبك
ماقلت الا الصحيح
ناقد اجتماعي بالشعر درجة اولى
تسلم لنا ياسعيد
ممتع لأقصى حد شعريا ولو ان الواقع مؤلم

[ابوسعدعبداللطيف]

لابـارك الله فـي عبيـد الملـذْات
اللـي تولّتْهـم عبيـد الشياطـيـن

الله لا يبارك فيهم جميع ..
كعادتك طال عمرك تمتعنا بالجديد
صح لسانك ملايين .
احتراام لشخصك الكريم .

[سعيد بن مقبل الأكلبي]

إقتباس »

الرسالة الأصلية كتبت بواسطة محمود ال مخلص
صح الساااانك وتسلم ولاهنت
قصيده تحااكي الوااقع اللي نعيشه ايااام رمضاان في كل سنه
وتعالجه باسلوب مميز وفيه بعض الأسقاطاات اللي اعجبتني
الى اقصى حد
الشعر رساله وهناا رساله واضحه لمن يحب الأستفااده منهاا
تقبل مروري البسيط
دمت برضى الرحمن

ارحب يامحمود
وصح بدنك يالقرم

[سعيد بن مقبل الأكلبي]

إقتباس »

الرسالة الأصلية كتبت بواسطة علي التركي

رزق الشريطيّه على فُطْحـة الشـاة

والشاة تاليهـا علـى حـد سكْيـن

يا سلاااااام يا ابو مقبل
حضور كـ العادة في الحدث
وصدقت هم كما قلت / مثل طقم المواعين !

سلم فكرك النقي

ارحب يابوتركي
ويسلم راسك يالكفو