08-08-2011, 04:22
|
#1 |
|
سعيد الغامدي
|
حرير المخده
تدفعني أشواق الوفاء للمحبين= لكن دون الشوق تيار ضده دامك وفي معك اكثر الناس وافين = وكلن يعود لبوه واصول جده ناس تحوس امال في عكرة الطين = وناسٍ تقدم طيبها ما تعده وانا زرعت من المحبه بساتين = ونثر فوادي لاجل الاحباب وده لقيت طعنة غدر من ناس قاسين = قلوبهم فيها الف صده وصده وجنبت نفسي عن موراد هل الشين = ومن كان صاحب مقدر ابيح سده قلت ابتعد من ضمن ناس بعيدين = وكلن نصيبه من حياته يسده خذ راحتك لا صرت ضمن المقفين = وكبَّر تحت راسك حرير المخده يا صاحبي لو ما ملكت الملايين = يبقى رصيدي صدق نخوه وشده بنخوتي أعيش عيشة سلاطين=واترك هزيل الهرج وأعيش جده بصدق ودي يرجحن الموازين = ما انتابني عن وقفة الطيب رده محيط تفكيري سليم القوانين = ماهو بحر يضنية جزره ومده بيني وبينك يفرقن العناوين = انا بنيت الود وانته تهده الصقر يفرد لا ترفع جناحين = وعن صيدته ما فيه شي يرده خلا الوطا دار الطيور المساكين = طموحها نحو الفضا ماتمده يا صاحبي لو صرت ضمن المعادين = سيفي على شرواك ما اسل حده سيفي يرافقني بكل الميادين = على سروج الخيل والا الاشده اعيش هقواتي على العسر واللين = ولا انتظر من صاحب المن مده تقبلوا تحيات سعيد الغامدي |
|
|
|
09-08-2011, 05:46
|
#2 |
|
متنبي الشعر الشعبي
|
رد : حرير المخده
كفوا يابو رائد حكم وامثال لايأتي بها الا شاعر صاحب تجارب كل عام وانت بخير |
|
|
|
|
09-08-2011, 11:52
|
#3 |
|
شــاعر
|
رد : حرير المخده
كفوا يا شاعرنا بيض الله وجهك على النص الجزل معنى ومبنى ... لا عجمت يا الغامدي ننتظر جديدك ... تحياتي اخيك سالم |
|
|
|
|
09-08-2011, 18:41
|
#4 | |
|
سعيد الغامدي
|
رد : حرير المخده
إقتباس:
أبو بدر هلا وغلا وكل عام وأنت بخير وشهركم مبارك شهادتك وسام أعتز به تقبل تحياتي |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
