[محمد السالم]

من خلف صحرا الهواجيس = ناديت يا ( ديم ) صُبّي
من خان بي حادي العيس = ضيّعت ميراد جُبّي
مَعاد " دلو " الاحاسيس = يروي " محاريث " حَبّي
حتى بشهب المقابيس = ما ينقدح " زند " لبّي
يا " ديم " خنس الوساويس = تقول يا " كوس " هبّي
ونا بتيه المراميس = تعثّرت سبق قبّي
ما ذاق بنّ المحاميس = ذقته على شوح غبّي
عروق " صدري " متاريس = وسهام فرقاك نبّي
يا " ديم " لو كنت لك قيس = ما انتِ بليلاه ؛ حُبّي

[محمد الدحيمي]

صدق القائل :
ان من البيان لسحرا
الله علييييييييك يابو جاسم كيف تطرب الكون بهذا الشعر الساحر المتفرد

[علي التركي]

الله الله
يا محمد طربية لأقصى حدود الثمالة
وقافية موسيقية رائعة جداً
سلم نبضك الراقي

[سعيد بن مقبل الأكلبي]

صح لسانك وطاب بيانك يامحمد

[محمد بن حليلان]

ارحب يامحمد


وصح لسانك لين ترضا