[ناصر أبودهام]

ياوين ابلقا لـي صديـقٍ وافـي=يافي مع جور الزمـن وصروفـه
لاصارت سنين الحيـاة عجافـي=في وجهه سمان السعد مصروفـه
ون عج مع ريح الظروف شعافي=يبقى على ود الخـوي وشفوفـه
سده قطيـب ولا يبيـح الخافـي=عرفـه وسيـع ونيتـه معروفـه
ماله على خرب الـردى ميقافـي=لو كان غيره يقصـده ويطوفـه
انقى من التبر الاصيـل الصافـي=وضحى النقا ميلادها فـي جوفـه
هذي البيوت اللي مضت في قافي=لسان حال اللي الزمـان يلوفـه
يمشي على شوك الصعايب حافي=وطال الطريق وعاندتـه ظروفـه
لا قال هانـت غبـرت بالسافـي=ولحقه على بعض الشبوح حسوفه
ياعويـن قلبـه للشقـا ميلافـي=ولا يرجي امن احد اصدقاه مروفه
قد شاف منهـم ماقفـن ينعافـي=وصابه من شعور الصديق مخوفه
(وانا) احمد الله خـوة الاشرافـي=كسبت منها الطيب قبـل حروفـه
(وانا) اصدقائي مخلصين نظافـي=بيبـان بنيـان الوفـا وسقوفـه
(وانا)استجير بوجـه ربٍ كافـي=من كـف بقعـا لاتزيـد حذوفـه
واحتاج فزعات الصديق الوافـي=ماودي اتعِب محزمـه وسيوفـه
ولاشك مايصفي ياكـود الصافـي=ولحدن يجي عاني بدون شفوفـه

[محمد الدحيمي]

اطلب عزّك يامال الشحم
يابو سعيد تبي الصدق
هنا انت غيررررر غيرررررر غيررررر
والقصيدة هذي غيرررر
في بعضها .. موووجعه بشكل مؤلم
وفي اغلبها .. مؤلمه الى آخر حدود الوجع
سأعود مرات ومرات..

[جلاجل الجلاجل]

ياحبني للجزل تكفون

تقرى البيت وانت عجل تبي تشوف وش في اللي عقبه

صح لسانك مليون ياناصر ولا يكفون

سجلني مع اللي يتابعونك انا افداك (:

[سولافة]

قصيدة وافية ومعبرة
لاهنت شاعرنا الكبير

[ناصر أبودهام]

الرسالة الأصلية كتبت بواسطة محمد الدحيمي

اطلب عزّك يامال الشحم
يابو سعيد تبي الصدق
هنا انت غيررررر غيرررررر غيررررر
والقصيدة هذي غيرررر
في بعضها .. موووجعه بشكل مؤلم
وفي اغلبها .. مؤلمه الى آخر حدود الوجع
سأعود مرات ومرات..

ارحب يابوبدر
وجعلك ذخر لاعدمتك يالوافي
وارحب مليون مع كل عودة
مرورك يابوبدر شرف لي فلك مني جزيل التقدير والتحية

[ناصر أبودهام]

الرسالة الأصلية كتبت بواسطة جلاجل الجلاجل

ياحبني للجزل تكفون

تقرى البيت وانت عجل تبي تشوف وش في اللي عقبه

صح لسانك مليون ياناصر ولا يكفون

سجلني مع اللي يتابعونك انا افداك (:

ارحب ياجلاجل
وصح بدنك مليون
لاهنت يابعد راسي

[ناصر أبودهام]

الرسالة الأصلية كتبت بواسطة سولافة

قصيدة وافية ومعبرة
لاهنت شاعرنا الكبير

شكرا سولافه ...هذا من ذوقك
ولك تحياتي

[لينـا]

:

حروفك تطرب لها الحواس
سلم النبض...

[الثامر]

نص جميل يا ناصر وجزل
مزيد من التالق

اخوك الثامر

[عادل آل زارع]

سده قطيـب ولا يبيـح الخافـي
عرفـه وسيـع ونيتـه معروفـه

الله علييييييك يا ناااصر

قصيده من العيار الثقيل

صح لسانك

[عبدالله الســعيدي]

صــح ألســانك وأبشر بسعدك ..

دونك نشـــد الحزام ... ومالك الا الرضاء ..