[عبدالعزيزرشيد]

سرى الهاجس وفارق ليلة القمرا=وماغيري غرس عمره على بابك
عنيدٍ والنعاس يغـازل المسـرى=حبيبٍ ماتهنّـى يعاتـب اغيابـك
وطل النور قلت انتي وانـا أدرى=وفاح الصبح مدري فاحت اطيابك
حبيبك شاعـرٍ يكتـب ولايقـرا=وتتهجّى عيونه لمحـة اهدابـك
خلاك الذمّ ياللي سيرتـك عـذرا=رعابيب الحشى الغرّا تعزوى بك
لمحتي بالغروب خدوده الحمـرا؟=ومثله لامحك يوم الحيـا انتابـك
أضيع بعينك اليمنى على اليسـرا=إذاما سلهمن من شـيّ مارابـك
ولك طبع الغصون الغضّه الخضرا=ونطقٍ عذب يغري النحل عنّابـك
بقلبي خايع وعشقي لك المجرى=حواليها تنامت رطبـة اعشابـك
خطاوي سالفة خلخالهـا ذكـرى=إذا هي قاربت خطواك تحلى بـك
ونفنوفٍ تبينه بالـ(غلا) يشـرى=وروحٍ لو تبين تصيـر جلبابـك
ومنهو يوصفك يالنوفة العفـرا؟=يضيع الوصف باسلوبه وماجابك
وذعذاعن يفل العشـب لاهـذرا=سواتك بي وعشب القلب متشابك
أصوّرلك هبوب وسيرتـك تطـرا=هبوبٍ وانسكب برده على ثيابـك
تركتي لي هجوس تسامر الشقرا=وقلب معفرٍ فـي تربـة أحبابـك
تعالي وارحلي والجرح مايبـرى=يظل يقول قلبي عنـدك اسبابـك
سرى الهاجس مزاعل ليلة القمرا=وماغيري ترك عمره على بابـك

[محمد مدران اليامى]

الله ياعبد العزيز ..صح لسانك ..

شاعريه عذبه ..وحضور شاعر ..

تحاياي لك

[خالد العروي]

إقتباس حبيبك شاعـرٍ يكتـب ولايقـرا وتتهجّى عيونـه لمحـة اهدابـك

أكتب ياعبدالعزيز ونحن نقرأ

إقتباس ومنهو يوصفك يالنوفـة العفـرا؟ يضيع الوصف باسلوبه وماجابـك

زخات شعرا كالبرد

صح لسااااااااانك وأجمل التحايا

[عبدالعزيزرشيد]

إقتباس الرسالة الأصلية كتبت بواسطة محمد مدران اليامى الله ياعبد العزيز ..صح لسانك .. شاعريه عذبه ..وحضور شاعر .. تحاياي لك

تسلم أخوي محمّد على مرورك
ممتن للطفك واستقبالك.

إقتباس الرسالة الأصلية كتبت بواسطة خالد العروي إقتباس حبيبك شاعـرٍ يكتـب ولايقـرا وتتهجّى عيونـه لمحـة اهدابـك أكتب ياعبدالعزيز ونحن نقرأ إقتباس ومنهو يوصفك يالنوفـة العفـرا؟ يضيع الوصف باسلوبه وماجابـك زخات شعرا كالبرد صح لسااااااااانك وأجمل التحايا

صح بدنك
وأشكر لطف حضورك ياخالد.

[ايمن الشهاري]

كالعصافير يا عبدالعزيز


...

تكتب كالعصافير

بشجن بالغ الأحساس


لا فض فوك

وصحت أناملك

[سعيد بن مقبل الأكلبي]

صح لسانك وطاب بيانك ياعبدالعزيز

[مها العيسى]

عبـدالعـزيـز

حـس يرقـى إلـى السمـاء
فتغنيـه العصـافيـر فـوق غصـونك الخضـرا

لحـرفك صوت النـاي

هـمـس

[كل البدو]

جميله

صح لسانك

احترامي وتقديري / كل البدو

[الثامر]

صح لسانك يا عبدالعزيز

اخوك الثامر