[فهيد العديم]

هـزّي جـذوع السالـفـة وابتديـنـي حكيٍ..تحشرج بيـن ونّـات وعتـاب!

جيتـك علـى صهـوة قوافـل حنينـي غاوي ..معي طيش وبعض شعر وكتاب!

أركض مـن الوحشـة زهابـي يدينـي وقصايدٍ..رغم الضما تنبـت اعشـاب!

ورغم الذبـول اللـي يحاصـر سنينـي قطفت لك دهشة مـن جنـون زريـاب!

خوذي قصيدي..ون شطحـت اعذرينـي في هالزمـن ماكفّـر الذنب..محـراب!

شوفينـي أشبـه تمتمـات الحزيـنـي اللي ذرف مع آهتـه أهـل واصحـاب

أبنثـر اسـراري عبـث وأتركيـنـي أرسـم لزنزانـة مساجيتـي أبـواب!

البارحـة , كـان الـظـلام يحديـنـي ويصبّ باقصى وحدتي ضيمـه اسـراب

وحيـد, بــس القافـيـه تحتويـنـي ومن سوء حظي..صبّـت نهايتـه(آب)!

هـذا شتاتـي بيـن ذاتــي وبيـنـي طفـلٍ خطفـه العقـل وارتدّ..مرتـاب!

وصحا..يتمتم (صـح باكـر تجينـي؟) وباكر..تلعثـم دون تبريـر الاسبـاب!

وامسيت..أخيّط فـي ظنونـي يقينـي! وامرر احلامي علـى هيئـة اغـراب!

لاشلـت مسحوبـي! هجـده الهجينـي وسيّلـت مايربـك مآقـي وأهــداب!

هـذا قصيـدي.. لـو تحسّيـن فينـي خذا مـن اشباهـي ملامـح ولاتـاب!

هـو ذنبـي اللـي لاسكـتّ يحكيـنـي ويعرّي اللـي أستـره عنـد الاجنـاب!

وعـر الكلام..اللـي بــدا ينتهيـنـي عــدّا بآهـاتـي وودّا..ولاجـــاب!

وأنـتِ زرعتـي هالمقـاديـر فيـنـي وتخيلينـي أقضـي اللـيـل حـطّـاب!

حـطّـاب ليلٍ..ماتـلامـس يميـنـي إلا الشْجَرة اللـي تحـت فرعهـا داب!

الله..يافيني,.وفـيـنـي., وفـيـنـي ليلٍ يصب اليـاس ويحَـرق الاعصـاب

جيتـك نحـيـلٍ.. سادرٍ..وارسميـنـي ظل, وبقايـا انسـان تايـه ومنصـاب!

ون ضيّقـك هـذا القصيـد احتويـنـي طفـلٍ تمرجـح بيـن ونّـات وعتـاب!

[منصوربن هديبان]

جيتـك علـى صهـوة قوافـل حنينـي

غاوي ..معي طيش وبعض شعر وكتاب
ياسلام عليك
صح السانك

[فهد اليامي]

فهيد العديم

هنا شعر
هنا احساس راقي
هنا جزاله في الطرح
صح لسانك

وتقبل تحياتي

[عبيد البديري]

إقتباس الرسالة الأصلية كتبت بواسطة فهيد العديم هـزّي جـذوع السالـفـة وابتديـنـي حكيٍ..تحشرج بيـن ونّـات وعتـاب! جيتـك علـى صهـوة قوافـل حنينـي غاوي ..معي طيش وبعض شعر وكتاب! أركض مـن الوحشـة زهابـي يدينـي وقصايدٍ..رغم الضما تنبـت اعشـاب! ورغم الذبـول اللـي يحاصـر سنينـي قطفت لك دهشة مـن جنـون زريـاب! خوذي قصيدي..ون شطحـت اعذرينـي في هالزمـن ماكفّـر الذنب..محـراب! شوفينـي أشبـه تمتمـات الحزيـنـي اللي ذرف مع آهتـه أهـل واصحـاب أبنثـر اسـراري عبـث وأتركيـنـي أرسـم لزنزانـة مساجيتـي أبـواب! البارحـة , كـان الـظـلام يحديـنـي ويصبّ باقصى وحدتي ضيمـه اسـراب وحيـد, بــس القافـيـه تحتويـنـي ومن سوء حظي..صبّـت نهايتـه(آب)! هـذا شتاتـي بيـن ذاتــي وبيـنـي طفـلٍ خطفـه العقـل وارتدّ..مرتـاب! وصحا..يتمتم (صـح باكـر تجينـي؟) وباكر..تلعثـم دون تبريـر الاسبـاب! وامسيت..أخيّط فـي ظنونـي يقينـي! وامرر احلامي علـى هيئـة اغـراب! لاشلـت مسحوبـي! هجـده الهجينـي وسيّلـت مايربـك مآقـي وأهــداب! هـذا قصيـدي.. لـو تحسّيـن فينـي خذا مـن اشباهـي ملامـح ولاتـاب! هـو ذنبـي اللـي لاسكـتّ يحكيـنـي ويعرّي اللـي أستـره عنـد الاجنـاب! وعـر الكلام..اللـي بــدا ينتهيـنـي عــدّا بآهـاتـي وودّا..ولاجـــاب! وأنـتِ زرعتـي هالمقـاديـر فيـنـي وتخيلينـي أقضـي اللـيـل حـطّـاب! حـطّـاب ليلٍ..ماتـلامـس يميـنـي إلا الشْجَرة اللـي تحـت فرعهـا داب! الله..يافيني,.وفـيـنـي., وفـيـنـي ليلٍ يصب اليـاس ويحَـرق الاعصـاب جيتـك نحـيـلٍ.. سادرٍ..وارسميـنـي ظل, وبقايـا انسـان تايـه ومنصـاب! ون ضيّقـك هـذا القصيـد احتويـنـي طفـلٍ تمرجـح بيـن ونّـات وعتـاب!

الله الله يافهد
لاعدمنا هالحضور البهي
هذا هو الشعر الذي تبتهج به الذائقه
للأمانه كنت سعيداً بقرأت هذا النص وتكمن
هذه السعادة لأنني وجدت معنى وفكرة وشعر
متعوب عليه
دام ابداعك وتوهجك

[عبدالعزيز الرقراق]

الله الله الله الله


احترامي يا شعر . .

[عبدالله ساري]

طفلك يافهيد من قمة عقل القصيدة ان (يتشيطن) فيها , لذلك تكون الصورة داخل إطار نصك ملوّنة بالحب والجنون والوحده ومليئه بكل مايتحدث .. حتى وإن كانت جامدة في نظر العابرين .
فالشاعر ـ كأنت ـ هو من يستطيع ان يبث الشعر في كل شيء حوله ويجعله صديقاً وحبيباً ونديماً له .

أبنثـر اسـراري عبـث وأتركيـنـي
أرسـم لزنزانـة مساجيتـي أبـواب!

[عبدالله ساري]

نسيت اكتب ماكنت اقوله وانا اقراك :
الللله عليك !

[علي آل جربوع]

الشاعر : فهد العديم .

وهل أجمل من الشعر زهاب ؟!!

إبداع هذا النص ّ إبداع , فهو ثري بكل ِّ ما يحتاجه الشعر .

سلمت َ ودمت َ.

[منتهى القريش]

(أركض من الوحشة زهابي يديني
وقصايد رغم الضما تنبت أعشاب)

بالفعل أيها الجميل حرفك ينبت أعشاب يمتد خضارها عبر الروح ..

(أبنثر أسراري عبث واتركيني
أرسم لزنزانة مساجيني أبواب)
^
يا الله ما أروع هذه الصورة وما أوجعها ..

(وامسيت أخيط في ظنوني يقيني
وامرر احلامي على هيئة أغراب)
^
فهيد .. هنا أحسست بحرارة الدمع وغصة ..

صباحك شعر يشبهك وحدك ..

[سالم بن جلعان]

يا صباحات الشعر يا فهد هنا نص من شاعر حقيقي
يكتب باسلوب مبدع جدا ً الله عليك قليله في حقك ...
اخي فهد وجدت النص ممممممتع بشكل خيااالي ... بالنسبة لي
فكره ومضمون ومفردات وبحر وصوركان هنا جدول شعر رقراق ....
تنهل منه الذائقه لتروى ... ويزيدها شغفا ً .....
كنت اخترت كذا بيت لأضمنها ردي ...ولكن خشيت الإجحاف
وظلم باقي القصيده ...حضور سيتبعه آخر وآخر ...
وسأعود كلما اشتهيت الشعر .
تحياتي

اخيك/سالم

[سعيد المري]

.
.

الله الله يافهيد .. صح لسانك ونبضك على ذا النص ومرحبابك وباابداعك

[علي التركي]

فهيد

أحساس رائع
وصور بديعة

سلم نبضك

[عبداللطيف بن عبدالله بن عبداللطيف آل الشيخ]

لا أجمل ولا اعذب ولا اطرب ولا ارق ولا أروع من قصيدتك

[أحمد الجلوي]

هـذا شتاتـي بيـن ذاتــي وبيـنـي
طفـلٍ خطفـه العقـل وارتدّ..مرتـاب!
وصحا..يتمتم (صـح باكـر تجينـي؟)
وباكر..تلعثـم دون تبريـر الاسبـاب!
وامسيت..أخيّط فـي ظنونـي يقينـي!
وامرر احلامي علـى هيئـة اغـراب!

الله الله .. يافهيد شاعر غني عن التعريف راقي الحرف والحضور
قصيدة ولا اروع من هذا الشعر الا حضورك

[فهيد العديم]

إقتباس الرسالة الأصلية كتبت بواسطة منصوربن هديبان جيتـك علـى صهـوة قوافـل حنينـي غاوي ..معي طيش وبعض شعر وكتاب ياسلام عليك صح السانك

الاستاذ منصور بن هديبان..
وقوفك هُناجعل الشعر أزهى وأكثر القاً..
ممتن لكلماتك اللطيفة..
الف شكراً لك..