21-03-2010, 18:26
|
#1 |
|
عضو شعبيات
|
اللي يبي الجزاله يقبل هنيه...
اذا سئلت عن الجزالة فأجب بمثل هذه: (( قبّا القصايد )) يارجل .. ياللي تبوج المهمه وتدرج الى متى في زراج الخبت بواجه الله .. ولا مدخلٍ ماشفت له مخرج والرجل محسوب مدخاله ومخراجه امنّي النفس في بكره واقول : تفرج وابطيت ماشفت لا بكره ولا افراجه واسرجت قبا القصايد والرمك تسرج ورحت اتنشد عن إدوى القلب وعلاجه احبابي اللي .. لهم مسراي والمعرج طفلٍ عليهم بجوفي .. يذبح ازعاجه يوم اقلعت طائرتهم من على المدرج والاّ دموعي .. بوسط العين درّاجه اقفيت .. والأوس شرهتها على الخزرج ولولا الظما .. ماذكر عدٍّ وهداجه الكبش.... ياراعي الكبش ..ياللي ضبّح وحشرج كبشك سمين ٍ ولكن فيه خرّاجه والموقف المحرج اللي يذكر ويدرج ياللي على غترته .. ميت من احراجه مواجه النفس هو الأحراج .. يامحرج والعاقل اللي يجيك .. لنفسه مواجه خليت من لا شرى في السوق يتفرج خذ زبدة الهرج .. واترك عنك ديباجه ماكل فرخٍ شلع للصيد وادحرج فرخٍ نداوي .. وفرخٍ امّه دجاجه ورجلٍ .. تمنّاه مايسكت .. اليا هرّج ورجلٍ ٍّ .. كفى الله من هرجه وهرآآآجه شديت يومن ّ .. ثامن جار ما يخرج والجار الأول غبي .. والسابع خواجه والحاجه..اللي يسابقني لها .. الأعرج تبطي ويبطي .. ويلعن جدها حاجه للشاعر للكبير... محمد الدحيمي الشهري ****** وسلامتكم |
|
|
|
23-03-2010, 12:46
|
#2 |
|
عسـ طرقي ـاااس / شــاعر
|
رد : اللي يبي الجزاله يقبل هنيه...
. . الله .. ولا مدخلٍ ماشفت له مخرج والرجل محسوب مدخاله ومخراجه امنّي النفس في بكره واقول : تفرج وابطيت ماشفت لا بكره ولا افراجه . . يااسلامي عليك وعلى اختيارك الرائع يالقبيسي |
|
|
|
|
24-03-2010, 12:51
|
#3 |
|
شاعر
|
رد : اللي يبي الجزاله يقبل هنيه...
أبو بدر شاعر استثنائي كوّن لنفسه مدرسة شعرية متفردة شكرا يا القبيسي لروعة الاختيار |
|
|
|
|
13-05-2010, 12:20
|
#4 |
|
Guest
|
رد : اللي يبي الجزاله يقبل هنيه...
شكراً لك راق لي كثيراً |
|
|
|
28-06-2010, 21:14
|
#5 |
|
شــاعر
|
رد : اللي يبي الجزاله يقبل هنيه...
يعطيك العافية يا قبيسي وشاعرنا الكبير ... صح لسانه تاج روسنا والله |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
