17-02-2010, 03:16 | #1 |
عضو شعبيات
|
دواليب الهـوى
مدخــل...... تحــــن القلـــوب العاشقــه والضلـوع العــــوج= مثـــل ما تحــــن اللـــي عــــن الـــذود مفــــروده علــى الصاحب اللي له غــلا بالضميـــر يلوج=تمكـــن غــــلاه وغــــيـــره النفــــس مصـــــدوده حبيـــب غلاه يسوج قلبي وروحـــي ســـوج=كمـــا سوجـــة النسنـــاس غصــــن زهــا عوده يميلــــه يمين يســـار وصفه كدفـــع المـــوج=لمركـــب غـــــرام فيـــه قلبـــيــــــن مشـــــدوده يناغيهــم الغربــــي وهمـــس القلوب يفــوج=مناجـــــاة نفـــــــس ونفـــس آخــــذ ومـــردوده الا يا منية القلب المولع = ترى حبك تمكن في الحنايا دواليب الهوى لك في ضميري = كما الغربي إلى ساق الرفايا عشقتك يا بعد أهلي وناسي = ثم اخترتك على كل البرايا تمكن في حشاي الود منك = عليه أغلقت بيبان وزوايا وباق الخلق يا مضنون عيني = عساهم يا عساهم لك فدايا لك الله يا نظر عيني وروحي = بأن حبك مسوي بي سوايا أحس انه يهز القلب مني = كما دلو على جال الركايا ولكن السعادة غامرتني = بعشق اللي جمع كل المزايا حبيبي وصفه من الناس كايد = بطيب وعقل ومنطوق الشفايا له هروج تسلي لا لفتني = بطعم الشهد في صافي الخلايا وعهد وافي لي بالمحبه = وأنا بالود أعطيته وفايا تصافحنا يميني في يمينه = بعهد دايم حتى المنايا بأنه لي وأنا له دام راسي= يهبه من هوى نجد صبايا مخـرج :: انا البارحه ياحيل ربي قوي الحيل=سرى الليل كله ماتهنيت برقادي تبين عمود الصبح واقفى عمود الليل=وانا لاعذلت القلب من يمه ازدادي على اللي هروجه تقعد الراس مثل الهيل=إلى قدّم الفنجال راح العمس غادي انا ارجيه رجوى البدو حزة طلوع سهيل=وكما يرجي العطشان مصدار ورّادي |
17-02-2010, 16:44 | #2 |
شــاعـر
|
رد : دواليب الهـوى
الخياااااله رسمت بحرووف خياااليييه ارووع واجمل لوووحه وطرزتي برقي الفكر ارقي ابياات شعريييه يسلم راااااااااااااااااااسك على هالجزاااله وعلى هالابدااااااااااااااااع من شااعرت الابدااااااااااااااااع وعسااك على القووووه |
21-02-2010, 00:38 | #3 |
شـاعر
|
رد : دواليب الهـوى
الخيالة هلالية ، بارقة شعر وترف جميل صح قلبك |
09-07-2010, 15:13 | #4 | |||||||||||||||||||||||
عضو شعبيات
|
رد : دواليب الهـوى
كثيرا على قصيدتي هذا الثناء الذي يشبه دوحة فينانة غناء يمرح في ظلالها الضباء العفر فشكرا الف لجزالة مرورك |
|||||||||||||||||||||||
09-07-2010, 17:15 | #5 |
عضو شعبيات
|
رد : دواليب الهـوى
صح لسانك خياله |
09-07-2010, 21:00 | #6 |
شـــاعــر
|
رد : دواليب الهـوى
خيّالة .. وكّان القصيدة تأخذ من الاسم البعض .. المدخل والمخرج والقصيدة وكل حرف هنا ( يُطرب ) .. اتمنّى ان اقرأ المزيد لخيّالة ما ننحرم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|