[سعيد بن مقبل الأكلبي]

الامانه ياطويل العمر ماكلٍ عرفها=غير ياليتك تقول اليوم وش معنى الامانه
واحدٍ قال الامانه ناقةٍ تاكل علفها=وواحدٍ قال الامانه مالها ذالوقت خانه
وانت لوشفت العرب وش لون تاكل في طرفها=ماتخلّي واحدٍ منهم وراسه في مكانه
غير شفها ياطويل العمر يانفداك شفها=لين تدري منهم اللي يستحقون الادانه
عالمٍ من خير ذالدولة تنعّم في ترفها=ايتمتّع في نفوذه وايتمنّع بالحصانه
الوجيه اللي على حب الطمع باعت شرفها=اخلفت درب السيول وحطّت العالم وزانه
وانشد اهل الديرة اللي عاصف الماطر عصفها=يوم جا سيل الربوع وعان درب السيل عانه
البيوت اللي دخل فيها على دربه جرفها=والنفوس استشهدت والله يفاولها جنانه
والشباب اللي ترعرع طول عمره في كنفها=ما اسعفه وقته ولاهي سرّته خبرة زمانه
مادرى انه في طريق التهلكه روحه حذفها=لين شيّع والدينه عُقْب ماشيّع اخوانه
والعيون اللي تدامع وا اسفها وا اسفها=مالها غير الدموع ودبرة الله جل شانه
منهو اللي خطط الديره ومنهو اللي رصفها=ومنهو اللي سكّر دروب السيول بخيرسانه
ومنهو اللي وقّع صكوكه وهو خابر تلفها=ومنهو اللي داريٍ عنها ولاطلّع بيانه
ومنهو اللي من كثر ماياخذ الرشوة ولَفْها=يوم ولّيته على الامه تحَسْب انّه تكانه
كلّهم قدّام عينك شلّةٍ والله كشفها=وانت عاد ابخص وتدري ويش ماجوب الخيانه
ياتجي عبره ومنها يعتبر من جا سلفها=ياتروح نفوس من ماتوا على ذمة الامانه

[أبو طارق]

إقتباس واحـدٍ قـال الامانـه ناقـةٍ تاكـل علفـهـا

ليتها تكتفي بعلفها وبس إلا تاكل علف (الطليان والشياه) بعد

الصديق العزيز والشاعر المبدع أبو مقبل ،،

الإبداع هو ديدنك في المبنى ،
والنبل هو ديدنك في المعنى ،

وضعت نقطاً من ( ذهب ) على كثير من الحروف ،

وفخّخت الكثير من الأبيات

لذلك أبباري ( الساس ) ولن أحاول الاقتراب منها كثيراً
أخاف ( يقبع ) فيني لغم ولا يرد يدي إلا شرورة


وإن لم يحضر الشعر في هذه المواقف
فلا قيمة لحضورة

صح لسانك وعلا شانك ،

[خالد السويلمي]

ولــ الصدق
لـ الامانه
والبوح الجميل

[محمد مدران اليامى]

الله يسعد مساك ياسعيد..جعل عامك سعيد..

صح لسانك ..جزل دائما..وحضورك في وقته..

تحاياي لك

[احمد عوض]

سعيد بن مقبل

الله عليك يا شاعر
باختصار
(رسالة استراتيجية)

والمعنى في بطن الشاعر


الف صح لسانك

والله يعلي شانك يابو مقبل

دمت بخير وعافية

[سعيد بن مقبل الأكلبي]

إقتباس الرسالة الأصلية كتبت بواسطة أبو طارق إقتباس واحـدٍ قـال الامانـه ناقـةٍ تاكـل علفـهـا ليتها تكتفي بعلفها وبس إلا تاكل علف (الطليان والشياه) بعد الصديق العزيز والشاعر المبدع أبو مقبل ،، الإبداع هو ديدنك في المبنى ، والنبل هو ديدنك في المعنى ، وضعت نقطاً من ( ذهب ) على كثير من الحروف ، وفخّخت الكثير من الأبيات لذلك أبباري ( الساس ) ولن أحاول الاقتراب منها كثيراً أخاف ( يقبع ) فيني لغم ولا يرد يدي إلا شرورة وإن لم يحضر الشعر في هذه المواقف فلا قيمة لحضورة صح لسانك وعلا شانك ،

ابوطارق لبا قلبك
ومرحبا ملايييين
يكفي مرورك واطلاعك
والا الاشادة متعودها منك نفدا خشمك
لاعدمت مرورك وسلامك وكلامك

[سالم بن جلعان]

وش نقول يا سعيد ؟
لا جديد فانت المبدع كما عهدناك في
كل نص .....
تكتب باسلوب فريد ... يمزج بين جزالة
المفرده وقوة الفكره وسهولة الوصول للمتلقي

نص ولا اروع يا سعيد ... وشهادتي فيك مجروحه

بيض الله وجهك على الحضور
والمتعه
والشعر


اخيك


سالم

[نورة العجمي]

صح لسانك وفكرك وقلبك ياسعيد
قصيدة في محلها , تعودنا ان لاتترك مناسبه الاّ أن تسلط النور عليها
تحدثت بلسان الكثيرين المغبونين , وبلسان الحكيم الذي لايتفوه الا بالحق
اللهم يهيئ لولاة الأمر البطانة الصالحة التي تعينهم على الحق وتدلهم عليه
البطانة السيئة لا تستطيع أن تخدع الناس زمناً طويلاً
اللهم يامالك الملك وفق ولي أمرنا إلى ما تحب وترضى واجعل كل اموره متصلة بتوفيق منك واعنه على ما يقوم به من اعمال جليلة لهذا الوطن الغالي واكتب له السلامة والحفظ من كل مكروه ولجميع ولاة أمرنا الكرام ولهذا الوطن الامن والأمان والرخاء والاستقرار اللهم يا مالك الملك هيئ لولي أمرنا البطانة الصالحة التي تُعينه على الخير وتدله عليه وأبعد عنه بطانة السوء وكل من يُريد بالوطن أي سوء إنك سميعٌ مجيب الدعوات

كفو والله ياسعيد
ماخبرنا منك الا المنطق الحسن والفكر النزيه والقلب النقي وبياض الكلام الذي لايخدش والشعر الذي نفخر به
لاعدمنا قلبك اخوي سعيد
والله يعطيك على نياتك الصافيه
الله يخليك رمز من رموز صرح شعبيات
احترااااماتي

[نوف الثنيان]

صح نبضك وشفافيتك وضميرك الحي ..
ماعهدنا منك الاّ الصدق ..
والشعر الأبقى ..
كل التقدير ..

[تركي]

صح لسانك
شاعر مبدع ونتابع جديدك
ومنهو اللي من كثر ماياخذ الرشـوة ولَفْهـا
يوم ولّيته على الامـه تحَسْـب انّـه تكانـه
انشهد انك كفو
وحنا معك قلبا وقالبا
الله يظهر الحق عاجل غير آجل

[الجازي]

شفافية وصدق اصطبغت فيه روحي هنا ..

حفظك الله لمن تحب ..

[غرم البهيشي]

سعيد بن مقبل الاكلبي

صح لسانك

ودام عزك

انشهد انك كفؤ والابداع رفيقك الدائم

لا هنت ولك تحياتي

[محمد الدحيمي]

خطيررررررررررررررررررر يابومقبل
تدخل من مخارجها وتخرج من مداخلها بكل حرفنه

[سعيد بن مقبل الأكلبي]

إقتباس الرسالة الأصلية كتبت بواسطة خالد السويلمي ولــ الصدق لـ الامانه والبوح الجميل

ارحب ياخالد
ولاهنت ياطويل العمر

[سعيد بن مقبل الأكلبي]

إقتباس الرسالة الأصلية كتبت بواسطة محمد مدران اليامى الله يسعد مساك ياسعيد..جعل عامك سعيد.. صح لسانك ..جزل دائما..وحضورك في وقته.. تحاياي لك

ويسعدك ربك يامحمد
ولاهنت على تشريفك للموضوع