19-06-2002, 09:33
|
#1 |
|
رحمة الله عليه
|
دغيم الظلماوي
السلام عليكم ورحمة الله وبركاته سالفة اليوم هي سالفه ولها طبعا قصيده والقصيده معروفه ولكن السالفه الكثير مايعرفونها هذا دغيم الظلماوي من شمر من اهل قفار كان شاعر جيد وكان كريم والكريم وجه الله ويوم من الايام وهو قاعد على جال الضو ومعه ولد عمه يقاله (كليب) وقعد يقصد ويقول [poet font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=2 line=200% align=center use=ex length=0 char="" num="0,black" filter=" glow(color=red,strength=1)"] ياكليب شب النار ياكليب شبه= عليك شبه والحطب لك يجابي وأنا علي ياكليب هيله وحبـه = وعليك تقليط الدلال العذابي الوالمه ياكليب عجل بصبـه = والرزق عنداللي ينشي السحابي وإدغث لها ياكليب من جزل خبه = وشبه ليا منه هبا كل هابي أبي ليا شبيتها ثم قبه = تجلب ربع سرات(ن) غيابي بنسرية(ن) ياكليب صلف مهبه = ليا هب نسناسه تقل سم دابي متكتفين وناطحين مهبه = متلطمين وسوقهم بالعقابي صبه لقرم صرفته ما حسب به= يوم البخيل مكنهب الوجه هابي وصبه لمنعور من جاه نبه = يرخص بعمره والدخن له ضبابي وعده عن اللي مايداري المسبه= اللي يدور بالقصير الغيابي لياباطن الهلباج خطو الجلبه= يازين تالي الليل خبط الركابي افرح لهم وابدي سلام المحبه =ليا شح بالهين كبير العلابي سلام احلى من شخاليل جبه = واحلى من السمن الجديد الرعابي وخطو الولد يوم الملاقا نكبه = يصير معنا من حساب الزهابي وش عاد لو يلبس زبون وجبه = معيرة على غضير الشبابي أنا لقيت الصبر يازين غبه = يرقيك روس مشمرخات الهضابي ومن لا صبر ياكليب في حكم ربه = هذاك يوم البعث ماله ثوابي [/poet] المهم فيه كلمه مرت عليكم مدري انتم دققتوا فيها والا تدربون روسكم  الكلمه (الوالمه) والبيت والوالمه ياكليب عجل بصبه الوالمه هي (الدله) وطبعا من كلامه نفهم ان دغيم الظلماوي يولم دله ويخليها احتياط  اذا جاه ضيف والا سبحان الله وطبعا ياجماعه القهوه ماكانت سهله يعني من الي عنده قهوه ذيك الايام ؟  واشتهر دغيم الظلماوي بعدة اسامي منهن راع الوالمه متعب الدلال المهم <===== مهوب تبع الاسامي  كان الي يحكم نجد هاك الايام هو (محمد العبدالله الرشيد) وسمع عن الظلماوي وغار منه لان الكريم يغار اذا جاء طاري واحد كريم وقال هين يالظلماوي والله لا اوريك  ويجي يوم من الايام وقال لاخوياه اسمعو الليله نبي ناصل مشوار قال ابشر وحنا جاهزين ويوم جو بالليل اخر الليل وهم ينخون ركابهم عند الظلماوي ويتلطمون ويقلطهم ويوم قلطهم وهو ياخذ الملقاط ويحرك الجمر ويطلع الوالمه وزاد حقد ابن رشيد عليه وقال انت يالظلماوي يوم انك تقوصد وتقول ياكليب ياكليب وش عندك به؟ (يعني وش شايف نفسك) قام الظلماوي ومد يمناه لابن رشيد وقال الابيات ذي المرتجله [poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=" glow(color=red,strength=5)"] مده رهن لولاك ماقلت ياكليب=ولا قلت شب النار وصر موقد(ن)له يابو الارامل والعذارى ومن عيب=وابو من صار العصا ثالث له ويابو المحرول والعمى والمحاديب=ومن ضامته بقعا تصير ولد(ن)له يالجوهر الناريس يالمسك يالطيب=ياعنبر من جربه مايمله تقفي محاليب وتملى محاليب=وكبد تيبسها وكبد تبله ياطير شروى مالقي بك عذاريب=لو تستحي ماتجمع الطيب كله وان كان هرجي به عليكم عذاريب =سامح عسى الي عقبك بالف حله [/poet] ياناس القصيده ذي مرتجله لاحظو البيت ذا ياطير شلوى مالقي بك عذاريب .........لو تستحي ماتجمع الطيب كله الله اكبر المهم ابن رشيد انتفخ راسه وبعذره لو اني منه والله لااعطيه الحكم <===== ايه هين وقال ابن رشيد يالظلماوي والله ماتشري القهوه كثر ماشريته تدرون وش معنى كلامه؟ <====== يبي يغثكم معنى كلامه انك متى مابغيت قهوه تجين وانا اعطيك الي يسدك لمدة سنه وعلى هالحال الين اموت وفعلا اوفى بالي قال والظلماوي شاعر مهوب بسيط وكريم الى ابعد الحدود وكان عقيم الله يرحمه وسلامتكم واسف على الاطاله  |
|
|
|
19-06-2002, 11:13
|
#2 |
|
جاسر الحربي
|
السلام عليكم .......... سبحان الله ..... يعني دق مشوار متعني ...... بس من شان الكرم وسمعته  هيييييييييييييييييييييييييييه دنيا كلها كوم والقصيدة الثانيه كوم ........ لا وراجلها بعد ..... هذا الشعار صدق تسلم عزيز على هالقصيدة اللي تبين كرم الاولين ومنافستهم فيه ....... والله "المهم" ++++++++++ هههههههه اقصد دغيم أو متعب الدلالكررررريم ونعم ونعم ........ وما يهون ابن رشيد ولا راعي السالفه سالفه هادفه ........ يعطيك العافية عزيز وننتظر الاجمل منك تحياتي العاااااااااااااااطرة أخوك/جاسر الحربي |
|
|
|
|
20-06-2002, 10:04
|
#3 |
|
عضو شعبيات
|
يا سلام عليك ياعزيز
والله انك كنك داري اني قبل يومين جالسه اردد البيت الي يقول ياكليب شب النار ياكليـب شبـه .....................................عليك شبه والحطب لـك ii يجابـي وكنت اقول في نفسي ياريت اعرف قصتها والي قالها وها انت تقرا الي بنفسي وتسرد القصه كما تمنيت ان اطلع عليها الله يعطيك العافيه وتسلم يمينك أختك رهف ... |
|
|
|
|
25-06-2002, 06:15
|
#4 |
|
رحمة الله عليه
|
ها وغلا خالي مهند ياحبي لك ... انت وردودك الي تبرد الكبد..... صدق والله ياخال ردود الي مثلك تحمس على كتابة المواضيع وماقصرت على المتابعه =================== هلا وغلا اختي رهف واشكرك على الرد والمتابعه ياختي والف الف شكر واتمنى ان القصه جازت لك |
|
|
|
|
21-12-2002, 21:23
|
#5 |
|
شــاعــر
|
هلاااااااا خالي عزيز تسلم على هالموضوع بس اسمح لي ابتفلسف شوي عليك لاني اخبر هالقصيده وحافضن بعضه بس غير هاللي انت قلت يعني تشبه له شوي ابقوله <<<<---واحد ماسكك ياكليب شب النار ياكليب شبه****عليك شبه والحطب لك يجابي وعلي انا ياكليب هيله وحبه ****ودقه وتقليط الدلال العضابي بنجرن الياحرّك بليلن يبنه**** لادق طاره تقل ذيبن يهابي وادغث لها ياكليب من سمر حبه**** دقه الى منه غفا كل هابي باغي الى شبيتها بالمشبه***تجذب لنا ربعن سراة غيابي سرّات ليل وناطيحنن مهبه***ومتكوبعين وسوقهم بالدلالي الالوله ياكليب عجل بصبه***والرزق عند اللي نيشي السحابي وقصيدته الارتجاليه حافض منها كم بيت بعد وهن برضو يختلفن شوي عن اللي انت قلت مده رهن لولاك ماقلت ياكليب****ماقلت شب النار صر موقدن له يابو اليتاما والعرج المحاديب***وابوٍ لمن صار العصى ثالثن له تكفا محاليب وتملى محاليب***وكبدن تيبسها وكبدن تبله من كل حدبن ياصلنك مناجيب***ماهو غلا يالضيغمي مير ذله ماتستحي ياقليل العذاريب ***لو تستحي ماتاخذ الطيب كله واستر واجهت تخبر الذاكره معاد تجمع |
|
|
|
|
23-12-2002, 16:53
|
#6 |
|
عضو شعبيات
|
ألأخ عزيز الف شكر لك على ايراد مثل هذه القصص الجميلة والتي نحن بحاجة لمعرفتها ملاحظة : لفت نظري قولك ان دغيم الظلماوي من اهل قفار والصحيح ان دغيم كان بيته(القطبة)"وهو بيت الشعر الصغير جداوذلك لشدة فقر ذلك الرجل وأن كان كريما رغم قلة ذات اليد" يقع بالقرب من النفود الى الشمال من منطقة حائل بينما قفار يقع الى الجنوب عن نفس المنطقة . ختاما مرتا اخرى اشكرك اخي الغالي عزيز تحياتي هبوب الشمال |
|
|
|
|
24-12-2002, 10:12
|
#7 |
|
عضو شعبيات
|
لأهنت. ويعطيك العافيه. وانشهد ان دغيم الظلماوي كريم. وقصايده معروفه ومشهوره. ونورتنا فيها اكثر واكثر لأهنت مليون. تقبل تحيــــــــأتي. فتى الوادي |
|
|
|
|
26-12-2002, 00:59
|
#8 |
|
عضو شعبيات
|
ياسلاااااااااام هذا الكلام قصه رائعه ... وقصائد أروع .. شكرا لك ... عزيز .. على هذا الإنتقاء ونعم والله بالظلماوي .. وابن رشيد .. وفيك <<<<<< لا تزعل بس المهم ... أعجبتني مره القصائد والأكثر معرفتي لهذه القصه الرائعه لو تستحي ماتجمـع الطيـب كلـه لو تستحي ماتجمـع الطيـب كلـه لو تستحي ماتجمـع الطيـب كلـه شكرا لك .. ويعطيك الف عافيه ... تقبل تحياتي ،، الريـــــــم |
|
|
|
|
27-12-2002, 18:45
|
#9 |
|
عضو شعبيات
|
ألأخ / عزيز ارجو ان تتحملني قليلا فما زال في جعبتي بعض المعلومات 1- دغيم الظلماوي من الشلقان من سنجارة وهذا يثبت كلامي انه ليس من اهل قفار لأن منازل الشلقان يم النفودعلى مسافة اقلها30كم شمال حائل بينما قفار تقع جنوب حائل على مسافة 20كم . 2 - كليب المذكور في القصيدة هو ابن اخي دغيم حيث ان دغيم الظلماوي كان عقيما ولم يرزق بولد غير ان ابن اخيه كليب لزمه ليخدمه ألا انه توفي قبل وفاة عمه دغيم رحمهم الله جميعاً. 3- البيت هذا ياطير شلوى مالقي بك عذاريب # لو تستحي ماتجمع الطيب كله ليس للشاعر دغيم الظلماوي وانما هو للشاعر التميمي راع القصر" قصرالعشروآت " قريه الى الجنوب عن حائل على مسافة 30كم . والذي كان له قصيدة مجاراة للشاعر دغيم الظلماوي والتي مطلعها : ياكليب شب النار ياكليب شبه ## لاساح ظل مشمرخات الهضابي . ------------------ #@ كرم دغيم وابن اخيه كليب واهتمامهم باالضيوف . اشتد البرد ورحل دغيم باحثا عن مكان فيه ملاذ عن الرياح البارده فلما نزل هو وابن اخيه وبنيا بيتهما قال كليب لعمه دغيم لااضن ان هناك احد عانا من البرد مثل ماعانينا منه نحن هذااليوم فقال دغيم بل هناك من عانا اشد منا فقال كليب ومن هو ياعم فقال دغيم هو ذلك الرجل الذي ذهب الى مكان منزلنا الذي رحلنا منه فلم يجدنا هناك فماتراه فاعل فقال كليب اذافل نعد الى منزلنا السابق ألآن فقال دغيم هذا هو الراي فهدما بيتهما وعادا من حيث أتّو في نفس ليلتهم كل ذلك لأجل ان لاياتي ضيف فلا يجدهم ." رحمهم الله جميعا " تقبلوا تحياتي هبوووووب الشمال |
|
|
|
|
01-01-2003, 05:36
|
#10 |
|
رحمة الله عليه
|
هلا اخوي خالد حياك الله انت وفلسفتك<====== والله ياهي مشوار وماقصرت على حضورك وعلى ردك لكن وشوله تفشلن وتطلعن مغلط <====== الولد مدلع وحساس ومشكور على تعقيبك الجميل وياليت نقرى لك موضوع ..... والا تبخل علينا؟ <======= يبيك تكتب موضوع ويستقعد لك وتقبل تحيات اخوك عزيز |
|
|
|
|
01-01-2003, 05:42
|
#11 |
|
رحمة الله عليه
|
الاخ هبوب الشمال هلا وغلا والله تو مانور المنتدى كله <==== مصري وبالنسبه لقولتي انه من اهل قفار انا سمعتها بشريط لراويه من اهل حايل وهو معروف ولاهوب بسيط وهو الاستاذ \عبدالرحمن المرشدي وانا اشوف ان المرشدي من الرواة الي عليهم الكلام وفي كثير من الروايات الي عليها اختلاف بين الرواة تلقى رواية المرشدي هي الصحيحه وانت يكفي اسمك (هبوب الشمال)<======= كن فيه علاقه بين الاسم وحايل واشكرك على الرد والتشجيع ونبي نقرى لك موضوع |
|
|
|
|
01-01-2003, 05:46
|
#12 |
|
رحمة الله عليه
|
هلا وغلا باختي الريم وحياك الله وشرفتي المنتدى كله ياختي الله يجبر بخاطرك <======= محد قد مدحه ابد  والف الف شكر على ردك وتشجيعك وياليت نقرى لك موضوع وشكرااااا |
|
|
|
|
01-01-2003, 05:58
|
#13 |
|
رحمة الله عليه
|
الاخ هبوب الشمال يابعدي لاتبخل علينا بمعلومه ابد وانت الي متجمل تقول (ارجو ان تتحملني قليلا فما زال في جعبتي بعض المعلومات ) ارجوا ان تتحملني ؟؟؟؟؟؟؟؟؟؟؟؟؟؟؟؟؟؟؟؟ والله لو اني انا الي ادفع لك قيمة الاشتراك الا ياخوي عطنا من هالمعلومات الطيبه وبالنسبه للي قلته يابعدي انت ..... كله كلام حلو واكيد ان صحيح بحكم انك من اهل الديره لكن فيه نقطه انا مستعد اتضارب معك عنده <========== ماصدق على الله يلقى درب البيت ياطير شلوى مالقيبك عذاريب .................................... لو تستحي ماتجمع الطيب كله اخوي البيت ذا لدغيم الظلماوي وهو في قصيدته بمحمد ابن رشيد ومثل ماتشوف على نفس قافية القصيده ووزنه والصراحه البيت ذا ماقد سمعته لغير دغيم في كثير من اشرطة الرواة اهل حايل نفسهم وفي كتابين بعد لقيت البيت نفسه منسوب لدغيم <======== تحمس يحسبه حديث وياليت تعطينا قصيدة راع القصر التميمي <======= يقاله حجر لك الحين وعلى العموم ياخوي هبوب الشمال حياك الله انت ومعلوماتك الطيبه ونزل موضوع وشف وش لون الاستقعاد وجعل العافيه تخمك ولاتترك ابد |
|
|
|
|
01-01-2003, 12:14
|
#14 |
|
شـــــاعــــــر
|
دغيم كله بركه
والله ان دغيم اللي خلانا نشوف اسمك اليوم كله بركه يابو محمد وينك تبي اسوي نداء في الديوانيه ؟؟؟ كيف حالك تراني ارسلت لك على الخاص الارقام كلها انت وينك ؟؟؟؟؟ تحياتي وتقديري اخوك ابونوت |
|
|
|
|
03-01-2003, 19:49
|
#15 |
|
عضو شعبيات
|
أعتراف
الأخ الغالي عزيز أصبت انت وأخطأ الهبوب نعم البيت للظلماوي ولكن الذاكرة عندنا فيوزاته لك عليهن اما البيت الذي كنت اريد هو: الضيغمي كل المراجل بعبه ## وحنا نلقط ماوقع بالترابي وهو ايضا للشاعر دغيم واضنك لم تذكره وانا كنت احسبه لراع القصر والذي سوف ابحث عن قصيدته كامله بحول الله تحياتي هبوب الشمال |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
