23-02-2009, 05:08
|
#1 |
|
شاعر
|
ردا على قصيدة (كرسي معاق)
بسم الله الرحمن الرحيم السلام عليكم ورحمة الله وبركاته قصيدة كيبوردية جديدة و قد نظمتها بعد قراءتي لقصيدة للشاعر / عقاب بن عفات الربع الشمري في مجلة فواصل العدد الأخير بعنوان (كرسي معاق) و بعد قراءتها ها أنا أقدم وجهة نظري كمعاق واحمل مشاعر تمكنني من التوضيح بأن المجتمع كما صوره الشاعر بأنه يحمل هم المعاق غير الواقع الذي أراه بعيني وهو الصحيح دون دبلجة و مكساج ..
سار القلم وأصبح على الطرس دفاق=و ليا أندفق بانت معالم حروفه شعرٍ يصفق كف و يلد الاعناق=يا قيل من شاعر سواتي يحوفه يا عقاب بن عفات ما لاق لو لاق=غير القصيد اللي تجمع صفوفه يا شاعرٍ شاعر ليا حد الإغراق=في نص راقي من فواصل نشوفه قلت القصيدة و أنت قاربت الاعماق=في شان من يبغى قلوبٍ عطوفه قلت المعاق و ضج في القلب دقاق=و أشوف أنا أشياء غيرنا ما يشوفه و أبعلن إعلانٍ قبل زر الإغلاق=من واحدٍ ينقل طعونه بجوفه المجتمع ما هو مع البعض بوفاق=ووشلون تبغي للسميه مروفه و البعد تر من بينهم مطلق وثاق=و لا المعاق أقرب تراي لظروفه مستحملٍ من يمنحه نقد و طراق=و تشيل تر بيض النوايا كفوفه و ليا سلم له يوم و أن زان و أن راق=مالت ترى بقعاء و شانت صروفه مؤمن بما هو فيه كنه في الافاق=راضي و لو هو حادرٍ من جروفه ما يدعي الا كود يا الله و أن ضاق=تبعد همومٍ رافقته و تلوفه المجتمع يا عقاب غادي لك اشناق=و كلٍ على ليلى يقرع دفوفه أخر ترى ما همهم كرسي معاق=و الهم ما يبغون شوفة طيوفه لأحد يكابر يعلن أخبار و ألحاق=و نقدر نميز بين قزه و صوفه محدٍ نقل هم المعاقين لو طاق=والناس همه راسها في كتوفه و دام الله اللي مجري الفلك خلاق=يكفي و لا منة بشر و معروفه قلته و أنا ماني بمهذر وهلاق=عن باقي ربوعي حملت الكلوفه محد بغى لا تين شامي و دراق=كود السلامه صارت أغلى شفوفه من مجتمع نصفه على عظمة الساق=في ماقف ما هو بقدرة وقوفه يا شفت لحظة فعلته كان تنساق=خلف الذي قلته بماضي حروفه و اتلى كلامي و التحيات بسباق=للشاعر اللي يلمحه ما تطوفه |
|
|
|
25-02-2009, 00:18
|
#2 |
|
شــاعر
|
رد : ردا على قصيدة (كرسي معاق)
قلته و أنـا مانـي بمهـذر وهـلاق عن باقي ربوعـي حملـت الكلوفـه صح لسااااااااانك .. ونعم فيك والله .. .. وافي ياعبدالله .. وجمل الله حالك .. ..  |
|
|
|
|
25-02-2009, 01:05
|
#3 | |
|
شاعر
|
رد : ردا على قصيدة (كرسي معاق)
إقتباس:
صح بدنك مليار لا هنت اخوي منصور ولا عليك زود لا هنت على المرور |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
