[نواف الشمري]

.
.

صالح العبدالكريم الشمري ..
الأخ والصديق الصدوق الكريم ..

اهداء بسيط من القلب ..


قالوا صديق ٍ لك وانا قلت والله
.... ماهو صديق الاّ مثال الأخوّه

ماينلحق معروف مثله وشرواه
.... كل ماتوصف به يزيد بسموه

أنا معه بالخير والشر وياه
.... اصاحب اصحابه واعادي عدوه

حقه هو اني دايم الدوم ماانساه
.... واليا تناسيته فلابي مروه

ارفا الزلل من صاحبي وادمح اخطاه
.... واقف معه وادراه عن كل سوه

يلقان لااحتاجن والى احتجته القاه
.... أمّا عدا هذي فلاهيب خوه

صديق وقت الشده ووقت ماابغاه
.... انشهد انه يطنخ الراس قوه

من قبل اصوت له ومن قبل لااتناه
.... تحيي مجاديبي تباشير نوه

ياما وياما طق صدره بيمناه
.... وياما على وضح النقا شب ضوه


نواف حمود الشمري

\

[صالح العبدالكريم]

يعلم الله أني مُحرج جداً من ما ذكرته يا نواف ولم أكن كذلك لولا طيبتك وإحترامك ! لم أجد مجال للهرب إلاّ بما خرج من القلب مباشره وأنا اقرأها : فأغفر تقصيري يا مرحبا يا راعي الطيب والجاه ............. جتك الضلوع وكل ضلع ٍ مفوّه ماني بمثل اللي تقوله وأقراه ............. لاشك طيبك حطني في عُلوّه يا الصاحب اللّي تمتلي بي مزاياه .............. يا الخيّر اللي يختبرني هدوّه خذها نصيحه لا تدوّر بالأشباه .............. يطلع لك من الناس مليوّن لوّه في وقت قل رجاله وكثرو نساه ............. في وقت ماتت فيه حتى المروّه هذا يخفّي عن خويّه نواياه .............. وهذا يدوّر من وجوده نبوّه وهذا يبيع أهله على شان مخباه ............... وهذا أنتهى فيه المطاف بغلوّه وهذا يبي هذي على شان ينساه ................ وهذا يبي هذي على شان جوّه وهذا إذا أقفى جليسه تقفّاه ............... وهذا يبي قبل الستيره اُتوّه وهذا يدنّس عرض جاره وينصاه ................ وهذا يحسب إن المراجل فتوّه وهذا على ما قيل راعي محاباه ................ وهذا خذا مسح المواطي ابوّه قليل تلقى اللي يشابهك ممشاه ............... اللي يتحيزم فيه حتى عدوّه عزاه من بعض المشاهد وعزاه ............... من وقت روحاته تشابه غدوّه !! وكل عام وانت بخير

[نوف الثنيان]

نواف
حضورك .. غمامة حملت بشرى المطر ..
خضراء وخصبة الدروب .. المؤدية لكم ..

قلّة من يكتبون بقلوبهم ..
ننتقل من نبض إلى نبض ..
شعر يتنفسكم ..
كم من النُبل والرقي والبياض هنا .. !

هنيئاً لنا بكم ..
تعطّر صباح العيد من الندى المبلل بأرواحكم ..
كل عام ونحن بكم أجمل وأنقى ..

[صالح العبدالكريم]

النجديه ماذا أقول وهذا حديثك .. الف شكر على حضورك يا زميله تقديري واحترامي

[نواف الشمري]

الرسالة الأصلية كتبت بواسطة صالح العبدالكريم

وكل عام وأنت الخير ..
ابو بندر ..
كانت من القلب اليك
وهذه غرست في اعماق القلب !!

لله درك ياصديق الروح !!

ودمت بأجمل الود

[نواف الشمري]

الرسالة الأصلية كتبت بواسطة النجــدية

نواف
حضورك .. غمامة حملت بشرى المطر ..
خضراء وخصبة الدروب .. المؤدية لكم ..

قلّة من يكتبون بقلوبهم ..
ننتقل من نبض إلى نبض ..
شعر يتنفسكم ..
كم من النُبل والرقي والبياض هنا .. !

هنيئاً لنا بكم ..
تعطّر صباح العيد من الندى المبلل بأرواحكم ..
كل عام ونحن بكم أجمل وأنقى ..

النجديه

حضورك هو الغيم والربيع والأوراق
المبلله بالمطر ..
دائما تنثرين الأماكن بالبياض الذي
يسكن روحك ..فشكرا من القلب وألف شكرا

\