11-09-2008, 16:18 | #1 |
شــــاعـــر
|
وش بقى غير الرخصه ؟ 400 ريال
ياجماعة الخير هو صحيح الرخصه صارت بـ400 ريال والا انا غلطان ؟؟ يعني ارتفعت الاجارات واسعار الشقق قالوا بسبب الحديد طيب ليه ارتفع الحديد ياجماعه قالوا يقولون انه في ناس تقول انه الارتفاع عالمي .. ياهالعالمي اللي لاتورطوا قالوا عالمي يعني اقرب مخرج .. طيب ارتفعت قطع غيار السيارات قلنا يمكن بسبب الحديد بعد مو مشكله ماحنا مصلحين سياراتنا لين تهرقل .. اوكي ارتفعت اسعار الارز والدقيق والحليب ماقصر ابو متعب سوا دعم لها لكن مع الدعم لازالت الاسعار مشعلله .. سبحان الله كل شي ارتفع بهالدنيا حتى علبة معجون الطماط ارتفعت .. يالله الله يصبرنا على هالحال اللي حنا فيه .. طيب هالحاجات هذي ارتفعت لانها سلع وتجاره والتجاره شطاره والشاطر يربح .. ابي هالرخصه هذي اللي نقزت نقزة من 75 ريال الى 400 ريال ؟؟ ليه ياعالم ليه ؟؟ يعني القرار سواء كان من وزارة الداخليه والا من وزارة الماليه مايهمنا اللي يهمنا انه من الدوله اللي المفروض تساعدنا مهوب تاكلنا اكل .. يعني ياجماعه الارتفاع والله مهوب طبيعي من 75 ريال لاربعميه ؟ يعني حتى كلمة ارتفاع ماهي وصف صحيح لهالشي اللي صار .. ارتفاع وشو الا قولوا انتفاخ او انفقاع على قولة الشيخ مدحت .. هالنقزه هذي من 75 الى 400 والله لو مشاركين فيها بالاولمبياد كان جبنا كل ميداليات العالم فيها .. والله لو هالفلوس اللي تروح للمرور يصلحون فيها الحفر اللي ماليه الشوارع والا يسوون لنا خطوط سريعه زي العالم والناس والا يبنون لنا فيها جسور تبيض الوجه مو مشكله .. المشكله ان الفلوس تروح ماندري وين ( وانا مااحط بذمتي شي وانا صايم ) لما ارتفع الرز طلع لنا الوزير يقول غيروا من عاداتكم الغذائيه .. انا اقول هالحين اللي بيطلع لنا وش بيقول بالله ؟ هو بقى شي فينا ماتغير ؟ ارتفاع ارتفاع ارتفاع ارتفاع الله ياهالكلمه وش كثر تمر علينا باليوم .. كل شي مرتفع ومشعلل ومنفقع الا مؤشرنا المحترم ..!! ودي اقول يلعن ابوها عيشه بس اللهم اني صايم !! |
11-09-2008, 20:00 | #2 |
شــاعر
|
رد : وش بقى غير الرخصه ؟ 400 ريال
نواف صل على النبي وانا اخوك ترى مهما اترفعت الاسعار فاحنا بوضع احسن من غيرنا بالاف المرات موب لازم تسوق ياخي اركب باص من ناحيه كلامك صحيح ولكنك اخذتها من الناحيه السلبيه فقط من وجهة نظري المتواضعه انظر الى النواحي الايجابيه التعليم مجانا الخدمات الصحيه اغلبها مجانيه ما فيه ضرائب ربحيه ما فيه ضرائب دخل ما فيه ضرائب مشتريات الضرائب المفروضه على التجاره لا تذكر ولا يمكن تلاقيها باي بلد" 2.5 " الامن والامان ما زلنا بحال افضل من غيرنا بكثير ولله الحمد اكيد ان الانسان طموح ويبغى الافضل وكلامك صحيح من ناحيه ولكن ما فيه حكومه كامله وما فيه بلد كامل لابد ان يكون فيه قصور الكامل وحده سبحانه واذا تبي تعرف وضعنا لازم تقارن النواحي الايجابيه والسلبيه وبيطلع الناتج : احبك ادعو معي يا اخوان الله يرحمك يا نواف الشمري كان طيب وحبيب وشاعر رائع وانسان رايق الله يرحمه ودك اثبت الموضوع عشان اثبت التهمه عليك طبعا امزح ولكن نواف فعلا انا قصدت كل حرف قلته ترى الشوارع لها ميزانيات والعيب ماهي في الميزانيات فقط العيب في المقاولين والسرقات الي تصير والي يبي يصدقني يجي يشوف الانفاق الجديده الي في الشرقيه عباره عن انهر يعني اذا جيت تمر منها لازم تلبس سيارتك شورت او بكيني الله يكون في العون ولكن الحمدلله على كل حال وان شاء الله الامور تزين وجهة نظري الشخصيه وقد اختلف معاك بس هذا ما يعني اني ما احبك وبازورك يابو حمود وعد بس ان شا الله تنسجن قريب مافيني حيل اطق مشوار لجسن الخفجي خلك حولنا تكفى |
11-09-2008, 21:51 | #3 | |
شاعـرة
|
رد : وش بقى غير الرخصه ؟ 400 ريال
إقتباس:
فيصل الجسن يحبسوا فيه بعد ولا مدينة ملاهي .. وأيش يقرب لـ السجن ولا بس تشابه أسماء .. |
|
11-09-2008, 22:30 | #4 |
|
رد : وش بقى غير الرخصه ؟ 400 ريال
نواف مبارك الشهر طال عمرك المشكله وانا اخوك مهيب في ال25 ريال الزياده السنويه اول كانت بمعدل 15 ريال سنويا لخمس سنين واللحين صارت 40 ريال على مدار 10 سنوات المشكله هي وش سنع الرخصه تصير 10 سنين والسواقين اللي في بيوتنا اقاماتهم سنتين بس ؟ المشكله الكبرى اننا ما عندنا احد يدبر والا يشور شور زي الناس |
12-09-2008, 04:00 | #5 |
فَتنة ماضٍ
|
رد : وش بقى غير الرخصه ؟ 400 ريال
. مُشكلتُنا الوحيدة أننا [ مصمغين بسوبرغلو مع الدولار ] . |
12-09-2008, 04:39 | #6 |
فـعـل مــاضي!
|
رد : وش بقى غير الرخصه ؟ 400 ريال
. وش بقى غير الرخصه ؟ فكّرت في الإجابة ـ ياصديق القلب ـ, وتوالت الكثير من الأشياء, التي لن نستغرب تضخمها في اللاحق من الأيام.. لا سيما بعد أن تضخمت المنتجات السعودية ـ صناعةً وتسويقًا ـ بحجة الاستيراد من الخارج * لعلّ الله يحدث بعد عسرٍ يسرا. . |
12-09-2008, 19:23 | #7 |
شاعر
|
رد : وش بقى غير الرخصه ؟ 400 ريال
هلا ابو محمد إحمدك ربّك إن الهواء من الله وإلاّ وربي ليحسب بفلوس تصير كل واحد بالبلد يقسّم أنفاسه على مدار اليوم .. وزير قصدي لوح يقول لا بد تغيير الرز لانها عاده .. طوّف اللّوح الثاني يقول في مسألة غلا السكن أن الشعب ( يا دا الشعب اللي ممسوح بكرامته ) يقول الأخ الأبله على الشعب أن يغيّر عادته يعني لازم يصير عندك مجلس ومقلط .. طيب إذا جاك أحد بالبيت يقول اللّوح ودّه لمطعم ! شوي شوي ويخلوننا مثل المخيّمات اللي بدارفور والإصطوانه شغّاله حنا أحسن ناس حنا أمن وآمان يا عمي وين أمن وأمان يعني بس المسأله انها تكون حروب طيب انا بيت الأهل مسروق ثلاث مرّات وجيراني والحي والسيارات تسرق بالهبل أحياء ضلما ما تشوف يدك .. اتحدى إذا ما البيوت بالرياض الغالبيه العضمى مسروقه شوارع مثل قلّتها ليه نكذب على أنفسنا إن احنا أفضل من غيرنا إذا جينا نقارن أنفسنا المفترض نقارن أنفسنا ببلد نتشابه معه دخل وثقافه مو يجينا من يقارن البلد بالصومال ويقول أحمدو ربكم يا عمي بلد ضاااايع بكرا نتكفّل ببناء المغرب من جديد ! |
12-09-2008, 21:32 | #8 |
شــاعر
|
رد : وش بقى غير الرخصه ؟ 400 ريال
للمعلوميه فقط اذا تبون نقارن انفسنا بالدول الغريبه شوفوا نسبه البطاله هناك كم نسبه الي ما عندهم بيوت وينامون بالشوارع معدل الجريمه وارتفاعه هناك الرجال ممكن ينذبح بسبب خمسة دولار يعني اقل من عشرين ريال هناك الدول تاخذ نسبة ضرائب قد تصل الى 45 % يعني تقاسمك رزقتك هناك الولد من الثانوي لازم يشتغل كل صيفيه بمطاعم سريعه والا محطات وقود عشان يقدر يدخل جامعه ليه ننظر الى افضل شريحه بمجتمعهم والي ما تمثل 30 % خلنا ننشوف مشاكل ال 70% يا جماعه احنا وضعنا ما هو كامل ولكن افضل من غيرنا ما فيه مجتمع كامل وما فيه دوله كامله وكل دوله عندها مشاكلها واكيد الكل لازم يساهم ولكن يبقى الوضع افضل بكثير من غيرنا انا اقارن بالافضل والاسوء منا يعني بالصومال وبامريكا واوربا وهذه مجرد وجهة نظري الشخصيه المقارنه لازم تكون موضوعيه |
12-09-2008, 23:23 | #9 |
غرووووب الساهر
|
رد : وش بقى غير الرخصه ؟ 400 ريال
يعني معقولة لما تجي المرأة تسوق .. تطلع رخصة بـ 75 ريال .... عيب ما يصير .. !! و تبدأ التضحيات .............من بدري . . وسع خاطرك يا الشمري ... تقول وش يقى ..! ودهم بعد بضريبة شوارع ............... بس مالهم وجه لان الشوارع عندنا المفروض هي اللي تدفع لنا ضريبة !!! . . مالكم إلا ريدبل |
13-09-2008, 00:17 | #10 |
شاعر
|
رد : وش بقى غير الرخصه ؟ 400 ريال
ابو خالد كيفك يا قمر كلامك صحيح بس هذي وانا اخوك دول لها وضع مغاير يعني تشتغل باللي تملا فيه بطنك وبطن عيالك .. لذلك أنا قلت نقارن بدول نفس الدخل ونفس الثقافه بالرغم من اننا طفحنا فلوس الظاهر يبي يصيرون من كثر الفلوس يحفرون انفاق بالربع الخالي عشان يستوعب المكان ما عاد فيه مكان يستوعب كل هالمدخولات .. الآن الشعب متجه إلى مشاكل كثيره بدون أي كلام .. الناس تشتغل بحق لقمة عياله ونهاية الشهر يبدأ العداد من جديد تشتغل بحق لقمة عيالك .. طيّب أجل وين الوطنيه اللي ممتحنيننا فيها ، عطني وطن يقدرني كفرد من الشعب وبعدها أموت على حدوده ! عطني وطن أحس أني فيه محترم ولست مغفل عطني وطن ما يضحك علي فيه بالمانشيتات العريضه عطني وطن أضمن إذا مت يحتضن أبنائي ويحنّ عليهم أي وطن اللي تستغل في الأرض وتستغل في البناء وتستغل في المسكن وتستغل في المأكل وتستغل في المشرب وتستغل في الملبس !!؟؟ يا اخي ممكن يقول أحد طيب هذا تجارة الشعب .. طيب أين الرادع عن هالتجاوزات أين الرقيب .. قضايا ومشاكل قابله للحل وبوقت قصير ولكن لا تعلم لماذا أصبحنا بهذا الشكل ! اخر تعديل كان بواسطة » صالح العبدالكريم في يوم » 13-09-2008 عند الساعة » 00:30. |
13-09-2008, 00:39 | #11 |
كاتب وصحفي
|
رد : وش بقى غير الرخصه ؟ 400 ريال
باقي كثير يا نواف .. باقي وباقي أنت ماتشوف سعر النفط كمن وصل؟ وقارن هذا مع مصاريفنا! أنصحكـ لاتحسب الناتج المحلي من البترول ,, ولا تفكر في التخطيط للإستثمار الزراعي بـ مليارات الدولارات في باكستان والسودان وغيرها ... هي مجرد نصيحة لاعدمتكـ .. يابن الوطن الغاااالي ... |
13-09-2008, 03:21 | #12 |
شـــاعــر
|
رد : وش بقى غير الرخصه ؟ 400 ريال
انا اقول هالحين اللي بيطلع لنا وش بيقول بالله ؟ هو بقى شي فينا ماتغير ايوه باقي الاحوال المدنيه بعد فتره يمكن تلقى البطاقه بميه والمشكله ان كل وزير يطلع لنا بكلام معناه وودنا ان الفلوس ذي تروح لجيوب تجارنا كان لاباس لكنها تروح من خلف الكواليس لجيوب المندسين من الهنود وغيرهم |
14-09-2008, 19:38 | #13 |
غرووووب الساهر
|
مكرمة جديــدة !!
أنت سألت.. وش بقى ..؟ قالوا : هاااااااااااااااااك و من (وسع) ! سلمان العقيلي ـ الرياض رفعت الإدارة العامـة للمرور قيمـة مخالفـة عدم إجراء الفحص الدوري للمركبات إلى 300 ريال بدلا من 150 ريالا كما كان في السابق . وأكدت الإدارة ضرورة خضوع جميع المركبات على اختلاف أنواعها لفحص دوري للتأكد من صلاحيتها للاستعمال باستثناء مركبات القوات المسلحـة ، والمركبات التي يصل قطر عجلاتها إلى أقل من 300 ملم ، والمركبات التي يزيد وزن محورها عن 10 آلاف كجم والمعدات الثقيلـة بالإضافـة إلى المركبات التي يثبت أنها تعمل في أماكن محصورة ولا يتطلب عملها السير على الطرق العامـة. وفيما حددت الإدارة مدة سريان الفحص بثلاث سنوات، فقد قلّصت المدة إلى سنتين بالنسبة لسيارات الأجرة العامة والحافلات بعد الترخيص الأول وسنـة واحدة بعد الفحص التالي. يشار الى أن مجلس الشورى يدرس حاليا مشروعا لتنظيم الفحص الشامل للمركبات في المملكة ،بسبب عدم توافر فروع في بعض المناطق ما يضطر المواطنين للسفر إلى المدن الرئيسة أو اللجوء لإدارة المرور في المحافظة نفسها لإجراء الفحص بحسب نظام المرور، مما يضطرهم إلى الانتظار طويلا ويعرضهم ذلك للمخالفـة . وعلمت « اليوم « أن المشروع ينص على إنشاء شركة مساهمة للفحص الدوري تهدف لربحية معقولة ويفتح التنظيم المجال لمحطات متخصصة في تقديم الخدمة، إضافة إلى الترخيص لهذه المحطات وفقا لشروط ومواصفات محددة جريدة اليوم / السبت 13/9/29هـ أنا حاسة ان وراء كل ارتفاع عظيم : امرأه!! |
19-09-2008, 14:26 | #14 | |
شــــاعـــر
|
رد : وش بقى غير الرخصه ؟ 400 ريال
إقتباس:
اهلين بالغالي ابو خالد .. الاختلاف لايفسد للود قضيه .. وانا اختلف معك بكل اللي قلته ياابو خالد لاننا مااحنا افضل من غيرنا .. وانا مدري انت من تقصد بغيرنا ؟ يمكن تقصد مصر والا سوريا والا حتى بعض دول اوروبا .. ياابو خالد اذا جيت تقارن قارنا مع الامارات والا مع قطر والا مع الكويت وترانا مااحنا احسن منهم لا بالمستوى المعيشي ولا بالقطاع الصحي ولا بالتعليم .. أما المرور - اللي هم موضوعنا - فحدث ولاحرج .. مشكرور على المرور ياابو خالد |
|
19-09-2008, 14:28 | #15 |
شــــاعـــر
|
رد : وش بقى غير الرخصه ؟ 400 ريال
شاعرتنا - منتهى القريش .. نور الموضوع بوجودك .. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|