16-06-2008, 01:32
|
#1 |
|
شـــاعر
|
صوتيه (( مرثية إنسان )) فلاش
مرثية إنسان بإنسان مختلف رغم مرور سنوات على رحيله فلازال يتجول في شرايين قلبي رحمك الله ياأبو عادل الإنسان
تذكرتــك بعد موتــــك بكيتـك وإنكســر رجـــــــــال = ونثــرت بمجلسك حسره وقصــيدة وجد لوصالــــك أشيل من الحـــــزن حمـلٍ تثاقـل تنقـــلـه أجيــــــال = وأنا مايــنفــطر قلــبي كـــثر حزنـي علـى أمثالــــك أخايل طيفـــــك بعيني وأنزلهــــا قــدر وإجـــــــلال = لأنـك عايـــــــش بــقلبـي ورب الكــعـبـه لـحالــــــك ثلاث ســـــنين من لحظةرحلت وحال مامن حــــال = أشوفك بــس بأحلامــي وتبــكينـي علـــــى فالــــــك غيابـــــــك موتي يغيابك كأنه صيـف دون ظـــــلال = أدور لـــــك مـن الذكرى بقايـا رســــوم لأطلالـــــك رثيت الطيب من بعدك عسير وصــــــار ماينطــــال = أحســـــــــه مات مع موتك بعد ماغابـت أفعالــــــك أحس الأرض من تحـــتي تنافض يايبــــــــه زلـزال = وأقول الحزن مارافــق بهالدنــيا سوى عيــــــالــك بكت سجادتك فقــــــــدة جبينـك كــــــــل ماينهـــــال = بسجــودٍ طابع الهامــه علامــه لطيّـب أعــمالـــــك ليـــــامن صـــــوت نجـــرٍ دق أحـس بدقتـه مــــوال = أجيك أركض أحسب إنك تبي من يغـــسل دلالـــــك رحلت وكل ماباقي حكايـــــــا تنضــــــرب بأمثـــــال = وقــصايــــد كــل من حــــبك حـــزينه حيل ترثالـك تذكــــرتك كثر نورٍ يشــــــــع بوجهـــــك ويختـــــال = تذكرتــك كثـــــر ناسٍ نســـــوك وكانوا رجالــــــك تذكرتـــــك كثر ناسٍ رفعــــته للنجــــوم وطـــــــــال = وأشوفه من بعد موتــك تنكّر فزعــــــــة عقالـــــك لك اللــــه مابكاك إلا يتـــــيم وكنت راس المـــــــــال = بكى لين إنعمت عينه حـــــزن لغياب مرسالـــــــك لك الله مافقدك إلا رفيـــــقٍ ظامـــــــه الترحــــــــال = تحدتــــــه الطغاة اللّي بموتـــك خانــــــوا ظلالــــك لك الله يايبه مابه بعد موتــــــك بقايـــــا رجــــــــال = أظن المرجـــــله ماتــت يتاج الــــراس برحالــــــك خــذاك المـــــوت لكـــــــن الوفـــا ياسيـــــدي لازال = بقلــــبي وجعله الجلــــطه إذا هالقلب موفالــــــــك كذا سوت بي الدنــــــيا وكـــــذا سويتنـي تمثـــــــال = لــوأدري بدلّــتــــك فرقـا فـلا جـرّبـت فنجالـــــــــك إلى حزن وألم جديد عادل الظفيري |
|
|
|
16-06-2008, 12:19
|
#2 |
|
شــاعر
|
رد : صوتيه (( مرثية إنسان )) فلاش
تذكرتك بعد موتك بكيتـك وإنكسـر رجـال ونثرت بمجلسك حسره وقصيدة وجد لوصالك أشيل من الحزن حملٍ تثاقـل تنقلـه أجيـال وأنا ماينفطر قلبي كثر حزني علـى أمثالـك يا لهذا الحزن كيف يجتاح هذا الرجل بين بقايا أشلائه المتناثرة خلف بوابه الحنين من لوعه الفراق جبر الله كسرك ياعادل وقلبك و قلوبنا على فقد هذا الصرح العظيم الذي لن يتكرر أبدا" الا بوجودك فمن خلف أمثالك لم يمت بل سيقف شامخا" ونجما" ساطعا" في تاريخ الاحساس ليامن صوت نجرٍ دق أحـس بدقتـه مـوال أجيك أركض أحسب إنك تبي من يغسل دلالك أحـااااااااة رحمك الله يبو عادل تذكرتك كثر نـورٍ يشـع بوجهـك ويختـال تذكرتك كثر ناسٍ نسـوك وكانـوا رجالـك تذكرتك كثر نـاسٍ رفعتـه للنجـوم وطـال وأشوفه من بعد موتك تنكّر فزعـة عقالـك تأكد لن تمر هذي الابيات وغيرها منك أو من غيرك مرور الكرام من عندي وسامحك الله على هذا الحزن الذي حز في خاطري وأحزنني وذكرني بأشياء نسيتها بصعوبه وهنا عادت من جديد كذا سوت بي الدنيا وكـذا سويتنـي تمثـال لوأدري بدلّتك فرقـا فـلا جرّبـت فنجالـك الله الله الله يالهذا الحزن وهذا التصوير ومن يلومك ..... لا أملك الا أن أقول رحمك الله يبو عادل وأسكنك فسيح جناته والبقى براسك ياعادل صح ألسانك ملايييييين ولله درك تقبل مروري المتواضع |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
