26-05-2008, 19:55
|
#1 | |
|
شاعر
|
حيرة الأفكار !
.
تجهَّم واعْتبس وجه الخيال بروعة التفكير = وعارض فكرة الشاعر براية شجب واستنكار كأنّي من دعاة الظل وأنادي بمنهج التكفير = كأنّي ظالم حطم مدينة تحتمي باسوار سألْته عن سبب تَرْكي مقيّد عن فضا التغيير = ركبت بمركب افكاري وحارت فيني الافكار وقال افهم ترى مثلي قليلٍ يعطي التشفير = ابافتح لك مغاليقي,, وحرك مركب الاشعار أعرف ان طيرك بحومه يدوّر صيدته بعْصير = واعرفه لا بغى الهدة خطير بتلة الصقار وقفت وحيرتي غطت دفاتر محضر التسطير = نويت اكتب بلا وجهه .. واخالف مبدأ الشعار أببدا في مشاوير الغرام وقلت انا مايصير! = غرامي قمة مالت وطحت بمنقع الاغوار أببدا في تعابير الجمال بمشهد التصوير = لقيت انظارنا تفرق بذوقٍ يختلف باطوار اببدا في متاهات الضياع لأمة التقصير = سفينة صحرا وش جابه تسابق مركب البحار؟ أببدا في متاهاتي..أنا وش لي بحال الغير؟ = اسنع نفسي الأول ولو هو صار وش ماصار غفيت بزحمة ذنوبي ألا يالله بالتكفير = تكفر مابدى مني لو انه بكثرة الأمطار كريم في فعل سيّئ بخيل في فعول الخير = ألا يالله انا طالب تبدل حالة الاعسار عقب مادعوتي هلت أببدا مبهم التفسير = عن احساس يوصفني كأنه قوة الإعصار (أقول احسن أجيب اشياء تواكب منطق التعبير) = أباترك فلسفة فكري رصيد يحتري إخطار أبي أفهم معاناة الفقير ولوعة التقتير = زكاة أموالنا ولّت .. ولا احدٍ جابها مقدار متى نمشي لمسكنهم بمتنٍ قارب التكسير = كما الفاروق,, في قوله ( أتحمل عني الأوزار؟ ) تعيش اشجارنا خضرا بفكرة ري بالتقطير = متى نروي فقر حاله مثل ماترتوي الاشجار تلفت فيني الخاطر : متى تبعد عن التبصير = فقير المال له ربه ولاني من رعاة الدار وادُور بغيمة أشعاري أدوّر مزنة التمطير = لقيته غيمة بيضا خلت من طشة الامطار تصوم اشعاري احياناٍ ولكن لحظة التفطير = أحط ببطنها لكن تزود بجوعها أمرار لفتني شرهة الهاجس ( بخيل سيّد التبذير ) = غريبة حالة افكارك كثيرة تنولد باعسار تكلم عن هواياتك وشوفك هدةٍ للطير = على خربٍ يكوبر له والآخر علّقه بِطْيار معك لك رفقة تعطي سوالف جلستك تعطير = إذا مابهّر الدله كريم يزحمه للنار وجتني غفلة عنهم ورحت بصحبة التبرير = أبرر موقف افكاري لاني أكره التكرار تضيع بفكري الدنيا والاقي فكرتي تكرير = يقوله شاعرٍ قبلي وانا من كمل المشوار كتبنا جملة أفكارٍ قديمة لكن التغيير = ببصمة شاعرٍ بانت بروعة فكره السبار كتبنا لكن المعنى يغوص بزحمة التحوير = قليلٍ يفهم المبهم , الاكثر يلزمه مسبار كتبنا من روايات الوضوح بمنهج التدوير = تدور بشاعرة والا بشاعر لكن المعيار نجاحٍ في صياغتها بروعة منهج التطوير = اذا ماجدد بطرحه بليّا جيبة اللي دار أعطر بعثرة حرفي بذكر الله والتكبير = على محمد صلاةٍ حق واباختم حرفي استغفار مع خالص تحياتي لكم جميعاً . |
|
|
|
|
26-05-2008, 22:05
|
#2 |
|
الضوّي
|
رد : حيرة الأفكار !
أحيانا نجد بيئة مشجعة لكتابة الشعر كالخلوة الذاتية أو ماشابه ذلك من بيئات تستدعي اللحظات الشعرية , ولكن قد تتضارب الأفكار والمواضيع في الفكر لعدم وجود محفز موضوعي لكتابة قصيدة رغم جمالية البيئة . ........... ....... ..... ... فلسفه رائعه وإبداع متفرد ورونق شعري لايجيد سبكه سواك أيها الـشـاعـر الرائـع ................ تجهَّم واعْتبس وجه الخيـال بروعـة التفكيـر وعارض فكرة الشاعر براية شجب واستنكـار كأنّي من دعاة الظل وأنـادي بمنهـج التكفيـر كأنّـي ظالـم حطـم مدينـة تحتمـي باسـوار سألْته عن سبب تَرْكي مقيّد عن فضـا التغييـر ركبت بمركب افكاري وحـارت فينـي الافكـار وقال افهم ترى مثلـي قليـلٍ يعطـي التشفيـر ابافتح لك مغاليقي,, وحـرك مركـب الاشعـار أعرف ان طيرك بحومه يدوّر صيدتـه بعْصيـر واعرفه لا بغى الهـدة خطيـر بتلـة الصقـار وقفت وحيرتي غطت دفاتر محضـر التسطيـر نويت اكتب بلا وجهه .. واخالف مبدأ الشعـار أببدا في مشاوير الغرام وقلـت انـا مايصيـر! غرامي قمة مالـت وطحـت بمنقـع الاغـوار أببدا فـي تعابيـر الجمـال بمشهـد التصويـر لقيت انظارنا تفـرق بـذوقٍ يختلـف باطـوار اببدا فـي متاهـات الضيـاع لأمـة التقصيـر سفينة صحرا وش جابه تسابق مركب البحـار؟ أببدا في متاهاتي..أنا وش لـي بحـال الغيـر؟ اسنع نفسي الأول ولو هو صـار وش ماصـار غفيـت بزحمـة ذنـوبـي ألا يالله بالتكفـيـر تكفر مابدى منـي لـو انـه بكثـرة الأمطـار كريم في فعل سيّئ بخيـل فـي فعـول الخيـر ألا يالله انـا طالـب تبـدل حالـة الاعـسـار عقب مادعوتي هلـت أببـدا مبهـم التفسيـر عن احساس يوصفنـي كأنـه قـوة الإعصـار (أقول احسن أجيب اشياء تواكب منطق التعبير) أباترك فلسفة فكري رصيـد يحتـري إخطـار أبـي أفهـم معانـاة الفقيـر ولوعـة التقتيـر زكاة أموالنا ولّت .. ولا احـدٍ جابهـا مقـدار متى نمشي لمسكنهـم بمتـنٍ قـارب التكسيـر كما الفاروق,, في قوله ( أتحمل عني الأوزار؟ ) تعيش اشجارنا خضـرا بفكـرة ري بالتقطيـر متى نروي فقر حاله مثل ماترتـوي الاشجـار تلفت فيني الخاطر : متى تبعد عـن التبصيـر فقير المال له ربه ولانـي مـن رعـاة الـدار وادُور بغيمـة أشعـاري أدوّر مزنـة التمطيـر لقيته غيمة بيضا خلـت مـن طشـة الامطـار تصوم اشعاري احياناٍ ولكـن لحظـة التفطيـر أحـط ببطنهـا لكـن تـزود بجوعهـا أمـرار لفتني شرهة الهاجس ( بخيل سيّـد التبذيـر ) غريبة حالة افكـارك كثيـرة تنولـد باعسـار تكلـم عـن هواياتـك وشوفـك هـدةٍ للطيـر على خربٍ يكوبر لـه والآخـر علّقـه بِطْيـار معك لك رفقة تعطي سوالـف جلستـك تعطيـر إذا مابهّـر الدلـه كـريـم يزحـمـه للـنـار وجتني غفلة عنهم ورحـت بصحبـة التبريـر أبرر موقـف افكـاري لانـي أكـره التكـرار تضيع بفكري الدنيـا والاقـي فكرتـي تكريـر يقوله شاعرٍ قبلي وانـا مـن كمـل المشـوار كتبنـا جملـة أفكـارٍ قديمـة لكـن التغيـيـر ببصمة شاعرٍ بانـت بروعـة فكـره السبـار كتبنا لكن المعنـى يغـوص بزحمـة التحويـر قليلٍ يفهـم المبهـم , الاكثـر يلزمـه مسبـار كتبنا من روايات الوضـوح بمنهـج التدويـر تـدور بشاعـرة والا بشاعـر لكـن المعيـار نجاحٍ في صياغتهـا بروعـة منهـج التطويـر اذا ماجـدد بطرحـه بليّـا جيبـة الـلـي دار أعطـر بعثـرة حرفـي بذكـر الله والتكبـيـر على محمد صلاةٍ حق واباختم حرفـي استغفـار اللهم صلي عليه وسلم،، سبحانك اللهم ربي وبحمدك أشهد أنه لا إله إلا أنت أستغفرك وأتوب إليــك |
|
|
|
|
27-05-2008, 09:51
|
#3 |
|
شـــاعـر
|
رد : حيرة الأفكار !
صح لساااانك يانايف.. قصيده شامخه وجزله.. وأنت شاعر جزل.. لك التحيه.. |
|
|
|
|
28-05-2008, 03:04
|
#4 |
|
عسـ طرقي ـاااس / شــاعر
|
رد : حيرة الأفكار !
. . عليه الصلاة والسلام نايف .. صح لسانك ونبضك ... تقبل مروري المتواضع |
|
|
|
|
31-05-2008, 12:13
|
#5 |
|
شــاعر
|
رد : حيرة الأفكار !
الله عليك يا نايف ... شاعر غير ومبدع غير نص ولا اجمل مررت وشرني مروري كثيراَ تحياتي وتقديري اخيك سالم |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
