19-05-2008, 18:55
|
#1 |
|
شــاعر
|
جديد : زمــن الاغـبـيــاء
الى قلــوبكم مع التحيه :
يالله ياللـي لا الـه الا انـت يـارب الانـام=ياباعث ٍ خيـر الانـام وجاعلـه اخـر نبـي يارب جنبني من العثرات فـي وقـت الظـلام=وارزقني الجنه وعطني من عطاياك الصبـي يارب انا راجيك ترفع رايتـي وقـت الزحـام=وقت ٍ تساوى فيه مطنـوخ العوايـد والغبـي وقت ٍ علينا يجعل السربوت في بشت الامـام=وقت ٍ جبرنا نقبل الشينه ولو ما حـن نبـي وقت ٍ ينزل كل شيـخ ويفقـده كـل احتـرام=وقت ٍ به الشيكات ترفع كل ناقـص وصلبـي وقت ٍ كفانا الله شره فيه من شيـن النظـام=يالله تجبـر عثـرة لسانـي وتقبـل مطلبـي طالبك ياربي تصون الشعر من شين الكـلام=والشعر عندي دونه لساني ويحمـاه شنبـي لاقلت شاعر قبلها ربعي من النـاس الكـرام=ناس ٍ لهم بالطيبه نهـج ٍ واصالـة مذهبـي وانا ولله الثناء معروف مـن خـال وعمـام=الطيب طيبي ماخذه من جـد ثـم بعـده ابـي يطربني جزال القصيد وشوفة كبـار السنـام=واشوش لاجبت النصع ثم قيل لاجاك عطبـي يامحمد ابن الذيـب وش بتقول لاقلنـا سـلام=يالشاعر اللي شب ناره في مياميـن حطبـي يالشاعر اللي كل شعـره ماتغشـاه المـلام=ياللي تعلّى بالقصيـد ونوخـه فـي مرقبـي انشهد اني لاسمعتك قام في خشمـي عـرام=مدري طناخه او جهاله او انـا شاعـر ابـي تفخر بك وجيه محلف وانا افتخر في صلب يام=وحزام جنبي صلب قحطان العريبـه مكسبـي مني لابو راشد كتبت الحرف مع كل اهتمـام=لانه ذهين ولا تباعد مشربه عـن مشربـي كتبتها وانـا فـؤادي صايبـه مثـل الهيـام=لابارك الله في الهيام اللي سبى عقلي سبـي خذت فؤادي يامحمد لعنبـوا بعـض الغـرام=جتني تقول الاخ شاعر قلت شاعـر واكتبـي بنت ٍ تقلد شلـة الدمـام فـي ربـط اللثـام=ومن جده الموضه خذتها في تفاصيل العبـي واليـا تثنـت قلـت حـلالاه ياذيـك الخيـام=قومي من جزال القصيد اليوم علي واشربـي شاعرك ياملعونة الخيٍر ترك فرض الصيـام=ماصام عن درب الهوى والزين يقرب ويحبي لفت وجالت وارتكت في خافقي باعـلا مقـام=حياك ربي ياجميلة وصـف ياشبـه الظبـي هذي خلاصة ماحصل في ليل مفلوت الزمـام=قلته وانا جالس بكرسي في ضيافـة مكتبـي اجر صوتي وازهم محمد ويرعد صلـب يـام=ابشر بعزك وقحطان تقـول ابشـر ياصبـي ولا علي خلاف زندي مشبعه ضرب الخصـام=الوقت وقتي والشعر شعـري وهـذا ملعبـي واختامها يالله ترفـع رايتـي وقـت الزحـام=وقت ٍ تساوى فيه مطنـوخ العوايـد والغبـي وسلامتكم |
|
|
|
19-05-2008, 21:24
|
#2 |
|
متنبي الشعر الشعبي
|
رد : جديد : زمــن الاغـبـيــاء
الله الله الله الله عليك يابو علي وش اقتبس ووش اخلي؟ ياشييييييييييييخ صح لساااااااااااااااااااااااااااانك ملاييييين ياوالله القصايد في البوح اليوم طعمها غير  كفو والله بوجه محلف صبيان يام وقحطان وكل المطاليق من القبايل كلها شرواك ياخي ابداااااااااااااااااااااع ياحي ذا العين ياوحش  لاعدمت هالتواجد يالذيب --- يالربع ذا الرجال اطلبه من سنه او اكثر ينشر بالمجلات ويعيي بالذمه ماتتفقون معي ان ورى الكواليس من هم اشعر من شعراء الأعلام بمليون مره ؟؟ |
|
|
|
|
20-05-2008, 00:57
|
#3 |
|
شــاعر
|
رد : جديد : زمــن الاغـبـيــاء
من قدي المتنبي بعظمة جلالته قاعد يشيد بشعري لباااااااااااااااااااا روحك يا ابو بدر بس يوم جيت انشر قالوا يبون فلوس ورفيقك تخبره ماهو مابه فلوس بس ليش اعطيه فلوس وانا صاحب الفضل صح بدنك ياااااااااااااااااااااااا الدحيمي مرورك شرف يشهد الله |
|
|
|
|
20-05-2008, 06:15
|
#4 |
|
شاعر
|
رد : جديد : زمــن الاغـبـيــاء
صح لسانك يالعبيدي قصيدة من عيون الشعر .. قصيدة رااائعة .. والله قريتها وانا طايح بين اوراق ومشاريع وحالتي حاله .. بس بصراحة ماقدرت إلا اني اقراها مرة ثانية وثالثة عشان استمتع فيها .. جزل يالعبيدي ..ولا تجيب الا جزل .. دمت بود |
|
|
|
|
20-05-2008, 08:01
|
#5 |
|
شـــاعرة
|
رد : جديد : زمــن الاغـبـيــاء
سعيد العبيدي صح لسانك قصيدة رائعة بروعة حضورك تحياتي  |
|
|
|
|
20-05-2008, 09:15
|
#6 |
|
شــاعر
|
رد : جديد : زمــن الاغـبـيــاء
ارحب ارحب ارحب يا وجه محلف ... الله الله عليك وعلى ما قريت هنا .... والله يا بو بدر ما تنلام ... سعيد ورده من عدٍ قراح ... قصيده شامخه بشموخ قحطان وعزتها .... وابو راشد كفو ويستاهل يسند له من عيون القصيد هذي وامثالها .. بيض الله وجهك وصح لسانك مليون ولا يكفووون ... تحياتي وتقديري .... |
|
|
|
|
20-05-2008, 12:33
|
#7 |
|
شــاعر
|
رد : جديد : زمــن الاغـبـيــاء
صحت ابداااااااااااانكم جميع يشرفني هالاطراء اللي اعتبره وسام عز وشرف ومحلف يستاااااااااهلون الطيب في ذمتي لاهنتوا ايش جعلني ورده <<<<<< اخجل : |
|
|
|
|
20-05-2008, 15:48
|
#8 |
|
شـــاعـر
|
رد : جديد : زمــن الاغـبـيــاء
صح لسااانك يالعبيدي.. تفخر بك وجيه محلف وانا افتخر في صلب يام وحزام جنبي صلب قحطان العريبـه مكسبـي اجر صوتي وازهم محمد ويرعد صلـب يـام ابشر بعزك وقحطان تقـول ابشـر ياصبـي ماعليك زود يالعبيدي .. لا أنت ولا اللابه اللي أنت منها .. وحنا نفتخر فيكم أيضا وفي جميع الطيبين أمثالكم من جميع قبايل الجزيره العربيه كلهم وافين بفعل رجالها وطيبها.. أخوك محمد |
|
|
|
|
23-05-2008, 18:18
|
#9 |
|
شــاعر
|
رد : جديد : زمــن الاغـبـيــاء
صح بدنك ياامحمد وتستاهلون الطيب لاهنت على مرورك يامحلفي تحباتي |
|
|
|
|
24-05-2008, 00:07
|
#10 |
|
شـــاعر
|
رد : جديد : زمــن الاغـبـيــاء
سعيد العبيدي بدايةً أعتذر عن تأخري عن التواجد منذ النّص الأول وللغياب أسبابه وللظروف أحكامها. مرحبا بك يا سعيد في محلّك وبين ربعك واخوانك شاعر جميل نفرح بك وبتواجدك في قوافي البوح لا عدمت هـ التواجد |
|
|
|
|
24-05-2008, 00:18
|
#11 |
|
شـــاعــر
|
رد : جديد : زمــن الاغـبـيــاء
الله الله صح لسانك ملاييييييين مبدع |
|
|
|
|
25-05-2008, 07:54
|
#12 |
|
شــاعر
|
رد : جديد : زمــن الاغـبـيــاء
اررررررررررحبوا صحت ابداااااااااااااانكم الابدااااااع هو في هالحضور لاعدمتكم معذوووووور ياثامر ولا يلحقني فيك شك وقع الحيا والطيبين يبين لاهنتوا طالت عماركم |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
