27-05-2002, 04:33
|
#1 |
|
عضو شعبيات
|
المشاركة الاولى...... " أشتاق للديره "
السلام عليكم هذي هي مشاركتي الاولى ولاتحرموننا من توجيهاتكم انا متأكد ان الوزن راح يكون عليه ملاحظات كثيره وكل بيت او شطر بيكون على بحر مختلف عن الثاني ، وبعض الابيات يمكن مايكون له بحر <=== اللي ماله بحر معروف حطوه على البحر الميت  وبالنسبه لهالمحاوله ، انا كتبتها في امريكا-تكساس- بتاريخ 9-3-1414 هـ رغم ان الفتره اللي قضيتها هناك شهر واحد فقط لاااااا غير وكانت رحلة عمل وليست تمشيه او نزهه، الا ان هذا الشهر كان عليّ دهر من شوقي للرياض والاهل والربع. واليكم المحاوله ولا اسميها القصيده أشتاق للديره وأشتاق للخلان *** واعد الايام طالت عليّه من جرّب الغربه ومفارق الجيران *** لاشك يعرف ويش القضيّه انا هوى قلبي طعس ونيران *** وخل(ن) خليل(ن) نسمر سويّه من لامني يا ناس عساه ينهان *** وجعله يذوق ما ذقت ميّه انهارهم تمشي والريق عطشان *** ما تروي الضميان ماهي عذيّه ماهيب غدران ساقها الرحمن *** مزن(ن) شمالي من عقربيّه شوقي رماني وانا منه ولهان *** لديار نجد(ن) ردّي عليّه وسلامتكم |
|
|
|
27-05-2002, 08:28
|
#2 |
|
رحمة الله عليه
|
- اخوي ساري نجد - صح لسانك على المحاوله اللي بدون مجامله تعتبر جميلة نظرا لوقت كتابتها في عام 1414 - خلنا ناخذ الموضوع ببساطه متناهية مادام لديك الرغبة الجاده لمواصلة هذا المشوار ويسعدني ان اكتب لك ما املكه من معلومات متواضعه في هذا المجال وامل ان تجد فيها مايفيدك - -بالنسبة للقافية في الشطرين كانت محافظتك على عدم اختلافها جميل ورائع وهذا لاشك يوفر الكثير من الجهد البيت الاول : ((أشتاق للديره وأشتاق للخلان *** واعد الايام طالت عليّه )) لو كان هذا البيت هكذا ( اشتاق انا للدار من شان خلان *** واعد وقتٍ طال والله عليّه)) -هذا البيت على وزن (المسحوب ) اللي ابي منك انك تلحن البيت اللي انا كتبته على اي لحن يروق لك وتمسك باقي الابيات وتعدلها على على هذا اللحن حتى تكتمل ولا اظن هذي الخطوة صعبة على انسان مثلك لديه كل هذا الحماس ستجد الموضوع ابسط بكثير مما تظنه - انا على ثقة تامه بنجاحك وانتظرك بفارغ الصبر فلا تجعل الانتظار يطول -اخوك / عبدالهادي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
