15-08-2007, 03:56
|
#1 |
|
موقوف
|
[ في ضيافة الشِعْر / فهد عافت ]
: [ .. قصيدتي .. ]
قصيـدتي لاغـــدا ضيّي=شحيـح وارتبكت ايـديني وتعثرت بـي خــطاويّي= ولاعــاد رايٍ يقدّينـي وصرت أطلب الصاحب يعيّي=مـاغـير بعديـن بعديني وتنكــرولي بنـي خـيّي=واستسهلـوني معـادينـي والمــوت ماعــاد متهيّي=والعمـر ماعـاد يمدينـي تـكفين لايـابـعـد حيّـي=ظـلّي مـعي لاتـهدينـي ماكــان لك صـاحبٍ زيّي=وشـلون اجيك وتردينـي امـا إفـزعي وإنصفي غيّي=ولا تـرى النـاس مقذينـي : |
|
|
|
15-08-2007, 03:57
|
#2 |
|
موقوف
|
رد : [ في ضيافة الشِعْر / فهد عافت ]
: [ .. قصيدتي .. ]
قصيـدتي لاغـــدا ضيّي=شحيـح وارتبكت ايـديني وتعثرت بـي خــطاويّي= ولاعــاد رايٍ يقدّينـي وصرت أطلب الصاحب يعيّي=مـاغـير بعديـن بعديني وتنكــرولي بنـي خـيّي=واستسهلـوني معـادينـي والمــوت ماعــاد متهيّي=والعمـر ماعـاد يمدينـي تـكفين لايـابـعـد حيّـي=ظـلّي مـعي لاتـهدينـي ماكــان لك صـاحبٍ زيّي=وشـلون اجيك وتردينـي امـا إفـزعي وإنصفي غيّي=ولا تـرى النـاس مقذينـي : |
|
|
|
|
15-08-2007, 03:58
|
#3 |
|
موقوف
|
رد : [ في ضيافة الشِعْر / فهد عافت ]
: [ .. عصفورتين وشمس .. ]
على حد العطش أرسـم فمي غيمة وخمس أطفال=على حد الظلام أشعل يدي عصفورتين وشمس مكاني مـو مكاني والزمـان يشـوفني أشـكال=أجي مرة صراخ أقوى من الحكمة ومرة همس أنا كرهي خبال ولا عشقت أعشـق بعد بخبـال=ولا أعرف الوسط بين الحلول وذي طبيعة نفس وأنا عشقي لباكر ولاجل ذا باركض رفيق ظـلال=وفي زوادتي تـمر النخيـل اللي زرعني أمـس مـعي في الذاكـرة بنتٍ توصيني بمشط وشـال=وصـوت أمي يوصي لا تجي ربعك بخاطر عمس وأنـا أمـك لاتنـام بـليلةٍ وأنت خلي البـال=وخـل أدنى طموحك لانظرت لنجمتين اللمس وأنا أمك لاصعدت إصعد مثل دعـوة فقير الحال=ولامنك نـزلت إنـزل مثل غيثٍ بيحيي غرس وعلى حد العطش إرسم فمك غيمة وخمس أطفال=وعلى حد الظلام إشعل يدك عصفورتين وشمس : |
|
|
|
|
15-08-2007, 03:58
|
#4 |
|
موقوف
|
رد : [ في ضيافة الشِعْر / فهد عافت ]
: [ .. الصـورة .. ] كانت الصوره جميله ... و كان في الصوره طفل و خلفنا كانت مره تلبس عباه و اطرف الصوره ولد يضحك صباه و قربنا حطت حمامه .... قربها حطت حمامه تذكرين اش كثر كانت ابسط الاشياء تثير الانتباه و في البعيد احتفظت الصوره بمنظر مهر جامح و في البعيد فاخر الصوره شخوص بلا ملامح تذكرين ايش كثر كان الوقت ... شفاف و ... حنون و ... طيب و ... مبهج و ... دافي متسامح و كان في الصوره و هذا اجمل اللي كان في الصوره ... طباعك نظرتك و الشيطنه في داخل عيونك جنونك ... و اندفاعك بسمتك لما تطوقني ذراعك اذكر انك قبل ندخل هذي الصوره في لحظه التفتي لي و قلتي قول احبك قلت اخاف ليا تكلمت احرم اذني من سماعك كانت الصوره جميله ... كنتي في احلى نفانيفك كأن الصبح ضيفك او كأنك من كثر ما كنتي انتي كنتي طيفك كنتي في اكثر مواعيدك وفا و كنت انا في ايديني دفا كانت الصوره جميله ... و كان في الصوره طفل : |
|
|
|
|
15-08-2007, 03:59
|
#5 |
|
موقوف
|
رد : [ في ضيافة الشِعْر / فهد عافت ]
: [ .. هـينه .. ]
هـينه دام هــي هــــذي فـهـي هـينه=والله انــي حـسبت الــعـاقـبه عـاقـبه عـاد تـدري هي من أول وهي بـينـه=شـــوفها مـايبـي لـه نـظــرة ثـاقـبـه بـنت ســتين كـلـب وزفـت ومـطـينه=قــصـة النجم والخــبل الــذي راقبه مابعد ماشـفت من همي سـوى عينه=كيف أجـل لو همـومي جتك متعاقبه جيتك بغـصـن طيب زهـــرتـه لــينـه=كـيف لو ييبـس وتصفـر الأوراق به من رجـا خير في شـرواك مـاعـينه=لاأنـت سباق طيب ولاأنت لحـاق به مومس الوقت لو صـلت ماهي دينه=يعـرف البير واللي فيـه ومن واق به لا تـحـلـف الـيمين .. ولا نـبي بينـه=فـارق الصـدر يالسر الذي ضاق بـه كـل شـخص لـه مــن الـذل مـافـيـنه=وكل شخص له من العز مالاق بـــه زيـن اللي تبي واللــي تـبي شـينــه=ماانت حـول الطـنايا لحيتك عـاقـبــه : |
|
|
|
|
15-08-2007, 03:59
|
#6 |
|
موقوف
|
رد : [ في ضيافة الشِعْر / فهد عافت ]
: [ .. الكـرز .. ]
الكرز واحد وعـشرين حبّه=رفرف الغصـن وأورق عندليبه أفتحـوا للشبـابيك المحـبّه=وأصـدحوا بالهلاهيـل الرطيبه غافـل الشمع في عيده تنبـّه=راح يأخـذ من الظلمـا نصيبه طفل من عادته يكسر ألعبـّه=وشعليه إن كسر خاطـر حبيبه سنــةٍ من سننه المستحبـّه=يتـرك قلـوب عشـاقه عطيبه ضاع من قـال أنا ضايع بحبّه=والله ان الدلالـه ضيـعتني بـه قبلة الله عليه وشلـون ربـّه=خـالق مبيسمه يـوم يحكي به لــو مكنتـه تغافلته بحبـّه=بس هـو شـايفٍ فالأمر ريبه ماأحسن الظن في ريـحٍ تهبـّه=يحسـن الظـن في مثلي مصيبه المسبه به .. الطـرف المسبـّه=ماسـوى طـرفه الساهي يعيبه عجـزت مـرايته فيه تشبـّه=حـاولت فيه ماقـدرت تجيبـه بعد هـذا وش اللي ينكتب بّه=قبل هذا وش اللي ينقـري بـه منبع النهـر والنهـر ومصبـّه=مشـرق النور والنور ومغيبـه ان بغى يسـلب الرمـان لبـّه=وان بغى صابت النعنـاع خيبه وان حلى اللعب والميدان طبـّه=مـالك الا تقـول الله حسيبه والله ان القلــوب المستتبـّه=تصطفـق تقـل ناهبها نهيبـه ياهـل العـرف ماقبله يجبـّه=كيف أجل بالحشى مركي صليبه الكـرز واحد ومليون أحبـّه=مـن هينا لين سكـره وحليبه : |
|
|
|
|
15-08-2007, 04:00
|
#7 |
|
موقوف
|
رد : [ في ضيافة الشِعْر / فهد عافت ]
: [ .. لعب عيال .. ]
هنا نجلس أحسن ..أو هنا ..وين ماتبغين=أنـا أحـب هـذا الركـن لكن على أية حال هنا أحسن ..أرمي معطف الفرو للتخمين=وفيه تعــرفين أن أنـا أحـب هــذا الشــال عـلامـك عـلامـك سـاكـته ليـه مـاتـحكين=تبين أبتدي حاضرعلى امرك براحة بال على نفس هذي الطاوله من ثـلاث سـنين=رمـت بنت دبلتها الـذهب وانكسـر رجال تمسـك بـها وحـاول وحـاول وحـاول لين=بـــلا لين كـان يحـــاول بكفـة الأشـــكال وشــدّت يــديها وارتفع صــوتها وبعديـن=أنــا لازم أمشي وانت يكفيك لـعب عيـال على احر من قلب أنهدم حــاول المسكين=وعلى آقـل مـن مهـل الندم باعدت تختال هـنا مـات حب ويـبس قلب وتمـلت عين=مـن الملح وإنـدفنت حكاية فــرح وآمــال وجـيتي تبين نـرجــع اللي مـضى الـحين=أنــا مـن ثـلاث ســنين بطلت لعب عيــال : |
|
|
|
|
15-08-2007, 04:00
|
#8 |
|
موقوف
|
رد : [ في ضيافة الشِعْر / فهد عافت ]
: [ .. النظرة السمحة .. ]
قالت وش العلقم التريـاق؟=ومحدٍ ضمادة سوى جرحه كل اللقا لو نظرت فـراق=وكل البكا من ورى فرحـة محدٍ ربـح كـود لما بـاق=محدٍ خسر كـود من ربحه مابه خلوق وعديم أخـلاق=للكـل نسبة من الصحـة يا شاعري والوهم حـرّاق=أجدى من مصافحة ذبحـه خذها حقيقة من الأعمـاق=صدرك هو اللي طعن رمحـه مافي الكتابه جـديد آفـاق=كم تشبه الكسرة الفتحـة قلت أسمعيني صـوتي تـاق=يجمع لك الكل في شرحـه إن قلت بعض الفراق عناق=أو قلت بعض الكفن طرحه لاني بكـاذب ولا آفـّاق=لكنها النظـرة السمحـه أكبر خطـا اننـا نستـاق=تعريف للبحر من ملحـه انـتي اتبعيني..أنـا أوراق=أو تهجريني..أنـا صفحـه للشعـر للحب للأشـواق=لليل في داخـله صبحـه بيني وبين القلـم ميثـاق=يهدّني..وأبني في صرحـه ذي راحتي وإسألي العشاق=العاشـق كتابته مسحـه : |
|
|
|
|
15-08-2007, 04:01
|
#9 |
|
موقوف
|
رد : [ في ضيافة الشِعْر / فهد عافت ]
: [ .. مـريـم .. ]
مـريم وتضحك يـرق الـمـا ويـصفـالي زمـاني=والمكان يطيب والرمان يتكدس هنيا قلت رحـلـتنا تـبي سـكّـر وتـرنـيمـة أغـاني=جاوبتني هات الاغاني واترك السكّر عليّا من شفايفها صباح الخير شكل وطعم ثاني=آه لــو تــدري وش تـســـوي صـبـاح الـخـير فيّـا تـاخـذ المــا مـن ايـديـه تــوصـله شــط الامــاني=واهـنيـي كـلمـا مـريم خــذتني مـن إيـديــّا أذكـر أول مـاتــلاقينا تسمّرت بـمـكاني=حاولت عيني تشــوف الـدرب مـير القلب عيّا الـحــلا فـيهــا مـن أقـصــاهـا ومـا لـلـزيــن دانــي=كــل مـافيهــا خـلـقـه الله مــن طــلعـة مــحـيّا كل ما عز الطلب عندي وقالت لي عشاني=قلت مـن هــاذي قبــل هـاذي وجــابتني حـمـيّا قبلها ما طـاعت أقـدامي طـريق إلا عصـاني=بعدها ما تم حلم أخـضـر بصـدري ما تـهيّا : |
|
|
|
|
15-08-2007, 04:01
|
#10 |
|
موقوف
|
رد : [ في ضيافة الشِعْر / فهد عافت ]
: [ .. ذنب ومغفرة .. ]
نصف وجهي هجير ونصف ظل= وأنت غالي وطبع الحب كافر بعض مني يخاف انك تضل= وبعض مني يخاف أنك تسافر بين أقول الصواب وبين أزل= ضعت فيك متجاذب ومتنافر خلني فيك ضايع لين أدل =وأنهزم منك لجل أرتد ظافر أمتليت بغلاك وفضت غل= وفرت الشوك تعني الورد وافر ول سافرت ماسافرت ول =ما اجتمع بك غير مذنب وغافر : |
|
|
|
|
15-08-2007, 04:02
|
#11 |
|
موقوف
|
رد : [ في ضيافة الشِعْر / فهد عافت ]
: [ .. هدوء الأرض .. ]
سلامي ياهدوء الأرض هذا أول الإعصار= توحدت بجراحي والمدى وجهي وآياتي تشربت الهوم وبعض حلم في عيون صغار= وسميت الفضى جلدي وسميت الشجر ذاتي لذا يممت وجهي عكس وجه الريح والتيار= نعم مادام ذيب الوقت عمدا مطلبه شاتي رميتك ياحطب ذكراي في برد المسافة نار= وشفتك ياحطب تخلص وأنا بأول مسافاتي رمادك في يدي شلته سؤال وشوكة استفسار= يجدد بي حريقة وأشتعل تولد بداياتي وكملت الطريق بحلم باكر تنبت الأشجار= على أرض تسميها احتضاراتي حضاراتي وباكر أضرب برجلي الصحاري تنفجر أنهار= وأشق البحر بعصا من غصن آهاتي أقول مسامحك ياللي رفض يدخل معي في الغار= وأقول مسامحك ياعنكبوت عد خطواتي بعدها يرجع العشق القديم لجمرة الأسفار= وأيمم وجهتي ومن ثاني أفرش مصلاتي أنا وش أطلبك خلاص ماعاد بي أعذار= ألا ياسمعي أجمل دروبي درب زلاتي كتبت اللي كتبت ولا قصدت ألفت لي الأنظار= ولكن قصدت ألفت لجوع الناس نظراتي وأنا عامد أوضح شي وأترك شي خلق استار= ولا أقعد ليلة إلا وأغير قاع مرساتي وأنا شفت الجمال يكون أجمل لو عليه أغبار= لذا لف الغموض أوراق لفتها كتاباتي : |
|
|
|
|
15-08-2007, 04:03
|
#12 |
|
موقوف
|
رد : [ في ضيافة الشِعْر / فهد عافت ]
: [ .. كيمياء الغي .. ] ساور الشاعر يقينه في النجوم البرتقال اللي يقشر عاشقينه طفل .. طفل في القوافي مجدنا الحافي يبللني جفافي في السفينه ناقة البحر الحزينه يرتحل يرتحل يرتحل ارخته شفاة عذرا قبلته بشهوة ثيب وجغرفها الكحل في المواني ماسوى الغاير في روحي من جروحي يعرف الليله مكاني كل درب وعر شعر وكل ماهبت غصونك مالت الريح وتشظت في دم الشيح المعاني في الجسد يامنافينا نمى فينا بلد من سلالات التباريح اجتباني كل ماهو نافرٍ هذا نقيضي يابسٍ ماراود الأعشاب عن نفسه ولكن كيف ابكتب كيف أبخدع كل هذا اللّب وأغويه يتخلى عن قشوره قلت أبرمي رغبة القارئ في عرض الحيط وأرمي عرض هذا الحيط للبحر الذي برميه للأسماك واستغني من النقد الكريم عن المشوره خربيني غربيني في الصدى جربيني في المدى احطبيني للضلالات الطرية غصن يابس من هدى أعربيني فاعلٍ للمبدأ خربيني .. خبريني ..بخريني كيمياء الغي أمنحيني بهجة الجهل واعطيني فتنة الأشيء عقرب الساعة نحاس يسرد الكبريت وحدي كنت في الغرفة ووحدي شفت كيف اغتصبت الظلما كتاب الضي غصّت الغرف ظلام ناشفٍ صلد يتناثررغبة ٍ ملسا خرجت الباب كان بعشرة أقفالٍ وصايا وانكسر من ركلة مرتبكةٍ ماكانت الشمس اسبلت لحظة خرجت عيونها كان النهار بآخر انفاسه وكان الإنهيار بأكثر اجناسه شبه بالفلفل أما الناس بين اللي بقى في غرفته يلغيه ورثٍ باذخٍ في الصمت يستشري وبين الخارجين بركلةٍ مرتبكةٍ للشارع المبحوح شمسٍ تلفظ آخرماتبقى من شعاع بعضنا قال أرجعي ياشمس لكن بعضنا قال انطري حتى نشر هدومنا ياشمس قالت طفلةٍ يتلعثم التفاح في ترتيلها غيبي حبيبي قال أنا الشمس و سألني صاحبٍ كنا تعرفنا على بعض فقصيدة بعد خمس سنين ليه الشمس تسهر وحدها قلت أذكر اني قلت شيٍ مبهمٍ حتى عليّ الشمس صابونٍ تنامى رغوته واليل ذقن الأرض قالت مومسٍ يكتظ فيها التبغ والدهن الرخيص اليل شمسي غابت الشمس وتشّكك بعضنا مادام حتى الشارع الواسع ظلام ليه مانرجع صرختي كنت شفتك قبل هالمره ثلاث مرات في كبد الزحام وماتنبهت لوجودك في دمي لاترجعون الشمس ترجع والظلام أهون من الظلم ألتفتك كنت الأشبه بعشبه ويوم طاح احجابك الأبيض وشلته كانت الريح أثمرت في قذلتك مهرٍ خصيب ** ماعلى الناقد سوى انه ياخذ آخر كلمتين وكل مافي السطر الأول والسفينه ناقة البحر الحزينه بعدها يسفك ثلاث أربع عبارات ويثرثر في جريدة مو قصيدة ** ليّنٍ فوّاح هذا الليل شفاف امطري يستوطن الكرّاث باطرافه ومع هذا نخافه ؟ أبرقت أوهي طعوني أرعدت أو هو أنين والسهر يحطب عيوني رمث وأوراق وحنين الفواصل كانت أقرب للمراجيح الصغيرة ليه ترسمها مقاصل .. يالقصيدة لاتواصل .. آه لو تدرين شلي لاتواصل .. فيك حاصل لاتفاصل ردها مثل المراجيح الصغيرة مثل حبات الذرة شيّطنت لاعب كرة ظل شعره طيّرتها الريح من قذلة مره كل ليلة يخرج من الما ويدخل في القصيدة طفل يبادل ضيا القنديل باسرار الفراشات ويضج بدفتري الشتا تلويحة المنفي إلى الأرض البعيدة والمسا نادل وانا في حزنك العشرينيا واستبدل اسمك بالفراغ البربري من حصاتين .. لحصا تين استدار اليانع المجبول بالأوتار في العاشق بلادي مثل ماتغرق سما في نجمها أعلنت نعناني على صدرك ومرغتك في وجه بنيّتِ ماشاغبت نسمه طرف فستانها إلا ونورست احتمالاتي حليبٍ عاريٍ حتى من العري و ** بطاقه أكثر الأشيا قرف قارئ يقلب في كسل ... حزنك تماماً مثل ماسيل المجلات القديمة في صوالين الحلاقة .. انطلاقة ماتوّحش في دم الباذر سوى الأخضر بلادي من حصاتين لحصا تين ارتبكتك ارتكبتك وابتكرتك كيميا وغيّ تك تك مرحبا تك تك ومرٍ بي حبا تك تك قصيدة تك فوجهٍ طاعنٍ في اليتم تك : |
|
|
|
|
15-08-2007, 04:04
|
#13 | |
|
موقوف
|
رد : [ في ضيافة الشِعْر / فهد عافت ]
إقتباس:
الشُكر للأخ عبدالعزيز رشيد على هذه الورقة  : |
|
|
|
|
|
15-08-2007, 04:08
|
#14 |
|
فـعـل مــاضي!
|
رد : [ في ضيافة الشِعْر / فهد عافت ]
. متنزّه اللحظ ومنتهى طلبه وغايته. * شاكرٌ ومتابع. . |
|
|
|
|
15-08-2007, 04:13
|
#15 | |
|
موقوف
|
رد : [ في ضيافة الشِعْر / فهد عافت ]
إقتباس:
فوزي / شفت كيف الذكاء الخارق ليلاً !  المهم / سعيدة بمتابعتك ،، حيااااك أخوي : |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
