27-05-2007, 23:43
|
#1 |
|
شـــاعــر
|
هل تنصف المظلوم من ظلم الزمان اللي وطاه ؟
جيـت اتظلـّم سيّـدي وأطلبـك لفـت النظـر=هل تنصف المظلوم من ظلم الزمان اللي وطـاه معذور لو جيت اعتذر غيـري تعـذّر وانعـذر=ماخطيت لكنّ الزمان اخطـى وحمّـلنـي خطـاه حقٍّ عليّ اصبر وِمن صِبّر على شـيٍّ صبـر=والصبر لو فيه المـرارة مـن ملـذّات الحيـاه على سفينة حبّكم ظميـان فـي عـرض البحـر=هبـّت عليه العاصفـه ثـمّ انتثـر ماعـون مـاه يبّـس شفايـاه الظمـا ولا تصبّـر مـا قــدر=ولا شرب من البحـر يزداد الظمـا علـى ظمـاه بيـن البدايـه والنهايـه لا اتّـجـاه وْلا مـفـر=يقبـل ويقفـي يستديـر بـدون وِجْهـه واتّجـاه والموت قـام يدارج التابـوت لابـواب القبـر=والموج غاضب والكفن منسوج بخيـوط الوفـاه وحارت بعينه دمعته لوجات في صلـد الحجـر=ذاب الحجر كما يذوب الكحْل فـي عيـن الفتـاه قطع رجاه مـن الحيـاه وْبرّكـه حكـم القـدر=بارك كما يبرك بعيـرٍ شـال حمـلٍ مـا قـواه ما هو بـودّه يلفـظ انفاسـه ولا حولـه بشـر=إمّا صديـقٍ بيّحـه والاّ ولـد عــمٍّ بـكـاه والاّ عفيفـاتٍ يطـرّنّ الجيـوب مـن القـهـر=هذي رمت عنها القناع وْذي رمت عنهـا العبـاه على ظهـر سفينتـه يطـوي مسافـات العمـر=مستوحشٍ وحشة نبـيّ اللهِ يونـس فـي دجـاه فجأه وهو ساهي خطف عينه سنـا بـرقٍ ظهـر=يبرق على بعد المدا وِيْضِيح فـى الغبّـة سنـاه وحنـّت مباكير الرعود وهـبّ نسنـاس المطـر=ريح المطر يطرق وريده والسحب غطـّت سمـاه واسقاه ربّي من سحابه وانجلى عنْه الضجـر=وشرب وصدّر وارتوى وابحر على درب النجاه وتذكّرك يا ضامر السرجوف يـا تـرْف النحـر=يا غايته ومناه فـي دنيـاه وْيـا شمعـة هـواه أنت السفينة والبحر لا جـاك علمـي والخبـر=أنت الظما والمـا بليّـا شـكّ وبـدون اشتبـاه البارحة لك وامس لـك واليـوم وايّـام العمـر=الليل ليلـك والنهـار يشـعّ مـن خـدّك ضيـاه يابو جديـلٍ أشقـرٍ مثـل الشعـاع اذا انتشـر=والاّ كمـا نبـع الغديـر اللـي تحـدّر للوطـاه يابو حجاجٍ دارته تشبـه هـلال اتلـى الشهـر=والخشْم سيفٍ جرّده حامى السريّه مـن خبـاه والعين نجديّة ترعرع فـي محاجرهـا السحـر=إلا سجت برموشها جـرّت فـوادي مـن عـراه خدٍّ كما روض الزهر والاّ قمر خامـس عشـر=من استلذّ بحبـّتـه حـوّل علـى جمـر الشفـاه جمر الشفاه اللي تواقـد فـوق وضّـاح الثغـر=ومبسمـك لا وا هنـي مـن قبّلـه و الاّ سقـاه ياقوتـةٍ فـي رقدتـك كنّه مـبلـّلها الخـمـر=خمر الثمان ومن طعم خمر الثمـان ادرك منـاه والعنق عنق الجازية لا روّحـت حِلّ العصـر=لا روّحت من بطن وادي وامرحت فى اللي وراه وتفّاحتيـنٍ بابليّـة فــي بساتـيـن الـصـدر=الصدر راوي والخصر طاوي كما خصر المهاه فخذك فخذ بكرٍ تغضّ الطـرف وتحـبّ الستـر=والساق تحفة عـاج لا مثلـه ولا فـي مستـواه وخضاب كفّك جنّـةٍ خضرا علـى ضفّـة نهـر=والاّ جناح الطير لا فِـزْعه حـسْ قنّاص ٍ رمـاه هذي وصوفك يا لطيف الـروح يالظبـي العفـر=وانت الذي ربّي على كـلّ المزاييـن اصطفـاه وانت الذي طيفك يسامرني على ضـوح القمـر=آوسـّده يمناي واقـْلب صفحـة الذكـرى معـاه وقـّف ترى عمري بدونك يا بعـد عمـري هـدر=والاّ تعال اودّعك واكتب معَـك لاهلـي وصـاه وصاة مجنونٍ قضى نحبه وهـو يهـذي شعـر=يهذي بحبّ اللي غرس رمح المحبّه فـي حشـاه يا سيّدي حلمك عليْ وانا اعتذر عـن مـا بـدر=اصفح عن المذنب ولا تسمـع دعايـات الوشـاه يا ونّـتي ونّـة كسيـر عظـم ظهـره مـا جبـر=والاّ فونّة لاسحم اللي طاردينـه مـن عشـاه وانا حصانٍ طمرتـه تعجـب عيونـك لا عثـر=يصهل صهيل العزّ والطّـرّاد مـا يلحـق مـداه يامـا عليـك اجـرّ ونّـات العشايـا والفجـر=وابكي كمـا يبكـي يتيـمٍ يكسـر الخـاطر بكـاه هذا وانا يا سيّـدي جيـت اطلبـك لفـت النظـر=هل تنصف المظلوم من ظلم الزمان اللي وطـاه؟ مهذل مهدي اليامي |
|
|
|
28-05-2007, 10:36
|
#2 |
|
شـاعر
|
رد : هل تنصف المظلوم من ظلم الزمان اللي وطاه ؟
صح لسان مهدي و يعطيك العافيه لا هنت على النقل يا محسن اختيار يناسب الذائقه الصباحيه  |
|
|
|
|
04-06-2007, 06:27
|
#3 |
|
شــاعر
|
رد : هل تنصف المظلوم من ظلم الزمان اللي وطاه ؟
الله لا يهينك وما قصرت على النقل الشاعر مهذل بن مهدي شاعر معروف وغني عن التعريف ولكن ارجوا منك اخي محسن الرجوع للقصيده حيث يوجد فيها بعض الاخطاء واللتي قد تكون اخطاء مطبعيه فمثلا عندك البيت الاول جيت اتظلّـم سيّـدي وأطلبـك لفـت النظـر هل تنصف المظلوم من ظلم الزمان اللي وطاه يوجد هناك نقص في الشطر الاول حيث يكون التصحيح كما يلي جيت اتظلّـم سيّـدي وأطلبـك في لفـت النظـر هل تنصف المظلوم من ظلم الزمان اللي وطاه هذا ولك جزيل الشكر اخي محسن تقبل التحيه |
|
|
|
|
04-06-2007, 22:04
|
#4 |
|
شـــاعــر
|
صحّ الله بدنك يا يزيد ، والله يطوّل عمرك ، واختياري لهذي القصيدة من غلاكم يا أهل شعبيات ! |
|
|
|
|
04-06-2007, 22:10
|
#5 |
|
شـــاعــر
|
ومن كتب ما يهون يا عبدالله ، ولا شكر على واجب ! وما تظنه أخطاء مطبعية أراه زُحاف شعري لا يؤثر على الوزن ! إن أردت توضيح راسلني على الخاص ! إخيك . |
|
|
|
|
06-06-2007, 14:24
|
#6 |
|
شـــاعـر
|
رد : هل تنصف المظلوم من ظلم الزمان اللي وطاه ؟
صح لساانك يا محسن قصيدها من شاعر فحل .. الله لا يهينك على هذا النقل |
|
|
|
|
07-11-2008, 08:00
|
#7 |
|
شـــاعــر
|
محمد حليلان صحّ الله بدنك وسعيد بردّك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
