07-11-2001, 11:41 | #1 |
موقوف
|
علاقة الناقه بصاحبها
السالفه هذي حاصلة على دوسري يقاله عبدالله بن مفرح وكان عنده ذلولن طيبه ومسميها الهديه ويحبها حبن زايد والذلول موالفة له والبل تعرف صوت صاحبها وتحن عليه* عبدالله جاه الجدري ومرض حول الشهرين وحست الناقه باللي جاء عبدالله وكانت ترفع الرواق براسها وتشوفه وتحن* وبعد وقت توفى عبدالله( الله يرحمه وجميع اموات المسلمين)* وكل ما جات الناقه للبيت رفعت الرواق براسها وتشوفه مكانه فاضي تحن تسري* وكانت بنت عبدالله تعقل الناقه حتى ما تسري * وصارت الناقه حول نصف شهر تهجرع بالحنين* وكان عندهم جار يقاله حصيبان من عنزه قومته الناقه في ليلة من الليالي وهي تهجرع بالحنين وذكرته بجاره المتوفي فقال: من قلب هيضه حس الهديه هجرعت بالصوت من عقب الشمالي يا ذلول القرم حماي الرديه اصبري عقبه على سقم الليالي ذكرت بالحب من عينه شقيه ذاكر في نجد خلان وغالي عقب فقده ما توالف للرعيه تطرده ساره على روس المفالي عزتي للقرم حطوا له بنيه عزتي للقرم من قبر هيالي عادته بالكون يثني للرديه ينسم الحفيات ريف للهزالي وسلامتكم وسامحونا على القصور تم نقل السالفه من كتاب بدر الحمد (بتصرف) وتقبلوا تحياتي |
08-11-2001, 02:28 | #2 |
العضوية الماسية للموقع
|
هاوي قصيد مشاءالله عليك في الشعر مبدع وفي اختيار القصص مبدع 0 الله يعطيك العافيه 0 |
08-11-2001, 19:05 | #3 |
عضو شعبيات
|
اخوي هاوي قصيد صراحه مجهود كبير منك وماقصرت في الحقيقه القصه جميله والقصيده أكثر من رائعه مشكور على هاالإختيارات الموفقه |
11-11-2001, 16:50 | #4 |
شـــــاعــــــر
|
قصة وابيات تحمل عبق الماضي الجميل ومثل ما قال الشاعر الذي لا يحضرني اسمه الولف حنن له من العجم ناقه ********** من يوم حنت ناقة ...... حنيت صح لسانك اخوي هاوي وتحياتي لك . |
11-11-2001, 17:26 | #5 |
شــاعر
|
اخوي هاوي: عصه جميله ورائعه....تشكر على هذه القصه وعلى السرد القصصي الجميل ...ما شالله اسلوبك مميز.. تقبل تحيات اخوك البدوي |
22-11-2001, 08:03 | #6 |
عضو شعبيات
|
<font face="Tahoma">أخوي في الله هاوي قصيد .. مشكور على هالقصة المزيونة و اللي تبين مدى تعلق الناقة بصاحبها و لا هنت يا بعدي </font> |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|