لـــوحــــــات مـــــواطــــــن

ابو هديب · 10-12-2006, 09:49

(( بسم الله الرحمن الرحيم ))

ــ ـ { لــوحـــــات مـــواطـــــن } ـ ــ

هناك عقول أصابها الصدأ والفتور
وضاعت منها الأمانة والحضور
لتصبح كمن يترنح من أثر الخمور
o
o
o
معاصي في السفور
o
o
شفاه تبتذل السرور
o
o
جهل خالطه الغرور
o
o
كلها تمثلت في لوحة رسمها الإنسان المغمور

* * *

شاء الله أن يكون في طريقي ذلك الرسام الرث الذي أصر بأن أحضر معه و أشاهد لوحاته في (( قراج )) منزلهم المتهالك لأسأله عن أعماله مبتدأ بتلك اللوحة ...

اللوح ... هـ (( 1 ))

صورة رجل مرور وهو يقف وأمامه مجموعة سيارات يطالبهم بأوراق وفي طرف اللوحة سيارات كثيرة وقفت بجانب الرصيف .. وأناس تلتف على رجل مرور آخر والحزن على محياهم محمل بالبؤس .. التفت بدوري وسألت الرجل والزكام قد شطر أنفي (( صاير كنه عرف ديك ضاربته فلونزا الطيور ))

ابو هديب / بالله يا ( نور ) وش هاللوحة تكفى حسيت وأنا أشوفها كأني واقف في البطحاء ..
نور / ابد يا ( أبو هديب ) هذي صورة المرور بعد استلام رواتب الموظفين pb095
تنهدت وأنا أصد عنه كي لا يراني وأنا أمسح أنفي في كمي
أبو هديب / تصدق هالمرور يضيق صدره لو درى أن عندك فلوس وما أخذها ، ولا يهونون حقين الاتصالات ما يصدقون على الله يطلع راتب الموظف ويلهطونه مطبقين سياسة المنشار .. وكله كوم وتسمية الضرايب رسوم كوم ثاني .. <- شطحه مالها سنع
أخذ نور يرسم وهو يجيبني
مهوب هنا المشكلة المشكلة أنك عشان تسدد لهم تورم رجليك من المشي وفوق هذا كله انفس مخيسةpb093 (( كنها ريحة شراريب بنقالي مافصخها من يوم طلع فيزته للسعوديه ))
أبو هديب / يا رجال مسخرة عشان تسدد اللي عليك لازم تفتح حساب في جميع البنوك بنك الرياض للمرور والجوازات ، والراجحي للاتصالات ، حتى الاكتتابات اقتصروها على بعض البنوك (( صورة مواطن يمشي على جنبه من كثر بطاقات الصراف في البوك ولا فيها رصيد عايش على الإداع الفوري عشان يسدد:sm1: ))
ضحك نور لتخرج أسنانه السوداء (( كنها لعيبة الاتحاد وهم ياخذون حمام جماعي )) ليقول لي ..
يبن الحلال الحركة هذي قوة الترابط بين السعوديين صاروا يتعرفون على بعض عشان حسابات البنوك (( صورة مواطن غير المواطن اللي فوق يقول لمواطن ثاني بالله عندك حساب في بنك الرياض سدد قسايمي ولا عليك أمر ))
نطق كلماته ثم عاد إلى الرسم

قاطعته وأنا أشير إلى لوحة أخرى وأبدي إعجابي بها ..

اللوح ...هـ (( 2 ))

_ ما شاء الله وش هالرجال الخير ثوب قصير ودقن وفاصخ بشته بيعلقه على المعلاق .. بس ليش حاط صورة ساعة في الجدار وعقاربها تشير على (( 11.30 ))
نور / هذا الله يسلمك دوام القضاة في المحكمة الكبرى توه يبدى هالوقت والناس منقعة من ثمان الصبح عندهم ولا همهم صارو علب مخلل من قوة الإنتظار ..
أبوهديب / تصدق على طاري منقعه هالحين عرفت سبب انتشار مرض البواسير اثره من كثرة الجلوس والانتظار
نور / لا وأزيدك من الشعر بيت يقولون أن المحاكم فايزة على الوزارات كلهم بأحسن قهوجية يضبطون القهوة والشاهي والحليب مع الزنجبيل في الشتاء (( صورة واحد متلحف بالفرشة ما لقى من ياخذ حقه ))
ابتسمت بكل خبث
_ وأنا أقول ليش ما نحصل التمر السكري في السوق أثره يخلص في المختصر حق الشيخ بعد ما يبدى دوامه
(( ملحوظة الكلام عن البعض مهوب يجيني واحدن ما افطر يقول لا تعم ))

اللوح ... هـ (( 3 ))

دنت التفاته مني لأرى ذلك الرجل المسن الذي لامست لحيته قاع الأرض من شدة الكبر وهو يقف وفي يده ورقه وأناس على مكاتبهم يشيرون بأصابعهم خلفه لأقول بكل غضب مصطنع
_ بالله يا ( نور ) وش هالصورة عسى بس مهوب يطردون الشايب برى الغرفة pb093
نور / لا هذي صورة مراجع متمرمط في الدوائر ا لحكومية كل واحد يرمية على الثاني
تأففت وأنا ألمس صورة العجوز (( بزعمك بتمسك يده عشان تقومه ترى لوحه يا أبو الشباب ))
أبوهديب / يعني بتقولي أن هالشياب كان في قوته وما بدى يشيخ ويمرض إلا يوم بدى يراجع في الدوائر الحكومية عندنا:sm1: .. ما تلومه والله اسألني أنا تنعل كبدك :sm18: وأنت تدور بالمعاملة من مكتب إلى مكتب وآخر شي توصل لمكتب الموظف وتجلس تنتظره ويدخل عليك زميله ويسالك تبي شي ؟ .. تقوله وين زميلك يقولك مجاز تسأله متى يجي يقولك والله الغايب عذره معه (( يسمع باللباقة ويا خشته الظاهر أني سائله بيطول في الحمام والا لا يوم يرد علي هالرد )) .. والله حالتنا حاله ما نقدر نقول شي والا تتعسر أمورنا أكثر خلها على الله

اللوح ... هـ (( 4 ))

مشيت خطوة لأرى الصورة الأخرى فإذا بي أرى صورة امرأة عجوز وقد بنى العنكبوت بيته على وجهها وهي تجلس بجانب باب حديد والبؤس قد حفر مجرى على خدها لأقول بتعجب ..
_ يا حبيبي وش هذي بعد اللي أتخذ العنكبوت من وجهها بيت ومن فتحات خشمها فرنجي .. ليكون ميته وما لقت أحد يدفنها ..
نور / هذي العجوز الله يسلمك جالسه عند باب الشؤون الإجتماعيه تنتظر المعونة السنوية ومن طول الانتظار بنى العنكبوت على وجهها (( ردد ياليل ما أطولك ))
أبو هديب / .. يا بخت العنكبوت محد هاد بيته أبد دام المعاملة حقتها في الشؤون .. ( نور) على فكرة ترى ذنب هالعجوز في رقبتك ..
نور / ليش .. ؟؟
أبو هديب / لأنك عارف أن جلستها مطوله كان المفروض رسمت لها دورة مياه في اللوحه بدال ما تقضي حاجتها في مكانها وتنجس المكان .. حرام عليك كذا (( يمدحون الحشيش وهو جديد كيف عاد لو كان منتهي تاريخه ))

* * * *

اللوح .... هـ (( 5 ))

تطلعت إلى تلك الفتاة السمينة وفي يدها بقشة وهي تبكي لتحاول فتاة أخرى أخذ حمولتها منها لأقول وأنا ممسكاً بضحكتي
_ أبسألك يا ( نور )تانكي هالصرف الصحي وش عندها تصيح
نور / هذي صورة بنت طلقها زوجها لانها من يومها صغيرة وأمها تخلي الخدامة تشتغل عنها الين كبرت ومعد صارت تفهم حاجة في شغل البيت وسمنت .. بالعربي صارت أتكاليه تبي الكل يصلح شغلها .
أبو هديب / وين تبي هذي تشتغل معه .. هذي لو اشتغلت شميت ريحة كفرات محترقه من بين فخوذها (( صورة فاعل خير ماد لها فازلين وصاد بوجهه للجهة الثانية ))
بالله تصدق ودي آخذ هالصورة وأعطيها لشباب في الأستراحه لأن الموية تنقطع عندهم بأستمرار ولا يقدرون يسبحون في المسبح حقهم .. عشان كذا ودنا نحط هاللوحة في المسبح كود تمليه بدموعها
تنهد ( نور ) وعاد للرسم وأنا أومأت برأسي بخجل ثم رفعتها لتقع عيني على لوحة جمعت الكثير من البشر وقد تشكلوا على شكل دائرة ومن بين أقدامهم خرج طرف قدم مغرقة بالدماء

اللوح .. هـ (( 6 ))

أبو هديب / الأخوان في الصورة هذي يطلون في قليب والا وش قصتهم
نور / لا هذولي متجمعين على واحد مصدوم ومحد منهم فكر يساعده
أبو هديب / آآآه خايفين من ان التهمه تلبس واحدن منهم لو مات وهو معه .. يحق لهم لانه على بال ما تثبت برائتة يكون خطاب فصله من عمله قد طلع نتيجة تغيبه (( صورة واحد يقول مافيه أمل يعطونك عذر إلا بطلوع الروح وأن عطوك قالوا لك لعد تعودها وتشيل شي مهوب لك << وين يا عمي محفظه وإلا آدمي ))

* * * *

تأففت وقلت بكل غضب وملل..
_ ياخوي وش هاللي يضيق الصدر والكآبه أنا ماشي تبي شي ..
نور / أيه .. خذ هاللوحة هديه مني لك ولا تفكها إلا في بيتكم وعلقها في الصالة ..
أبو هديب / طيب خلاص

خرجت من منزله فإذا برجل على دراجة يقف أمامي وينظر إلي بعمق لأقول له
_ خير يا الحبيب مضيع بيتكم وجاي تشوف الكروكي في وجهي
تقدم مني وقال لي ..
الغريب / أنتبه الرجال اللي توك طالع من عنده ترى ملحوس وطالع من المصحة النفسية ... هذا غير المباحث ماسكينه كم مره ويخلون سبيله عشانه مختل عقلياً
نطق كلماته ورحل لأنظر إليه وإلى اللوحة التي في يدي وقد لفت بجرائد كثيرة
نزعت الجرائد عن اللوحه بكل غضب ونظرت إليها لتشخص يعني حتى كادت أن تخرج من محجرهما ، فما رأيته لا يصنعه أعتى ساحر على وجه الأرض لقد رأيت صورتي وأنا قد أعطيت ظهري لتلك الصور التي أشرت إليها دون أن أكترث لها أو حتى أشعر بها وقد كتب في آخر اللوحة
(( أنت مثلهم لم يخفق قلبك أبدا ، بل أصابك الملل كحال من يرى الحروب والقتل في القنوات الفضائية ويغيرها بسرعة إلى قنوات الأغاني دون أن يكترث لموت أخوته ))
رفعت بصري إلى حيث ذهب الغريب ومن ثم إلى اللوحة وأنا أقول في نفسي pb036

من المختل

0
0
أنا
0
0
أم أنت
0
0
أم هو

* * * *

مع تحيات / ابو هديب

(( النهـــايـــة ))

ذيبان · 10-12-2006, 11:10

إقتباس:

ضحك نور لتخرج أسنانه السوداء (( كنها لعيبة الاتحاد وهم ياخذون حمام جماعي )

هههههههههههههههه

وسط المآسي الواقعيه اللي ذكرتها لقيتك التعليق ماتمالكت نفسي من الضحك

حطيت يدك على الجروح باسلوب فكاهي ومحترف

يسعد قلبك على هالصباح ابوهديب

يزيد بن غشيّان · 10-12-2006, 11:34

إقتباس:

الرسالة الأصلية كتبت بواسطة ابو هديب

اللوح ...هـ (( 2 ))

_ ما شاء الله وش هالرجال الخير ثوب قصير ودقن وفاصخ بشته بيعلقه على المعلاق .. بس ليش حاط صورة ساعة في الجدار وعقاربها تشير على (( 11.30 ))
نور / هذا الله يسلمك دوام القضاة في المحكمة الكبرى توه يبدى هالوقت والناس منقعة من ثمان الصبح عندهم ولا همهم صارو علب مخلل من قوة الإنتظار ..
أبوهديب / تصدق على طاري منقعه هالحين عرفت سبب انتشار مرض البواسير اثره من كثرة الجلوس والانتظار
نور / لا وأزيدك من الشعر بيت يقولون أن المحاكم فايزة على الوزارات كلهم بأحسن قهوجية يضبطون القهوة والشاهي والحليب مع الزنجبيل في الشتاء

(( صورة واحد متلحف بالفرشة ما لقى من ياخذ حقه ))
ابتسمت بكل خبث
_ وأنا أقول ليش ما نحصل التمر السكري في السوق أثره يخلص في المختصر حق الشيخ بعد ما يبدى دوامه

إقتباس:

الرسالة الأصلية كتبت بواسطة ابو هديب

[SIZE="4[/COLOR][/SIZE][/CENTER][/B]

هنا جيت على الجرح بقوه يبو هديب

القضاة عندنا شي مؤسف للغايه والله : ) وليتها بس واقفه على الدوام اللي يبدا 11 وينتهي الساعه وحده : )

موضوع رايق قريته في الاقلاع واقراه اقين في شعبيات . يعطيك العافيه

نجـود · 10-12-2006, 15:19

أبو هديب
عيني عليك بارده ..

هههههههههههههههههههه لوحات رهيبه خليتني اتخيلها مرسومه

احلى سوسو · 10-12-2006, 23:27

السلام عليكم ورحمة الله وبركاته ..

أبو هديب شلونك عساك طيب ..

الحين أنا قريت موضوعك هذا بس هالمره أراجعه تصدق شكلي بحفظ مواضيعك عن ظهـر قلب ..

هالشي مفيد وصحي يخدم الكاتب لانه يقدم له الأنتشار ..

اللوح الي رسمتها فوق كلها تلامس الواقع ومايحتاج أعلق عليها لأنك رسمتها بذوق وفن ووضحت كل شي فيهــــــا ..

بالنسبه للغلط والأختلال فالجميع يتحمل كل جهه تتحمل ..ولو كل واحد مارمى شي في الشارع كان ماأحتجنا لبلديه تنظف <<ماكنها خرجت عن الموضوع ..

تسلم يابو هديب الله يعطيك العافيه ..

بس هالمره شفت ولا على حفظك للحروف بس

عنود · 11-12-2006, 02:03

هناك عقول أصابها الصدأ والفتور وضاعت منها الأمانة والحضور

هذا ماينطبق على تعرية بعض المظاهر في هذا الموضوع

مايفوتني اعلق على اسلوبك الرائع الساخر

من الاوضاع المخيبة لنا

لاتغيب يابوهديب فهناك من يتابعك بشوق

ابو هديب · 11-12-2006, 08:39

هلا والله بالغالين وش اخباركم

<< ماله وجه يحتسي معكم مهوب فيه قبله برى الرياض

ذيبان

هلا والله بالمشرف العام

<< وقف على رجله احترام للمناصب

إقتباس:

وسط المآسي الواقعيه اللي ذكرتها لقيتك التعليق ماتمالكت نفسي من الضحك

يا رجال اضحك الدنيا مهيب مستاهله .. وسع صدرك
يا شيخ لو تبي نقول نكت والا ان بغيت نذبح لك احلى سوسو ترى ما عندنا مشكله بس اهم شي تكون مبسوط

<< هذي اللواقه مع المشرفين ما تمشي يا ابو هديب اجل بتذبح احلى سوسو .. ان ذبحتها من يكتب في الاستراحه

مشكور والله يا ذيبان

منور الموضوع

ابو هديب · 11-12-2006, 08:44

يزيد بن غشيان

هلاو الله يزيد حياك ربي وش اخبارك

مدري يا يزيد .. أحس بدوخه هل جوع والا بوادر حمل .. ماش راسي يروح مره يمين ومره يسار
كنه شاخص في عرض البحر والموج يلعب فيه ..

إقتباس:

هنا جيت على الجرح بقوه يبو هديب

يسلمك ربي وش الحق وش اخلي لو ابجي على كل جرح ابنحف ما خلصت الجروح خلها على ربك بس

إقتباس:

القضاة عندنا شي مؤسف للغايه والله

كلمة مؤسف شوية .. المفروض نقول دمار أو بالتعبير الصحيح ما حولك احد وباللغة العربية لا حياة لمن تنادي

<< الو ورى ما تروح ترقد يا ابو هديب عشان تروح هالدوخه اللي فيك

إقتباس:

موضوع رايق قريته في الاقلاع واقراه اقين في شعبيات . يعطيك العافيه

<< صورة عضو مستحي ويقول معليش ان كاني ما نيب اكتب شي جديد هنا
لكن تخبرون الوضع مزري من جد .. مافيه وقت يا في العمل والا في امور الدنيا

منول الواحد يجيه مرض السكر في رجليه من الفضاوه .. هالحين انواع الدوالي منتشره في السيقان من كثر المشي
والدوران ورى لقمة العيش ومطاردة سراب الحياة ..

مشكور والله يا يزيد على تواجدك

ابو هديب · 11-12-2006, 08:47

نجود

قولي ما شاء الله << من يوم سمع كلمة عين على طول خاف

كيفك نجود وش اخبارك .. عساك بخير

إقتباس:

هههههههههههههههههههه لوحات رهيبه خليتني اتخيلها مرسومه

اللوحات في الحياة كثيرة .. ولو نبي نتخيل بيتملي الممري حق المخ ما خلصنا

<< ذاكرته خمس مية وثنعش يعني يتحمل مقاطع بلوتوث عادي ارسلو له

والله اني اكتب الردود وعيوني مسكره من النوم .. يا شين اللي يروح للعمل مواصل
حواجبه تنزل على عيونه من الارهاق

<< عاد يجيك واحد حواجبه كثيفه مثلك يا ابو هديب وش يرفعها اذا ارتخت يحلفون انها وصل سرك من ثقلها

الله يعطيك العافيه يا نجود ومنورة الموضوع

شيخة الغيد · 11-12-2006, 09:12

ابوهديب يسعد صباحك

اسلوبك خطير في طرح القضايا....

تكلمت عن واقعنا بكل حرفنه وبراعه,,وأدخلتنا في عالم من الضحك والبهجه

جميع صورك مألوفه وموجوده في مجتمعنا
ولكن من المختل فعلا؟؟؟!!!

سؤال صعب....قد لاترضي اجابته احدا!!

ابوهديب,,,,نافست عادل امام في رسم البسمه على الشفاه
شكرا لك
ودامت مسراتك

نورة العجمي · 16-12-2006, 17:27

ابوهديب
كتابة ساخره لموضوع جاد لايتقنها الكثير

المضحك المبكي فعلا
سلمت لنا وسلم لنا قلمك
كل الود

ضوى العتيبي · 17-12-2006, 12:38

ابو هديب ..
جعلتنا نضحك من شر البليه ..
أبدعت لاهنت

تركي · 18-12-2006, 00:27

ابوهديب

والله عيار درجة اولى
استمتعت وانا اقراك وضحكت وانا اقراك
فيه عياره وفيه لسع ولذع يستاهلون وانا اخوك خخخخخخخخخخخخخخخ

10-12-2006, 09:49	#1
ابو هديب من كبار العيارين	لـــوحــــــات مـــــواطــــــن (( بسم الله الرحمن الرحيم )) ــ ـ { لــوحـــــات مـــواطـــــن } ـ ــ هناك عقول أصابها الصدأ والفتور وضاعت منها الأمانة والحضور لتصبح كمن يترنح من أثر الخمور o o o معاصي في السفور o o شفاه تبتذل السرور o o جهل خالطه الغرور o o كلها تمثلت في لوحة رسمها الإنسان المغمور * * * شاء الله أن يكون في طريقي ذلك الرسام الرث الذي أصر بأن أحضر معه و أشاهد لوحاته في (( قراج )) منزلهم المتهالك لأسأله عن أعماله مبتدأ بتلك اللوحة ... اللوح ... هـ (( 1 )) صورة رجل مرور وهو يقف وأمامه مجموعة سيارات يطالبهم بأوراق وفي طرف اللوحة سيارات كثيرة وقفت بجانب الرصيف .. وأناس تلتف على رجل مرور آخر والحزن على محياهم محمل بالبؤس .. التفت بدوري وسألت الرجل والزكام قد شطر أنفي (( صاير كنه عرف ديك ضاربته فلونزا الطيور )) ابو هديب / بالله يا ( نور ) وش هاللوحة تكفى حسيت وأنا أشوفها كأني واقف في البطحاء .. نور / ابد يا ( أبو هديب ) هذي صورة المرور بعد استلام رواتب الموظفين pb095 تنهدت وأنا أصد عنه كي لا يراني وأنا أمسح أنفي في كمي أبو هديب / تصدق هالمرور يضيق صدره لو درى أن عندك فلوس وما أخذها ، ولا يهونون حقين الاتصالات ما يصدقون على الله يطلع راتب الموظف ويلهطونه مطبقين سياسة المنشار .. وكله كوم وتسمية الضرايب رسوم كوم ثاني .. <- شطحه مالها سنع أخذ نور يرسم وهو يجيبني مهوب هنا المشكلة المشكلة أنك عشان تسدد لهم تورم رجليك من المشي وفوق هذا كله انفس مخيسةpb093 (( كنها ريحة شراريب بنقالي مافصخها من يوم طلع فيزته للسعوديه )) أبو هديب / يا رجال مسخرة عشان تسدد اللي عليك لازم تفتح حساب في جميع البنوك بنك الرياض للمرور والجوازات ، والراجحي للاتصالات ، حتى الاكتتابات اقتصروها على بعض البنوك (( صورة مواطن يمشي على جنبه من كثر بطاقات الصراف في البوك ولا فيها رصيد عايش على الإداع الفوري عشان يسدد:sm1: )) ضحك نور لتخرج أسنانه السوداء (( كنها لعيبة الاتحاد وهم ياخذون حمام جماعي )) ليقول لي .. يبن الحلال الحركة هذي قوة الترابط بين السعوديين صاروا يتعرفون على بعض عشان حسابات البنوك (( صورة مواطن غير المواطن اللي فوق يقول لمواطن ثاني بالله عندك حساب في بنك الرياض سدد قسايمي ولا عليك أمر )) نطق كلماته ثم عاد إلى الرسم قاطعته وأنا أشير إلى لوحة أخرى وأبدي إعجابي بها .. اللوح ...هـ (( 2 )) _ ما شاء الله وش هالرجال الخير ثوب قصير ودقن وفاصخ بشته بيعلقه على المعلاق .. بس ليش حاط صورة ساعة في الجدار وعقاربها تشير على (( 11.30 )) نور / هذا الله يسلمك دوام القضاة في المحكمة الكبرى توه يبدى هالوقت والناس منقعة من ثمان الصبح عندهم ولا همهم صارو علب مخلل من قوة الإنتظار .. أبوهديب / تصدق على طاري منقعه هالحين عرفت سبب انتشار مرض البواسير اثره من كثرة الجلوس والانتظار نور / لا وأزيدك من الشعر بيت يقولون أن المحاكم فايزة على الوزارات كلهم بأحسن قهوجية يضبطون القهوة والشاهي والحليب مع الزنجبيل في الشتاء (( صورة واحد متلحف بالفرشة ما لقى من ياخذ حقه )) ابتسمت بكل خبث _ وأنا أقول ليش ما نحصل التمر السكري في السوق أثره يخلص في المختصر حق الشيخ بعد ما يبدى دوامه (( ملحوظة الكلام عن البعض مهوب يجيني واحدن ما افطر يقول لا تعم )) اللوح ... هـ (( 3 )) دنت التفاته مني لأرى ذلك الرجل المسن الذي لامست لحيته قاع الأرض من شدة الكبر وهو يقف وفي يده ورقه وأناس على مكاتبهم يشيرون بأصابعهم خلفه لأقول بكل غضب مصطنع _ بالله يا ( نور ) وش هالصورة عسى بس مهوب يطردون الشايب برى الغرفة pb093 نور / لا هذي صورة مراجع متمرمط في الدوائر ا لحكومية كل واحد يرمية على الثاني تأففت وأنا ألمس صورة العجوز (( بزعمك بتمسك يده عشان تقومه ترى لوحه يا أبو الشباب )) أبوهديب / يعني بتقولي أن هالشياب كان في قوته وما بدى يشيخ ويمرض إلا يوم بدى يراجع في الدوائر الحكومية عندنا:sm1: .. ما تلومه والله اسألني أنا تنعل كبدك :sm18: وأنت تدور بالمعاملة من مكتب إلى مكتب وآخر شي توصل لمكتب الموظف وتجلس تنتظره ويدخل عليك زميله ويسالك تبي شي ؟ .. تقوله وين زميلك يقولك مجاز تسأله متى يجي يقولك والله الغايب عذره معه (( يسمع باللباقة ويا خشته الظاهر أني سائله بيطول في الحمام والا لا يوم يرد علي هالرد )) .. والله حالتنا حاله ما نقدر نقول شي والا تتعسر أمورنا أكثر خلها على الله اللوح ... هـ (( 4 )) مشيت خطوة لأرى الصورة الأخرى فإذا بي أرى صورة امرأة عجوز وقد بنى العنكبوت بيته على وجهها وهي تجلس بجانب باب حديد والبؤس قد حفر مجرى على خدها لأقول بتعجب .. _ يا حبيبي وش هذي بعد اللي أتخذ العنكبوت من وجهها بيت ومن فتحات خشمها فرنجي .. ليكون ميته وما لقت أحد يدفنها .. نور / هذي العجوز الله يسلمك جالسه عند باب الشؤون الإجتماعيه تنتظر المعونة السنوية ومن طول الانتظار بنى العنكبوت على وجهها (( ردد ياليل ما أطولك )) أبو هديب / .. يا بخت العنكبوت محد هاد بيته أبد دام المعاملة حقتها في الشؤون .. ( نور) على فكرة ترى ذنب هالعجوز في رقبتك .. نور / ليش .. ؟؟ أبو هديب / لأنك عارف أن جلستها مطوله كان المفروض رسمت لها دورة مياه في اللوحه بدال ما تقضي حاجتها في مكانها وتنجس المكان .. حرام عليك كذا (( يمدحون الحشيش وهو جديد كيف عاد لو كان منتهي تاريخه )) * * * * اللوح .... هـ (( 5 )) تطلعت إلى تلك الفتاة السمينة وفي يدها بقشة وهي تبكي لتحاول فتاة أخرى أخذ حمولتها منها لأقول وأنا ممسكاً بضحكتي _ أبسألك يا ( نور )تانكي هالصرف الصحي وش عندها تصيح نور / هذي صورة بنت طلقها زوجها لانها من يومها صغيرة وأمها تخلي الخدامة تشتغل عنها الين كبرت ومعد صارت تفهم حاجة في شغل البيت وسمنت .. بالعربي صارت أتكاليه تبي الكل يصلح شغلها . أبو هديب / وين تبي هذي تشتغل معه .. هذي لو اشتغلت شميت ريحة كفرات محترقه من بين فخوذها (( صورة فاعل خير ماد لها فازلين وصاد بوجهه للجهة الثانية )) بالله تصدق ودي آخذ هالصورة وأعطيها لشباب في الأستراحه لأن الموية تنقطع عندهم بأستمرار ولا يقدرون يسبحون في المسبح حقهم .. عشان كذا ودنا نحط هاللوحة في المسبح كود تمليه بدموعها تنهد ( نور ) وعاد للرسم وأنا أومأت برأسي بخجل ثم رفعتها لتقع عيني على لوحة جمعت الكثير من البشر وقد تشكلوا على شكل دائرة ومن بين أقدامهم خرج طرف قدم مغرقة بالدماء اللوح .. هـ (( 6 )) أبو هديب / الأخوان في الصورة هذي يطلون في قليب والا وش قصتهم نور / لا هذولي متجمعين على واحد مصدوم ومحد منهم فكر يساعده أبو هديب / آآآه خايفين من ان التهمه تلبس واحدن منهم لو مات وهو معه .. يحق لهم لانه على بال ما تثبت برائتة يكون خطاب فصله من عمله قد طلع نتيجة تغيبه (( صورة واحد يقول مافيه أمل يعطونك عذر إلا بطلوع الروح وأن عطوك قالوا لك لعد تعودها وتشيل شي مهوب لك << وين يا عمي محفظه وإلا آدمي )) * * * * تأففت وقلت بكل غضب وملل.. _ ياخوي وش هاللي يضيق الصدر والكآبه أنا ماشي تبي شي .. نور / أيه .. خذ هاللوحة هديه مني لك ولا تفكها إلا في بيتكم وعلقها في الصالة .. أبو هديب / طيب خلاص خرجت من منزله فإذا برجل على دراجة يقف أمامي وينظر إلي بعمق لأقول له _ خير يا الحبيب مضيع بيتكم وجاي تشوف الكروكي في وجهي تقدم مني وقال لي .. الغريب / أنتبه الرجال اللي توك طالع من عنده ترى ملحوس وطالع من المصحة النفسية ... هذا غير المباحث ماسكينه كم مره ويخلون سبيله عشانه مختل عقلياً نطق كلماته ورحل لأنظر إليه وإلى اللوحة التي في يدي وقد لفت بجرائد كثيرة نزعت الجرائد عن اللوحه بكل غضب ونظرت إليها لتشخص يعني حتى كادت أن تخرج من محجرهما ، فما رأيته لا يصنعه أعتى ساحر على وجه الأرض لقد رأيت صورتي وأنا قد أعطيت ظهري لتلك الصور التي أشرت إليها دون أن أكترث لها أو حتى أشعر بها وقد كتب في آخر اللوحة (( أنت مثلهم لم يخفق قلبك أبدا ، بل أصابك الملل كحال من يرى الحروب والقتل في القنوات الفضائية ويغيرها بسرعة إلى قنوات الأغاني دون أن يكترث لموت أخوته )) رفعت بصري إلى حيث ذهب الغريب ومن ثم إلى اللوحة وأنا أقول في نفسي pb036 من المختل 0 0 أنا 0 0 أم أنت 0 0 أم هو * * * * مع تحيات / ابو هديب (( النهـــايـــة ))

10-12-2006, 15:19	#4
نجـود الطــربة	لـــوحــــــات مـــــواطــــــن أبو هديب عيني عليك بارده .. هههههههههههههههههههه لوحات رهيبه خليتني اتخيلها مرسومه

10-12-2006, 23:27	#5
احلى سوسو رباط ود	رد : لـــوحــــــات مـــــواطــــــن السلام عليكم ورحمة الله وبركاته .. أبو هديب شلونك عساك طيب .. الحين أنا قريت موضوعك هذا بس هالمره أراجعه تصدق شكلي بحفظ مواضيعك عن ظهـر قلب .. هالشي مفيد وصحي يخدم الكاتب لانه يقدم له الأنتشار .. اللوح الي رسمتها فوق كلها تلامس الواقع ومايحتاج أعلق عليها لأنك رسمتها بذوق وفن ووضحت كل شي فيهــــــا .. بالنسبه للغلط والأختلال فالجميع يتحمل كل جهه تتحمل ..ولو كل واحد مارمى شي في الشارع كان ماأحتجنا لبلديه تنظف <<ماكنها خرجت عن الموضوع .. تسلم يابو هديب الله يعطيك العافيه .. بس هالمره شفت ولا على حفظك للحروف بس

11-12-2006, 02:03	#6
عنود بقـايا حُلـم	رد : لـــوحــــــات مـــــواطــــــن هناك عقول أصابها الصدأ والفتور وضاعت منها الأمانة والحضور هذا ماينطبق على تعرية بعض المظاهر في هذا الموضوع مايفوتني اعلق على اسلوبك الرائع الساخر من الاوضاع المخيبة لنا لاتغيب يابوهديب فهناك من يتابعك بشوق التوقيع: عن أبي هريرة ( ما من صدقة أحب إلى اللَّه من قول الحق ) أخرجه البيهقي وإليه يشير قوله تعالى يَأَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنْفُسِكُمْ أَوِ الْوَالِدَيْنِ وَالأَقْرَبِينَ سورة النساء آية 135 .

11-12-2006, 09:12	#10
شيخة الغيد شـاعرة	رد : لـــوحــــــات مـــــواطــــــن ابوهديب يسعد صباحك اسلوبك خطير في طرح القضايا.... تكلمت عن واقعنا بكل حرفنه وبراعه,,وأدخلتنا في عالم من الضحك والبهجه جميع صورك مألوفه وموجوده في مجتمعنا ولكن من المختل فعلا؟؟؟!!! سؤال صعب....قد لاترضي اجابته احدا!! ابوهديب,,,,نافست عادل امام في رسم البسمه على الشفاه شكرا لك ودامت مسراتك التوقيع: [poem font="Simplified Arabic,3,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"] لي ضلوع أوقات تصبح من حطب=والعيون أحيان ماتبكي..تنوح!! ضقت في كل الوسيعه والرحب=ماالتفت الا وقدامي صروح هذا حالي للفرح أبغى سبب=وين ماوديت همي مايروح!! صاحبي آخركلامي بنسحب=بترك اللي راح وابداباالنزوح صاحبي خذها نصيحه لاتحب=وان تمرد بك خفوقك لاتبوح!!! [/poem]

16-12-2006, 17:27	#11
نورة العجمي شـــاعرة	رد : لـــوحــــــات مـــــواطــــــن ابوهديب كتابة ساخره لموضوع جاد لايتقنها الكثير المضحك المبكي فعلا سلمت لنا وسلم لنا قلمك كل الود التوقيع: https://www.instagram.com/p/_VLOGDoF...en-by=noouf_mt انستجرام كاتبتنا نوف الثنيان (@noouf_mt) • Instagram photos and videos noouf_mt نوف الثنيان قاصّة / كاتبة ..الكتابة سفر الذات منها إليها لايرافقها إلاّ من يؤمن بها ويُدرك أن للنبض-هُنا-حُبّا وغصوناً تعرّش سلاما www.twitter.com/Noouf_M

17-12-2006, 12:38	#12
ضوى العتيبي شــاعــره	رد : لـــوحــــــات مـــــواطــــــن ابو هديب .. جعلتنا نضحك من شر البليه .. أبدعت لاهنت التوقيع: آه واشقوة اللي عايشن بانتظار .. من كثير التعاسه مادرى وش يبدي ... !

18-12-2006, 00:27	#13
تركي	رد : لـــوحــــــات مـــــواطــــــن ابوهديب والله عيار درجة اولى استمتعت وانا اقراك وضحكت وانا اقراك فيه عياره وفيه لسع ولذع يستاهلون وانا اخوك خخخخخخخخخخخخخخخ التوقيع:

عدد المتواجدون في هذا الموضوع » 1 , عدد الأعضاء » 0 , عدد الزوار » 1