06-12-2006, 22:23 | #1 |
عيار
|
[ موضوع مشفّر ] سيره ذاتيه لــ : سويّر بنت بن رويسان الأجرب !
سلخييير جميع هذا الموضوع كُنت مُتردد أني أمصع به في النت وأطرحه كموضوع مُستقلّ .. لأنه موضوع ( خاثر ) ومايصلح يقراه الواحـــد إلا بعد الساعه " وحده " الليل ! ولأني واجهت سيل عارم من الأسئله اللي تسألني عن هالبنت اللي كل شوي مطريّها في مواضيعي .. أبيت إلا أن أُحدِثُكُم عنها . أوّل شي .. لازم أشرط عليكم قبل تقرون الموضوع أنكم تلتزمون بالصمت .. وأصصصص .. ولا كلمه ! الشي السابع .. يُمنع دخول أي شخص عمره أقل من ( 18 ) سنه .. وهذا عشان الموضه اللي طايحين فيها قنوات " أفلام الأكشن " .. جعلها تشب فيهم .. ! .. .. .. سويّر بنت بن رويسان الأجرب ! ماأقدر صراحه أتكلّم عن كل شي في حياتها .. بقدر ما أذكر لكم بعض المواقف الحياتيه في حارتنا القديمه .. أيام كنّا نلعب مع بعض .. ونرجّم بعض بالحصا وقواطي ( التيم ) وغراش ( الميرندا ) ! أنا متأكد أنكم الآن تعرفون وش صار عليها .. وانها صارت " مره " و " زوجه " لصديق ( خانني ) وأخذها من وراي ! زوجها " دحيّم " الأحول .. خريّج محل خُضار .. وأكبر حرامي في الحاره ! خلوّنا في الأخت " سويّر " ! سويّر هذي .. خريّجة إبتدائي .. وتخرّجت من الدراسه الإبتدائيه بالدفّ .. وبتقدير مقبول ! كنّا في يوم من الأيام نلعب مع بعض يوم كنّا صغار في سن ( الأربع والخمس سنوات ) أنا ودحيّم وراشد وعلي وماهرالسوداني وأخيراً سويّر ! كانت أيام حلوه .. ويازينها زيناه كنت أنا وراشد وسويّر في فريق واحد .. وكان دحيّم وماهر وعلي في فريق ! كنّا نلعب ( طجمه ) و ( مصاقيل ) و ( حبشه ) ! كنت أقول لسويّر بِكُل طفوله .. ( إذا كبرتي بتتزوجين ؟ ) كانت ترد علي بِكُل دلع << الدلع في صوب والأخت في صوب : ( إيه .. بتزوج واحد رجّال ) ! tsh7 رجّال أجل ياسويّر .. آه يالقهر بس ! كنت أيضاً .. وبِكُل براءه أسألها ( سويّر إذا تزوجتي وين بتروحين ) .. كانت ترد علي ( بروح لمكه ) .. مُباشرةً أضحك معها وأقول ( أنتي روحي لمكّه وانا بروح المدينه ونتقابل هِناك ! ) كان أبوها كريم من حلال غيره .. وكنّا نتعشى عندهم دايماً .. بيض ومرق بالقرع والبيدجان ! أُصيبت سويّر يوم كان عمرها ( 10 ) سنوات .. بِبُهاق في عينيها .. ومع هذا طلع شكلها ( يمشّي الحال ) .. ! ماكنت أقدّرها .. بقدر ماكنت أقدّر ( دراهم ) أبوها التاجر .. اللي عنده ( مخبز ) و ( محل سباكه ) وحوش غنم .. ! هي وحيدة أهلها من البنات .. وكان لها أخت مريضه وتوفيت قبل عشر سنوات .. ! كان بيتهم قدّام بيتنا .. وكنت كل يوم ( أكب زبالتنا ) وأحرص على أني ( أكبّها ) عشان على الأقل أشوف باب بيتهم الأخضر ! كبرت البنت .. وسجّلها أبوها في حلقة تحفيظ .. وماشاء الله عليها .. صارت متميّزه في حفظ كتاب الله .. ! وكل ماصار فيه حفل تخرّج .. صرت أحتريهم يقولون أسمها .. عشان أشخّص فيه قدّام أمي إذا تزوّجتها ! ماكنت أتوقع في يوم من الأيام أن خويي ( دحيّم الأحول ) بيروح يخطبها من أهلها .. لأني كنت حاجزها .. و " مبيّت النيّه " أني بروح أخطبها من أهلها ! سويّر هذي .. تقدر شي إسمه ( عصير خوخ ) .. وكان خبرها منتشر في الحاره أنها تقدر ذاك العصير .. وإلى الآن ماأدري وش حكمتها في ذاك العصير .. حتى أن ( عبله ) راعي البقاله كان ينزّل كرتونين زياده " خصيصاً " لذيك الخبلا " ! في عيد الفطر اللي قبل الماضي .. كنّا حاطين حفل كبير في الحاره كالعاده .. وكان كل أهل بيت يسوون طبخة " غدا " ويطلّعونها في الشارع .. وكل واحد ياكل وينوّع من اللي يبغى ! كنت أنتظر طبختهم ... لأنها معروفه بالطبخ السنع والزين اللي " مايخُرّش الميّه " ... شوي إلا ويجي واحد كنّه " بعير " من كبره .. وشايل على راسه صحن " مقصدر " .. ويقول للحاضرين بصوت عالي .. هذا ( غدى رويسان الأجرب ) .. تفضلوا جعلكم ( تغصّون ) ! أنا أنهبلت .. ومعاد صرت أجمّع .. واروح واركض واقعد على الصحن من العجله .. وافتش الغدا .. وأسمّي .. ! شوي إلا والفلفل قام يلعب في " فمّي " .. حسبي الله عليها .. صارت سويّر مكثّره فلفل ! سويّر هذي .. ياشباب وشبابات << على وزن فتيات ! تزوجت قبل خمسة أشهر من دحيّم .. وسافرت للشرقيه .. ويقولون والعهده على الراوي أنها بغت تغرق في البحر وان دحيّم أنقذها <<< ياليتهم غرقوا وفكّونا ! الشي اللي يميّز " سويّر " أنها ماتطلع من بيتهم .. يعني ماتعرف أسواق أو ملاهي أو " كفي شوب " إضاءته خفيفه ورومانسي حبتين ! حتى تلفون بيتهم ماكانت تشغله بعد المغرب أو تتصل فيه على زميلتها ( سوسو و جوجو ) ! صراحه .. ذيك البنت راحت علي ... الله يستر عليها .. وربي يعوّضني خير سلامو |
07-12-2006, 00:33 | #2 |
شاعـرة
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
ههههههههههههههههههههههههه الله يعوضك بوحده حوله عشان تقهرسوير ... عندنا غزيل بنت هويدي يا كثر خطابها وإذا تبي واسطه نتوسط لك... يا حبني للتنسيم الي موش طبيعي كتنسيمك ... لقلبك الزي فقد سوير باقة نعناع |
07-12-2006, 03:27 | #3 | |||
شـــاعرة
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
إقتباس:
تصدق احس ان هالقصه صدقيه من الدقة في الوصف ههههههههههههههه إقتباس:
إقتباس:
وش ذا الحب يامدمن شاي ههههههههههههههههه فاهم الحب غلط هههههههههههه الله يوسع صدرك بالعافيه ههههههههههههههه نورت شعبيات بحضورك ونورك |
|||
07-12-2006, 10:27 | #4 | |
بقـايا حُلـم
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
مـدمن شاهي اسلوبك رووووووعه ههههههههههههههههههه إقتباس:
قريت الموضوع اكثر من مره ة ماشبعت قرايته الله يحييك في شعبيات اسعدتنا والله بالحضور الغير |
|
07-12-2006, 23:13 | #5 | ||||||||||||
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
إقتباس:
ياسلخيررررررررررات عليك كل وقت إقتباس:
طلعت الدعوى شيييييييي سر حب حياتك الأول إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
مدمن شاهي يارب انك تحييه وتبقيه موضوع روووووووووووعه واسلوب أروع من جد اتمنى نشوف لك مواضيع اكثر وتفاعل اكثر معنا |
||||||||||||
08-12-2006, 16:04 | #6 | |
مشرف
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
إقتباس:
هههههههههههههههههههههههههههههههههههههههههههههههههه هههههههههههههههههههه والله انها صادقه هالايام صعبه تلقى رجال ما ادري وش جاي الشباب صاروا يتنافسون على المكياج واللبس اللي ما ادري وش سنعه <<<< ادري ان تفكير سوير غير هالتفكير بس انها جابت المفيد هلا بك يامدمن شاهي ونحتري مواضيعك الجايه |
|
08-12-2006, 22:19 | #7 |
المشرف العام
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
مـدمن شاهي منور يالغالي وموضوع خمس نجوم شعبيات محلك ومنتظرين مشاركاتك لاعدمناك |
09-12-2006, 00:46 | #8 |
أديـب و شــاعــر
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
مدمن شاهي: كلشي فيك روعة إلا الإدمان! وبصراحة سواقنا (نفسه.. اللي انحاش قبل سبعتشهر) فطس من الضحك وما وصّل العيال اليوم من "فرط الكركرة" مع انّي قلتله: ياخي لا يهمك مدمن تي، هذا حطو موضوعه بالماصله هناك بالإقلاع.. وجاي يشخّص على أمثالك! فــ أشوى. استحى "سوهالي. وكرب وجهه. (دعلج.. وبعده زمان عرج) |
21-12-2006, 01:47 | #9 | |
عيار
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
إقتباس:
سويّر مابعدها .. والحُب مثل مايقولون " عزاااااب ياراقُل " |
|
29-12-2006, 00:36 | #10 | |
عيار
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
إقتباس:
شاكر مرورك شاعرتنا نوره |
|
29-12-2006, 00:38 | #11 | |
عيار
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
إقتباس:
لاتقطعني وسيّر يالغلا |
|
29-12-2006, 00:39 | #12 | |
عيار
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
إقتباس:
حيّاك أختي .. وأسعدني مرورك بباب حروفي شاكر ومُقدّر .. |
|
29-12-2006, 00:40 | #13 | |
عيار
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
إقتباس:
|
|
29-12-2006, 00:42 | #14 | |
عيار
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
إقتباس:
التعليق روعه .. والإدمان طريق إلى الهاويه .. بس الشكوى لله .. راح نمشي للهاويه لين يفرجها ربّك أسعدني مرورك يالغلا .. وكُلي فخر بحضورك ... |
|
29-12-2006, 12:36 | #15 | |
شاعـرة
|
رد : [ موضوع مشفّر ] سيره ذاتيه لــ : سويّر بنت بن رويسان الأجرب !
إقتباس:
أولا اسمي منتهى ومنتهى مؤنث (سدرة المنتهى) وبعدين مكتوب تحت اسمي شاعرة ... التاء تاء التأنيث لكن ما الوم سوير يوم انها تزوجت غيرك تستاهل ... تبا لك ... يا راقل انت مع وجهك ... ما ودي اهاوش ابدا |
|
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|