أول مشاركه - شارك معنا بطفولتك الغبية

ابو هديب · 27-11-2006, 08:25

( بسم الله الرحمن الرحيم )

هذي أول مشاركة لي معكم هنا ...

الموضوع هذا دعوة للمشاركة

كل واحد فيكم له طفولة .. ملحوسة .. طفولة رايحة فيها

فيه ناس جابتهم امهم وأول ما شافت وجيهم تبرت منهم tsh7

وفيه ناس لخبطوا فيهم الدكاترة وقطعوا ارقابهم يحسبونها الحبل السري

عشان كذا نبي كل واحد فيكم يكتب لنا عن طفولته

ويعصر مخه ويجيب لنا ذكرياته كاملة

حتى لو يحط مخه في معصرة قصب بس اهم شي يطلع بشي

وانا راح ابدى أول واحد

( قصة الطفولة )

بدت معاناتي في الحياة من أول صرخة أطلقتها يوم طلعت من بطن أمي .. طلعني الدكتور وشالني على يده ومازالت على جسمي المادة اللزجة وهو شايلني زلقت من يده وصفق راسي في حافة السرير الحديد من قوة الصفقة انعفط راسي طلع كنه صلصال على طاولة بزرtsh7 .وياليته انعفط وبس صار مخي بالعرض كنه مكينة كورولا . جلست اصيح والدكتور يناظر فيني وعلامات التعجب على وجهه .. وهو يقول للسستر نادي لي الطاقم الطبي كله عندنا ظاهرة غريبة .. قولي لهم مولود .. نبي نحدد نوعه .

بعد ربع ساعة تجمعوا الطاقم كلهم ولفوا حولي وجلسوا يناظرون فيني كنهم يطلون في بير .. قال الدكتور الأول وش تتوقعون اللي طلع من رحم الحرمة هذي .. قال الثاني وهو يناظر فيني ومستغرب أتوقع انه دوده شريطية كاملة النمو .. قاطعة الدكتور الثالث .. قال لا ما أتوقع أنه دودة .. أتوقع أنه نوع من أنواع سمك نهر الأمازون بس هذا مطور له رجلين ... قال الدكتور الرابع .. أقول فكونا منه حنا صورناه بكاميره فيديو ونقدر نرجع للشريط ونتفاهم على نوعة ..

بس أبوه جالس ينتظر برى على أحر من الجمر ... قال كلامة وهو يلفني في كنبل كان عليه رسمة قطاوة مستقرفه مني ..لفني وعاطاني للسستر وقل وديه لبوه .. شالتني ورحنا لبوي ولقيناه ينتظر برى غرفة العمليات رايح جاي كنه ينتظر باص في السيب من كثر ما يروح ويجي طلع في البلاط خطوط زبيرياته .. وهو يروح ويجي جته السستر وقالت خذ مبروك .. ناظرها ابوي بفرح وقالها ولد وإلا بنت .. قالت السستر والله مافي معلوم ولد ، بنت ، حتى دكتور في جالس فكر إيش هذا ... اخذني وعطاها مية ريال وهو يقول روحي جعله في خشمك هالأفنس كنه وطاية مطبخ .. قال كلامه وجلس يناظر فيني وهو يقول وراهم مغطين وجهك يا بعدهم كلهم ..

وأنا ادعي ربي انه ما يرفع الغطى عن وجهي .. لكن تجري الرياح بما لا تشتهي السفن .. رفع الكنبل .. وأول ما شافني تقلب وجهه طلع كنه حمام قطيفي .. يوم شفت وجهه تغير وكنه استقرف قمت اتدلع واحرك راسي ابيه يحبني وينسى شكلي لكن عطاني تفلة في وجهي من قوتها وكثرها بغيت اغرق .. وقالي نعنبو هالوجه اللي كنه طاسة شفر مصدوم يا حسوفة المية ريال اللي اخذتها الممرضه قال كلامه وقرب وجهه عند وجهي وقالي وش ذى الاشباه مهيب علي ولا على أمك أشباهك كنها اشباه قرود الطايف .. أقول يا حلالات بشي اسمه وادي العيال هالحين كان دفنتك .. وإلا أرميك في منجم تحت الأرض وارمي وراك أصبع ديناميت عشان أخفي أثرك مرة وحدة ... جلست أحرك أصابع رجلي وهو يناظر فيها .. ويقول وش هالأصابع كنها نقانق مطبوخة بزيت فرامل .. المهم ابربيك واخذ فيك اجر .. صراحه ضاق صدري حسيت اني حيوان من كلامه ... وجالس يطبق علي نظام الرأفة بالحيوان .

عشت حياتي في البيت حالي حال أي أبجورة محروقة محد يستفيد منها ... كنت كل ما جا أبوي من العمل اروح عنده بكل برائه الأطفال وأول ما ادخل عليه تجي في وجهي زبيرية مع كم كلمة شينه منها اطلع يا حمار .. اطلع يا الفرزدق يا ذميم الوجه .. فارق يا القبيح .. حتى الغدا فيه تفرقه .. الكلب اللي مربينه عندنا ياكل معهم وأنا آكل أكلي في المطبخ وأنام في بيت الكلب وإذا جيت اركب الونيت يركبني في الصندوق .. ويحاول انه يسرع وياكل مطبات عشان أطيح .. لكن أنا تمسك زين واقهرة .. صح أنه فيه مرة كنت سرحان وكان طاير بالسيارة ومن قوة السرعة أكل مطب وكان قدامنا كبري بندخل تحته .. من قوة المطب طرت من السيارة وصفق وجهي في عرض الكوبري بالتحديد صفق في اللوحه اللي مكتوب فيها أقصى ارتفاع خمسة متر .

تحملت ضغوط الحياة حتى اخوياي اللي يشوفوني ينادوني يا احدب نوتر دام .. وأنا أقول في نفسي الحمد الله أني خليجي وفي زينا شي أسمه شماغ.. امشي واطق لطمة عشان محد يشوف وجهي .. ناقصني حصان واصير فارس بني عبس على هاللطمة .

عشت على جانب الحياة .. حتى جانب الحياة شاتني ضفر وعشت برى جانب الحياة ..

جا يوم وقالي ابوي بنروح للملاهي ، وقالي شف ابيك تركب اخطر لعبة عندهم ابشوفك بتصيح وإلا لا ..ناظرت فيه وقلت في نفسي تلعب على مين يبو قل أبغاك تموت وريحني ... وحنا في الطريق قالي غيرت رايي وش رايك نروح لحديقة الحيوان .. قلبتها في راسي كني أقلب دجاجة على جمر ثمن قلت قدام .. رحنا للحديقة أول ما دخلنا شفت قفص القرود ..وجلست أتفرج عليهم وجاني قرد وقرب عندي وناظر فيني وهو يقول .. يلعن أبو الواسطة للي عندك يا شيخ انت برى وحنا جوى القفص محبوسين ... المهم طنشته ولا كأني سمعته .. يوم جينا بنمشي انا وأبوي ما خلونا السكيورتيه نطلع .. جا مدير حديقة الحيوان لبوي وقاله شف أنا أبكتب لك شيك باللي تبي بس تبيعنا القرد اللي معك وبالمبلغ اللي تبي .. لأن القرد اللي معك نادر وجوده .. ناظرني أبوي وحسيت أنه أبتسم أبتسامه خبيثة .. جيت عنده وقلت للمدير أنا ولده ... قال أبوي .. تبونه خذوه .. ما أمداه يكمل كلامه إلا على طول طبوا علي وحطوني في القفص ... وكان فيه من ظمن السكيرتية واحد اذانية فارشهة كنها مهفات عجز في بيوت الطين

أخذوني غصب وعشت سبع سنوات في حديقة الحيوان جلسوني مع قرده في قفص .. صح انه جانا عيال بعد فترة بس مهوب مني العيال .. كانت القردة تطلع آخر الليل للقفص اللي جمبي .. وتسهر مع القرود وأنا اجلس اكتب مذكراتي وإذا جا آخر الليل تجي وتقولي يا الله رح ارتاح يا حبيبي يا( ابو هديب ) أنت أجهدت نفسك اليوم وبعدين ليش ما تعشيت ... أنا حاطة لك موز قاطفتة بيدي ...أناظر فيها ومن الغلقة أنام بدري .. وإذا جا العصر بدو البزران يجوون وقت الزيارة ومعهم مكسرات ويرجمون من هالحب الرخيص .. حتى فيه بزر أنا حاقد عليه رمى علي قطعة فستق وهو يقول فكها بسنونك وجبها لي .

المهم مرت الأيام وقدمت طلب لإدارة حديقة الحيوان إني أكمل دراستي ... ووافقت عليه وكملت دراستي والقرده تسهر على راحتي .. تقشم لي الحب وتحطه لي في صحن مع مويه من المستنقع اللي جمبنا .. وتفلي راسي وتطلع القمل وهي تقولي شد حيلك وأرفع روس القرود يا ( أبو هديب ) .. أثبت للعالم أن عقولنا وحدة طالعت فيها وأنا أقول لها كم مفصل في إصبع رجلك ... جلست تحك راسها وهي تقول حبيبي لا تخليني أفكر أخاف تتفجر عروق مخي ... البركه فيك ..وبعدين أنا صرفت عيالي وأرسلتهم للقفص الثاني ... قامت تطق على كتفي من ورى .. وهي تغمز .. قلت لها هيه .. انا مانيب حق هالحركات .. قالت وهي مستغربة وش فيك .. عصبت .. حبيت أمزح معك ... قلت لها الله يخليك أبي أذاكر لأن وجهك بصراحه قاطع لا سلكي يمنع الإلهام يجي .. اطلعي روحي مع عيالك أنت وخشمك هالفارش ..

درست في الجامعة بس شرطت إدارة الحديقة أني البس قناع كل ما جيت أروح للمحاضرات .. عشان ما تنحرج الإدارة مع الشرطة ويعاتبونها ليش طالقين حيواناتكم برى الحديقة ... مضيت خمس سنوات وصرت مُحاضر في الجامعة ... بس محاضر بقناع .. وكانوا العيال يتريقون علي .. وينادوني سكريم ، يا وجه المطاط .

تخرجت .. وتحديت العالم كله .. وتغلبت على قبحي .. لأن الإنسان إن فقد شي يعوضه بشي ثاني .. مثل الأعمى لما يفقد البصر يعوضه بالسمع ، والمشلول لما يفقد المشي يعوضه بالذكاء .. والاصم يعوض الصمم بمهارة قراءة الشفايف .. بأختصار الحياة تحدي وإيجاد البديل اللي يعوض النقص .

اتمنى منكم المشاركة ..
والقصة اللي سردتها للفكاهة والضحك مهوب يجيني واحد بكره يقول صدز والا يروح يتربع في المجالس
ويقول تصدقون اعرف عضو معنا ابوه حطه في الحديقة وزادة مبيعات التذاكر هناك

نرجوا منكم المشاركه والموضوع مفتوح كل واحد يصمخ بطفولته

مع تحيات / ابو هديب

احلى سوسو · 27-11-2006, 09:22

^
^
حيا الله أبو هديب ..

أنا بالنسبه لطفولتي كانت غبيه وبريئه ومسيكينه وعلى نياتها تدري ليه لأني عشتها كما هي من غير تصنع ولا رتوش ولا هم يحزنون !

يعني كنا نسوي حركات خطيره مثلاً نطلع السطح فوق ونطلع فوق الخزان قالك بنشوف الرياض ! ـ أفلام كرتون جابت فينا العيد ـ
وش أقول وش أخلي ..

إقتباس:

والقصة اللي سردتها للفكاهة والضحك مهوب يجيني واحد بكره يقول صدز والا يروح يتربع في المجالس
ويقول تصدقون اعرف عضو معنا ابوه حطه في الحديقة وزادة مبيعات التذاكر هناك

^
^
أشوى انك نوهت ولا كنت بكره بنزل موضوع في القهوه بكتب فيه ترى أبو هديب أبوه حطه في الحديقه وزادت مبيعات التذاكر خخخخخخخخخخخخخ..

أبو هديب ..الله يعطيك العافيه ..

عبدالرحمن اليحيى · 27-11-2006, 11:44

ارحب تراحيب المطر

انت بين اخوانك في شعبيات المحبة

دمت بخير

الجازي · 27-11-2006, 14:30

ابو هديب

يالله انك تحييه

نورت شعبيات <= مالقت صورة نور

مرور للسلام على واحد من كبار العيارين في الاقلاع

ولي عودة للمشاركة

ذيبان · 27-11-2006, 15:21

ياحيا الله الغالي ابو هديب

تشرفت شعبيات بوجودك

راجع لك لاعدمتك

نجـود · 27-11-2006, 16:26

للأمانه يابو هديب
قريت تعليقك على موضوع آدم .. وحواء ..هههههههههههههههههههه
وخشيت مزاجي ..قمت ادور ردودك

ههههههههههههههههههههههههه أما طفولتك مثيره
دايمن العباقره يعانون بحياته قبل تفجر عبقريتهم tsh7

منور شعبيااااااااااااااااااااااات
ومية هلا بالعيارين

نورة العجمي · 30-11-2006, 00:22

إقتباس:

فيه ناس جابتهم امهم وأول ما شافت وجيهم تبرت منهمtsh7

إقتباس:

قال الثاني وهو يناظر فيني ومستغرب أتوقع انه دوده شريطية كاملة النمو

مرور على السريع ولي عودة لهذا الراس اللي يوم انصفق انعفط راسه و طلع كنه صلصال على طاولة بزر

يارب هاليدين الي كتبت ماتمسها النار

رائع الموضوع وبارجع الله لايعوق يشر

حسن آل مسفر · 30-11-2006, 18:07

اررررررررررررررحب يابو هديب

لي عودة ياصديقي العزيز في الاقلاع وهنا

عنود · 01-12-2006, 00:23

إقتباس:

عشت حياتي في البيت حالي حال أي أبجورة محروقة محد يستفيد منها ... كنت كل ما جا أبوي من العمل اروح عنده بكل برائه الأطفال وأول ما ادخل عليه تجي في وجهي زبيرية مع كم كلمة شينه منها اطلع يا حمار .. اطلع يا الفرزدق يا ذميم الوجه .. فارق يا القبيح .. حتى الغدا فيه تفرقه .. الكلب اللي مربينه عندنا ياكل معهم وأنا آكل أكلي في المطبخ وأنام في بيت الكلب وإذا جيت اركب الونيت يركبني في الصندوق .. ويحاول انه يسرع وياكل مطبات عشان أطيح .. لكن أنا تمسك زين واقهرة .. صح أنه فيه مرة كنت سرحان وكان طاير بالسيارة ومن قوة السرعة أكل مطب وكان قدامنا كبري بندخل تحته .. من قوة المطب طرت من السيارة وصفق وجهي في عرض الكوبري بالتحديد صفق في اللوحه اللي مكتوب فيها أقصى ارتفاع خمسة متر .

تحملت ضغوط الحياة حتى اخوياي اللي يشوفوني ينادوني يا احدب نوتر دام .. وأنا أقول في نفسي الحمد الله أني خليجي وفي زينا شي أسمه شماغ.. امشي واطق لطمة عشان محد يشوف وجهي .. ناقصني حصان واصير فارس بني عبس على هاللطمة .

ابو هديب
قصه جنااااااااااااااااااااااااااااااااااااااااااان
انكتم نفسي من الضحك

مشروع روائي نصاب

تصلح تكتب معاريض للطرارين والله نصدقهم ونرحمهم

على فكره انا مشرفه على محل القصص تعال ألف على كيفك تصير اطلق كاتب

يسلمووووووووووووووووو على هيك موضوع

وكثر من الجيات انورت الاستراحه فيك بابوهديب

ابو هديب · 02-12-2006, 12:24

أحلى سوسو

حي الله الزميلة وش اخبارتس ما تبين شبس << جالس ياكل شبص بمعجون طماطم السعودية (( صورة اعضاء يقولون والله من زين الكبد ))

إقتباس:

حيا الله أبو هديب ..

الله يحييك وربي يخليك ويعافيك
احلى سوسو مدري ليش احس بكتمه هل هو من خلفية المنتدى قاتمه والا من شكمان السياره اللي يدخل علي الكربون
مع فتحات المكيف ..

إقتباس:

أنا بالنسبه لطفولتي كانت غبيه وبريئه ومسيكينه وعلى نياتها

احلى سوسو هذولي اسامي اخوتك شكلكم تنامون في غرفة وحده مثلنا ...

على طاري النوم في غرفة وحده مدري متى يفهم أبوي أنه صار لازم لكل شخص خصوصياته
بجد عشان الواحد يغير ملابسه يضطر يطرد اخوانه من الغرفة حتى اللي نايمين يصيحهم عشان يقدر يلبس
وهذا كله كوم ووقت تقويم الصلاة كوم ثاني نايمين جنب بعض كأن حنا في مستشفى
حتى التهوية مهوب كويسة << ينامون في زنزانه ..

إقتباس:

يعني كنا نسوي حركات خطيره مثلاً نطلع السطح فوق ونطلع فوق الخزان قالك بنشوف الرياض

انا احسبكم تشتغلون مع الصفرات لتنظيف الخزانات (( طراه انك جبتي سيرة الخزان في الرد ))

إقتباس:

أشوى انك نوهت ولا كنت بكره بنزل موضوع في القهوه بكتب فيه ترى أبو هديب أبوه حطه في الحديقه وزادت مبيعات التذاكر

هههههههههههههههههههههههههههههههههههههههههههههههههه ههههه
ههههههههههههههههههههههههههههههههههههههههههههه

كنك تشوفين

مشكورة

والله على الرد

عنود · 07-12-2006, 10:32

ابو هديب

ويتك

حبيت اصبح عليك

طرش بحر · 08-12-2006, 11:13

الله ان تحيي ابو هديب << بس تكفى بدون عيال اختك هالمفسدين

خالي ابو هديب ابغى البقاله << هذا الي بيعل بتسبدك صدز

منور يابو هديب انت وهالموضوع ولو ان ريحة زوليتك مخوره من كبكبة حليب بزارين خواتك بس مايخالف وانا اخوك انا ادري انك ممتر ومفقوعه مرارتك من هالوغادين ذر خواتك

إقتباس:

(( قم يا حمااار - تعال يا السبهه - ورى ما نمت يا الثور وراك مدرسة بكره ))

ماشاء الله اثركم مثلنا يا آل ابو هديب

إقتباس:

الوالد : طلع مستواك الشهري (( تقريرك _ للناطقين باللغة العربية )) << يسألنا دائما حتى في الإجازة الصيفيه ..و كنا نظن انه يهتم فينا لكن اكتشفنا مع الوقت أنه روتين

الله يرحمك ياوبيي اذكر اول ماطبقو المدارس التقارير الشهريه على الكمبيوتر وجبت له تقرير وقلت له خذ يُيه وهو الي يستعدل لي بذاك الكف ويقولي جايب لي فاتورة الماء يالهيس تبي تلعب علي
( ترى ابوي مهوب امي )

إقتباس:

(( صورة مع التحيه للي عندهم اخوات ))

وليته يثمر فيها عاد
باتسر تعرس وتجحدك << ينقطع مصروف البنزين

إقتباس:

يوم خلصت قلت بغضب يلعن أبوكم لعد تجون الأربعاء والخميس خلونا نرتاح منكم من يوم تجون نحس ان حنا في حالة حرب إلا ابوي وراي يقول من أبوهم يا الثور ... قلت بسرعه أبوان عيال أختي ، مهوب أنت
إلا بنت اختي الصغيرة جالسه و معها عروسه تقولي بدلع خااالي لا تلعن ترى اللعنه ترجع لأبوك
وأنا أقول في نفسي شف هالبصوة ما تتكلم أبد ما حبكت تقول حكمتها إلا يوم صرفت أبوي

لو صاير لي هالموقف يمكن تجيني جلطه , انصرع , اي شي مهوب زين توقعه فيني ذاك الوقت

إقتباس:

اسأله لعامة الشعب << وش عنده جمال عبد الناصر

دحنا خدامين القِزم ياباشا

إقتباس:

_ بالله وش ردة فعلك إذا ضربتهم وجت أختك قالت عيالي عيال حر ما ينضربون (( أبوهم ما ضربهم تجي تضربهم أنت ))

قلها عيال حر في بيتهم الله يلعنتس انتي واياهم << قفلت معه العبد

إقتباس:

البنات ليش انتم كذا بثرات قبل ما تعرسون وبعد ما تعرسون وخصوصا اللي تجي زياره لبيت أهلها وإذا جاء اخر الليل تجي عند أخوها وتقوله توديني لبيتي بدون ما تناظر حالة اخوها الرثة عيونه مسكره من النوم

لا ولين قلت لها ين رجلتس قالت مع اخوياه في استراحه << هالكلام طبعاً ايام الدلع لكن بعد ملعنة الجد تجيك تقولك قم ودني وانا اختك لان ملعون الوالدين مقفل جواله

إقتباس:

البنات هل تعانون من ردة فعل أخوانكم وخصوصا العصبي اللي مسوي نفسه رجال كل شوي ناط عليكم في الغرفة صلحوا شاهي بيجيني رجال (( امحق رجال )) << فتحنا باب عليكم يا الشباب معليش

كولوه بأقروه ياسبع البرومبه
انا من شفت ذيك الطوفريه الي مليانه فستق وبسكوت وانا داري انها مهيب لحيتك يابو هديب << جحود هالعبد

شف ان بغيت الجد والله ياعيال الخوات انهم غثى صدز
من بداية نساتها وحملها وهي تشق بكم خصوصاً لاصارت امك الله يحفظها مدلعتها
ثمن عاد تجيك فترة النفاس لا تنفست عندكم ولاعاد تدري وش تشم في هالبيت هي ريحة حلبه وإلا سنوت وإلا حلتيته
يعني من هالريحه تسنك انت الي والد << هرموناتي مضطربه

ثمن عاد تجيك مرحلة البتسا الله لا يعيد العدو , ثمن مرحلة الصخاين لين بدت تطلع ضروسه جعلها المدق
ثمن لابد يحبي البز وتبدا معه شغلة المطارد فرده وحده وانتبه لا يروح للدرج ومن هالحتسي
ولين بدا يمشي عاد هذي مرحله ملعونة والدين قسم بالله ينبت في راسك نخل من هالبزران

والقهر لا كبر شوي وصار يطول البيبان الله يغربل شياطينهم
تخيل طالع من الدوام وتافل العافيه ثمن مايميدك تمسك طرف القيلوله إلا هالبزر فاتح باب غرفتك ومنحاش بس يبيك تلحقه ثمن حلها عاد لا طار النوم منك << آآآه ياني

ابوهديب
لاهنت ياخالي ولو انك ماوديتني البقاله بس مايخالف

لاهنت ويعطيك الفين عافيه

حسن آل مسفر · 08-12-2006, 15:47

^
^
^
^
رد هالمنسم اللي فوق سدحني من زود الضحك ويقال له مسوي رسمي هو وخشته

وين ردود ام الهكي اللي نخبرها يالشين

ابو هديب هذاني رجعت

<<<<<< والله من زين العودة

متعب الخامسي · 18-12-2006, 04:05

ابو هديب ارحب تراحيب المطر من هنا الى قطر

بصراحه موضوعك يزرع البسمه على الشفاه
كعبير النسمه وجدناه وياوجدي حالي وجداه << واحد شاطح يبيك تعرف انه شاعر

لي عودة للموضوع والمشاركه

الموضوع جايزلي هو وراعيه << حركات حمد السعيد

(صورة واحد يرحب ورافع ايده على مستوى صدره وجامع اصابعه مع بعض كنه ماسك بهم مصقال ويقول
راجع لك مع ابتسامه من وجهن مشرق << فلم مهيب صورة ))

يعطيك العافيه ومرحبا بك ميلون

يزيد بن غشيّان · 25-12-2006, 16:25

إقتباس:

الرسالة الأصلية كتبت بواسطة متعب الخامسي

بصراحه موضوعك يزرع البسمه على الشفاه
كعبير النسمه وجدناه وياوجدي حالي وجداه << واحد شاطح يبيك تعرف انه شاعر

هههههههههههههههههههههههههههههههههههههههه
يا ناس هالادمي اربطوه دايم يفشلنا مع الضيوف

ابو هديب يالله حيه نورتنا يا هلا و مسهلا

انا ودي ارد من زمان بس اشوفك معطي الردود اشكل و شكلك كاشت في شعيب وبتتاخر

لن اعود لين اتاكد انك حين ترزق وترد على الناس الواجد اللي في موضوعك

27-11-2006, 08:25	#1
ابو هديب من كبار العيارين	أول مشاركه - شارك معنا بطفولتك الغبية ( بسم الله الرحمن الرحيم ) هذي أول مشاركة لي معكم هنا ... الموضوع هذا دعوة للمشاركة كل واحد فيكم له طفولة .. ملحوسة .. طفولة رايحة فيها فيه ناس جابتهم امهم وأول ما شافت وجيهم تبرت منهم tsh7 وفيه ناس لخبطوا فيهم الدكاترة وقطعوا ارقابهم يحسبونها الحبل السري عشان كذا نبي كل واحد فيكم يكتب لنا عن طفولته ويعصر مخه ويجيب لنا ذكرياته كاملة حتى لو يحط مخه في معصرة قصب بس اهم شي يطلع بشي وانا راح ابدى أول واحد ( قصة الطفولة ) بدت معاناتي في الحياة من أول صرخة أطلقتها يوم طلعت من بطن أمي .. طلعني الدكتور وشالني على يده ومازالت على جسمي المادة اللزجة وهو شايلني زلقت من يده وصفق راسي في حافة السرير الحديد من قوة الصفقة انعفط راسي طلع كنه صلصال على طاولة بزرtsh7 .وياليته انعفط وبس صار مخي بالعرض كنه مكينة كورولا . جلست اصيح والدكتور يناظر فيني وعلامات التعجب على وجهه .. وهو يقول للسستر نادي لي الطاقم الطبي كله عندنا ظاهرة غريبة .. قولي لهم مولود .. نبي نحدد نوعه . بعد ربع ساعة تجمعوا الطاقم كلهم ولفوا حولي وجلسوا يناظرون فيني كنهم يطلون في بير .. قال الدكتور الأول وش تتوقعون اللي طلع من رحم الحرمة هذي .. قال الثاني وهو يناظر فيني ومستغرب أتوقع انه دوده شريطية كاملة النمو .. قاطعة الدكتور الثالث .. قال لا ما أتوقع أنه دودة .. أتوقع أنه نوع من أنواع سمك نهر الأمازون بس هذا مطور له رجلين ... قال الدكتور الرابع .. أقول فكونا منه حنا صورناه بكاميره فيديو ونقدر نرجع للشريط ونتفاهم على نوعة .. بس أبوه جالس ينتظر برى على أحر من الجمر ... قال كلامة وهو يلفني في كنبل كان عليه رسمة قطاوة مستقرفه مني ..لفني وعاطاني للسستر وقل وديه لبوه .. شالتني ورحنا لبوي ولقيناه ينتظر برى غرفة العمليات رايح جاي كنه ينتظر باص في السيب من كثر ما يروح ويجي طلع في البلاط خطوط زبيرياته .. وهو يروح ويجي جته السستر وقالت خذ مبروك .. ناظرها ابوي بفرح وقالها ولد وإلا بنت .. قالت السستر والله مافي معلوم ولد ، بنت ، حتى دكتور في جالس فكر إيش هذا ... اخذني وعطاها مية ريال وهو يقول روحي جعله في خشمك هالأفنس كنه وطاية مطبخ .. قال كلامه وجلس يناظر فيني وهو يقول وراهم مغطين وجهك يا بعدهم كلهم .. وأنا ادعي ربي انه ما يرفع الغطى عن وجهي .. لكن تجري الرياح بما لا تشتهي السفن .. رفع الكنبل .. وأول ما شافني تقلب وجهه طلع كنه حمام قطيفي .. يوم شفت وجهه تغير وكنه استقرف قمت اتدلع واحرك راسي ابيه يحبني وينسى شكلي لكن عطاني تفلة في وجهي من قوتها وكثرها بغيت اغرق .. وقالي نعنبو هالوجه اللي كنه طاسة شفر مصدوم يا حسوفة المية ريال اللي اخذتها الممرضه قال كلامه وقرب وجهه عند وجهي وقالي وش ذى الاشباه مهيب علي ولا على أمك أشباهك كنها اشباه قرود الطايف .. أقول يا حلالات بشي اسمه وادي العيال هالحين كان دفنتك .. وإلا أرميك في منجم تحت الأرض وارمي وراك أصبع ديناميت عشان أخفي أثرك مرة وحدة ... جلست أحرك أصابع رجلي وهو يناظر فيها .. ويقول وش هالأصابع كنها نقانق مطبوخة بزيت فرامل .. المهم ابربيك واخذ فيك اجر .. صراحه ضاق صدري حسيت اني حيوان من كلامه ... وجالس يطبق علي نظام الرأفة بالحيوان . عشت حياتي في البيت حالي حال أي أبجورة محروقة محد يستفيد منها ... كنت كل ما جا أبوي من العمل اروح عنده بكل برائه الأطفال وأول ما ادخل عليه تجي في وجهي زبيرية مع كم كلمة شينه منها اطلع يا حمار .. اطلع يا الفرزدق يا ذميم الوجه .. فارق يا القبيح .. حتى الغدا فيه تفرقه .. الكلب اللي مربينه عندنا ياكل معهم وأنا آكل أكلي في المطبخ وأنام في بيت الكلب وإذا جيت اركب الونيت يركبني في الصندوق .. ويحاول انه يسرع وياكل مطبات عشان أطيح .. لكن أنا تمسك زين واقهرة .. صح أنه فيه مرة كنت سرحان وكان طاير بالسيارة ومن قوة السرعة أكل مطب وكان قدامنا كبري بندخل تحته .. من قوة المطب طرت من السيارة وصفق وجهي في عرض الكوبري بالتحديد صفق في اللوحه اللي مكتوب فيها أقصى ارتفاع خمسة متر . تحملت ضغوط الحياة حتى اخوياي اللي يشوفوني ينادوني يا احدب نوتر دام .. وأنا أقول في نفسي الحمد الله أني خليجي وفي زينا شي أسمه شماغ.. امشي واطق لطمة عشان محد يشوف وجهي .. ناقصني حصان واصير فارس بني عبس على هاللطمة . عشت على جانب الحياة .. حتى جانب الحياة شاتني ضفر وعشت برى جانب الحياة .. جا يوم وقالي ابوي بنروح للملاهي ، وقالي شف ابيك تركب اخطر لعبة عندهم ابشوفك بتصيح وإلا لا ..ناظرت فيه وقلت في نفسي تلعب على مين يبو قل أبغاك تموت وريحني ... وحنا في الطريق قالي غيرت رايي وش رايك نروح لحديقة الحيوان .. قلبتها في راسي كني أقلب دجاجة على جمر ثمن قلت قدام .. رحنا للحديقة أول ما دخلنا شفت قفص القرود ..وجلست أتفرج عليهم وجاني قرد وقرب عندي وناظر فيني وهو يقول .. يلعن أبو الواسطة للي عندك يا شيخ انت برى وحنا جوى القفص محبوسين ... المهم طنشته ولا كأني سمعته .. يوم جينا بنمشي انا وأبوي ما خلونا السكيورتيه نطلع .. جا مدير حديقة الحيوان لبوي وقاله شف أنا أبكتب لك شيك باللي تبي بس تبيعنا القرد اللي معك وبالمبلغ اللي تبي .. لأن القرد اللي معك نادر وجوده .. ناظرني أبوي وحسيت أنه أبتسم أبتسامه خبيثة .. جيت عنده وقلت للمدير أنا ولده ... قال أبوي .. تبونه خذوه .. ما أمداه يكمل كلامه إلا على طول طبوا علي وحطوني في القفص ... وكان فيه من ظمن السكيرتية واحد اذانية فارشهة كنها مهفات عجز في بيوت الطين أخذوني غصب وعشت سبع سنوات في حديقة الحيوان جلسوني مع قرده في قفص .. صح انه جانا عيال بعد فترة بس مهوب مني العيال .. كانت القردة تطلع آخر الليل للقفص اللي جمبي .. وتسهر مع القرود وأنا اجلس اكتب مذكراتي وإذا جا آخر الليل تجي وتقولي يا الله رح ارتاح يا حبيبي يا( ابو هديب ) أنت أجهدت نفسك اليوم وبعدين ليش ما تعشيت ... أنا حاطة لك موز قاطفتة بيدي ...أناظر فيها ومن الغلقة أنام بدري .. وإذا جا العصر بدو البزران يجوون وقت الزيارة ومعهم مكسرات ويرجمون من هالحب الرخيص .. حتى فيه بزر أنا حاقد عليه رمى علي قطعة فستق وهو يقول فكها بسنونك وجبها لي . المهم مرت الأيام وقدمت طلب لإدارة حديقة الحيوان إني أكمل دراستي ... ووافقت عليه وكملت دراستي والقرده تسهر على راحتي .. تقشم لي الحب وتحطه لي في صحن مع مويه من المستنقع اللي جمبنا .. وتفلي راسي وتطلع القمل وهي تقولي شد حيلك وأرفع روس القرود يا ( أبو هديب ) .. أثبت للعالم أن عقولنا وحدة طالعت فيها وأنا أقول لها كم مفصل في إصبع رجلك ... جلست تحك راسها وهي تقول حبيبي لا تخليني أفكر أخاف تتفجر عروق مخي ... البركه فيك ..وبعدين أنا صرفت عيالي وأرسلتهم للقفص الثاني ... قامت تطق على كتفي من ورى .. وهي تغمز .. قلت لها هيه .. انا مانيب حق هالحركات .. قالت وهي مستغربة وش فيك .. عصبت .. حبيت أمزح معك ... قلت لها الله يخليك أبي أذاكر لأن وجهك بصراحه قاطع لا سلكي يمنع الإلهام يجي .. اطلعي روحي مع عيالك أنت وخشمك هالفارش .. درست في الجامعة بس شرطت إدارة الحديقة أني البس قناع كل ما جيت أروح للمحاضرات .. عشان ما تنحرج الإدارة مع الشرطة ويعاتبونها ليش طالقين حيواناتكم برى الحديقة ... مضيت خمس سنوات وصرت مُحاضر في الجامعة ... بس محاضر بقناع .. وكانوا العيال يتريقون علي .. وينادوني سكريم ، يا وجه المطاط . تخرجت .. وتحديت العالم كله .. وتغلبت على قبحي .. لأن الإنسان إن فقد شي يعوضه بشي ثاني .. مثل الأعمى لما يفقد البصر يعوضه بالسمع ، والمشلول لما يفقد المشي يعوضه بالذكاء .. والاصم يعوض الصمم بمهارة قراءة الشفايف .. بأختصار الحياة تحدي وإيجاد البديل اللي يعوض النقص . اتمنى منكم المشاركة .. والقصة اللي سردتها للفكاهة والضحك مهوب يجيني واحد بكره يقول صدز والا يروح يتربع في المجالس ويقول تصدقون اعرف عضو معنا ابوه حطه في الحديقة وزادة مبيعات التذاكر هناك نرجوا منكم المشاركه والموضوع مفتوح كل واحد يصمخ بطفولته مع تحيات / ابو هديب

27-11-2006, 11:44	#3
عبدالرحمن اليحيى ..	رد : أول مشاركه - شارك معنا بطفولتك الغبية ارحب تراحيب المطر انت بين اخوانك في شعبيات المحبة دمت بخير التوقيع: اللهم ارحم عبدك عبدالعزيز بن محمد الصغير و عبدك عبدالرحمن صالح البطي اللهم اغسلهم بالماء والثلج والبرد ونقهم من الذنوب والخطايا كما ينقى الثوب الابيض من الدنس

27-11-2006, 15:21	#5
ذيبان المشرف العام	رد : أول مشاركه - شارك معنا بطفولتك الغبية ياحيا الله الغالي ابو هديب تشرفت شعبيات بوجودك راجع لك لاعدمتك

27-11-2006, 16:26	#6
نجـود الطــربة	رد : أول مشاركه - شارك معنا بطفولتك الغبية للأمانه يابو هديب قريت تعليقك على موضوع آدم .. وحواء ..هههههههههههههههههههه وخشيت مزاجي ..قمت ادور ردودك ههههههههههههههههههههههههه أما طفولتك مثيره دايمن العباقره يعانون بحياته قبل تفجر عبقريتهم tsh7 منور شعبيااااااااااااااااااااااات ومية هلا بالعيارين

30-11-2006, 18:07	#8
حسن آل مسفر مشرف	رد : أول مشاركه - شارك معنا بطفولتك الغبية اررررررررررررررحب يابو هديب لي عودة ياصديقي العزيز في الاقلاع وهنا التوقيع: ياما بدنياك تلقى لك رفيق وحبيب= =وياما بتلقى عداوه كم تجاهلتها الناس ترميك بالشينه لو انك اديب= =وتقول عّنك علوم اكيد ما قلتها حتى لو انك بحر وتفيض خير وطيب= =تلحق شواطيك سبتهم ولا احتلتها عجيب حال البعض والله حاله عجيب= =تفرح لا نزلتها وتضيق لا شلتها حسن آل مسفر

27-11-2006, 14:30	#4
الجازي	رد : أول مشاركه - شارك معنا بطفولتك الغبية ابو هديب يالله انك تحييه نورت شعبيات <= مالقت صورة نور مرور للسلام على واحد من كبار العيارين في الاقلاع ولي عودة للمشاركة التوقيع: صدر حديثا ل الجميلة المبدعة نوف محمد الثنيان الشاعرة والقاصة http://eqla3.net/book/hakaya.html

07-12-2006, 10:32	#11
عنود بقـايا حُلـم	رد : أول مشاركه - شارك معنا بطفولتك الغبية ابو هديب ويتك حبيت اصبح عليك التوقيع: عن أبي هريرة ( ما من صدقة أحب إلى اللَّه من قول الحق ) أخرجه البيهقي وإليه يشير قوله تعالى يَأَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنْفُسِكُمْ أَوِ الْوَالِدَيْنِ وَالأَقْرَبِينَ سورة النساء آية 135 .

08-12-2006, 15:47	#13
حسن آل مسفر مشرف	رد : أول مشاركه - شارك معنا بطفولتك الغبية ^ ^ ^ ^ رد هالمنسم اللي فوق سدحني من زود الضحك ويقال له مسوي رسمي هو وخشته وين ردود ام الهكي اللي نخبرها يالشين ابو هديب هذاني رجعت <<<<<< والله من زين العودة التوقيع: ياما بدنياك تلقى لك رفيق وحبيب= =وياما بتلقى عداوه كم تجاهلتها الناس ترميك بالشينه لو انك اديب= =وتقول عّنك علوم اكيد ما قلتها حتى لو انك بحر وتفيض خير وطيب= =تلحق شواطيك سبتهم ولا احتلتها عجيب حال البعض والله حاله عجيب= =تفرح لا نزلتها وتضيق لا شلتها حسن آل مسفر

18-12-2006, 04:05	#14
متعب الخامسي شــاعــر	رد : أول مشاركه - شارك معنا بطفولتك الغبية ابو هديب ارحب تراحيب المطر من هنا الى قطر بصراحه موضوعك يزرع البسمه على الشفاه كعبير النسمه وجدناه وياوجدي حالي وجداه << واحد شاطح يبيك تعرف انه شاعر لي عودة للموضوع والمشاركه الموضوع جايزلي هو وراعيه << حركات حمد السعيد (صورة واحد يرحب ورافع ايده على مستوى صدره وجامع اصابعه مع بعض كنه ماسك بهم مصقال ويقول راجع لك مع ابتسامه من وجهن مشرق << فلم مهيب صورة )) يعطيك العافيه ومرحبا بك ميلون

عدد المتواجدون في هذا الموضوع » 1 , عدد الأعضاء » 0 , عدد الزوار » 1