20-09-2006, 12:23
|
#1 |
|
شـــاعـر
|
مصافحه أولى (الصديق الحقيقي)
في البدايه أصبح/أمسي عليكم بالخير وأحب أن أهنئكم جميعا بحلول شهر الصيام شهر رمضان المبارك وكل عام وأنتم بخير. ومن ثم أحب أشكر جميع القائمين على منتدى شعبيات وأخص بالذكر طيب الذكر فهد اليامي على هذه الدعوه الكريمه والذي أعتبرها دعوة كريم لكريم وأتمنى أن أستفيد من مشاركتي بقدر ما افيد وأن أكون عند حسن ظن الجميع ولا أخفيكم مدى سعادتي بالإنضمام إليكم.. كلنا نعلم بأن الصديق الحقيقي في هذا الزمن اصبح اشبه بالسراب يطهر تارة ويختفي تارة .. وعندما أتذكر كلمة صداقه أتذكر ذلك المثل السائر (قل لي من تعاشر أقول لك من أنت) ولكن صدقوني إن شئتم وإن شئتم ان لا تصدقوني فالصداقة من أثمن العلاقات وأعمقها، بل هي حلقة الوصل في جميع علاقاتنا مع من حولنا. نتمنى لكم صداقه ممتعه مع من تحبون!! متواضعه بمثابة المصافحه الأولى والحصريه لمنتدى شعبيات.. أتمنى أن تنال الرضا والقبول لديكم
ياللي تنشُدني عن أهل الطلاقه=الرجل معدن والذهب له بريقي الوقت علمني أصول الصداقه=وأحترت في معنى الصديق الحقيقي عرفت أكثر من صديق ورفاقه=ومشيت في الدنيا وأنا في طريقي لقيت في دنياي طول العلاقه=تبحث خفى الرجال في وقت ضيقي وإن الحكي لي صار مجمل سياقه=خارج حدود الصدق ماهو يليقي وإن معضلات الوقت هي والشفاقه=فيها صديقي يختلف عن رفيقي ذاك الصديق اللي إذا غبت شاقه=شوفي وخلا القلب لجلي يضيقي وإن زادت الغيبه يزيد إشتياقه=شوق النحل لا أشتاق جمع الرحيقي وإن غاب عن عيني يجيني فراقه=على وريد القلب مثل الحريقي اللي يصارحني ويترك نفاقه=يخلص معي ويحسس إنه شقيقي إن جيت له في حزة الضيق ضاقه=ماضاقني وأصبح عليا شفيقي ما راح من قول(ن) يوثق وثاقه=معنى الصديق اللي تريده عشيقي ولا صديقي ذا الزمن فيه عاقه=يضحك ولا همه هموم(ن) تعيقي الكذب عنده صار حلو(ن) مذاقه=ونفسه غدت للصدق ما هي تطيقي مدري وش اللي صار غير نطاقه=ما عاد أنا أذكره الصديق العتيقي قبل أمس شفته في محل الأناقه=جيته وأنا قصدي بشوفه صديقي صديقي اللي حكم الأقدار ساقه=إني أشوفه دون عهد(ن) وثيقي ماعاد حاكاني ولا زاد راقه=مني سواليف الكلام الرقيقي والعله إن سولفت له بالرواقه=يصبح كلامي كنه مر المذيقي هذاك ياما له تحملت طاقه=و عنيت حالي لجله وجف ريقي الله حسيبه كيف ينسى اتفاقه=وينسى المواقف في الزمان العريقي جًرح فؤادي جرح موس الحلاقه=اللي جرح والدم ينزف دفيقي دنيا بها طيب البشر والحماقه=أنواع وأشكال(ن) وشين وأنيقي تعيش.. لكن ياوجيه الرفاقه=صعبه تلاقي لك صديق(ن) حقيقي تلقى الصديق اللي يجيد اللباقه=أصيل وأصله مثل فص العقيقي وتلقى الصديق اللي يهدم الصداقه=وقعه على نفسه خراب(ن) عميقي وسلامتكم جميع اخر تعديل كان بواسطة » محمد بن حليلان في يوم » 20-09-2006 عند الساعة » 12:54. |
|
|
|
20-09-2006, 13:25
|
#2 |
|
الضغط العالي
|
رد : مصافحه أولى (الصديق الحقيقي)
تلقى الصديق اللي يجيد اللباقهأصيل وأصله مثل فص العقيقي وتلقى الصديق اللي يهدم الصداقهوقعه على نفسه خراب(ن) عميقي تلقى الصديق اللي يجيد اللباقهأصيل وأصله مثل فص العقيقي وتلقى الصديق اللي يهدم الصداقهوقعه على نفسه خراب(ن) عميقي الله الله الله الله الله واكبر بيتين قمه يامحمد وانت والله صادق الصداقه غاليه صح لسانك ويشرفني ان اكون اول واحد يرد عليك تقبل خالص تقديري واحترامي |
|
|
|
|
20-09-2006, 13:35
|
#3 |
|
موقوف
|
رد : مصافحه أولى (الصديق الحقيقي)
ابن حليلان محمد ارحب وصح لسانك جزاله لايختلف عليها اثنان تقبل تحياتي يالقرم |
|
|
|
|
20-09-2006, 13:44
|
#4 |
|
شاعر
|
رد : مصافحه أولى (الصديق الحقيقي)
محمد بن حليلان صح لسانك قصيده جزله تدل على شاعرجزل بأنتظار المزيد من فيض شعرك تقبل تحياتي وأعجابي |
|
|
|
|
20-09-2006, 14:10
|
#5 |
|
شـــاعرة
|
رد : مصافحه أولى (الصديق الحقيقي)
تعيش.. لكن ياوجيه الرفاقه صعبه تلاقي لك صديق(ن) حقيقي تلقى الصديق اللي يجيد اللباقه أصيل وأصله مثل فص العقيقي صح لسانك وفكرك شاعر رائع نهنى انفسنا بانضمامه بل نحن لن نخفيك يامحمد سعادتنا بوجودك بيننا ولن يستطيع الشكر ان يوفي اليامي فهد حقه الف شكر والف تحية على هذا الشعر والشاعر |
|
|
|
|
20-09-2006, 16:12
|
#6 |
|
شـــاعــر
|
رد : مصافحه أولى (الصديق الحقيقي)
الوقت علمني أصول الصداقه00وأحترت في معنى الصديق الحقيقي.. هذا مربط الفرس معنى الصديق الحقيقي....لله درك ياجزل وصح لسانك...ولاهان فهد على دعوتك وانت كريم واستجبت لها وحن نرحب بك معنا |
|
|
|
|
20-09-2006, 16:14
|
#7 |
|
موقوف
|
رد : مصافحه أولى (الصديق الحقيقي)
تلقى الصديق اللي يجيد اللباقه=أصيل وأصله مثل فص العقيقي وتلقى الصديق اللي يهدم الصداقه=وقعه على نفسه خراب(ن) عميقي الشــاعر المتميز/محمد بن حليلان الصــادق الصريح(كاش ماعنده) الصدوق لي كــل الشـرف وجلال الله لي كل الشـرف اني اقرأ قصيده منمثيلاتها تنعد على الاصابع يعني عشرة اصابع ولايزيدن ولاينقصن تحيــاتي لك تحيه بقدر هيبتك وكلمتك وصدقتك وصراحتك بالنظم وش احلـى من اننا نرجع للشعــر الحقيقي صحيح الشعر الحقيقي الحقيقي لاغير صح السانك ولا ادري توفي كلمت الصداقه بس من قصيدتك خلك قنوع وارضى فيها لأني فعلاً ماني لاقي شي اعبر فيه عن سعادتي في قرائتي لأبداعك الي قرأته هنا صح السانك وتقبل خالص تحياتي اخوك الصغير محمد الشمري |
|
|
|
|
21-09-2006, 04:53
|
#8 |
|
رد : مصافحه أولى (الصديق الحقيقي)
تلقى الصديق اللي يجيد اللباقه أصيل وأصله مثل فص العقيقي وتلقى الصديق اللي يهدم الصداقه وقعه على نفسه خراب(ن) عميقي  أهلاً بالسحاب وما حمل .. محمد بن حليلان .. شاعر رائع جداً جدير بمتابعة جديده .. تحية لـ هذا الشعر .. وأنقى تحية للشاعر .. |
|
|
|
|
21-09-2006, 09:00
|
#9 |
|
مصمم متمـيز
|
تعيش.. لكن ياوجيه الرفاقه صعبه تلاقي لك صديق(ن) حقيقي هذا لاقالوا .. بيت عن ألف قصيدك ..! صح لسانك يا محمد وبـ انتظار رائعه جديدهـ  |
|
|
|
|
22-09-2006, 19:30
|
#10 |
|
المشرف العام
|
رد : مصافحه أولى (الصديق الحقيقي)
تعيش.. لكن ياوجيه الرفاقه صعبه تلاقي لك صديق(ن) حقيقي الله الله صح لسانك وسلم بنانك لله درك في كل بيت حكمة تقبل ترحيب واعجاب اخوك |
|
|
|
|
22-09-2006, 21:25
|
#11 |
|
شـــاعـر
|
رد : مصافحه أولى (الصديق الحقيقي)
صح بدنك يابو عبدالله مرورك بحد ذاته شرف كبير لا عدمنا هالطله لك تحياااتي |
|
|
|
|
22-09-2006, 21:27
|
#12 |
|
شـــاعـر
|
رد : مصافحه أولى (الصديق الحقيقي)
الاخ العزيز الشاعر خربوش مرورك شرف يالغالي وشهادتك وسام على صدر من تشهد بحقه أسعدني تواجدك ولك صادق الود |
|
|
|
|
22-09-2006, 21:29
|
#13 |
|
شـــاعـر
|
رد : مصافحه أولى (الصديق الحقيقي)
الاخ العزيزالشاعر نايف سعود صح بدنك ولاهنت على مرورك الذي اضاف لهذه الصفحة الكثير من التالق لك صادق الود |
|
|
|
|
26-09-2006, 11:38
|
#14 |
|
شـــاعـر
|
رد : مصافحه أولى (الصديق الحقيقي)
الأخت والشاعره نوره العجمي صح بدنكٍ والله لا يهينكٍ على هذا المرور العاطر.. أنا كذلك سعيد بتواجدي مع هذه الكوكبه الرائعه من النجووم.. لك أرق التحايا.. |
|
|
|
|
26-09-2006, 11:40
|
#15 |
|
شـــاعـر
|
رد : مصافحه أولى (الصديق الحقيقي)
بن مدران محمد صح بدنك والله لا يهينك ولا يقصر بك .. وأنا أشكرك من كل قلبي على تشريف القصيده برأيك الذي لا غنى لنا عنه.. تحياااتي سميُك ممحمد |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
